Россия нима сабабдан “Катта еттилик”ка қўшилишни истамайди?

1220
Вашингтон ва Берлин Москвани “Катта еттилик” саммитига таклиф қилиш-қилмаслик борасида баҳслашмоқда.

ТОШКЕНТ, 29 июл - Sputnik, Галия Ибрагимова. Вашингтон ва Берлин Москвани “Катта еттилик” саммитига таклиф қилиш-қилмаслик борасида баҳслашмоқда. Дональд Трамп музокараларда Владимир Путинни кўришни истайди, Германия ташқи ишлар вазири Хайко Маас эса Украина муаммоси туфайли Россия етакчиси билан алоқа қилишнинг иложи йўқлигини таъкидлайди. Кремль умуман G7га интилмаётганини ва БМТ Хавфсизлик Кенгашининг доимий беш аъзоси бўлган “ядровий бешлик” учрашувини афзал кўришини маълум қилди. Воқеаларнинг ривожланишининг энг эҳтимолий сценарийси - РИА Новости материалида.

“Хавфсизлик - бу товар эмас”

Германия Федератив Республикаси ва АҚШ бу йил дипломатик муносабатларнинг 65 йиллигини нишонламоқда. Вашингтон ва Берлин иттифоқи евроатлантика хавфсизлигининг кафолати ҳисобланади. Бироқ юбилей бузилиши мумкин.

Ёзнинг бошида, АҚШ президенти ҳийла қилмаётгани ва ҳақиқатан ҳам 9500 америкалик ҳарбийларини Германиядан олиб чиқишга тайёрланаётгани аниқ бўлди. Асосий сабаб - Германия ҳукуматининг Шимолий Атлантика иттифоқига харажатларни кўпайтиришдан бош тортаётгани. Берлин Америка товарларига божларни камайтиришдан бош тортаётгани ҳам Оқ уйга номақбул.

“Трамп НАТОни савдо ташкилоти билан адаштирмоқда. Хавфсизлик товар эмас ва у фақат ўзаро бўлиши мумкин”, - деб Америка етакчисига эътироз билдирмоқчи бўлди Германия Мудофаа вазири Аннегрет Крамп-Карренбауер. Лекин беҳуда.

“Агар немислар бизнинг ҳимоямиз остида бўлишни истасалар, қарзларини тўлашсин ва НАТО бюджетига тўловларини оширишсин”, - дея Американинг Берлиндаги собиқ элчиси Ричард Гренелл давом эттирди. Трамп унинг сўзларига қўшилди.

Евроиттифоқининг энергия хавфсизлиги масаласида ҳам бирлик йўқ. Америкаликлар “Шимолий оқим-2” ва “Турк оқими” европаликларнинг Россия газига қарамлигини оширади ва сиёсий хавфларни туғдиради деб таъкидлашни давом эттирмоқдалар.

Немислар бунга рози эмас, уларга Вашингтоннинг аралашуви ёқмаяпти. Америкаликлар Россиянинг энергетик лойиҳаларида иштирок этаётган европалик иштирокчиларга қарши янги санкцияларни жорий этиш орқали ўзларининг  айтганида турибдилар.

“Хитойга қарши иттифоқ”

Кўринишидан Берлин ва Вашингтон Москва борасида консенсусга эга: Қримни Россия билан бирлашишини тан олмаслик, Украинанинг жанубий-шарқидаги можарода Киевни қўллаб-қувватлаш. Аммо бошқа масалалар бўйича яқинда зиддиятлар пайдо бўлди.

Давлат департаменти ўтган ҳафта Хитойга қарши иттифоқ тузиш режаларини эълон қилди. Бунда Майк Помпео бу масалада Москвани ҳам жалб қилишни таклиф қилди. Президент Трамп эса Владимир Путинни сентябрь ойида бўлажак G7 саммитига таклиф қилиш ғоясини эслади. Гарчи “Катта саккизлик”ни қайта тиклаш ҳақида гап бормаса-да, аммо бу Хитойга қарши иттифоқни муҳокама қилиш учун яхши имкониятдир - эҳтимол, Вашингтонда шундай деб ўйлашди.

