Протестующие с фотографиями убитого генерала КСИР Касема Сулеймани и президентом Хассаном Роухани, 3 января 2020 года

Сулаймоний парадокси: АҚШ юқори технологияли душманга ўз хоҳишини буюролмайди

878
(Янгиланган 11:44 10.01.2020)
АҚШ ва Эрон ўртасида 2020 йил бошида авж олган ҳарбий зиддият АҚШ ва НАТО юқори технологияли душманга қарши курашишга тайёр эмаслигини кўрсатди.

Эрон генерали Кассам Сулаймонийнинг 3 январга ўтар кечаси Ироқ ҳудудида ўлдирилиши америкаликларнинг минтақадаги ҳарбий-сиёсий таъсирини камайтирди. Эрон жавоби АҚШнинг Яқин Шарқдаги бир қатор рақибларини жипслаштирди ва Европадаги НАТО бўйича иттифоқчиларни тушкун кайфиятга солди.

Эрон томонидан АҚШнинг Ироқдаги иккита ҳарбий базасига ракета зарбасини амалга ошириши бу шунчаки ўзини ҳимоя қилиш ёки ақлдан озиш арафасида тажовузкордан ўч олиш эмас эди. Исломий инқилобий соқчилар корпуси (ИИСК) қўшинлари совуққон профессионализм ва аниқ нишонга олувчи қуролларнинг самарадорлигини намойиш этдилар. Америка ҳаво мудофаа тизимлари, биринчи навбатда, Patriot зенит ракета мажмуаси Эронда ишлаб чиқарилган ракеталарга қарши ожизлиги аён бўлиб қолди. Фикримча, бу Пентагон учун ёқимсиз янгилик бўлди, негаки, улар Теҳрон томонидан ҳарбий жавоб бўлишини билган ва кутган ва ракеталарнинг учирилишини аниқлаган бўлишса-да, аммо зарбаларни қайтара олмадилар.

Можаро томонлари ва уларга мойиллиги бор экспертлар Ироқ ҳудудидаги Айн ал-Ассад ва Эрбиль Америка базаларига ИИСК ракета зарбалари натижаларини турлича баҳолашмоқда. Теҳрон бир нечта жанговар самолётлар ва 80 га яқин АҚШ ҳарбийларини йўқ қилганини эълон қилди. Президент Дональд Трамп ўз Твиттерида вазиятни қуйидагича изоҳлади: "Ҳаммаси яхши! .. Бизнинг қуролли кучларимиз дунёда энг кучли ва жуда яхши қуролланган". Сунъий йўлдош ёрдамида олинган суратлар эса Эрон ракеталари томонидан Американинг йирик Айн аль-Ассад ҳарбий базасининг саккизта объекти йўқ қилинганидан далолат бермоқда, яъни нишон Эрон ҳудудидан 300 км масофада жойлашганлигига қарамасдан ўта юқори аниқлик билан мўлжалга олинган.

Жанговар фойдаланиш

Исломий Инқилобий Соқчилар Корпуси (ИИCК) АҚШнинг иккита ҳарбий базасига 35 та ҳужум уюштирилганини маълум қилди. Шу билан бирга, ИИCК: "Қўшма Штатларнинг барча иттифоқдошлари, яъни террористик-давлат базалари жойлашган мамлакатлар, Эрон Ислом Республикасига қарши тажовузкор ҳаракатлар учун асос бўладиган барча ҳудудлар бизнинг нишонимизга айланади", - дея огоҳлантирди.

Эроннинг Тасним ахборот агентлиги берган хабарга кўра, Эрон ҳарбий кучлари зарбалар учун янги авлод баллистик ракеталари, хусусан, Fateh- Fateh-313 ҳамда боеголовкаси ажралувчи ва радарларни чалғитувчи тўлқинлар тарқатувчи Qiam ракеталаридан фойдаланишган.

