Иранцы сжигают американский флаг во время демонстраций против американских преступлений в Тегеране

Трамп ва Эрон можаросида Путин ғалаба қозонди америка ОАВлари

5495
(Янгиланган 14:47 10.01.2020)
АҚШ ОАВлари Яқин Шарқда сўнгги кунларда юз бераётган воқеаларга ўзларига хос услубда баҳо беришди. Уларнинг аксарияти ушбу "тўқнашувда" Путин ғалаба қозонганини таъкидлашмоқда.

ТОШКЕНТ, 10 янв – Sputnik. Яқин Шарқдаги инқироз, Вашингтон-Теҳрон можаросини авж олишини (ёки олмаслигини) етарли даражада тахмин қилиб бўлмайди. Вазиятнинг кўп жиҳатлари жуда тез ўзгариб кетиши мумкин, деб ёзади РИА Новости колумнисти Иван Данилов.

Қарама-қарши томонларнинг раҳбарлари қарор қабул қилишда фойдаланадиган жуда кўп омиллар ҳозирча оммага ошкор қилинмайди. Бироқ, барча бу чекловлар бизнинг ғарблик ҳамкасбларимизни тўхтата олмайди: Америка манбалари ўзларининг ўқувчилари ва тингловчиларига тақдим этаётган АҚШнинг Ироқ ва Эрондаги хатти-ҳаракатлари ҳақидаги хулосаларини таҳлил қилсак, уларнинг нуқтаи назари бўйича ғолиб аллақачон аниқланган - бу Владимир Путин.

Ғарб ахборот майдонида Россия АҚШ-Эрон можаросидан қандай фойда кўриши тўғрисида бирор аниы тўхтамга келинмаган, лекин чет эл ОАВлари ўз ўқувчиларига турли хил вариантлар, усуллар ва сценарийларни таклиф қилишмоқда.

Адолат юзасидан шуни таъкидлаш керак-ки, бу позиция маълум бир эволюция натижасидир, яъни Нью-Йорк ва Вашингтон нашрларида дастлабки таассуротлар умуман бошқача эди. Масалан, 7-январ куни Дональд Трампни унчалик ёқтирмайдиган Блумберг бизнес-маълумот агентлиги, ўзига хос бўлмаган материални нашр қилди. Материалнинг асосий мазмуни: "Путинга ҳозир Эрон бўйича "Б” режаси керак. Қосим Сулаймонийнинг ўлими Россиянинг Сурия, Эрон ва Туркия бўйича ҳисоб-китобларидаги ўзгаришларга олиб келиши мумкин”.

Google қидирув тизимида эса ушбу мақола "Трамп Путиннинг Яқин Шарқ бўйича бош режасини йўққа чиқарди" деб номланган жарангдор сарлавҳаси остида пайдо бўлди.

Трампнинг агрессив хатти-ҳаракатлари туфайли Россиянинг Яқин Шарқдаги режаларини барбод бўлишига ишонганларнинг мантиғини тушуниш мумкин. Иложи борича схематик тарзда айтсак, ҳисоб-китоб қуйидагича эди: Сулаймонийни ўлдиргандан сўнг, Теҳрон шунчаки иложи борича қаттиқроқ жавоб беришга мажбур бўлади, бу эса Трамп маъмуриятини Эронга янада қаттиқ зарба беришга мажбур қилади. Эскалациянинг ривожланиши охир оқибат Эронга шунчалик зарар келтирадики, бу минтақадаги етакчи мамлакат ролини ўйнашга мутлақо имкон бермай қўяди. Блумберг таъкидлаган ушбу сценарийда Россия Сурияни ва унинг раҳбари Башар Асадни "таслим қилинишига қўйиб беришдан" бошқа чораси қолмайди деб тахмин қилмоқда.

Амалиёт назариядан кўра мураккаброқ бўлиб чиқди ва Россиянинг Яқин Шарқ режалари учун апокалиптик сценарийси бир вақтнинг ўзида иккита муҳим нуқтада муваффақиятсизликка учради. Биринчидан, Эрон "жарроҳлик" жавоб усулини танлади осонгина ўзининг ҳарбий имкониятларини баён қилиб. Иккинчидан, Дональд Трамп маъмурияти нуфузли республикачиларнинг чақириқлари ва Трампнинг ваъдаларига қарамай, Эрон нефтни қайта ишлаш заводлари ёки "маданий мерос объектларини" (яъни машҳур масжидларни) бомбардимон қилмади.

