Президент США Дональд Трамп

АҚШ коронавирус пойгасида ютқазиб, жаҳондаги етакчиликни бой бермоқда

2948
(Янгиланган 16:54 23.03.2020)
Дунёнинг етакчи давлатлари COVID-19га қарши ўзининг илмий ва инсоний салоҳиятини намойиш этаётган бир вақтда АҚШ узоқ йиллардан бери даъво қилиб келаётган “дунё етакчиси” номини йўқотмоқда - эксперт.

Одатда, инқироз даврларида одамлар, жамоалар ва ҳатто бутун мамлакатларнинг асосий, чуқур ва ўзгармас фазилатлари намоён бўлади. Бир қарашда, глобал эпидемия ва уни устига ёпирилган молиявий инқироз вақтида океан орти ҳамкорларимизни нима безовта қилиши мумкин, деб ўйлайсиз? Сўнгги 30 йил давомида Вашингтон сиёсатини кузатган ҳар бир инсон бунга осонликча тўғри жавоб топа олади: албатта, бу дунёда етакчилик масаласидир.

Коронавирус нималарни намойиш қилди

Агар аниқроқ айтадиган бўлсак - ҳозирда Қўшма Штатлар коронавирус эпидемияси туфайли Вашингтон худди шу дунё етакчилигини йўқотаётгани ва геосиёсий рақиблар фонида унчалик жозибали кўринмаётганидан ҳавотирда. Ва баъзан халқаро майдонда обрўсизланишдан бўлаётган сохта оғриқлар касалликка чалинган ёки вафот этган ватандошларга ҳамдардликдан кўра (эҳтимол адашаётгандирмиз, аммо тобора аниқроқ намоён бўлмоқда) кучлироқдай таассурот уйғотади. "Вируснинг яна бир қурбони: инқироз даврида АҚШнинг дунё етакчиси сифатидаги роли" - Американинг етакчи The New York Times нашри худди шундай сарлавҳа билан батафсил таҳлилий мақола эълон қилди.

Журналистлар томонидан сўралган экспертлар фикрлари эҳтиёткор, аммо унчалик оптимистик эмас: "Пандемия ҳали ўз чўққисига чиққани йўқ, шу боис бериладиган баҳо шошилинч бўлмаслиги керак", - дейди Германия халқаро муносабатлар ва хавфсизлик институти(German Institute for International and Security Affairs)нинг халқаро хавфсизлик бўйича таҳлилчиси Клаудия Мейжор. "Бу инқироз АҚШ сиёсий етакчилигидаги таркибий ўзгаришлар тасдиғидир," - дейди у. "АҚШ глобал етакчилиги йўқ экан АҚШ модели ҳам бўлмайди", - дея қўшимча қилади Мейжор хоним. "Муваффақият - сиз ўз мамлакатингизда пандемияни йўқ қилиб, атрофингизда иттифоқчиларни жипслаштириб, альянсни бошқариб, глобал жамоатчиликка фойда келтирадиган маҳсулотларни етказиб, чақириқларга глобал кураш ташкил қилишдир, худди, Эбола касаллигидаги каби". Бунинг ўрнига Америка (давлат - тахр.) институтлари ҳатто ўз уйида бу ишга қодир эмаслигини намоён қилмоқда, дейди аёл. Трамп реакцияси - якка тартибда ҳаракат қилишдан иборат.

Энг "демократик" ОАВлар нима дейди 

Бутун ҳаёти ва карьера давомида дунёни Америкага итоат қилиш, Америкага қойил қолиш, Америка билан тортишмаслик ва Американинг "дунёга беғараз етакчилиги" учун миннатдор бўлишга ўргатиш ва шундай талабларни илгари суриш билан шуғулланган европалик экспертлар, фаоллар ва журналистлар бугун муайян ноқулайликка дуч келган ва бу тез орада ҳақиқий ваҳимага айланиши турган гап. "АҚШда биздан кўра яхшироқ ва ҳамма жим бўлиши керак" деган фикрдан фойдаланиб бўлмайдиган дунёда яшаш уларнинг айримлари учун коронавирусдан ҳам даҳшатлироқ бўлиши мумкин.

Бундай фикрлар Ғарбнинг (карантин туфайли бўшаб қолган) етакчи оммавий ахборот воситалари таҳририятлари ва илмий марказларига етиб бормайди, дея умид қилса бўларди. Аммо, океан орти ва европалик ҳамкорларимизни у қадар паст баҳолаб бўлмайди: эпидемия кўзга кўринадиган ва узоқ давом этадиган ҳодиса бўлиб, ҳатто, энг жиддий ақлий тўсиқлар ва қарашларни йўқ қилиши мумкин.

