Доллар

АҚШ долларни девальвацияга тайёрламоқда

2880
(Янгиланган 00:30 26.06.2019)
Доллар ўтган йил августга нисбатан энг паст кўрсаткичга тушиб кетди. Яқин вақтларда Трамп девальвация тўғрисида қарорни қабул қилиши мумкин.

ТОШКЕНТ, 25 июн – Sputnik. Доллар ўтган йил августга нисбатан энг паст кўрсаткичга тушиб кетди. Душанба куни, 24 июнда, Америка валюта курси 62,83 рублни ташкил қилди.

Bank of America таъкидлашича, бу охири эмас, яқин вақтларда Трамп девальвация тўғрисида қарорни қабул қилиши мумкин.

Ҳозирги Оқ уй раҳбарига кучли доллар керак эмаслиги ҳақида РИА Новости материалида танишиш мумкин.

Жуда қиммат

Америка ҳукумати миллий валютани девальвация қилиш истаги ҳақида йирик молиявий институт бўлган идора Bank of America огоҳлантирди.

Ғазначилик тегишли фармойишни қабул қилса, Нью-Йорк Федерал резерв банки валюта интервенциясига киришади: банк таҳлилчиларнинг фикрига кўра, доллар сотиб, хорижий валютани сотиб олиш бошланади.

Бу муқаррар равишда долларни заифлаштиради, Bank of America ҳисобига кўра, ҳозирда долларга 13 фоиз кўп баҳо берилган.

Bank of America таъкидлашича, валюта интервенцияси ҳақида қарорни Трамп иқтисодиётни барқарорлаштириш шиори остида қабул қилади.

2018 йилда АҚШ иқтисодиёти 2,9 фоизга кўтарилди, бироқ йил якунига келиб жиддий секинлашди.

Халқаро валюта жамғармаси башоратига кўра, яқин икки йил ичида мамлакат ЯИМ ўсиши камаяди. Миллий иқтисодиёт ва бизнес уюшмасида таъкидланганидек, 2021 йилда рецессия бўлиши мумкин.

Бунинг сабаби аниқ: ўта йирик, 22 триллион доллардан ортиқ бўлган давлат қарзи, триллион долларлик бюждет дефицити, қарздорликни таъминлаш бўйича кескин харажатларни кўпайиши, шуниндек, Хитой билан савдо урушининг кескинлашуви.

Қатор иқтисодчиларнинг фикрига кўра, фоиз ставкаларининг кутилаётган камайишига қарамасдан, “юмшоқ” рецессия 2020 йилда ҳам бўлиши мумкин.

Ўтган чоршанба куни бўлиб ўтган йиғилишда Федерал резерв асосий ставкаларни ўзгаришсиз қолдирди, бироқ ушбу идора раҳбари Жер Пауэл сўзларига кўра, бу ерда анча мослашувчан сиёсатнинг фойдаси учун ишонарли далиллар бўлган.

Регулятор стратегиясида кескин бурилишни кутаётган ҳолда доллар, олти асосий валюталар орасида зудлик билан заифлашди.

Пауэлл танқидга учради

Ўтган йили Федерал резерв тизими тўрт мата ставкани кўтарди, бу Америка иқтисодиётини тиклаш ва пулни рағбатлантиришнинг фойдасизлигидан келиб чиққан.

Бу президент Трампнинг кескин танқидига учради. Федерал резервни зиён келтирувчи ташкилот ва Америка иқтисодиётига асосий хавф эканлигини эълон қилди. Президент Жер Пауэллга бўшатиш билан таҳдид қилди.

Март ойида Федерал захира идораси ставкаларни келгусида оширишдан воз кечди. Бироқ бу Трампга кам.

Унинг сўзларига кўра, ФРТ декабрда ставкани кўтармаганда, Dow Jones индекси бир неча юз баравар юқорилаб, иқтисодиёт йилига 4-5 фоизга ўсган бўларди.  

“Улар ҳеч нарсани тушунмайди. Евро ва бошқа валюталар долларга нисбатан дивальвацияда бўлса, АҚШни фойдасиз ҳолатга қўяди. ФРТ ставкаси жуда юқори”, - деб ёзди Трамп Твиттерда.

Goldman Sachs прогноз қилишича, ФРТ июлда ставкаларни 0,25 фоизга ва сентябрда ҳам шу миқдорда камайтиради. Иқтисодиётда вазият кескин ёмонлашса, 0,5 фоизга камайтиради.