Вазиятни таҳлил қилиб, Америка ОАВ ўқувчиларга Россия Яқин Шарқдаги инқирознинг янги босқичининг деярли асосий фойда олувчиси бўлганлигини ёки шунга яқинлашаётганини тушунтиришга уринишни бошлади. Баъзан улар Дональд Трамп деярли Владимир Путинга ёрдам берган деб таъкидлашмоқда.

"Foreign Policy" ихтисослашган журнали фикрига кўра, АҚШнинг Эрон билан можаросининг кучайиши "Путинга ўзининг узоқ вақтлардан бери кўзлаётган икки мақсадига эришиш учун янги имкониятлар беради: АҚШга бўлган ишончни сусайтириш ва Россиянинг Яқин Шарқдаги мавқеини кенгайтириш".

Эксперт баҳоси сифатида, журнал Center for a New American Security таҳлил маркази тадқиқотчиси ва Миллий разведка кенгашининг (Америка разведка хизматларини стратегик режалаштиришни мувофиқлаштирувчи тузилма) Россия  ва Евроосиё бўйича собиқ мутаҳассиси Андреи Кендалл-Тейлорнинг фикрини келтирмоқда: "Путин Қўшма Штатларнинг бир томонлама ҳаракатларига қарши курашиш унинг шахсий вазифаси деб ҳисоблайди ва у ўзгарувчан вазиятлардан фойдаланишга мойил. Шунинг учун Вашингтонни мавкеъини булғаш максадида Сулаймонининг қотиллиги ва ҳар қандай бошқа беқарорлик ва зиддиятлардан фойдаланиш учун ҳар қандай имкониятдан фойдаланишга интилади."

Америкалик мутахассиснинг Россия раҳбариятининг фикрларини ўқий олишига бўлган ишончини қавс ортига чиқарган ҳолда, шуни таъкидлаш керакки, Яқин Шарқда АҚШнинг обрўсига путур етказиш учун Москва ёки бошқа ташқи кучларнинг саъй-ҳаракатлари керак эмас. Вашингтоннинг ўз ҳаракатлари етарли. Асосийси - аралашмаслик.

Американинг "The Slate" нашри ўз фикрларини умуман “қоғозга ўрамай” ифода қилишдан тойимайди: "АҚШ ва Эрон ўртасидаги қарама-қаршиликнинг ягона ғолиби - Россия. Бу Владимир Путин учун жуда мос бўлган инқироз" деб ёзган нашр.

"The Slate" муаллифларининг позицияси мантиқий ва анча изчил. Улар Сулаймонийнинг ўлдирилишининг эҳтимолий оқибатларидан бири маҳаллий ҳокимият босими остида АҚШ қўшинларини Ироқдан олиб чиқиб кетишидир. Ва кейинчалик оқибатларни таҳмин қилиш осон. "Агар Ироқда қўшинлар бўлмаса, АҚШнинг Суриядаги (ҳарбий) иштирокини сақлаб қолиш қийин бўлади. Бу бўшлиқ Москвага жиддий сиёсий таъсирга эга минтақавий ўйинчи сифатида ўз мавқеини мустаҳкамлаб, минтақада маневр қилиш учун кенг имконият яратиши мумкин.

Россиянинг минтақадаги мавқеъини кучайтирилишидан ташқари Сулаймонийнинг ўлдирилиши Россиянинг мақсадларига ёрдам беради - Вашингтон ва унинг шериклари ўртасида келишмовчилик юзага келтириш, шунингдек, АҚШни олдиндан ҳатти-ҳаракатларини таҳмин қилиб бўлмайдиган ва ҳамиша урушга ўч давлат сифатида бутун дунёга тарғиб қилиш. Россия АҚШнинг Яқин Шарқдаги шериклари билан алоқаларига дарз кетишига аллақачон эришди”. Яъни, Қўшма Штатлар учун, улар ўз аскарларини Ироқда ушлаб турган тақдирда ҳам муваффаққиятсизликлар бошларига тушади.