Ироқ армияси матбуот хизмати Ироқ ҳудудига 22 та ракета учирилганини эълон қилди. Шулардан 17 таси Айн ал-Ассад ҳарбий базасига (иккитаси портламаган) йўналтирилган, бешта ракета Эрбил ҳудудига тушган. Ироқ ҳарбийларининг таъкидлашича, барча ракеталар коалиция кучлари объектларига зарба берган (Ироқ қўшинлари жабрланмаган).

Ғарб экспертлари ва Вашингтондаги расмий манбалар эса 15 та Fateh-1 ва Zulfiqar баллистик ракеталарни санаб чиқишди, улардан ўнтаси Айн ал-Ассад базасидаги нишонларга етиб борди, бир донаси эса Эрбил базасида объектни забт этди (гўёки тўртта ракета нишонга етиб бормади). Эҳтимол, ҳақиқат рақамларнинг ўртача ҳисобида бўлса керак.

Шуни ҳисобга олиш керак-ки, ҳатто ажраладиган калла қисмига эга Qiam-1 ракетаси советларнинг суюқ ёнилғи билан ишлайдиган бир босқичли баллистик Р-17 ракетасининг Эрон бошқарув тизимига эга, оғирлиги 750 кг ва учиш масофаси 800 км бўлган мукаммаллаштирилган вариантини эслатади.

Ўзи бошқариладиган қаттиқ ёқилғида ишлайдиган Zulfiqar операцион-тактик ракетаси - Эрон мутахассислари томонидан ишлаб чиқилган ва 2016 йилда фойдаланишга топширилган. Унинг жанговар қисми тахминан 500 кг оғирликка эга, нишон масофаси 700 кмгача. Агар Эрон ҳақиқатдан ҳам ушбу баллистик ракеталарни ишлатган бўлса (Ҳаводан ҳужумга қарши мудофаа тизимлари учун у қадар мураккаб бўлмаган нишон), у ҳолда Американинг Patriot ЗРМ тизимлари қаерда эди, нега базаларга яқинлашиб қолган Qiam-1 ва Zulfiqarларни тўхтатиб қололмади? Заифлик аён.

Американинг NPR нашри сунъий йўлдош фотосуратлари орқали ИИCКнинг жанговар амалиётлари натижаларини ўрганиб чиқди ва умидсиз хулосаларга келди: "Жабрланган баъзи объектларда ракеталар нишоннинг энг марказга тушганига ўхшайди ... Эроннинг ракета зарбаси Ироқдаги Айн ал-Ассад авиабазасига жиддий зарар етказди." Ҳайратланарли аниқлик Эрон нафақат баллистик, балки қанотли ракеталардан ҳам фойдаланган деган тахминга олиб келади".

"Қаттиқ ёнғоқ" ҳаракатда

Пентагон стратеглари Global Firepower томонидан эълон қилинадиган дунё ҳарбий қудрати рейтингида  Эрон Ислом Республикаси 14-ўринни эгаллаши ва Покистон, Исроил, Шимолий Корея, Австралия, Испания ва Канададан юқорида туришини яхши билишса керак. Мамлакат аҳолиси 83 миллиондан ортиқ, бу ниҳоятда катта чақирув ресурсларидир (таққослаш учун, қўшни Ироқнинг аҳолиси - 38 миллион).

Америкаликларнинг Яқин Шарқдаги нефт қазиб олувчи давлатларни ўз ихтиёрига бўйсундириш истаги тушунарли, аммо реаллик билан алоқани йўқотмаслик керак. Эрон ИИCК ва дунёвий қўшинларга бўлинган ярим миллион қуролли кучларга эга (вазифаларнинг такрорланиши жанговар барқарорликни оширади). Эрон ракеталарни учириш ускуналари (1900 дона) америкаликларникига қараганда ҳам коинотда анча кўп. Шунингдек, 1600 та танк, уч мингга яқин артиллерия мосламаси, бир юз етмишдан ортиқ ҳужум учар аппаратлари, яхши ривожланган ҳаво мудофаа тизими(июн ойида Эрон ҳудудида RQ-4A Global Hawk Америка разведка учувчисиз аппаратини йўқ қилган эди)ни ҳам ҳисобга олиш керак. Ғарб таҳлилчилари фикрича, Эрон денгиз кучлари кемалар сони бўйича дунёда тўртинчи - АҚШдан кейинги ўринда туради (398 дона).