Россия тажрибасини ўрганишди 

Масалан, мамлакатимиз раҳбарияти ва умуман мамлакатимиз аҳолисига хайрихоҳлигига ишониш жуда қийин бўлган америкапараст CNN телеканали тўсатдан ўз олдига Россия тажрибасини ўрганиш вазифасини қўйди. Яъни, Россияда касалланиш ҳолатлари сони (CNNда мақола чоп этган пайтда) Люксембургга қараганда кам экан, (гарчи америкалик журналистларнинг географиядан билими анча ачинарли бўлишига қарамай, улар Россия аҳолиси Люксембургга нисбатан анча кўпроқлигини аниқ биладилар), Россия бу борада нимани тўғри амалга оширган, деган саволга жавоб изладилар.

Америка пропагандаси ўқув қўлланмасига қатъий амал қилган ҳолда ишлашга ҳаракат қилди: расмий маълумотларни шубҳа остига олди, Россияда ўтказилган тестларнинг нотўғрилигини эҳтимол қилди ва шу ўринда ҳукуматга нисбатан бир чимдим танқид қўшишни унутмади, лекин шу билан бирга Америка стандартлари бўйича журналистик қаҳрамонлик деб аташ мумкин бўлган ишга ҳам қўл урди.

CNN матнида Бутунжаҳон соғлиқни сақлаш ташкилоти (эпидемиялар масаласида халқаро миқёсдаги ундан нуфузлироқ тузилма мавжуд эмас) экспертидан иқтибос келтирилган бўлиб, мутахассис унда расмий маълумотлар танқидига ишонмаслигини айтган эди. Бундан ташқари, аёл Россия тестлари синов хусусиятлари ва лабораториянинг ўзи ҳам ЖССТ томонидан маъқулланган рўйхатга киритилганини қўшимча қилганди. Россиянинг "Роспотребнадзор" - Россия истеъмолчилар ҳуқуқларини ҳимоя қилиш давлат агентлиги шанба куни коронавирус бўйича 156 мингдан ортиқ тест ўтказганини эълон қилди. Россия феврал ойи бошидан бошлаб, шу жумладан, аэропортларда, Эрон, Хитой ва Жанубий Кореядан келадиган саёҳатчиларга урғу берган ҳолда, оммавий текширувларни ўтказишни бошлаганини эълон қилди", - деб хабар қилади америка телеканали.

Ушбу сюжет АҚШдаги баъзи  Россияга қарши фаолларнинг аллергик реакциясини қўзғади ва нафратга лиммо-лим изоҳлар ёғилишига сабаб бўлди, аммо юқумли эпидемияга қарши дунёда Америкага қараганда яхшироқ кураш олиб борилаётганини англаш жараёнини энди тўхтатиш қийин бўлади. Худди шунга ўхшаш материаллар Хитой, Сингапур, Жанубий Корея ва бошқа давлатлар ҳақида ҳам чоп этилган.

АҚШ 2 ойни бекор ўтказди 

Вашингтоннинг ўз-ўзига баҳо беришидаги муаммо ким бу ишни яхшироқ уддалаётганида эмас, балки Америка ҳукумати бу ишни бошқа барча цивилизациялашган мамлакатларга қараганда деярли ёмон бажармаётганида. Айниқса, АҚШда тайёргарлик ишлари учун икки ой муддат захирада бўлганлигини ҳисобга оладиган бўлсак.

Агар шундай давом этадиган бўлса, инқироздан кейин, ҳатто Ғарб ахборот майдонида ҳам бир нечта ёрқин образлар ва Вашингтон ўзи учун ёқимсиз бўлган ғоялар муҳрланиб қолади. Масалан, Хитой ва Жануби-Шарқий Осиёдаги баъзи мамлакатлар ўта кескин чоралар ёрдамида эпидемиялар устидан маҳаллий ўлчамда ғалаба қозониб, боз устига бошқаларга ҳам ёрдам қўлини чўзган давлатлар сифатида ёдда қолади. Россияни - коронавирусни жиловлаб туриш бўйича нисбатан самара кўрсатган давлат сифатида эслаб қолиш мумкин. Шунингдек, Америка санкциялари туфайли ўз-ўзини, шу жумладан, молиявий ва озиқ-овқат масалаларида ҳам таъминлашга ўрганган бу давлат унга эриша олдики, бугунги кунда Россия, ҳатто барқарор ғарб иқтисодиётларини ҳам ларзага солган дунёдаги молиявий инқироздан энг кам азият чекаётган давлат саналади.

