Члены террористического движения Талибан в Афганистане

Пентагоннинг "Толибон" билан "биродарлиги" қандай якун топади

613
Толиблар билан битим тузиш орқали АҚШ ўрта асрлардаги террорчилик ҳаракатини диалектик равишда "яхшилаб", афғон халқи ва Кобулдаги Вашингтонга содиқ ҳукумат манфаатларига зид қатор жиноятларга кўз юмишга мажбур бўлмоқда.

10 июн куни Вашингтонда АҚШ Марказий қўмондонлиги (CENTCOM) қўмондони Кеннет Маккензи, толиблар АҚШга ҳеч қачон таҳдид қилмаганини айтди. Гўёки, Америка армиясининг Афғонистон ҳудудидаги 19 йиллик ҳарбий амалиётлари фақатгина бу ерда ИД ва "Ал-Қоида" (Россияда таъқиқланган терр. гуруҳлар)  жангарилари борлиги билан изоҳланади. Маккензи толиблар асло ИДнинг дўстлари эмаслигини ва "Ал-Қоида" билан "Толибон" муносабатларини тавсифлаш қийинлигини айтди.

Шу билан бирга, БМТнинг сўнгги ҳисоботидан шу келиб чиқадики, америкаликлар билан 29 феврал куни тузилган келишувдан кейин ҳам толиблар “Ал-Қоида” билан "дўстлик, қўшма қаршилик тарихи, мафкуравий хайрихоҳлик ва оилавий алоқаларни ўрнатиш"га асосланган ҳолда яқин алоқаларни сақлаб келмоқда. АҚШ билан музокаралар пайтида толиблар “Ал-Қоида” билан мунтазам равишда маслаҳатлашган ва "тарихий алоқалар" бундан кейин ҳам ҳурмат қилинишини кафолатлаган. “Ал-Қоида”, ўз навбатида, Қатарда имзоланган АҚШ-“Толибон” келишувини юқори баҳолади ва буни толиблар ва умумий иш учун ғалаба деб баҳолади.

Шубҳасиз, Афғонистонда тинчлик ўрнатилишини давом эттириш ва ривожлантириш учун толиблар ва муросасиз мухолифатнинг бошқа вакиллари (мамлакатда ўттиздан ортиқ турли хил қуролли гуруҳлар мавжуд) жирканч “Ал-Қоида”ни бутунлай тарк этишлари керак. Бошқа хеч қандай вариант бўлмаслиги ҳам керак. Бироқ “Толибон” раҳбарияти БМТ ҳисоботига салбий муносабат билдирди ва бунда халқаро ташкилотнинг мавкеи ва ваколати йўқолганининг аломатларини кўрди: "Умуман олганда, ушбу ҳисобот Исломий Амирлик (“Толибон” - Sputnik) ва АҚШ ўртасида эришилган келишувни бузиш ва йўқ қилишга мўлжалланган, бу келишув эса Афғонистондаги урушни тўхтатиш учун муҳим восита ва дастакдир".

Биз фактларнинг бузилиши ва тушунчаларнинг алмашинишининг гувоҳи бўлмоқдамиз, бу эса муқаррар равишда Афғонистонда фуқаролик урушининг янги босқичига олиб келиши ва қўшни Марказий Осиёга янги таҳдидларни келтириб чиқариши мумкин. Бошиданок америкаликлар ва толиблар ўртасидаги келишувнинг муҳокамаси, конструктивлиги ва ҳақиқийлиги шубҳаларни келтирган.

Пойдеворларни бузиш

“Толибон” ҳокимиятга интилмоқда, бу йўлда ҳарбий воситаларни афзал кўриб, ўзини янги давлатнинг асоси деб билмоқда. Толиблар томонидан айтиб ўтилган "амирлик" бу амир бошчилигидаги Исломий давлатнинг бошқарув шакли (ҳокимият мерос орқали ўтади). "Амирлик" сўзи Халифалик, Султонлик ва Имомлик тушунчалари билан ўҳшаш (тенг), аммо кўпчилик афғонлар бундай истиқболларни қўллаб-қувватламайдилар. Бугунги кунга қадар Афғонистон - Ислом Республикаси бўлиб, унда президент ва парламент аъзоларини халқ сайлайди.