Янада камайтириш керак

Дональд Трамп очиқчасига кучли доллар сиёсатидан воз кечди. Унинг фикрига кўра, жуда қиммат валюта Америка товарлари ва хизматлари экспорти учун тўсқинлик қилади ва савдо баланси дефицитини мураккаблаштиради: 2018 йилда у 621 миллиард долларга етди.

Агар доллар нархи тушса, хорижий харидорларга Америка маҳсулотларини сотиб олиш янада фойдали бўлади.

“Бошқа давлатлар билан бизнес юрита олмайдиган ўта кучли доллар керак эмас, менга мамлакат учун фойда келтирадиган кучли доллар керак”, - деган эди Трамп.

Ўтган ҳафтада Трамп Европа марказий банки раҳбари Марио Драгига евро курсини долларга нисбатан пасайтириши ҳақида айбловларни илгари сурди.

“Марио Драги қўшимча рағбатлаштириш имконияти ҳақида ахборот берди, бу дарҳол еврони долларга нисбатан пастга тушириб, АҚШ билан рақобат қилишни осонлаштирди. Бу йиллар давомида Европаликлар, Хитой ва бошқалар билан бирга қўл келмоқда”, - деб ёзди Трамп.

Трамп фикрига кўра, Хитой доим қасддан юан курсини камайтиради, бу экспортни арзонлаштириб, АҚШ билан савдо дисбалансини кўпайтиради.  

Заиф доллар сиёсати

Экспертлар Трамп ва Молия вазири Стивен Мнучиннинг заиф доллар сиёсати охир-оқибат иқтисодий ўсишни барбод қилишидан қўрқмоқда.

“Агар сиёсат барқарор долларга қарши қаратилган бўлса, чет элликлар Американинг давлат қарзини молиялаштирмайди. АҚШ эса доллар дунё захира валютаси сифатида кўрилишидан тўлиқ боғлиқ”, - дейди CNBC банк таҳлилчиси Дик Бове.

Хорижий кредиторлар тез суратларда доллардан қутилмоқда: аср бошидан бутунжаҳон валюта захираларида унинг улуши энг паст даражага пасайди. 2008 йил глобал молиявий инқироз давридан, марказий банклар захирада максимал миқдорда АҚШ валютасини ушлаб турганда бу кўрсаткич 7 фоизга тушди.

Келгусида пасайиш доллар захира мақомига таҳдид солади. Хорижий давлат ҳукуматлари АҚШ давлат облигациялардан кўпроқ фойда келтиришини талаб қилади. Бу ўз навбатида қарз бўйича ставкаларни кўпайтиради ва инвесторларни Америка иқтисодиётини тиклаш умидини батамом йўқотади.

2880
Драка

"Арматуралар жанги": Бухорода ёш йигит кекса отахонни уриб ўлдирди

483
Спиртли ичимлик истеъмол қилиш оқибатида отахон ва ёш йигит ўртасида жанжал юзага келган. Йигит отахоннинг қўлидан арматура бўлагини тортиб олиб, уни бош, кўкрак, қорин соҳаларига бир неча маротаба уриб, тан жароҳати етказган

ТОШКЕНТ, 4 июл - Sputnik. Бухорода кекса ва ёш йигит бир-бирини дўппослади, деб хабар бермоқда Ўзбекистон ИИВ ҳузуридаги Тергов департаменти матбуот-хизмати.

Хабарда таъкидланишича, 2 июль куни эрта тонгда Шофиркон тумани ИИБга туман касалхонаси томонидан 24 ёшли М.Ф. ва 65 ёшли Я.Н., лар тан жароҳатлари олиб, мурожаат қилганликлари тўғрисида хабар берилган.

Мазкур хабар асосида ҳодиса содир бўлган жойга тергов-тезкор гуруҳи юборилган.

Олиб борилган терговга қадар текширув ҳаракатлари давомида аниқланишича отахон ўз уйида ёш йигит билан спиртли ичимлик истеъмол қилгач, ўрталарида келишмовчилик ва жанжал келиб чиққан. Чол жанжал давомида темир арматура бўлаги билан М.Ф., ни бош қисмига бир неча маротаба уриб тан жароҳати етказган. 