Пентагон баёнотига кўра, генерал Кассам Сулаймонийга қилинган ҳужум АҚШ президенти Дональд Трамп томонидан "хориждаги АҚШ ходимларини ҳимоя қилиш" мақсадида санкцияланган. Америка генераллари ва президент Эрон сиёсий иерархиясида учинчи шахсни йўқ қилиш тўғрисида буйруқ бера туриб, бунга қандай муносабат билдиришларини кутишганини тушуниш қийин. Шубҳасиз, улар Теҳрон АҚШ армиясини расман террористик ташкилот деб эълон қилиши ва уни ортидан қандай номақбул минтақавий оқибатлар келиб чиқишини тасаввур ҳам қилишмаган.

Қуролли можаро кучайиши фонида Америка иттифоқчиларининг муносабати қизиқ.

Эрон махсус бўлинмаси бўлмиш "Ал-Қудс" қўмондони - генерал Кассам Сулаймонийнинг ўлдирилишини НАТО дарҳол АҚШнинг мустақил қарори, деб атади. Бундан ташқари, ИИCК ракета зарбаси арафасида НАТОдаги Америка иттифоқчилари Ироқдан деярли қочиб кетдилар: Испания, Канада ва Хорватия ҳарбий қисмлари Қувайтга йўл олишди. Бағдоддаги "Қатъий журъат" операцияси штаби ҳам шу томонга йўл олди. Эрон зарбасидан бир неча соат олдин ҳатто оз сонли Литва ҳарбий хизматчилари ҳам Америка базасини тарк этишди. Латвия эса, агар мамлакат ҳукумати НАТО қўшинларини олиб чиқиш тўғрисидаги парламент резолюциясини қўллаб-қувватласа, Ироқни бутунлай тарк этишга тайёрлигини билдирди. Аввалроқ, Эрон президенти Ҳасан Руҳоний Ироқ парламенти АҚШни мамлакат ва минтақадан қувиб чиқариш йўлини тайёрлаб қўйганини маълум қилганди.

Эрон АҚШнинг Ироқдаги базаларига қилган зарбасини АҚШ "юзига тарсаки" деб атади ва бу ҳозирги вазиятдаги энг юмшоқ таърифдир. Эроннинг (кўпчилик эронликлар учун миллий қаҳрамон бўлган) нуфузли ҳарбий етакчисини ўлдириш бўйича стратегик режалар ва бу қотилликка ундаган мотивларга қарамай, Қўшма Штатлар ўзи учун ўта салбий натижани олди.

878
Корабли НАТО в Балтийском море во время учений

Янги совуқ  уруш: Америка денгиз пиёдалари нега Шимолда тўпланмоқда

250
(Янгиланган 15:21 25.01.2021)
Россияни жиловлаб туриш баҳонасида АҚШ ва Норвегия Арктикада янги совуқ урушни ва қуролланиш пайгасини бошлаб юборишган.

ТОШКЕНТ, 25 янв — Sputnik, Николай Протопопов. АҚШ армияси Норвегияда, Россия чегараларига яқин жойда тўпланмоқда. Январ ойида ушбу қирғоқда мингга яқин АҚШ денгиз пиёдалари олиб келинган эди. Шу билан бирга америка сиёсатчилари ва генераллари тинимсиз равишда Арктикада танглик ошиб бораётганини ҳақида баёнот бермоқда. Аслида ушбу тангликни уларнинг ўзлари яратмоқда. Пентагон Норвегияни  нималарга тайёрлаётгани ҳақида РИА Новости мақоласида.

Викинглар уйига меҳмонга

Америкаликлар “денгиз кучларининг Шимолий Каролинадан Норвегияга олиб келишига “оддий ротация” сабаб деб, бир неча йилдан буён Россия чегаралари яқинида ўз ҳарбий контингентни доимий сақлаб турмоқда.