Россия президентисиз АҚШнинг ғарбий иттифоқчилари Вашингтонни жуда беқарор, ишончсиз, худбин ва геосиёсий майдонда ўта тажовузкор ўйинчи, деган хулосага кела олмаганликлари ажабланарли даражада. Умуман олганда, бундай хулосаларга келиш учун Москва билан яқин алоқалар керак эмас: шунчаки янгиликларни ўқишингиз ва Давлат департаменти ва Пентагон вакилларини тинглашингиз, шунингдек, Трампнинг твиттери билан танишишингиз кифоя.

Associated Press агентлиги аслида кимнидир ишонтиришга ва биронта ишга жалб қилишга уринаётган Кремль эмаслигини, балки Европа (ва нафақат Европа) раҳбарлари Россияга мурожаат қилишаётганини, эҳтимол бизнинг мамлакатимизда мулоқот учун ишончли ва башорат қилинадиган шерикни кўраётганини кўрсатмоқда:

"Путиннинг сешанба куни Сурияга ташрифи сўнгги ойларда вужудга келган воқеликни рамзидир: АҚШнинг Яқин Шарқдаги стратегияси кўплаб АҚШ иттифоқчилари учун сирдир ва Россия эса ҳар қандай бўшлиқни тўлдиришга тайёр. Вазиятнинг бундай ўзгариши АҚШ иттифоқчиларини кўплаб қийинчиликларга дучор қилди – ва ёки уларни шерик излаш мақсадида Россияга мурожаат қилишга мажбур қилди. Франция президенти Эммануель Макрон жума куни Американинг дрон ҳужуми ҳақида эшитганидан кейин Путин билан гаплашган биринчи дунё раҳбари бўлди. Айни шу дамда, Германия канцлери Ангела Меркель Яқин Шарқ муаммосини муҳокама қилиш учун Кремльга сафар уюштирди."

Ғарблик мухолифларимизнинг ахборот уруши ҳақидаги башоратлари қай даражади амалга ошишига қарамай, АҚШнинг хатти-ҳаракатлари ҳатто ўзининг энг яқин шериклари орасида ҳам олдингидай қўллаб-қувватланмаётганлиги аниқ. Америка расмийлари ҳам бундан шикоят қилмоқдалар, аммо улар айнан шундай вазиятга кўникишлари керак. Эртами-кечми Вашингтоннинг хатти-ҳаракати барча жабрланганлар (шу жумладан иттифоқчилар) Қўшма Штатлардан узоқлашиш ва ўзини хаммадан устун қўйишлиги , иқтисодий шантаж ва ҳарбий саргузаштлари билан кечадиган Америка худбинлигидан ҳимоя қилишига олиб келиши керак эди.

Ушбу тенденция нафақат келгуси йил, балки кейинги ўн йилликлардаги геосиёсий мувофиқлаштиришга жиддий таъсир кўрсатади. Бу борада чет эллик мутахассислар фикрига қўшилмасликнинг иложи йўқ - бундан Россия фақат фойда топади.

5495
Мавзу:
АҚШ – Эрон можароси (36)
Стихийный лагерь мигрантов из ЦА в Оренбургской области на границе РФ и Казахстана

Рус-қозоқ чегарасидаги ҳодиса: мигрантлар қандай қилиб фирибгарлар қурбонига айланди

262
Самара ва Оренбургдаги учта лагердаги мигрантлар уйларига кетишмоқда: Қирғизистон фуқаролари Россиядан автобусларда кетишди, Ўзбекистон фуқаролари эса жумага ўтар кечаси икки поездда уйларига жўнаб кетишади.

ТОШКЕНТ, 6 авг — Sputnik. Ўзбекистонлик ва қирғизистонлик мигрантларнинг Самара ва Оренбург вилоятлари чегарасида Россия ҳуқуқни муҳофаза қилувчи орган ходимлари билан можароси ҳақида хабар ОАВда энди ёритила бошлаганда, уларни ватанга қайтариш масаласи деярли ҳал қилиб бўлинган эди.