Германияда эса бошқача мантиқ. Ангела Меркелнинг фикрига кўра, Хитой нафақат АҚШ, балки Европа учун ҳам “ташқи сиёсатдаги энг катта муаммога” айланиб бормоқда. Бироқ, ГФР канцлерининг сўзларига кўра, ҳозирча ҳеч бир давлат Хитойга бардош бера олмайди.

“G7нинг Хитойга қарши иттифоққа айланиши Берлиннинг манфаатларига тўғри келмайди”, - деди Меркел. У ҳали ҳам пандемия авжига чиққан АҚШга, саммитига боришга арзийдими, деган саволга ҳали ҳам иккиланмоқда.

Германия ТИВ раҳбари Хайко Маас Трампнинг Путинни саммитга таклиф қилиш ниятига мутлақо қарши.

“Қрим ва Украинанинг жанубий-шарқидаги ҳарбий қарама-қаршилик Россиянинг G8дан чиқарилишига таъсир кўрсатди. Бу муаммолар ҳал этилмагунча, Москванинг ушбу форматдаги аъзолигини тикланишига ҳеч қандай сабабни кўрмаяпман”, - деди у.

Ва қўшимча қилди: бу мулоқотга ўрин йўқлигини англатмайди. Мааснинг таъкидлашича, Россиясиз Украина, Сурия ва Ливиядаги можароларни ҳал қилишда ҳеч қандай ривожланишга эришиб бўлмайди.

“Бешлик саммити” бўйича консенсус

Москва ҳам муҳокамага ўз муносабатини билдирди. Ташқи ишлар вазирлиги ва Федерация кенгаши ҳар қандай Хитойга қарши уюшмаларда иштирок этилишини рад этиб, Хитой билан ҳамкорлик Россия учун устувор йўналиш эканлигини таъкидлади.

“Еттилик гуруҳи” Ғарб дунёсининг бирлигини намойиш қилиш воситасига айланди, аммо янги ечимларни ишлаб чиқишни тўхтатди. Россия доим ҳар қандай форматдаги мулоқотга тайёр, лекин барча иштирокчиларнинг тенг ҳуқуқлилиги шартидагина”, - деди Федерация Кенгашининг Халқаро ишлар бўйича қўмитаси раҳбари Константин Косачев.

Президентнинг матбуот котиби Дмитрий Песков Москва G7-га қайтишга интилмаётганини тасдиқлади.

“Россия замонавий иқтисодий воқеликка жиддийроқ жавоб бераётган “Катта йигирмалик”нинг самарадорлигидан мамнун”, - дея тушунтирди Песков.

Буни G7-да ҳам тан олишган. Владимир Путиннинг БМТ Хавфсизлик Кенгашининг доимий аъзолари бўлган беш давлатнинг саммитини ташкил этиш ташаббуси ҳам катта қизиқиш уйғотди.

“Халқаро ишларда кўплаб ноаниқликлар тўпланиб қолган, улар дунёнинг етакчи давлатлари, ядровий державалари эътиборини талаб қилади. Шунинг учун бу каби учрашув, менинг фикримча, ўз вақтида, талабгир ва фойдали бўларди”, - дея изоҳ берди Россия президенти ўз ғоясига.

“Бешлик саммити”нинг формати ва кун тартиби ҳақида узоқ мунозараларни четлаб ўтишга муваффақ бўлинди. АҚШ, Франция, Хитой ва Буюк Британия Россиянинг таклифини қўллаб-қувватладилар ва улар муҳокама қилиниши керак бўлган ҳолатлар борлигига қўшилишди.

Дастлаб “бешлик саммити” сентябр ойида режалаштирилган эди. Пандемия туфайли видеоконференция шаклида бўлиши истисно этилмаяпти. Ҳозирда муҳокама қилинадиган мавзулар доираси аниқланмоқда. Маълум бўлишича, эътибор марказида можароли минтақалардаги вазият, стратегик қуроллар назорати ва терроризмга қарши биргаликда кураш масалалари.

Россияга прагматик қараш

Дорж Маршалл номидаги Европа хавфсизлик тадқиқотлари маркази мутахассиси Пал Дунай РИА Новости-га берган интервьюсида шошилинч хулосалардан огоҳлантирмоқда. Мутахассис кўплаб халқаро масалалар бўйича жорий АҚШ-Германия зиддиятларни, шу жумладан Россияни G7-даги иштироки бўйича ҳам, шунчаки “сўзлар уруши” деб атади.