Толиблар америкаликларни ва уларнинг НАТО бўйича иттифоқчиларини ўққа тутмасликка ваъда берган эди, аммо бутун баҳор улар кунига ўртача 30тадан қуролли ҳужумни амалга оширди (турли вилоятларда). The New York Times нашрига кўра, июн ойининг дастлабки уч кунида Афғонистонда 28 нафар хавфсизлик кучлари ва 33 тинч фуқаро ҳалок бўлди. Тўқнашувлар хроникаси афғон халқининг тақдирига мутлақо эътибор берилмаслигидан, террористик таҳдидларнинг кучайганлигидан ва “Толибон”нинг АҚШ билан тинчлик битимларининг шартли моҳиятидан далолат беради. “Толибон”ни қонунийлаштирилиши чораларини талаб этган "Ички сиёсий мулоқот" форматидаги отишма, ҳақиқий тинчликка ва Америка қўшинларининг олиб чиқилишига тўсқинлик қилмоқда.

Ушбу фонда афғон маъмурияти Қатарда толиблар билан музокараларга тайёрланмоқда. Делегацияни Афғонистоннинг Миллий ярашув бўйича Олий Кенгашининг раҳбари ва толибларга узоқ вақтдан бери рақиб бўлган Абдулла Абдулла бошқаради. Вашингтон Кобулни молиявий кўмакдан маҳрум қилиш билан таҳдид қилиб, бир қатор имтиёзлар ва ҳатто таслимликка ўхшаш ҳаракатларни қилишга мажбурламоқда. Агар томонлар маҳбусларни озод қилиш бўйича мажбуриятларини бажарсалар, 5000 дан ошиқ толиблар ва атиги 1000 нафар асир ҳарбий ва хавфсизлик кучлари ҳодимлари қамоқдан озод қилинади. Шубҳасиз тенгсиз "алмашинув" ва олдиндан тахмин қилинадиган оқибатлари билан. Июн ойи бошига 2700 толиб ва 420 афғон хавфсизлик хизмати ходимлари озодликка чиқди.

Қўшниларга таҳдид

Нуфузли гуруҳнинг террорчилик фаолиятини сиёсий теккисликка яқинлаштириш ва қонунийлик иллюзиясини яратиш уринишлари ҳеч қандай яхшиликка олиб келмайди. Толиблар ҳануз жиддий ҳарбий хавф туғдириб, сайёра миқёсида наркотрафикни назорат қилишда давом этмоқда. Пентагоннинг “Толибон” билан парадоксал "биродарлиги" вазияти ўта беқарор ва умуман умидсиз. Тинчлик жараёни хаёлларини қўллаб-қувватлаш учун томонларнинг имкониятлари чекланган, янги инқироз муқаррар. Шунинг учун Россия Марказий Осиёдаги иттифоқчилари - Тожикистон, Ўзбекистон, Қирғизистон ва Қозоғистоннинг чегаралари ва ҳарбий хавфсизлигини кучайтириш учун барча имкониятларни ишга солмоқда.

Ҳарбий диний ҳаракатнинг тобора кучайиб бориши ва Афғонистондаги зўравонликнинг кучайиши минтақадаги қўшни давлатларга таҳдид солмоқда. Аввалроқ толиблар Афғонистон-Тожикистон чегараси яқинидаги Янги-Кала округидаги ҳукумат кучлари назорат-ўтказиш пунктларига ҳужум қилди - етти кўнгилли мудофаа жангчиси ҳалок бўлди, иккитаси жароҳатланди. Афғон хавфсизлик кучлари мамлакат шимолида тожик жангарилар фаоллашаётганини қайд этмоқда. Вазият КҲШТ мамлакатлари ва Ўзбекистондан танқидий таҳлилни, тегишли чораларни кўришни ва жанубий чегараларни мустаҳкамлашни талаб қилади.