Россия ва Қозоғистон чегараси яқинида учта лагерь қурилган: иккитаси Оренбург вилоятининг Бузулук, Самара вилоятининг Большая Черниговка туманида, яна бир эса ушбу икки туман маъмурий чегарасидаги катта автомобиль йўли бўйлаб.

Айнан ўша сўнгги лагерда можаро юзага келган. У ерда яшаш учун шароит ўзига яраша эди.

Стихийный палаточный лагерь мигрантов в Оренбургской области на границе РФ и Казахстана
© Sputnik /
Стихийный палаточный лагерь мигрантов в Оренбургской области на границе РФ и Казахстана

Ушбу лагерларда уйга қайтишни истаган, бироқ ёпиқ чегара олдида қолиб кетган Ўзбекистон ва Қирғизистон фуқаролари яшаб келишган. Аммо уларнинг бу ерга келиб қолиши тасодифан келиб қолишмаган: мигрантлар ортидан фирибгар ватандошлар пул ишлашган.

Оренбург вилояти маъмурияти: қўлимиздан келгунча ёрдам бердик

“Барча давлат ҳукуматлари мигрантларга уйларига кетишда ёрдам бериш керак деган фикрга келишди ва яшил йўлак очишди. Қирғизлар икки минг нафардан зиёд эди. Улар икки кун ичида жўнаб кетишди, сешанба куни улар минган охирги автобус кетди. Ўзбеклар эса туманимизда 700 нафарга яқин эди, ҳозир улар Бузулук-Тошкент поездига чипта харид қилишмоқда ва пайшанба куни тунда уйларига кетишади”, - деди Sputnik нашрига Бузулук тумани маъмуриятининг ижтимоий масалалар бўйича раҳбарининг ўринбосари Татьяна Успанова.

Стихийный лагерь мигрантов из ЦА в Оренбургской области на границе РФ и Казахстана
© Sputnik /
Стихийный лагерь мигрантов из ЦА в Оренбургской области на границе РФ и Казахстана

У майдонда кўплаб мигрантлар тўплангани ҳақида хабарлар пайдо бўлиши биланоқ, туман маъмурияти уларга қўлдан келгунча ёрдам беришга ҳаракат қилган: чодирли шаҳарчага электр энергияси ўтказилган, ичимлик суви берилган, ахлат қутилари ўрнатилган, ҳожатхоналар қурилган.

Обитатели стихийного лагеря мигрантов в Оренбургской области РФ
© Sputnik /
Обитатели стихийного лагеря мигрантов в Оренбургской области РФ

“Тўғри, қишлоқ жойлар учун мўлжалланган, агар ушбу майдонларда шу пайтгача ҳеч қандай цивилизация бўлмаганини ҳисобга олинса, бу ҳеч нарса бўлмагандан кўра яхшироқ”, - дея давом эттиради сўзларини Успанова.

“Лагерга ваташдошлар келиб, мигрантларга ёрдам кўрсатишарди. Мунтазам равишда тадбиркорлар бўлиб, иш таклиф қилишарди. Шуниси қизиқки, ҳеч кимнинг меҳнат қилишга хоҳиши йўқ эди. Яшаш учун етарлича маблағ бор эди, шекилли”, - дейди у.

В стихийный палаточный лагерь мигрантов привезли продовольствие
© Sputnik /
В стихийный палаточный лагерь мигрантов привезли продовольствие

Мигрантлар фирибгар таксичиларнинг тузоғига илинди

“Ҳозир Бузулук туманидаги лагерь ёпиқ. Одамлар жўнашга тайёр бўлиб турибди”, - дейди Успанова. Шунингдек, у барча бундай чодирли лагерь пайдо бўлганидан норозилик билдираётгани қўшимча қилди.

“Бу ғирт алдов-ку – одамлар бу ерда уйига кетиш истагини билдирган мигрантларни кутиб турган пансионат ва санатория борлиги айтилган ижтимоий тармоқлардаги хабарга ишонишган. Гўёки бу ерда икки кишилик хона ва уч маҳал овқат берилади. Бунинг устига ҳаммаси бепул. Гўёки ватанга кетиш учун  аниқ жадвал бор. Бу ерда бутун Россия бўйлаб келишган: Москва, Сахалин, Воронеж, Пермь, Краснодар, Тюмендан. Бу ерга келиб яланг майдонни кўришган”, - деди у.