“Берлин Вашингтон билан ошкора жанжаллардан четланишга ҳаракат қилмоқда. Немис раҳбарияти Трампнинг ҳозирда барча хатти-ҳаракатлари Америка сайловолди кампанияси билан боғлиқлигини тушунади. АҚШ президенти НАТО иттифоқчиларига, ҳатто бу евроатлантика хавфсизлигига зарар етказса ҳам ўз қатъиятлигини намойиш қилишга ҳаракат қилмоқда. Аммо асосий масалалар бўлган “Шимолий оқим-2”, Германияда Америка ҳарбийларининг жойлаштирилганлиги, Россия билан ҳамжиҳатликларда - ГФР ҳукумати ўз позициясини аниқ ифода этмоқда”, - дея тушунтиради Дунай.

Мутахассис яқинлашиб келаётган G7 саммити атрофидаги ўйинларни уйдирма деб ҳисоблайди. У эътиборни “еттилик”нинг деярли барча аъзоси Хитой, Ҳиндистон, ЖАР, Бразилия каби минтақавий державаларсиз глобал муаммоларни ҳал қилиш бефойда эканлигини бир неча бор тан олганига қаратади. ЕИ, шунингдек, Россиянинг Яқин Шарқдаги қатор можароларни ҳал қилишдаги муҳим ролини яхши тушунади, дея таъкидлайди Дунай.

“Европа Россияга прагматик нигоҳ билан қарайди, буни Америка тўғрисида гапириб бўлмайди. Трампнинг Путинни G7 саммитига таклиф қилиш ҳақидаги гаплари популистик ҳаракатлардан бошқаси эмас. Германияни эса Москва билан  ҳеч бўлмаса энергетика боғлаб турипти. Ва бу ерда Берлиннинг позицияси равшан: Вашингтоннинг босимига қарамай, немислар “Шимолий оқим-2”дан воз кечмайдилар. Ҳатто кечикиш билан тугатилса ҳам”, - дея таъкидлайди Дунай.

Россия халқаро ишлар бўйича кенгаши (РСМД) бош директори Андрей Кортунов таъкидлашича, G7 ҳозирда унча яхши бўлмаган ҳолатда ва Россия зиддиятларнинг ягона сабаби эмас.

“Еттилик гуруҳи” доим ўзини “Катта йигирмалик” (G20) билан таққослашга мажбур. Шу билан бирга ўз фойдасига эмас. Аммо Москванинг бўлажак саммитдаги иштироки борасида мунозара ҳамон қизиқ. Бу шуни кўрсатадики, Ғарбда Хитой билан қарама-қаршилик муқаррарлигини англашмоқда. Россиянинг ушбу форматга қайтиши эса унинг Ғарбга тегишли эканлигини тасдиқлаши мумкин эди. Ва бу, биз ҳамон Шимолий Атлантика цивилизациясининг қадриятларига интилаётганимизни англатар эди. Аммо Россия бундай геосиёсий мослашувга рози бўлиши даргумон”, - дейди Кортунов.

Мутахассислар ички қайта қуриш ва мақсадларни англаш босқичи G8ни қайта тиклаш учун энг мақбул вақти эмас деган фикрга келишди. “Бешлик саммити” ундан кўра истиқболлироқ. БМТ Хавфсизлик Кенгашининг доимий аъзолари ҳар доим ҳам мунозараларда бир-бирини тинглашмайди. Давлат раҳбарларининг шахсий учрашуви вазиятни ўзгартириши мумкинлиги эҳтимолдан холи эмас.

1220
Заливка нефтепродуктов в танкеры

Хитой АҚШни нефтни қайта ишлашда сиқиб чиқарди: бундан Россия ютадими?

742
Пекин нефтни қайта ишлаш бўйича қувватни ошириб, бензин ва дизель ёқилғисига пул тикмоқда. Келгуси йилдаёқ ХХР бу кўрсатгич бўйича АҚШни ортда қолдириши мумкин.

ТОШКЕНТ, 2 дек — Sputnik. Ирина Бадмаева. Пекин нефтни қайта ишлаш бўйича қувватни ошириб, бензин ва дизель ёқилғисига пул тикмоқда. Келгуси йилдаёқ ХХР бу кўрсатгич бўйича АҚШни ортда қолдиради. Америкаликлар ЯИМ бўйича ҳам ортда қолиши эҳтимоли юқори. Аммо, таҳлилчиларнинг таъкидлашича, хитойликларга пандемиянинг иккинчи тўлқини халақит бериши мумкин.