Тайёрга-айёрми? 

АҚШ-чи, у нимаси билан ёдда қолади? Катта эҳтимол билан, The New York Times журналистлари ёзган ушбу эпизод билан: "Германия расмийлари таъкидига ва (манбалардан олинган) хабарларга кўра, Трамп маъмурияти ва ҳатто, Трампнинг шахсан ўзи Германиянинг Cure-Vac фармацевтика компаниясига COVID-19га қарши ишлаб чиқилаётган вакцинага эксклюзив ҳуқуқларни қўлга киритиш учун бир миллиард доллар таклиф қилган".

Илгари дунё бундай ҳатти-ҳаракатларга кўз юмишга тайёр эди ҳам, аммо ҳозир замон аста-секин ўзгариб бормоқда ва эндиликда бу ўзгаришларни кўриб кўрмасликка олишнинг иложи йўқ.

Маълумот учун, айни дамда АҚШ коронавирусга чалинган фуқаролар сони бўйича дунёда Хитой ва Италиядан сўнг 3-ўринга чиққан. Қўшма Штатларда касалликка чалинганлар сони 35 мингдан ошиб кетди. Россияда бугунги кунда коронавирусдан беморланганлар сони 438 кишини ташкил қилмоқда.  

2948
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

217
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

217
Кандидат в президенты США Джо Байден

АҚШ махсус хизмати: Байденни навбатдаги аҳмоқона нутқини тингланг, бунга Путин айбдор

502
(Янгиланган 19:37 30.09.2020)
АҚШ президентлигига номзод икки даъвогарнинг ақлий ҳолатини гумон остига қўяётган улкан миқдордаги америкалик сайловчилар, - бу, айтиш мумкин-ки, "Россия ёлғон хабарлари" натижасидир

Владимир Корнилов

Турли махфий Россияга қарши назариялар муаллифларининг Кремлнинг у ёки бу можароларга катта эҳтимол билан алоқадорлигини англатувчи гап-сўзлари қачон тугайди, жуда қизиқ. Биз аллақачон highly likely ("катта эҳтимол билан" — Скрипаллар ишида), almost certainly ("деярли аниқ" - "вакцина ўғриланиши" муносабати билан ёғдирилган айбловлар) сингари ибораларни ўрганиб бўлдик. Энди навбатдагиси — probably ("эҳтимол")га кўникишимизга тўғри келади, деб ёзади РИА Новости муаллифи.

Бу гал The Washington Post туфайли Владимир Путиннинг шахсан ўзи АҚШ президентлигига номзод Жо Байденни дискредитация қилиш (обрщсизлантириш) бўйича махфий операцияга "probably, раҳбарлик қилаётгани"дан хабар топдик. Бу ҳақда нашр ЦРУнинг супер-махфий докладига таянган ҳолда хабар берган - ҳужжатнинг махфийлилик даражаси шу қадарки, WP  журналистлари ундаги контекст билан бир неча шахсларнинг ҳикоя қилиб беришлари орқали танишишга муваффақ бўлишган.

Бундай парадоксал хулоса учун асослар ҳайратлантирмай қўймайди: маълум бўлишича, у аллақандай аналитиклар томонидан "очиқ, махфийликдан чиқарилган ва махфий разведка манбалари" асосида тайёрланган.

Докладнинг биринчи қаторида гўёки шундай дейилган: "Бизнинг фикримизча, президент Владимир Путин ва Россиянинг юқори мартабали амалдорларининг аксарияти хабардорлар ва, эҳтимол (худди ўша probably. — Муаллиф) ноябрдаги АҚШ сайловлари олдидан АҚШнинг собиқ вице-президентини обрўсизлантириш, АҚШ президентини қўллаб-қувватлаш ва жамиятда ихтилофни келтириб чиқаришга қаратилган Россия таъсир операцияларини бошқарадилар".

Вице-президентни обрўсизлантираётган аслида кимлигини ҳам билиб олдик! Байденга, кулгили хатоликларга тўла, айтилгандан сщнг унинг саломатлиги ҳолати ҳақида ўйлашга мажбур этадиган нутқларни ким ёзиб бераётгани ҳам ниҳоят, ойдинлашди. Эҳтимол, шахсан Путиннинг ўзи шу кунларда Байденга "унинг нутқи якунида дунёда коронавирусдан 200 миллион киши ўлиши" ҳақидаги матнни тиқиштирган бўлса керак. Чунки Байденни бундан ортиқ даражада ҳеч ким обрўсизлантира олмас эди.