Мигранты в стихийно образованном лагере в Оренбургской области набирают воду из баков
© Sputnik /
Мигранты в стихийно образованном лагере в Оренбургской области набирают воду из баков

Успанова шунга ўхшаш хабарлар миллий гуруҳларда тарқатилиши тўхтатилмаса, бўшаб қолган лагерь ўрнида яна чодирлар тикилиши мумкинлигидан хавотир билдирди.

“Одамларга раҳминг келади, улар ишониб, бу ерга келишади. <...> Шунга ўхшаш манбалардан бири телеграмдаги таксичилар канали. У ерда шунақа хабарлар жойлаштирилган. Таксичилар мигрантларни Ўзбекистонга олиб боришни таклиф қилишган, катта пул олишган, лекин чегарада уларни машинадан тушириб қолдириб, ўзлари жўнаб кетишган”, - дея ҳикоя қилади Бутунроссия ўзбеклар, ўзбекистонликлар конгрессининг минтақа бўлими раҳбари Диляра Сабирова.

У бир лагердан иккинчисига келиб, ватандошлар дуч келган муаммоларни ҳал қилишда ёрдам берган.

“Биз Ўзбекистон фуқароларини уйга жўнатишга тайёргарлик кўряпмиз. Бугун республиканинг бош консули келиб кетди, биргаликда рўйхат, одамлар сонини солиштириб чиқдик. 7 августга ўтар кечаси Ўзбекистонга иккита поезд жўнаб кетади”, - дея енгил нафас олади Сабирова.

16 та вагондан иборат битта поезд Оренбург вилоятидаги “Бузулук”, 20 та вагондан иборат иккинчиси Самара вилоятидаги “Кинель” станциясига келади ва жумага ўтар кечаси 1,5 минг нафарга яқин киши Тошкентга олиб кетилади.

“Бу сафар биз жуда жиддий ёндашдик: кеча тунгача рўйхатни қўлда ёздик, бугун ҳаммасини компьютерда чоп қилдик. Ўтган сафар нохуш вазиятга дуч келган эдик, июль ўртасида одамларни поездларга миндираётган вақтимизда у ерда аллақачон бегоналар ўтирган экан. Шунинг учун бу гал бундай ҳолатга йўл қўйилмайди. Рўйхатни топширишдан жўнатишгача бўлган жараён назорат қилинади”, - деди Сабирова.

Для помощи иностранным гражданам, оказавшимся на границе РФ с Узбекистаном, развернут полевой лагерь МЧС России
© Sputnik /
Для помощи иностранным гражданам, оказавшимся на границе РФ с Узбекистаном, развернут полевой лагерь МЧС России

Шунингдек, у барча Қирғизистон фуқаролари автобусларда жўнаб кетишганини тасдиқлади. Учта лагердаги Ўзбекистон фуқаролари эса чипта сотиб олиб, поезд келишини кутиб ўтиришибди. Унинг сўзларига кўра, Самара ва Оренбург вилояти маъмурияти мигрантлар темир йўл станцияларига етиб олиш учун бепул автобус ажратган.

“Албатта, қийинчиликлар ҳам бор. Масалан, Новороссийскдан машинада учинчи қаватдан қулаб тушган эркакни олиб келишди ва шифокорлар том маънода уни парчалардан тўплашди. Жарроҳлик оғир кечди. У ҳозир шундай машинада ётибди. Унга ёрдам беришмоқда. Чартер рейслар йўқ, уни ҳаво йўли орқали олиб кетишнинг имкони бўлмади. Мен кеча уни вокзалгача элтиб қўйишлари учун келишдим. Агар иложи бўлса, поезд билан жўнатардик. Яна икки киши қўлтиқтаёқда. Уларни тезроқ жўнатишни хоҳлаймиз. Маълумки, уйда ҳатто деворлар даволайди. Яна уч нафар ҳомиладор аёл ва уч нафар бола бор. Умид қиламанки, одамлар уйларига муаммосиз етиб олишади”, - дея сўзларига якун ясади Сабирова.