“Толибон” таркиби турлича, АҚШ билан тинчлик битимларига мутлақо қарши бўлган жангарилар гуруҳи пайдо бўлди. Сўнгги пайтгача барча толиблар президент Ашраф Ғанининг "қўғирчоқ режими" билан музокара қилмасликларини даъво қилишган. Манфаатлар мувозанати кимдир томонидан тартибга солинмоқда.

Муносабатларнинг мураккаб минтақавий конфигурациясида анъанавий равишда афғон тупроғида тинчлик ўрнатилишида манфаатдор бўлмаган, толиблар гуруҳларини қурол-яроғ, манбалар ва уларнинг оилаларини бошпана билан таъминлашда ёрдам берадиган алоҳида қўшниларнинг позициясини ҳам ҳисобга олиш керак. Пентагоннинг маълумотларига кўра, бугунги кунда Покистоннинг жанубий-ғарбий Балужистон вилояти толибларнинг базаси ва таянчи ҳисобланади, яъни гуруҳ анча олдин Афғонистон чегараларини четлаб ўтиб, халқаро миқёслига айланди.

2001 йилда Вашингтон “Толибон”га қарши бир қатор ҳарбий операцияларни бошлади – ўзига яқин “Ал-Қоида” террорчилик гуруҳини беркитгани учун (11 сентябрда АҚШдаги терактлардан кейин). АҚШ ва “Толибон”нинг расмий вакиллари 18 йиллик ҳарбий ҳаракатлардан сўнг музокаралар столига ўтиришди ва 29 феврал куни Қатарнинг Доҳа шаҳрида Афғонистондаги АҚШ қўшинлари сонини босқичма-босқич (нолгача) камайтиришни кўзда тутувчи тинчлик шартномаси имзолашди. Фақат толиблар зўравонликдан ўзини тутиши ва расмий Кобул билан ярашиши шарти билангина. Афғонистондаги қуролли можаро давом этмоқда.

613
Кандидат в президенты США Джо Байден

"Руслар Трампнинг рақиби обрўсини тўкишмоқда" ва улар буни жуда яхши уддалашмоқда

351
(Янгиланган 20:41 12.08.2020)
Жо Байденда муаммолар пайдо бўлди: океан орти ОАВлари таянаётган Америка махсус хизматларидаги манбаларга кўра, уни обрўсизлантириш билан Россия шуғулланмоқда.

Агар бу назариядан келиб чиқадиган бўлсак, Байденнинг штаби Москвадаги рақиблар катта ютуқларга эришганликларини тан олишга мажбур бўлади.

Ҳозирда янгиликлар лентаси Байден ўзига вице-президентликка номзод сифатида қора танли сенатор Камала Харрисни танлагани ҳақида хабарларга тўла. Эҳтимол, Байденни шу қадамни ташлашга мажбур қилишган.

Гап шундаки, яқинда йирик социологик компаниялар томонидан ўтказилган икки сўров натижаларига кўра, Байден ва Трамп тарафдорлари ўртасидаги олдинги тафовут тўсатдан эриб, одатий статистик хатолардан фарқланмайдиган даражага тушди.

Breitbart хабар қилади: "Чоршанба куни эълон қилинган Hill-HarrisX сўров натижалари Трампнинг 40 фоизидан фарқли ўлароқ, Байден 43 фоиз тўплаганини кўрсатди. Худди шу куни эълон қилинган Rasmussen Reports сўрови натижалари (Трампнинг) 45 фоиз овозига қарши Байден 48 фоиз овоз олганини кўрсатди. Иккала сўровда ҳам Байден кўрсаткичлари одатий статистик нуқсонлардан бироз ошганлиги кўриниб турибди".

Бир ой олдин, Америка ахборот майдонида Трамп рақибидан 10-12 фоиз ортда қолаётганини кўрсатган сўровлар фаол муҳокама қилинганди. Агар шундай давом этса, демократлар номзоди штаби алами ичида қолган тарафдорларига Америка сайловларига бу каби шафқатсиз аралашган рус агентларининг исмлари, жойлашув жойи ва фамилиялари рўйхатини зудлик билан тақдим этишига тўғри келади. Бу, эҳтимол, амалга оширилар ҳам, лекин агар ҳақиқий сайловчилар кайфиятларини афсонавий рус аралашуви билан боғлаб кўрсак, жуда кулгили манзара намоён бўлади.