Американинг кўплаб ОАВлари Ички хавфсизлик вазирлиги томонидан гўёки "ички фойдаланиш учун" чиқарилган (ва шу пайтнинг ўзида кўплаб ахборот сайтларида пайдо бўлган) шунга ўхшаш ҳисоботга эътибор қаратдилар. Ҳисобот: "Россия, эҳтимол (бу сафар шунчаки likely, highlyсиз. — муаллиф.), 2020-йилдаги сайловларга таъсир ўтказиш учун америкалик номзодлар саломатлигини дискредитация қилмоқда", деган сарлавҳа билан чоп этилган эди. Эътибор беринг, "номзодлар" сўзи кўпликда қўлланилган. Энди эса, американинг аксарият масс-медиаларининг ушбу "сенсация" борасидаги сарлавҳалари билан солиштирсак - агар уларга ишонсак, гап "Байденнинг ментал соғлиғига қарши Россия томонидан уюштирилаётган ҳужум" ҳақида бормоқда.

Ва бу бюллетенларда эронлик ва хитойлик акторларнинг Дональд Трампнинг руҳий ҳолатига ўтказаётган ҳужумлари ҳам ёдга олинган бир вақтда рўй бермоқда. Аммо бу, ўзингиз тушунгандек, америка демократик ОАВларини мутлақо қизиқтирмайди. Американинг амалдаги президентини шизофреник деб аташ - бу умуман аралашувга кирмайди. Бироқ Байден ҳақида бундай гапириб бўлмайди.

Ҳар нега қарамай, Россия-Хитой-Эрон макри иш бераётган кўринади. Агар яқинда 2020-йил сайлов кампаниясининг энг муҳим штатларида ўтказилган сўровномага ишонсак, у ердаги сайловчиларнинг 51 фоизи Трампни президентликка "ментал яроқсиз" ҳисоблайди. 52 фоиз сайловчилар эса Байден ҳақида худди шундай фикрда. Яъни АҚШ президентлигига икки номзоднинг ақлий ҳолатини шубҳа остига олаётган америкалик сайловчиларнинг улкан миқдори, - бу "Россия дезинформацияси" натижаси, шундайми? Трамп ва Байден эса ўзларининг ажабтовур хатти-ҳаракатлари, юмшоқ қилиб айтганда, баҳсли иборалари билан бу ерда зинҳор ҳеч қандай рол ўйнамайди. Одатдагидек, ҳаммасига руслар айбдор. Probably.

Худди шу тарзда ўта даҳшатли даражада махфий бўлган ЦРУ доклади асосида WP чоп этган мақола ҳам — шунга ўхшайди.

Мақоланинг биринчи қаторида, АҚШ президентлигига номзоднинг дискредитацияси кампаниясига шахсан раҳбарлик қилаётган Путин ҳақида айтиб ўтилгач, гапнинг қолган қисми Украина парламенти аъзоси Андрей Деркач кирдикорлари ҳақида боради. У Петр Порошенко ва Жо Байден суҳбатлари аудиофрагментларини мунтазам равишда оммага эълон қилиши туфайли машҳур.

Унинг "Путин билан алоқалари" ҳали бу ҳеч нарса дегани эмас.

Америка ОАВлари "Деркач плёнкалари" ҳақида гап бошлаганларида улар фақатгина иккита далилга эга бўлишади, агар мумкин бўлса бу ҳақда қуйидагича айтиш мумкин: а) тўқсонинчи йиллар бошида у Москвада КГБ олий мактабини тугатган, демакки, ўз-ўзидан "Кремль агенти" ҳисобланади; б) у томонидан тақдим этилган ёзувлар "таҳрирланган". Бўлди, худди мана шу асосда демократик ОАВлар "плёнкалар"даги маълумотларни муҳокама қилишдан бош тортадилар, улар ҳақида эшитишган вақтларида эса қулоқларини беркитиб олишни одат қилишган. Ҳолат шунгача етиб бордики, Twitter "Деркач плёнкалари ҳақидаги" твит ёзган ва ундан Трамп иқтибос келтирган фойдаланувчининг учет записини шу ондаёқ блоклади.