Етакчи ўзгариши

Хитой давлат статистика бюроси маълумотларига кўра, октябрь ойида мамлакатда нефтни қайта ишлаш икки ярим фоизга ошиб, суткасига 14,09 миллион баррель миқдоридаги тарихий рекордга етган. АҚШда сентябрда жами 13,5 миллион эди.

Хитойликлар бу билан тўхтаб қолиш ниятида эмас. Келгуси йил охирида иккита янги нефтни қайта ишлаш (НҚИ) заводи ишга туширилади, дейилади Халқаро энергетика агентлигининг ноябрь ойидаги ҳисоботида. Бу 2023 йилдан кейин рўй бериши кутилган эди.

Умумий қуввати кунига 1,2 миллион баррель бўлган яна тўрттаси қурилмоқда. Масалан, бутун Буюк Британия бўйлаб шунча қайта ишланади.

Хитой бир неча ўн йиллардан буён бензин ва дизель ёқилғисига ўсган талабни қондиришга ҳаракат қилмоқда. Хатти-ҳаракатлар зое кетмади.

“2020 йилдан буён мамлакат нефть маҳсулотларини ишлаб чиқаришни уч бараварга кўпайтирди. 2025 йилга келиб нефтни қайта ишлаш суткасига 20 миллион баррелга етади”, - дейди Марк Гойхман, “ТелеТрейд” ахборот таҳлилий марказ бош иқтисодчиси.

АҚШ ўтган асрдан буён қўлдан бой бермай келаётган етакчиликни 2021 йилда бой беради, деб ҳисоблайди агентлик суҳбатдоши.

Америкаликлар НҚИларни нефть нахлари тушиб кетиши ортидаги паст таннарх сабаб ёпишмоқда. Ўтиб бораётган йилда қора олтин нархи бир неча марта тушиб кетди. Масалан, 18 мартда Brent маркали 15 фоизга арзонлашди ва 2003 йилдан буён биринчи марта баррелига 24,52 доллардан сотилди.

Ёқилғига бўлган дунё талаби ҳам қисқарди. Шу боис нефтни қайта ишлаш рекорд даражадаги 1,7 миллион баррелга пасайди. Боз устига катта қисми айнан Америка НҚИга тўғри келди.

Яшил энергетика: ким ғолиб бўлиб, ким ютқазмоқда

Хитойнинг яна бир муваффақияти сабаби – коронавирусга қарши самарали курашиш, деб ҳисоблайди “Алор Брокер” бош таҳлилчиси Алексей Антонов. Хитой иқтисодиёти қайта тикланиб, мустаҳкамлигини намойиш этмоқда, Европа ва АҚШда эса қулашда давом этмоқда.

Хитойликларнинг нафақат нефтни қайта ишлаш, балки металлургияда ҳам етакчилик қилаётганликлари тасодифий эмас. “Бирламчи ресурслар истеъмоли маркази, Хитой эндиликда янада юқори қайта ишлаш саноатини ривожлантирмоқда”, - дейди Марк Гойхман.

Бу каби суръатлар ҳам Ҳиндистон, ҳам Яқин Шарқда кузатилмоқда, дея таъкидлайди иқтисодчи. Бу Ғарб компанияларининг қатор эскирган қувватларнини ҳатта Осиё минтақасида, масалан, Сингапурда ёпилишга олиб келади.

Қолаверса, АҚШ ва Эски дунё аста-секин муқобил энергия манбалари фойдасига углеводородлардан воз кечмоқда. Хитой эса қатъий экологик мажбуриятларга боғлиқ эмас.

“Штатлар Хитойга ифлос ишлаб чиқариш майдончаларини тақдим этиб, яшил энергетикага пул тикмоқда. Иқтисодий жиҳатдан ривожланган мамлакатлар бошқалари ҳисобига тикланадиган ресурсларга ўтишини молиялаштиради ва уларни яна “экологик солиқ” тўлашга мажбур қилади. Оқ уй маъмуриятида бу иш билан янги президен ҳузурида иқлим масалалари бўйича махсус вакил бўладиган сисёсий оғир вазнли Жон Керри шуғулланади”, - дейди Антон Гринштейн, “Hamilton” инвестиция компанияси эксперти.