Бир томондан, Байденнинг рейтингини Чикаго ва Нью-Йоркдаги тартибсизликлар билан боғлиқ вазият эзмоқда. Мисол учун, Чикагода ўтказилган ижтимоий адолат учун курашнинг энг сўнгги мисоли қуйидагича: "Чикаго полицияси душанба куни эрта тонгда Чикагонинг Magnificent Mile савдо ҳудудида ва шаҳарнинг бошқа қисмларида юзлаб одамлар ойналарини синдириб, дўконларни талон-тарож қилиб, полиция билан тўқнашувларда қатнашганидан сўнг 100 киши ҳибсга олингани ва 13 нафар полиция ходими жароҳатлангани ҳақида хабар берди", - дея хабар беради USA Today газетаси.

Чикаго ва Нью-Йорк шаҳар мэрлари президентнинг оммавий тартибсизликларни бостириш учун федерал куч тузилмаларидан фойдаланилишига қарши чиқаётгани ва вандализм ва оммавий талончиликларни “тинч намойишлар” деб атаб, уларга қарши кураш учун ҳеч бўлмаганда қандайдир қатъий чоралар кўришни рад этаётган таниқли демократлар эканлигини ҳисобга олган ҳолда, электоратнинг салбий реакцияси Трампнинг рейтингини ошишига ва Байден рейтингининг пасайишига айланмоқда. Муаммо шу қадар жиддийки, у нафақат ижимоий  сўровларда, балки реал воқеликда ҳам ўз аксини топмоқда: Нью-Йоркдан солиқ тўловчилар том маънода қочиб кетмоқдалар (шаҳардан кўчириш билан шуғулланадиган компаниялар хизматларининг нархлари осмонга кўтарилиб кетди) ва мэр (ўзи ҳам демократ ва Байден тарафдори) исёнчилардан ҳимояни эмас, балки уларга ўз ҳисобидан ичимлик ваъда қилиб, қайтиб келишларини ўтиниб сўрамоқда.

Тўғри, тартибсизликлар ва талончиликлардан азият чекаётган шаҳар ва штатларнинг мэрлари ва губернаторларини Кремль фойдасига ишлаётганликларига даъво қилса бўлади, аммо уларнинг партиявий мансублигини ҳисобга олган ҳолда, бу иш бериши даргумон. Россияни Чикагога дўконларини талон-тарож қилгани провокаторларни жўнатганликда айблашга уриниб кўрса бўлади (бу ҳеч қанагасига мэрнинг бепарволигига сабаб бўла олмайди), аммо ҳибсга олинган Чикаголик қароқчиларнинг териси ранги ҳисобга олинса, уларнинг келиб чиқиши Россиядан эканлиги ҳақидаги версияси жуда шубҳали кўринади.

Байденнинг рейтинги билан боғлиқ муаммоларнинг бошқа манбаи унинг соғлиғидир. Яқинда Rasmussen Reports ўтказган сўров натижаларига кўра, "АҚШ сайловчиларининг 59 фоизи вице-президент (Байден билан бирга сайловда қатнашадиган - таҳр.) бу кузда ғалаба қозонса, ўзининг тўрт йиллик ваколат муддати тугашидан олдиноқ президент бўлишига ишонади, шу билан бирга  39 фоизнинг бунга ишончи комил".

Қўпол қилиб айтганда, бўлажак сайловларда овоз бермоқчи бўлган америкалик сайловчиларнинг аксарияти Джо Байденни сиёсий жиҳатдан эмас, балки  биологик жиҳатдан тирик мурда деб аташади,  ва бу унинг рейтингига босим ўтказмай қўймайди, ва сайловчиларнинг ҳаммаси ҳам Оқ уйга деярли катафалкда кириб бориши ва ўз лавозимини вице-президентга мерос сифатида қолдириши мумкин бўлган  номзодга овоз беришга тайёр эмас.