Уларнинг вазифаси – НАТОдаги ҳамкасабалари билан биргаликда ҳаракат қилишни машқ қилиш ва норвегиялик инструкторлар қўли остида совуқ шимол иқлимида жанговар ҳаракатлар олиб боришни ўрганишдир.

Феврал ойида Америка, Норвегия, Голландия ва Англия аскарлари – жами 10 мингга яқин, Joint Viking 2021 номли кенг кўламли ҳарбий ўқув-машғулотларида иштирок этади. НАТОчилар қўшинларни катта масофага тезда етказиш, барча даражада техкор ахборот алмашиш тизимини синаб кўришни машқ қилишади ва бир неча операциялар ўтказишади.

JointViking ҳарбий ўқув-машғулотлари ҳар йили бўлиб ўтади. Унда НАТО қўшинлари – бронетехника, артиллерия, авиация, ҳарбий кемалар ва сув ости кемалари иштирокида, аксарият ўрмон ва тоғлардан иборат бир неча юз квадрат километр майдонда, юқори интенсивли жанговар ҳаракатларни машқ қилишади.

Ҳарбий эксперт Александр Жилин айтишига кўра, АҚШ ўз ҳарбий доктринасига кўра, уларнинг армияси, асосан, хорижда жанг қилишни ўрганмоқда.

“Шу сабабли ҳам америка ҳарбийлари доимий равишда турли давлатларда пайдо бўлиб, у ерда разведка, аэродромларни текшириш, денгиз йўлларини текшириш билан шуғулланишади, дейди Жилин. –Бошқа давлатлар ҳарбийлари билан олиб биргаликда ўтказиладиган машғулотларга алоҳида эътибор берилади, чунки АҚШ ҳар доим бировлар қўли билан жанг қилади”.

Эксперт хулосасига кўра, Пентагон вазиятни атайлаб танг қилмоқда. Чунки АҚШ ва НАТО Арктикага даъво қилишда давом этишмоқда.

“Денгиз пиёдалари ўқув-машғулотларида ҳужум операциялари машқ қилинмоқда, ҳимоя эмас – дейди Жилин. – Жумладан Россияга қарши ҳаракатлар ҳам. НАТОнинг Европадаги ҳаракатлари умумий таҳлил қилинганда - улар Москва учун танглик ҳудудлари ташкил қилишга қаратилганини кўриш мумкин. Бизнинг армиямиз ҳам Норвегияда содир бўлаётган воқеаларга бефарқ қараб тура олмайди. Ваҳима йўқ, лекин куч ва ресурсларни сарфлашга тўғри келмоқда – биз вазиятни тўлиқ назорат остига олишимиз керак, ҳеч қандай провокацияга йўл қўймаслигимиз керак”.

Шимолий плацдарм

“Валдай” таҳлилий клуби эксперти Артем Куреев айтишига қараганда, Арктика шароитида жанг қилишни ўрганиш учун америкаликларнинг Аляскада жойлашган ривожланган инфратузилмаси бор. Лекин шунга қарамасдан улар Норвегияда машқ қилишни хуш кўришади.

“Аслида ушбу машғулотлар НАТОда етакчиликни сақлаб туриш учун керак. Норвегия – НАТОнинг энг “эски” аъзоларидан биридир. Осло Россияни ўзига душман деб билади. Совуқ уруш йиллари вақтида норвегияликлар Арктикада СССРга қаршилик кўрсатиш учун инфратузилма яратиб, ундан ҳозиргача фойдаланиб келишмоқда. Агар вазият ҳақиқатдан ҳам кескинлашса, Шимолий Норвегия дарҳол Россиянинг Мурманск шаҳри йўлида бош плацдармига айланади”.

Ҳарбий денгиз флоти ва Денгиз пиёдалари корпусининг янги стратегиясига кўра, Вашингтон Арктикадан бошқа давлатларни сиқиб чиқариб, у ерга ўзи ўрнашиб олишни истайди. "АҚШ ҳарбий-денгизчиларисиз Арктика ҳудудида тинчлик ва фаравонликка Россия ва Хитой халал беради”, - дейилган АҚШ ҲДФнинг янги 10 йиллик доктринасида.