Шундан сўнг М.Ф. Я.Н., нинг қўлидан темир арматура бўлагини тортиб олиб, уни ҳам  танасининг бош, кўкрак, қорин соҳаларига бир неча маротаба қасддан уриб, тан жароҳати етказган, Я.Н. туман тиббиёт бирлашмасига олиб келиниб, кўрсатилган тиббий муолажаларга қарамасдан жонлантириш бўлимида вафот этган. 

Ҳолат юзасидан Шофиркон тумани ИИБ ҳузуридаги Тергов бўлими томонидан М.Ф., га нисбатан Ўзбекистон Республикаси Жиноят кодексининг 104-моддаси 3-қисми “д” банди (жабрланувчининг ўлимига сабаб бўлган қасддан баданга оғир шикаст етказиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

483

"Буни дарҳол амалга ошириш керак": АҚШ Россияни аслида нима учун жазоламоқчи

925
(Янгиланган 21:21 03.07.2020)
АҚШ конгресси спикери Ненси Пелосининг Россияга қарши янги санкцияларни дарҳол киритиш зарурлиги тўғрисидаги баёноти ҳамда америкаликлар орасида коронавирусга чалинган беморларнинг кун сайин рекорд даражада кўпайиши ўтган куннинг асосий вокеалари бўлди.

Эслатиб ўтамиз, Пелоси санкция киритиш ҳақидаги даъватини "Россиянинг америкаликларга қарши толиблар билан тил бириктириши" сингари мутлақо ақл бовар қилмас воқеа доирасида билдирган эди. Умуман олганда, воқеа Америка махсус хизматларининг ўз манбаларидан олган маълумотлари асосида эмас, балки аллақандай таҳлилчиларнинг толибларни сўроққа тутганидан кейинги хулосалардан келиб чиққан - гўёки Россия қандайдир тушунарсиз сабабларга кўра шундоқ ҳам бир неча йиллардан бери америкалик ҳарбийларни ўлдириб келаётган толибларга яна АҚШ ҳарбийларини ўлдиргани учун пул тўлаган эмиш (Россия бу кетишда шундай муваффақият билан африкаликлар туғилиш даражасини кўтариш учун пул тикиши мумкин).

Пентагон ва миллий хавфсизлик бўйича маслаҳатчи О'Брайен баёнотига кўра, бу кучли хулоса ўз тасдиғини топмаган - шу сабаб ҳам улар бу ҳақда АҚШ президентига ўз вақтида хабар беришмаган. Кўриниб турибдики, у қатори, кўплаб тасдиқланмаган уйдирма ва тахминлар ҳақида ҳам, уларнинг ўрганилиши аслида бевосита махсус хизматларнинг ишига киради.

Аммо эътиборли жиҳати шундаки, бугунги Америка энди оддий давлатнинг одатий қонунлари бўйича яшамайди (Ушбу вазиятга изоҳ берган Дмитрий Песков: "Вашингтонда ҳозирда жуда кўплаб тушунарсиз нарсалар рўй бермоқда", деган эди). У хайпларнинг ҳалокатли ички жанглари қонуни бўйича яшамоқда ва бу қонунни "Ҳеч қандай қонун йўқ", қабилида ифодалаш мумкин.

Шунинг учун, одил суд ва адолатни ўзининг мафкураси деб эълон қилган ядровий давлат вакиллар палатасининг раҳбари, давлатда биринчи шахслардан бири, ҳеч ким томонидан тасдиқланмаган аллақандай "оператив маълумот"га тушунарсиз ва деярли сиёсий хулоса билдирмоқда: бошқа ядровий давлатга қарши санкциялар қўллаш даркор ва буни ҳозироқ амалга ошириш лозим.

Ушбу маълумотни унинг ишончлилигига амин бўлмасдан туриб жамоатчиликка етказган ОАВлар эса аллақачон мамлакатнинг амалдаги президентини "унга Россия тўғрисида номақбул маълумот берилишини ёқтирмасликда" айбламоқда. Бу билан олдин бир неча бор муваффаққиятсиз якунланган "Трамп-рус жосуси" деб номланган эски иддаосини қўллашни давом эттиришмоқда.

"Куннинг иккинчи янгилигига" келсак, АҚШда ҳар куни янги аниқланган COVID-19 ҳолатлари сони рекорд даражага кўтарилиб, 50000 дан ошмоқда, бу ерда Америка ОАВлари бу хабарни қай тарзда бераётгани ҳайратланарли.