Байденнинг ўзи яқин келажакда вице-президентликка номзодини тақдим этишни ваъда қилди ва бу (замонавий сиёсий мода руҳида) албатта латофатли аёл бўлишини таъкидлади. Ушбу кўламли қадамни унинг кўплаб тарафдорлари дастлаб режалаштирилганидан ҳам кенгроқ талқин қилишди ва натижада Демократик партия электоратининг энг радикал қисми бу нафақат шунчаки аёл, балки ирқий озчиликнинг вакили бўлишига ишонч ҳосил қилишди.

Аммо Байденнинг сиёсий технологлари, эҳтимол, сайловчилар қора танли аёлни деярли президенти сифатида фақатгина ирқий ва жинсий хусусиятлари туфайли сайлашга тайёр эмаслар деб тахмин қилишди ва матбуотга эҳтимолий вице-президент бўлиши мумкин бўлган оқ танли аёл – Мичиган штати губернатори штабга келиб-кетгани ҳақида хабарлар тарқатилди. Бунга муносабат ўзини кўп ҳам куттирмади: "Дам олиш кунлари Мичиган губернатори Гретхен Уитмер, оқ танли аёл, Байден билан вице-президентликни муҳокама қилиш учун учиб келгани ҳақида хабар пайдо бўлганидан кейин, қора танли аёл-демократлар, шу жумладан, аёл яшайдиган штатнинг айрим яшовчилари тушкунлик ва умидсизликка тушишди", деб хабар беради Politico.

Ва энди - қора танли фаоллар босими остида ва тўкилаётган рейтингдан қўрқиб, танлов ўзгартирилди ва Байден Калифорния собиқ бош прокурор Камала Харриснинг шериги ва эҳтимол вориси деб эълон қилди.

... Ушбу жанжалнинг ташкилотчиларига Байденнинг рейтингини зил келтирганлиги учун медал билан тақдирласа ҳам бўлар эди, аммо бир лекини бор: демократлар номзоднинг ёши Россия махсус хизматларининг провокацияси эмас, унинг вице-президентликка номзодни танлаши атрофидаги PR-ҳалокатни эса ўз сиёсий технологлари уюштирган, ва улардан ҳеч бирига Россия агенти тамғасини босиб бўлмайди.

Бундан келиб чиқмоқдаки, бизнинг океан орти ҳамкорларимиз эски, синаҳта тактикаларга мурожаат қилишлари ҳамда америка ижтимоий тармоқларида миллионлаб америкаликларни ақлдан оздириб, электорал преференцияларни ўзгартириб юбораётган афсонавий рус троллари ҳақида уйдирмаларни ўйлаб топишларига тўғри келади. Тақдирнинг қалтис ҳазили шундаки, бу айбловларнинг илгари сурилиши Байденг рейтингига янада кўпроқ босим ўтказади: америкалик сайловчилар, ўз нуқсонларига қарамай, уларни аҳмоқ, деб ўйлашларини ёқтиришмайди.

351
Евгений Примаков

“Россотрудничество”га хорижликларга тушунарли бўлган ном керак Примаков

120
Ном ўзгариши, МДҲ талабалари учун квоталар кўпайтирилиши ва таниқли артистлар билан ҳамкорлик – бу агентлик янги стратегиясининг кичик бир қисми, холос.

ТОШКЕНТ, 12 авг — Sputnik. Данара Курманова. Жорий йил июнь ойи охирида Давлат думаси депутати ва тележурналист Евгений Примаков “Россотрудничество” агентлиги раҳбари этиб тайинлангани маълум бўлди.

Лавозимга тайинланганнинг биринчи куниёқ Примаков ОАВга энди идорани “катта ўзгаришлар” кутаётганини маълум қилган эди. Аммо тафсилотларни очиқламаган эди. 11 август куни у ўзининг онлайн маърузаси вақтида ушбу ўзгаришлар борасида батафсил тўхталиб ўтди. Sputnik агентлиги янги дастурининг энг муҳим тафсилотларини ҳақида ҳикоя қилади.

Ҳеч қандай юмшоқ куч йўқ

Аввало “Россотрудничество” янги раҳбари агентлик ҳамкорларига “юмшоқ” куч терминидан воз кечишни таклиф қилди, чунки унинг тан олишича, бунга тоқат қилолмайди.