Бу ерда ҳеч қандай цензура йўқ. Ахир "Кремль агенти" худди ўша Кремль буюртмасига биноан "дезинформацияни" тарқатяпти, дейилдику. Тегишли тартибда, бу маълумотларни текшириш буткул таъқиқланган.

Шу муносабат билан 2014 йилнинг июлида, Донбассда Малайзия "Боинг"и қулаганидан сўнг, Украина хавфсизлик хизмати раҳбари Валентин Наливайченко томонидан ўтказилган матбуот-анжумани ёдга тушади. Эртаси куни дунёнинг деярли барча етакчи нашрлари биринчи саҳифаларида у томонидан тақдим этилган "плёнкалар" ҳақида ёзилган эди.

Эътибор беринг, ўшанда ҳеч ким Наливайченконинг Москва КГБ Разведка институтида ўқигани ҳақида эсламаганди. Ғарбда ҳеч кимни аудиоёзувлар нафақат қайта таҳрир қилингани, балки шунчаки сохталиги ҳам асло ташвишлантирмаган. Шунчаки, MH17 Чернухинодаги аллақандай казаклар томонидан уриб туширилгани тўғрисидаги версия ўша вақтда ғарб журналистларини тўлиқ қаноатлантирарди.

Энди эса "Деркач плёнкалари" негадир уларга манзур бўлмаяпти - сабаби, бу сайловолди кампанияси вазифаларига мос эмас. Демак, бу ҳақдаги ҳар қандай маълумотни аёвсиз равишда цензуралаш жоиз.

Бу ёзувлардаги Порошенко ва Байден овозлари аслига мослигини ҳеч ким шубҳага олиш ниятида эмас. Аммо уларни муҳокама қилиш ва улардан иқтибос келтириш - ўта оғир гуноҳ. АҚШ медиа ҳамжамияти шу кунларда сенатнинг иккала қўмиталари томонидан тақдим этилган: "Хантер Байден, "Бурисма" ва коррупция" дея маънодор номланган ҳисоботга худди шундай муносабатда бўлди.

Доклад жуда салмоқдор бўлиб, америкалик мансабдорларнинг АҚШ олий раҳбарияти, шу жумладан, вице-президент Жо Байден ва Давлат котиби Жон Керрилар Украинага тегишли "Бурисма" газ компанияси коррупцион схемалари ва бу фирмада вице-президент ўғли Хантер Байденниг фаолияти АҚШга қандай муаммоларни келтириши мумкинлиги тўғрисида кўплаб маротаба огоҳлантирилганликлари ҳақидаги ажабтовур иқрорлардан иборат.

Агар Трамп ўз фарзандларининг коррупцион фаолиятлари ҳақида хабардор бўлиб, бунга гўё уларни шунга рағбатлантираётган сингари кўз юмганида эди, нашрлар уни қандай тепиб ташлаган бўлишларини тасаввур қилиш қийин. Аммо сенатнинг бу докладини ОАВлар келишилгандек эътиборсиз қолдиришди ёки бўлмаса шунчаки, "бу Россия дезинформация кампанияси", деб атаб қўя қолишди.

Бундан келиб чиқиб айтиш мумкинки, АҚШ сенаторлари ҳам "Кремль агентлари". Ахир докладда "Бурисма" коррупцияси ва у ерда кенжа-Байденнинг фаолияти ҳақида тепага шахсан ҳисобот топширган мансабдорларнинг инкор этиб бўлмас фактлари ва кўрсатмалари келтирилган.

Бунга жавобан демократлар зудлик билан контр-ҳисоботини тайёрладилар ва унда оппонентлари далилларини йўқ қилиш, ёки ўта хиралаштиришга уриндилар. Ва бунда, табиийки, демократлар чиқарган асосий хулоса — сенат суриштируви "2020-йилдаги сайловларга Россия ҳужуми"ни акс эттираётгани бўлди. Яъни яна биз айбдормиз.

Бундан кўриниб турибдики, кенжа-Байденни Украинадаги коррупция ботқоғига ботган фирмага Россия тайинлаган, сўнгра катта-Байденга "Бурисма"даги коррупцияга доир айбловларни ўрганишга жазм қилган Украина Бош прокурори Виктор Шокинни қандай қилиб ишдан олишни ўргатган. Шундай экан, сенат ва Оқ уйдаги америкалик "Кремль агентлари" ҳаракатлари учун янги санкциялар ҳам ўзини кўп куттирмаса керак. Ахир Россиянинг айби, гарчи навбатдаги probably билан бўлсада, яна исботланди.

502