Нефтга қарам Россия яшил сценарий учун компаниялар харажати ўсиши ва бюджет даромади тушиши билан оғир оқибатларга олиб келади. “Хом ашё тузилиши сақланишида маҳаллий иқтисодиётга АҚШ нефтни қайта ишлашда биринчиликни сақлаш қолиши фойдалироқ”, - деб ҳисоблайди суҳбатдош.

Россия 15-20 йилдан кейин тушиб кетаётган  нефть даромадларини ўрнини тўлдириш учун ғазнини бошқа манбалар билан тўлдирииш ҳақида жиддий ўйлаши зарур, дея қўшимча қилади Марк Гойхман.

Яқин келажакда Хитойда нефть маҳсулотлари сарфи ошиши ортидан бу йўналишда хом ашёнини экспорт қилишга диққатни қаратиш лозим.

Пандемия: осиёча сценарий

Аммо ҳаммаси якунланиш хусусиятига эга. 2025 йилга келиб Хитойда ишлаб чиқиш қувват талабдан ўзиб кетиш эҳтимоли юқори. Хитой CNPC нефтгаз корпорацияси маълумотларига кўра, 5 йилдан сўнг мамлакатда нефть маҳсулотлари суткасига 1,4 миллион баррель ҳаддан зиёд бўлиши мумкин.

“Ҳозир Штатлар билан кескинлашган муносабатлар шароитида Хитой нефтчилари ташқи савдодаги чекловлардан қайтариб ютиб олиш хоҳиши билан ёнмоқда. Шу тариқа давлат обрўини кўтариш”, - дея тахмин қилади Алексей Антонов.

Шу боис ҳозирги тенденцияларни 3-5 йил олдинга кузатиш асосида татбиқ қилган ҳолда нафақат нефтни қайта ишлаш, балки ЯИМ миқдори бўйича ҳам етакчи ўзгаришини кутиш мумкин.

“Пандемияга қадар Хитойга Америка иқтисодиётини ортда қолдириш учун 5 йил етмаган эди. Энди эса коронавирусга қарши курашдаги самарали кураш туфайли хитойликлар муддатидан аввал олинга чиқиб олишлари мумкин”, - дея ҳисоблайди Антон Гринштейн.

Бошқа масала – АҚШ ўрини бўшатишга ҳозирми. Америка ҳукумати муаммони иқтисодий ва дипломатик жиҳатдан ҳал қилишга уриниб кўрганди, дея таъкидлайди таҳлилчи. Лекин бу иш бермади. Ҳозир эса президент ишбилармон ўрнига президент сиёсатчи келмоқда.

Бундай ташқари, Хитойда нефтни қайта ишлаш маҳсулотларига бўлган талабнинг кескин ўсиши эпидемологик вазиятнинг яхшиланиши билан боғлиқ. Аммо Осиёда иккинчи тўлқин рўй бериши истисно қилинмаган. Касалланиш авж олиши аллақачон Индонезия, Япония, Жанубий Кореяда кузатилди. Бу АҚШ ва Хитой ўртасидаги кучларни тубдан ўзгартиришга қодир.

742
Теглар:
иқтисод, нефть, Россия, АҚШ, Хитой

"Руслар буни уддалади": жаҳон тоталитар державаси барпо этилди

1491
"Россия сегодня" Халқаро ахборот агентлиги Америка Қўшма Штатлари бизни яқин тўрт йил ичида нима учун жазолайди, деган саволга жавоб топди

Виктор Мараховский
Бу - гарчи тўғридан-тўғри бўлмаса-да, аммо жуда тушунарли жавоб. Агентлик мутахассислари олти ой давомида ўнлаб америка ОАВларида чоп этилган мақолалар бўйича ("Саккизоёқ 3" коди билан) тадқиқотлар ўтказдилар, унда бизнинг давлатимиз номи ҳам келтирилган.

Хулоса: Америка медиа-соҳасида (демакки америка сиёсатида ҳам) бизнинг сиз билан мавжудлигимиз контексти энди анча ойдинлашди (ва шунинг учун Америка сиёсати учун) аниқ. Шунингдек, унда бизга қандай роль ажратилгани ҳам.