262
Рикша в маске с надписью Бойкот Китаю в Нью-Дели, Индия

Келишилди: Хитойни ўнта бўлиб бўғишади. Россия ҳам таклиф этиладими?

2086
(Янгиланган 18:34 05.08.2020)
Хитой билан Совуқ Уруш муқаррарлиги сир эмаслиги аён бўлган бир вақтда Ғарб экспертлари Пекин устидан  ғалаба қозонишнинг аллақандай сеҳрли усулини излашга тушдилар

Санкциялар, иқтисодий алоқаларнинг чекланиши, ўзаро жосуслик ва, эҳтимол, тўқнашувларнинг зўравонлик шаклларини ўз ичига олиши тахмин қилинаётган Хитой билан совуқ уруш муқаррарлигини англаш фонида, Ғарб экспертлар ҳамжамияти Пекин устидан ғалаба қозонишнинг аллақандай сеҳрли усулини излай бошлади. Вашингтон, Лондон ва Брюсселда муҳокама қилинаётган "Хитой аждарини бўғиш" бўйича вариантларнинг деярли барчаси колектив уриниш билан Хитойни яккалаш, зарарсизлантириш ва парчалаш учун Хитойга қарши кенг кўламли аксил-коалиция тузишни кўзда тутади. Бир вақтлар СССРга қарши муваффақиятли курашда ҳам худди шу схемадан фойдаланилган.

Аммо, агар баъзи бир йўналтирувчи принциплар даражасида хилма-хиллик кузатилмаётган бўлса, бу принципларни аниқ амалга ошириш даражасида жиддий муаммо юзага келмоқда, унинг ечими атрофида президентлар, бош вазирлар, дипломатлар ва таҳлилчилар найзалари синмоқда.

Гап шундаки, Европанинг баъзи пойтахтлари ҳам, АҚШ "таҳлилий марказлари"да ҳам Европа Иттифоқининг аксарият мамлакатлари (бу масалада айниқса Германия, Франция ва Италия ажралиб турмоқда), шунингдек, айрим Осиё мамлакатлари ХХРга қарши янги совуқ урушида негадир АҚШнинг оддий аскари сифатида қатнашиш истагида ёнмаётгандек таассурот шаклланмоқда. Устига-устак, улар ушбу урушда АҚШ ғалабаси учун пул тўлашни хоҳламаяпти (бу Германия ва Франциянинг Америка "ҳарбий ҳимояси" учун ЯИМнинг икки фоизи миқдорида тўлов тўлашни истамаслиги билан боғлиқ доимий можароларда ўз аксини топади), улар ҳатто тўлиқ таъқиққа ҳам дарҳол рози бўлишга тайёр эмас, масалан, Европа Иттифоқи хитойнинг Huawei компаниясига 5G тармоқлари ускуналарини етказиб беришдан воз кечмоқчи эмас, бу айниқса Вашингтон ва Лондондаги "аксил-Хитой қирғийлар"ни ғазаблантирмоқда. Европанинг деярли ўз армиясини ташкил этганлиги ҳамда Макроннинг мустақил (яъни "хитойпараст" ёки "америкапараст" бўлмаган) ташқи сиёсатни олиб бориш истаги ҳақидаги баёнотлари фонида кенг аксил-Хитой альянсини ташкил қилиш жуда мураккаб ва жуда қиммат бўлади деган шубҳалар тобора кучаймоқда, шу билан бирга ушбу муаммонинг ечимини излаш ҳам тобора кучаймоқда.