“Бу аллақандай тушунарсиз ва биз томондан ўйлаб топилмаган”, - деди Евгений Примаков маъруза бошида. Ва тушунтиришга киришди: “Россотрудничество” мақсади аввалдан куч қўллашдан эмас, балки халқаро қулайлик ва осойишталикни таъминлашдан иборат бўлган. Маданият ва таълим дастурлари орқали агентлик Россиянинг ўзи учун ҳам, ҳамкор давлатлар учун ҳам ривожланиш учун қулай шароитлар яратади".

Режалар улкан: Примаковнинг сўзларига кўра, “Россотрудничество” гуманитар хизмат ғоясидан ҳам йироқлашади. “Бу эски концепт, - дея қарорини тушунтирди у. – Биз гуманитар хизматдан тинчликни сақлашга ёрдам берувчи гуманитар таъсирга ўтишимиз керак”.

Шунга ўхшаш таъсир мисоли тариқасида Байрутдаги фожиани келтирди. Агентлик жабрланганларга ёрдам бериш учун шифокорларни юборишда илк маротаба иштирок этган. Примаков ушбу акция рамзий маънога эга эканлиги айтди ва қўшимча қилди: айнан шундай тадбирлар хорижда Россияга янада дўстона муносабатда бўлишига кўмаклашади. Улар агентлик фаолиятида ҳеч қандай куч йўқлигини кўрсатади, бирдамлик сари интилиш, холос.

Нон-стоп режимидаги иш

Очиқ маъруза ўтказишдан аввал Евгений Примаков бир ойча “Россотрудничество” ишини ўрганган ва шундай хулосага келган: агентликдаги ислоҳотларни рус клублари тармоқларидан бошлаш зарур.

“Улар тадбирдан тадбиргача эмас, балки доимий равишда ишлашлари даркор, - деди Примаков. – Бу иштирокчилар хоҳлаган пайтида кела оладиган, бир-бири билан суҳбатлашадиган, китоб ўқийдиган айнан клуб тизими бўлиши керак. Ахир бу марказлар чет элда Россия билан мулоқот қилишда муҳтож бўлганлар учун ишлайди”.

Примаковнинг фикрича, ҳар бир клуб нафақат ёшларга, балки катта ёшдагиларга мўлжалланган бўлиши керак. Чунки хорижда СССРда туғилганлар, нафақа ёшига етиб қолган кам эмас. Шу билан бирга, ҳар бир тоифадагилар учун инвидивуал фаоллик талаб этилади.

“Бизга меҳмонларни чой билан сийлаб, хўжа кўрсин учун тадбирлар формати керак эмас, - деди Евгений Примаков ва агентлик ходимларини “Рус мусиқаси куни” ёки “Рус чучвараси байрами” услубидаги ғоялардан максимал узоқлашишга чақирди”.

Аммо рус клубларининг иш режимидаги ўзгаришда бир муаммо бор: кўп рус марказлари Россия элчихонаси биносида жойлашган ва у ерга шунчаки кириш мумкин эмас. “Шу боис ҳозир янги тизимни йўлга қўйиш мумкин бўлган марказлардан ишни бошлаймиз”, - деди Примаков.

Юлдузлар кўмаги

“Россотрудничество”га тегишли талабларга мувофиқ ишлайдиган продюсерлик керак бўлади. Агентликнинг асосий тингловчилари ёшлар саналади, ёшларга поп-маданият қизиқ: замонавий мусиқа, китоб, фильм ва сериаллар. Буларнинг барчаси орқали бўлажак талабалар умуман рус маданиятига муҳаббат қўйиши мумкин, деб ҳисоблайди Примаков.

Унинг фикрига кўра, ёшларни мумтоз адабиёт билан таништириш муҳим. Лекин ёшликка хос қизиқиш ва ҳавасни бир четга суриб қўйиш ярамайди. “Замонавий болалар учун тил – бу аввало ижтимоий ва иқтисодий имкониятлар”, - деди Примаков.

Шунинг учун “Россотрудничество” чет элдаги тадбирларга кўпроқ таниқли артистларни таклиф қилиши керак, деди Примаков. “Бу ҳамма танийдиган кишилар бўлиши шарт”, - дея хулоса қилди.