Демакки, бизга бўладиган, Россияга нисбатан кутилаётган тахминий муносабатлар ҳам тушунарлидек.

Яхши хабар: америка ОАВлари бизни эслашади, яхши кўришади, ва ҳатто 2016 йилгидан, яъни "руслар борасидаги жазава" ўз чўққисида бўлган вақтдагиданда кўпроқ эсга олишар экан (эсга олишлар чорак кўрсаткичга ортган).

Нохушроқ хабар: ўтган йилги обзордан тахминан бир йил ўтиб ҳеч вақо ўзгарган эмас.

Жорий йилнинг 1 августидан 15 ноябрига қадар Россия ҳақида чоп этилган 1227 мақола орасида — нольтаси позитив ёзилган. Нейтрал, дея баҳолаш мумкин бўлган мақолалар ("йўқ, руслар Трамп ғалабаси ҳақидаги заҳарли хештегни ишга туширмади", "йўқ, руслар сайлов натижаларига таъсир кўрсатишмади"; "руслар сайловларга аралашувини инкор этишмоқда" каби), - 46 та, ёки умумий ҳажмдан тўрт фоизни ташкил этади.

Қолган 96 фоизи — бу ҳаттоки такрорий эмас, балки мақсадли аудиторияга бир хил мантрани аҳмоқона тарзда сингдиришдан иборат: руслар сайловларга аралашишмоқда, руслар ижтимоий тармоқларда сизнинг онгингизни бузмоқда, руслар Трамп учун, руслар фейкларни тарқатишмоқда.

Габриэлнинг Россия АҚШ сайловларига аралашмаслиги ҳақидаги сўзлари ортида нима турибди? Германияда Россия АҚШда ўтказилган 2016 йилги сайловларга аралашмагани ҳақида гапира бошлашди. Sputnik радиоси эфирида сиёсатшунос Юрий Почта немислар Қўшма Штатлар томонидан, шу жумладан ўз номларига ҳам қарши айтилаётган айбловларнинг асоссизлигини тан олишни бошлашгани ҳақида таъкидлади.

Ушбу сингдиришлар шу даражада умидсиз ва зерикарли эдики, бу ерда ҳатто ҳазм этиладиган нарсанинг ўзи йўқ эди: кабинетларда ёки масофадан иш билан банд бўлган, ўз ҳаётида ҳеч нарса билан ҳақиқатда қизиқмайдиган журналистлар ва муҳаррирлар ўтиришар, улар ҳафтасига беш марта (мисол учун CNN — 106 кунда 570 та мақола чоп этган) қуйидагилардан бизни хабардор этиш учун оғиз очишарди:

— Путин ўз броси Трампни бизнинг сайловларга аралашиш учун қўллаб-қувватлаш ҳақида орзу қилмоқда,
— Россия сайловларимизни синдиришга ҳаракат қилишда давом этмоқда,
— Россиялик троллар аудиторияга таъсир кўрсатмоқда,
— Ижтимоий тармоқлар рус хакерлари ва троллар фаолиятини лозим тарзда назорат қилмаяпти,
— Трамп учун овоз бериб, сен соядаги қора лорд Путиннинг кўрсатмаси бўйича овоз бермоқдасан.
Буларнинг барчасининг, табиийки Россияга нисбатан ҳеч қандай алоқаси бўлмаган ва бўлмайди ҳам. Бу АҚШ медиа-ҳаётининг ички бир элементи - онги суст омма ва узлуксиз сайловлар цикллари кечадиган мамлакат.

Бу шундай бир давлатки, бу ерда ички душманлар бўйлаб зарба берадиган медиапушкаларнинг асосий вазифаси оммага узлуксиз равишда - бир хилдаги суггестив мантраларни, яқин қолган сайловларда қатнашиб, лозим бўлган номзодга овоз беришга даъват қилувчи (бу, агар ёдингиздан кўтарилган бўлса, демократия деб аталади) гипнос-мантраларни етказишдан иборат.

Икки минг йигирма иккинчи йил ушбу тетик демократияга фақат битта янгилик олиб келди: ижтимоий платформалар-гигантлар Facebook ва Twitterда ўз назоратида бўлган медиа-майдонни демократлардан бўлган номзод Жо Байден фойдасига цензура қилди.