Нуфузли Council on Foreign Relations (Халқаро муносабатлар бўйича кенгаш - таҳр.) таҳлилий маркази раҳбарлигида нашр этиладиган нуфузли Foreign Affairs журнали ушбу муаммога иккита ёндашувни таҳлил қилмоқда, улардан бирини шартли равишда "Дональд Трамп ёндашуви", иккинчиси эса "Борис Жонсон ёндашуви" деб аташ мумкин. Council on Foreign Relationsнинг Америка элитаси ва Европадаги америкапараст элитанинг онгига улкан таъсирини ҳисобга олган ҳолда (ушбу "мия маркази"нинг ўзи бир нечта машҳур фитна назариялари қаҳрамони бўлиб, уларда у деярли "АҚШнинг соядаги ҳукумати" ҳисобланади), марказида Америка бўлган дунё тартиботи инқирозини ҳал қилишга ва "Хитой муаммоси"га қарши муваффақиятли курашиш учун таклиф қилинаётган усулларга эътибор қаратиш лозим, чунончи, улар Россия билан бевосита боғлиқ бўлганлиги сабабли ҳам.

Foreign Affairsдаги сўнгги мақола "Демократиялар кенгаши кўпқирраликни (Халқаро муносабатларда - таҳр.) қутқариши мумкин" сарлавҳаси остида нашр этилганига қарамай, таклиф қилинаётган методлар Вашингтоннинг (ҳеч бўлмаганда Ғарбий) дунёдаги устунлигини амалда сақлаб қолишга қаратилган, фарқи эса Америка гегемонлигини сақлаб қолишнинг муайян усулларидадир.

Американинг нуфузли нашри муаллифлари муҳокамаларни мавжуд дунё тартиб-қоидаси абгор бир ҳолатга келиб қолганини далил сифатида келтириб, айни вақтда асосий хавф коронавирус эмас, балки Хитой ва Россия эканлигини таъкидлаганлар.

"Аммо коронавирус пандемиясидан олдин ҳам, Иккинчи Жаҳон урушидан кейин АҚШ шакллантиришга ёрдам берган кўпқиррали тизим дунёдаги энг муҳим муаммоларни ҳал қила олмаяпти. COVID-19 қирол - яланғоч эканлигини кўрсатди, аммо аслида қирол бир мунча вақтдан бери ночор кийимда эди.

Жаҳон иқтисодиёти оғирлик маркази Ҳинд-Тинч океани минтақаси томонга қараб силжигани сабабли, глобал амбицияларга эга тузилмаларга ушбу регионда муҳим вакилликка эга бўлмай туриб ишончли етакчиликка эга бўлиш имкони қолмади. Аммо 1973 йилдаги нефт инқирозидан кейин пайдо бўлган G7нинг ҳали ҳам Евро-Атлантика минтақасидан узоқда бўлган бир аъзоси бор – бу Япония. 1997 йилги Осиё молиявий инқирозидан кейин шаклланган ва 2008 йилдаги глобал молиявий инқироз даврида ўз аҳамиятини кўрсатган G20 эса сиёсий нуқтаи назардан ва халқаро муаммоларни ишончли ҳал қилиш қобилияти нуқтаи назаридан бир-бирига мос келмаслиги маълум бўлди. Шу вақтнинг ўзида, БМТ Хавфсизлик Кенгаши Хитой ва Россияда агрессив авторитаризм қайта бўй кўрсатишидан майиб бўлди".

Бу жуда жасоратли ташхис бўлиб, уни: "Ҳаммаси бой берилди ва ҳеч нарса иш бермаяпти!" мазмунидаги тезисга келтириш мумкин.

Табиийки, иккита ечим таклиф этилмоқда, бири Трампдан, иккинчиси Джонсондан.

"Жонсон янги тузилма ғоясини илгари сурган биринчи инсон бўлди. Май ойида у G7 мамлакатлари плюс Австралия, Ҳиндистон ва Жанубий Кореядан ташкил топган ўнта етакчи демократиялар альянсини тузишни ҳамда унга D10 деб ном беришни таклиф қилди. Бундан мақсад телекоммуникациялар соҳасидаги сиёсатни мувофиқлаштириш ва хитойнинг ҳамма жойда хавфсизлик муаммоларини юзага келтираётган 5G технологиясига эга бўлган етакчи Huawei бозорига муқобил бозорни ишлаб чиқиш эди.  Бундан кўп ўтмай, июнь ойида ўтказилиши режалаштирилган Трамп G7 йиғилишини бекор қилиб, унинг ўрнига кузда G11 форматидаги саммитни таклиф этди. Жонсон таклифини ортда қолдирган Трампнинг янги гуруҳи D10 даги давлатлар билан бирга Россияни ҳам ўз ичига олади.