Барчаси янгитдан

“Россотрудничество” номининг ўзи ёшларга хос бўлмаган ва рус тилини билмайдиган учун тушунарсиз, дея фикр билдирди Примаков. Шу боис агентликка ребрендинг лозим ва нафақат идорани, балки Россия фан ва маданият марказларини ҳам (РЦНК) қайта номлаш зарур.

“РЦНК – бу “Россотрудничество” сўзи сингари умуман жуда қийин қисқартма сўз. Чет эллик уни талаффуз қилиши мушкул”, - дея фикр юритди Примаков.
Шу билан бирга унинг расмий номини – “Федеральное агентство по делам Содружества Независимых Государств, соотечественников, проживающих за рубежом, и по международному гуманитарному сотрудничеству” – сақлаб қолади. Рус бўлмаган аудитория учун ташқи брендни ўзгартириш даркор, холос. Рус тилида сўзлашадиганларни “Россотрудничество” сўзи қўрқитмайди. Агентлик учун янги ном яратиш кўплаб кераксиз харажатларни келтириб чиқаради. Бу пулларни фойдали нарсаларга сарфлаш мумкин, деб ҳисоблайди Евгений Примаков.

Умуман, мувофиқлик ва тежамкорлик Примаков стратегиясидаги асосий мезонлар бўлгандек туюлади. Янги қисқартма сўзни яратиш учун у бренд менежерларни ҳам ёллашни режалаштирмаяпти. Бунинг ўрнига у “Россотрудничество” орқали бир пайтлар Россия университетларига ўқишга кирган талабалар ўйлаб топиши учун очиқ танлов ўтказмоқчи. Примаковнинг ўзи бу ғояни қуйидаги тушунтиради: лойиҳанинг бевосита иштирокчиси бошқаларга кўра бренд концепциясини жуда яхши ҳис қила олади. Танлов ўтказиш мантиғи ҳам шундан келиб чиққан.

МДҲга алоҳида эътибор

“Россотрудничество” янги лойиҳалар билан шуғулланиб, Россия таълимини тарғиб қилишни ташлаб қўймайди, дея маъруза охирида тинчловчиларни ишонтиришга шошилади Примаков. “Россия президенти фармонига кўра яқин бир неча йил ичида хорижлик талабалар учун бепул таълим олиш квоталари икки бараварга кўпайтирилади. Ҳозир уларнинг ҳажми 15 мингни ташкил этади”, - деди у. Қолаверса, агентлик Россия ва рус тили билан боғлиқ ҳар қандай таълим лойиҳаларини қўллаб-қувватлашга ҳаракат қилади. “Ҳатто агар кимдир чет элда ҳовлисида гуруҳ ташкил этиб, рус эртакларини ўргатса, бу жуда ажойиб”, - дейди Примаков.

Шунингдек, “Россотрудничество” замонавий ёшларни нима қизиқтириши янада яхшироқ билиш учун таҳлилга кўпроқ эътибор беради. Бунинг учун агентлик сайтни тубдан ўзгартиришни ният қилган. “Одамларга Россиянинг гуманитар фаолиятини кузатиш қизиқ бўлиши лозим, ҳозирги кўринишдаги сайтимизга соғлом ақлли ҳеч ким эрмак учун кирмайди, - дейди Евгений Примаков. – Сайт ўқувчилари сонини кўпайтириш керак”.

Ушбу ҳамма хатти-ҳаракатлар, шубҳасиз, вақт талаб этади, чунки агентлик қатъий доирада ишлайди – ҳар бир лойиҳани камида бошланишидан бир йил олдин тасдиқлаш керак. Шунга қарамасдан, “Россотрудничество” раҳбари киритилаётган янгиликлар сабаб ташкилот янада очиқроқ бўлишига ваъда бермоқда. “Бу айрим хатти-ҳаракатлар туфайли агентлигимизга нисбатан бирор кишида пайдо бўлиши мумкин бўлган эски стереотипларга қарши курашда ёрдам беради”, - дея хотима қилди Примаков.