Масалан, нуфузли Huffington Post нашри шундай ёзади:

"Сўнгги авж олишнинг баъзи сабабларини май ойининг охирида нишонланган Хотира кунигача кузатиш мумкин"

CNN: 

"Трампнинг анти-ниқоб хоч юриши, унинг ўзини чақиш учун қайтиб келди".

The New York Times:

"Сўровлар шуни кўрсатадики, кўплаб америкалик эркаклар ниқоб тақишни заифлик белгиси деб билишади ва президент Трампнинг ниқоб тақишдан бош тортиши, бу масалани қўрқоқлар иши деб билишидан далолат беради".

Агар сизга таҳлилнинг ушбу кучли мисолларда бирон нарса етишмаётгандай туюлса, демак, йўқ, сизга тўғри туюлди. Бу мисолларда май ойининг охиридан то шу кунгача бутун Америка бўйлаб, ижтимоий масофага, уйда қолиш чақириғига ва бошқа барчасига тупуриб инкор қилиб минглаб прогрессив ва тўғри Black Lives Matter ҳаракати тарафдорлари жуда кўп ижтимоийлаштирилган ҳаракатларни амалга ошириб юриптилар: дўконларни вайрон қилишмоқда, биноларни ёқиб юбормоқдалар, машиналарни уришмоқда, одамларни ўлдирмоқда (ҳозирги пайтда, энг консерватив ва камтар ҳисоб-китобларга кўра, BLM ҳисобида 25 дан ортиқ жасадлар мавжуд), озчиликларга тиз чўкиб оёқларини ювишмоқда.

Юз минглар, ҳатто миллионлаб америкаликлар эҳтиёткорлик чораларига мутлақо бефарқ бўлиб, ўзларини ҳеч қандай коронавирус йўқдек тута бошладилар. Барча ташқи кузатувчиларнинг таъкидлашича, бу фақатгина мисли кўрилмаган авж олиш билан тугаши мумкин, аммо бу авжланиш юз берганида, бу ҳақда ҳақиқатни гапириш мумкин эмаслиги аён бўлди.

Шу сабабли, прогрессив таҳлилчилар одамларнинг токсик ботирлигини, Трампнинг масъулиятсизлиги ва майдаги Ҳотира кунини танқид қилмоқдалар, аммо ўжарлик билан тутаб ёнаётган катта гулхан каби яққол сабабни кўришни истамаяптилар.

Бу ерда нимани таъкидлашни истардим.

Ушбу иккита мисол битта - янада миқёсли ва қўрқинчли ҳодисанинг аломатлари эканлигига ишонишга сабаблар бор.

Уни қисқача қилиб "ҳиссий хавфсизлик мафкураси" деб аташ мумкин. Ушбу мафкурага кўра, мақсадли аудиториянинг ҳиссий қулайликка путур етказмайдиган, унинг қарашларига зид бўлмаган мантиқ ва далилларгина мавжуд бўлишга ҳақлидир.

Мақсадли аудитория учун ахир "Америкаликларнинг шилинган териси учун рус тўлови” ҳақидаги ахмоқона уйдирмасининг аҳамияти йўқ. Ва Америкада аслида коронавируснинг янги авжланиши рўй берганлиги ҳақидаги савол ҳам муҳим эмас.

Биз Оккам устарасининг қандайдир даҳшатли эмо-талқинига дуч келдик, ва унга кўра ҳар қандай ҳодисанинг асли сабабини излагандан кўра маъқул ва тўғри деб топилганини қабул қилиш яхшироқ.

Шунинг учун – "ҳар қандай қийин вазиятда Россия ва Трампни айбла".

Албатта, бу Америка аслида дуч келаётган муаммоларни - дунёнинг таниқли етакчилигини йўқотилиши ва пандемияга қарши курашишда қобилиятсизлигини ҳал қилмайди.

Аммо бу Америка жамияти ичидаги прогрессив кучларнинг жанговар активларини қондиради ва ҳозирги Америка президентининг муҳолифларига уни ковлашга имкон беради.

Дарвоқе, буларнинг барчаси баъзилар ҳали ҳам бизга ўрнак қилиб қўрсатаётган мамлакатда содир бўлмоқда. Бироқ, умумҳалқ овоз бериш натижаларига кўра, "Америкада бўлгани сингари" иборасининг сеҳрли кучи аллақачон Россияга нисбатан кучини йўқотди.

925
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

169
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

169
Теглар:
гиёҳванд моддалар, Тошкент вилояти