АҚШ ҲДФ вазири Кеннет Брейтуэйт айтишига кўра, Пентагон Арктикада “Узоқ Шимолда Москванинг кенгайишини олдини олиш ва Россия қирғоқлари яқинидаги акваторияни назорат қилиш учун”  Арктикада доимий равишда жанговар сув усти ва сув ости кемаларини, шунингдек кучли қуруқлик қўшинларини жойлаштириш ҳам режалаштирилган.

Норвегия мудофаа вазири Франк Бакке-Йенсен, айтишига қараганда - давлати хавфсизлик сиёсатининг асосий йўналиши – Арктика ва Россиянинг ҳудуддаги фаоллигидир. Ушбу йўналишда трансатлантик алоқалар – ҳал қилувчи аҳамиятга эга. Узоқ Шимолда Норвегия НАТО бўйича ҳал қилувчи иттифоқчиларнинг кучайиши тарафдоридир.

“АҚШ ҲДФ, денгиз пиёдалари, махсус кучлар, ҳарбий ҳаво кучлари ва космик кучлари билан биргаликда Арктикада ҳамкорлар билан стратегик алоқаларни ривожлантирамиз, - деди вазир. – Бу Узоқ Шимолда иттифоқчи ҳарбий-денгиз ва ҳарбий-ҳаво кучларининг доимий ўқув-машғулот олиб боришини назарда тутади. Норвегия ушбу тадбирларда иштирок этиб, иттифоқчилар билан оператив ҳамкорликни ривожлантириш ниятида".

Барча фронтлар бўйлаб

Айтиш жоизки, АҚШ Шимолда жиддий ўрнашиб олган ва бунда Норвегиянинг аҳамияти жуда катта бўлди. Ўтган йилнинг сентябрида Тромсе портига Seawolf классига мансуб сув ости кемаси етиб келган эди. Унинг асосий миссияси – Россия сув ости кемалари йўналишини кузатишдир.

Бироз олдин бўлса АҚШ Россияни Шимолда “жиловлаб туриш” учун 2011 йилда тарқатиб юборилган Иккинчи флотини қайта тиклаган эди.

Совуқ урушнинг яна бир белгиси – 1960 йиллардан қурилган Норвегияннг Олавсверн ер ости ҳарбий базаси фаолияти қайта тикланмоқда. Олавсверн – Россия чегарасидан 350 км масофада жойлашган бўлиб, ундан сув ости ва сув усти кемаларини таъмирлаш, ўқ-дориларни сақлаш учун фойдаланилади. Совуқ уруш даврида бу ерда жойлаштирилган ҳарбий кемалар Совет Иттифофи ҲДФга Норвегия денгизи ва Шимолий Атлантикага чиқиш йўлини тўсиб қўйиши мумкин деб ҳисобланган.

Пентагон Арктикада ҳарбий-ҳаво кучларини оширишга жиддий қарор қилган. Ўтган йил Америка ва Норвегия ҳарбий кучларининг кенг кўламли ўқув-машғулотлари бўлиб ўтди. Бирданига 6та B-52 Stratofortress - стратегик бомбардимончи самолётлар Шимолий полюс устидан учиб ўтиб Норвегия стратегик қирувчилари билан биргаликда синов парвозлари амалга оширди.

Февралда эса Пентагон Техасдан Норвегиядаги Эрланд авиабазасига 4та товуш тезлигидан тез учадиган B-1BLancer стратегик бомбардимончиларини жойлаштирди.

250

"Русларнинг нозик жойига урамиз": НАТО нимани режалаштирган

1922
(Янгиланган 21:30 22.01.2021)
Ҳарбий контингентни ошириш, армия инфратузилмаси қурилиши ва халқаро миқёсда янада жипслашиш - 2021 йилда НAТО Россия ғарбий чегараларига босимни кучайтиради.