Foreign Affairs экспертлари Россияни ушбу клубга қўшишни тавсия этмайдилар ва "D10 вариантини", яъни Джонсон схемасини афзал кўришмоқда, лекин бу энг муҳими эмас. Ушбу тавсия мотивацияси катта қизиқиш уйғотади ва унинг мазмуни шундаки, Россияни қандайдир йўл билан Хитойга қарши курашда иштирок этишга кўндиришга муваффақ бўлинган тақдирда ҳам, Трамп режаси барибир жуда ёмон кўринишга эга ва Хитойга қарши кун тартибига эга бўлгани узоқ муддатли истиқболда истиқболсиздир, шу билан бирга Жонсоннинг режасидан эса, маълум бир ижобий кун тартибини, яъни "Хитойга қарши иттифоқ" эмас, балки "барча яхши нарсалар учун иттифоқ"ни яратишга имкон берадиган маълум бирлаштирувчи ғояни олиш мумкин.

Ижобий кун тартиби дейилганда, албатта, - "Демократия", "Озодлик" ва "Инсон ҳуқуқлари" сингари қуруқ шиорлар назарда тутилади. Бу ерда жуда кулгили томони бундай ижобий кун тартибининг Вашингтондаги амалдаги ташқи сиёсатга қарши қўйилганидир: "Қўшма Штатларнинг Хитой бошчилигидаги Осиё инфратузилмавий инвестициялар банки, "Битта камар – битта йўл" ташаббуси ва Россия томонидан қўллаб-қувватланадиган "Шимолий оқим-2" газ қувурига қарши чиқиши мумкин, аммо у муқобил вариант таклиф этмаса, бошқа давлатларни шундай қилишга ишонтириши қийин бўлади. Вашингтон ҳеч нарсани ишлатмай туриб нимадир устидан ғалаба қозона олмайди".

Бундай ёндашувнинг муаммоси шундаки, "АҚШда ишлаб чиқарилган" ёрлиғи ёпиштирилган "Демократия" ва "Озодлик", Германия учун Россия газининг ёки Италия учун - Хитой сармоялари ўрнини босолмайди. Бунда Америка пуллари иш бериши мумкин эди, аммо Вашингтонга бу сингари муносабатлар керак эмас ва шу билан бирга келажакдаги президентнинг фамилияси қандай бўлишидан қатъий назар: Байденга ҳам, Трампга ҳам мустамлакалар керак, аммо Европа Иттифоқини  - D10 ёки G11 форматида бўлишидан қатъий назар - бундай мақомга қайтаришнинг энди иложи йўқ. Россия ҳақида эса асти гапирмаса ҳам бўлади.

2086
Мясо, перец, чеснок и помидор на разделочной доске. Иллюстративное фото

Гўшт бўлаги тахтакачда “тирилиб кетди” - интернет фойдаланувчилари шокда

41
(Янгиланган 18:31 06.08.2020)
Гўшт бўлаги кесиш тахтасида қимирлаши акс этган видео Twitter фойдаланувчиларини шок ҳолатига солди.

ТОШКЕНТ, 6 авг — Sputnik. Гўшт бўлаги тахтакачда қимирлаши акс этган видео Twitter фойдаланувчиларини шок ҳолатига солди.

Малазиялик Yo!Artist никли фойдаланувчи видеони тармоққа жойлаштирди. Аёл ёзишича, унинг онаси гўштни пиширмоқчи бўлган эди, аммо у томир уришни бошлади. Аёл қўрқиб кетди ва таом пишириш фикридан қайтди.

Видеони кўрган кўпчилик фойдаланувчилар чиндан ҳам даҳшатга тушганини тан олди.

Бошқалар эса “бу ерда қўрқинчли нарсанинг ўзи йўқ – янги хом гўштда нерв тўқималари маълум вақт давомида қимирлашни давом этади”, - деб изоҳ ёзишди.

Видео ролик 950 минг марта томоша қилиниб, 13 мингга яқин изоҳ тўплади.

41