120

Ўзбекистонда 17 августдан масжидлар ишга тушади

120
(Янгиланган 00:09 13.08.2020)
Масжидларда вақтинча жума намози адо этилмайди, диний ташкилотлар фаолиятига ҳар куни дезинфекция ишларини амалга ошириш ҳамда қатъий ижтимоий масофани сақлаш чекловларига риоя этилишини таъминлаган ҳолда рухсат берилади.

ТОШКЕНТ, 12 авг - Sputnik. Республика махсус комиссиясининг қарори билан шу йил 17 август, душанба кунидан эътиборан Ўзбекистондаги барча диний ташкилотлар ўз фаолиятини қайта давом эттиради. Диний ташкилотлар фаолиятига ҳар куни дезинфекция ишларини амалга ошириш ҳамда қатъий ижтимоий масофани сақлаш чекловларига риоя этилишини таъминлаган ҳолда рухсат берилади.

Шунингдек, Дин ишлари бўйича қўмита ва Ўзбекистон мусулмонлари идораси матбуот хизмати расмий баёнотида диний ташкилотларда жума ва шанба-якшанбалик диний хизматларни вақтинчалик амалга оширмаслик талаб этилиши айтилган.

Қуйидаги муҳим тавсия ва талабларга сўзсиз амал қилиш, масжидлар фаолиятининг давомли бўлишига асосий омил бўлади:

- масжидларнинг кириш жойини дезинфекцион "тўшак"лар билан жиҳозлаш, бирламчи дезинфекциялаш воситалари, пирометрлар (контактсиз ҳарорат ўлчагич) билан таъминлаш;

- ҳар бир фуқаро масжид ичида тиббий ниқобда бўлиши, ҳудудга киришда қўлларини дезинфекциялаш воситасидан фойдаланиши;

- масжидга ташриф буюрган ҳар бир шахснинг касаллик аломатларини текшириш (ҳарорат ўлчаш ва ташқи аломатлар), тана ҳарорати 37ºС ва ундан юқори бўлган ҳолатда фуқароларни алоҳидалаш ва 103 телефон рақами орқали тез тиббий ёрдамга хабар бериш;

- ибодат вақтида ижтимоий масофаланишни сақлаш, фуқаролар орасидаги масофани 1,5 метр этиб белгилаш (махсус чизиқлар ёрдамида катакларга ажратган ҳолда);

- ҳар бир масжиднинг кириш қисмига касалликдан сақланиш, ҳудудда карантин талабларига қатъий амал қилиш, хусусан, 65 ёшдан катта фуқароларни масжидларга вақтинча ташриф буюрмай туришлари тавсия этилиши тўғрисидаги ахборот лавҳаларини ўрнатиш;

- масжид маъмурияти томонида иш фаолиятни карантин даврида ташкил этиш бўйича тегишли буйруқ ва ички тартибларни ишлаб чиқиш (бунда ёши 65 ёшдан улуғ фуқароларни вақтинча ташриф буюрмай туришларини тавсия этиш);

- масжидларда жума намозини вақтинча адо этмаслик;

- ҳудудий Санитария-эпидемиология хизмати ходимлари томонидан масжидларнинг барча ходимлари билан тушунтириш ишларини ташкил этиш;

- ушбу хизмат томонидан белгиланган муддатда (ҳар 3 кунда ёки ҳафтада бир маротаба) масжидлардаги санитария-эпидемиологик ҳолатни ўрганиш ва тавсиялар бериш;

- масжидлар бинолари ва ҳудудини ҳар куни дезинфекция қилиш, хоналарни шамоллатиш;

- масжидга кириш ва чиқиш жойларида аҳолининг тўпланишига қатъий йўл қўймаслик;

- таҳоратхонадан фақат зарур шароитлар яратилган (бир марталик сочиқ-салфетка, антисептик воситалар, суюқ совунлар билан таъминлаш, қисқа муддатларда дезинфекция қилиш), ижтимоий масофаланишни сақлаган ҳолда фойдаланиш каби тартиб-интизомлар алоҳида таъкидланади.

120
Мавзу:
COVID-19 умумжаҳон пандемияси