ТОШКЕНТ, 22 янв — Sputnik, Андрей Коц. Ҳарбий контингентни кўпайтириш, армия инфратузилмасининг қурилиши ва халқаро миқёсда янада жипслашиш - 2021 йилда НAТО Россиянинг ғарбий чегараларига босимни кучайтиради. Май-июнь ойларида альянс совуқ уруш давридан буён энг йирик Defender Europe 2021 манёврларини ўтказади. Бунга жавобан Россия ва Беларусь кўламдорлиги жиҳатдан қолишмайдиган "Ғарб-2021" ҳамкорликдаги машғулотларни сентябр ойида ўтказишни режалаштирган. Буларнинг барчаси нима билан тугаши мумкинлиги ҳақида — РИА Новости материалида ўқинг.

Жанг майдони — Европа

Defender Europe 2021да, аввалгидек, Шарқий Европа ва Болтиқбўйида мудофаа ва ҳужум ҳаракатлари машқ қилинади. Машғулотлар афсонасига кўра, НАТО қўшинларига Калининград вилоятига штурм уюштириш, Россия ғарбий вилоятларини блоклашга, шунингдек, "русларнинг ёппасига ҳужумини" қайтаришга тўғри келади. Ўтган йилгилардан фарқли равишда, 2021-йилда алоҳида эътибор Шарқий эмас, балки Жанубий Европага қаратилади. Манёврлар Черногория, Косово ва Албанияда режалаштирилган. Болгария ва Руминияда Ҳаводан ҳужумга қарши машғулотлар ўтказилади ва "ер - ер" синфидаги ракеталардан ўт очиш амалга оширилади. Венгрия эса бошланаётган "урушнинг" орқа томони сифатида хизмат қилади.

Aмерикаликлар Европага кучларнинг асосий қисмини кўчиради, жумладан 1-отлиқлар ва 82-ҳаво-десант дивизиялари бўлинмаларини. Aтлантика океанидан юзлаб турли мақсадлар учун мўлжалланган ҳарбий техникалар олиб ўтилади. Бундан ташқари, Флорида штатидан 53-пиёда бригадаси етказиб берилади. Машғулотлардан сўнг америкаликлар баъзи қуролларни яна Европада "унутиб қўйишлари" ҳам истисно эмас, бу биринчи бор содир бўлмаяпти, ахир. Мутахассислар фикрига кўра, шу тариқа Пентагон йилдан-йилга минтақадаги ҳужум имкониятларини ошириб бормоқда.

Defender Europe 2021га жавобан Россия ва Беларусь сентябр ойида "Ғарб-2021" манёврларини ўтказади. Душанба куни Беларусь Мудофаа вазири Виктор Хренин маълум қилганидек, "қўшма машқлар юқори даражадаги шаҳарлашган шароитда бирлаштирилган ҳужум бўлинмалари томонидан қўшма ҳаракатларнинг янги усулларини синовдан ўтказиш"га, шунингдек, "янги ва модернизация қилинган қурол ва техника намуналари самарадорлигини баҳолаш"га имкон беради.

Минскда, стратегик манёвралар "кучли иттифоқчилик муносабатлари ва Беларусь ва Россиянинг мудофаа идораларининг Иттифоқ давлат ҳарбий хавфсизлигини таъминлаш бўйича қарашлари бирлигини" акс эттиришини қайд этишди.

Кучни кўз-кўз қилиш

Иккала томон ҳам маневралар бирон бир давлатга ёки ҳарбий блокга қарши йўналтирилмагани тўғрисидаги одатдаги дипломатик иборалардан фойдаланмадилар. НAТО кучлари томонидан Калининградга ҳужум саҳнасини машқ қилиш ва рус ҳарбий хизматчиларининг шаҳарда кечадиган жангларга тайёрланишлари, ким кимга қарши жанг қилишини аниқ намоён этиб турибди. Aлбатта, кенг кўламли қуролли тўқнашув эҳтимоли жуда кичик, аммо реал.

Мутахассислар фикрига кўра, НАТОнинг 2021 йилдаги ҳаракатлари АҚШдаги ҳукумат алмашувига бевосита таъсир кўрсатади. Дональд Трамп президентлигининг тўрт йилида Шимолий атлантика блоки бирлиги сезиларли кучсизланди. Оқ уй эгаси биринчи галда америка манфаатларини кўзлашини яширмас, ва ҳатто альянсдан чиқиш имконияти борлигини ҳам истисно этмасди. Бундай оҳанг Европада кучли ташвишни келтириб чиқарди, яна бир бор ЕИ армияси ҳақидаги масала кўтарилди. Янги президент, кўриниб турибдики, ҳаммасини тўғрилашга ҳаракат қилади.

"Россия ва НАТО ўртасидаги муносабатлар бу йил ёмонлашиб боради, — деб ҳисоблайди Геосиёсий масалалар Академиясининг биринчи вице-президенти Константин Сивков. — Байден альянсни қайта тикламоқчи ва сафарбар шай ҳолатга келтирмоқчи. Бунинг учун эса ташқи душман керак. Хитой жуда узоқ бўлгани учун, Россия бу рольга ҳаммадан яхши мос келади. Вашингтонга ташқи душман образи америка жамиятини жипслаштириш учун ҳам керак".

Пул ишлаш

Бироқ, мутахассисларнинг фикрича, аслида НAТОнинг Россияга қарши аниқ тажовузкор режалари йўқ. Aмерикаликлар учун альянснинг кейинги кенгайтирилиши - бу пул ишлашнинг ва Европани ўзига янада кучлироқ боғлашнинг усулидир. Вашингтон Трампгача бўлган даврга қайтади ва Кўхна дунё ишларига аралашувни кучайтиради.

"Мени наздимда, 2021-йилда НАТО ҳарбий ташкилотдан аллақандай глобал корпорацияга айланаётганини намойиш этади, — дея тушунтиради америкачи-сиёсатшунос Сергей Судаков. — Альянснинг муҳим масаласи аввалгидек ҳамон долзарб — бу молиялаштириш. Мусиқани пулини тўлаган буюради. Бюджетнинг учдан икки қисмини АҚШ таъминлайди, ва бу ҳеч кимга сир эмас. Биз ҳаражатлар уч миллион доллардан ошиб тушганини яхши биламиз. Ва энг аввало - Вашингтон туфайли. Европа давлатлари АҚШдан поставкаларга умид қилишади - ҳатто сухой паёкларгача. Буни американинг улкан мудофаа бюджети қўллаб-қувватлайди — НАТО манфаатларида ҳаракат қиладиган корпорациялар жуда улкае миқдорда даромад кўришади".

Эксперт Шимолий Aтлантика альянсининг бугунги фаолиятини бир чўнтакдан бошқасига пул ўтказишга қиёслади. Вашингтон НAТОга пул ажратади, иттифоқчилар бу маблағларга Aмерика техникаси ва қуролларини сотиб олиш учун фойдаланади ва шу билан доира ёпилади.

Байден давридаги AҚШ Европа учун ҳарбий маҳсулотлар учун асосий бозорлардан бири бўлиб қолади. Демак, океан ортидан Россияга қарши риторика кучайишини кутишимиз керак. Aммо аксарият мутахассислар шунга аминки: Вашингтон ва Брюссел дунёда қудрати бўйича иккинчи ўринда турадиган армия кучини синаб кўришга журъат этолмаса керак.

1922

Россия ҳарбийлари “душман” ҳаво ҳужумини қайтарди - видео

0
Болтиқ флотининг "Ярослав Мудрий" патрул кемасининг экипажи рақиб ҳаво ҳужумини қайтариш бўйича машқ ўтказди.

"Душман" ролини Су-24 бомбардимончилари ва Ка-27 денгиз ости кемаларига қарши вертолётлар ижро этди.

"Кортик" жанговар ракета-артиллерия комплекси ёрдамида ўқув ҳужуми муваффақиятли ўтди.

0