Яъни:

— Трампни "бузғунчи мафияга қарши курашувчи" сифатида улуғлайдиган коллектив онгларни бостириш (Qanon тақиқига қаранг) - бунда Трамп Путиннинг қўғирчоғи ва оқ ирқчилар ҳомийси сифатида иблисона бир қиёфада гавдалантирилди,

— Трамп ҳар сафар оғиз очганида "ижтимоий тармоқлар томонидан жалб қилинган мустақил экспертлар" томонидан унинг гаплари ёлғон сифатида баҳоланган тақдирда, уни мум тишлашга мажбурлаш (19 октябрдаги маълумотларни топишга муваффақ бўлдим: Трамп 65 марта "мум тишлатилган", аммо Трамп оғзини оммавий равишда ёпиш кўринишидаги ҳақиқий разолат ҳали олдинда эди),

— Байден ва унинг оиласи Украинада қандай ўйнаганлари мавзусига бағишланган энг мейнстрим матбуот суриштирувларини ҳам оғзини ёпиб ташлаш (бу ерда Twitter ва Facebook ўта натижадор бўлди — New York Postда ёритилган кичик-Байденнинг саргузаштлари ҳақида демократ-сайловчиларнинг каттагина қисми бехабар қолиб кетди).

Биз ахборот асри XXI асрнинг тоталитар державаси барпо этилиши саҳнасини кузатдик, ва у деярли кўз ўнгимизда тамом бўлди.

Медиа-майдонларга эгалик қилувчилар бир вақтнинг ўзида фантомларни реклама қилиб (масалан, худди ўша рус аралашуви, холбуки 5 ноябр куни АҚШ киберхавфсизлиги ва инфратузилма хавфсизлиги агентлиги бўйича раҳбари Кристофер Кребс айтганидек, умуман бўлмаган) , унга айтиладиган эътирозларни блоклашмоқда, демократларга берилган овозлар сеҳрли тарзда 14 миллион овозга кўпайиб, иккиланаётганлар овози йўқ қилинди ва худди ўша "ҳеч қандай алдашлар бўлмади, Трамп алдаяпти, трампистлар ҳам" ритмидаги гипнос-мантраларни илгари сурмоқда.

...Бу ерда нимани қайд этиш лозим?

Биз, албатта, АҚШ маъмуриятининг кейинги ҳаракатларига таъсир кўрсатишга қодир эмасмиз. Биринчидан, чунки Америкада "Россияпарастлар лоббиси" йўқ ва бўлмаган ҳам (айтганча, айниқса у ҳеч қачон республикачилар орасида бўлмаган: АҚШдаги "россияпараст" сиёсий арбоб аслида Демпартиядан президентликка маргинал номзод Тулси Габбард бўлган, у бизни жазолашга даъват қилмагани учун "рус активи" деган ном орттириб олганди).

Иккинчидан — ва энг асосийси — биз битта оддий нарсани ёдда сақлашимиз керак: мана ўн йилдирки АҚШ элитаси (сиёсий, медиа, ва бошқа исталган) Россия ҳақида ҳеч вақо билмайди. Американинг ҳеч бир сиёсатчиси бизнинг заҳарли мамлакатимизга келишмайди, уларнинг ҳеч бири Москва, Питер, Екатеринбург, Сибирь ва Камчаткани кўрмаган; уларнинг ҳеч бири руслар билан учрашмаган, албатта, БМТда тайёрлаб қўйилган навбатдаги ўзаро "батлл"ларда иштирок этадиган рус дипломатларидан ташқари; Россия ҳақидаги барча маълумотлар уларга, ҳар сафар Путин томонидан заҳарланадиган ва мўъжиза туфайли омон қоладиган трансмиллий сиёсий-лесбиянкалар ва ўта бадқовоқ мухолифатлардан иборат патологик кадрлар орқали етказиб турилади.

Аммо, буларнинг барчаси ҳам улар эътибори перифериясида: барча асосий душманлар уларнинг ўз миллати ичида мужассамлашган ва айнан уларни биринчи ўринда забт этишади.

Бундаги яхши хабар нимада дейсизми?

Юқорида санаб ўтилган сабабларга кўра бизнинг давлатимизга қарши кураш ва жазолашнинг аллақандай ноёб методлари қўлланилади, дея ўйламаслик лозим.

Исталган бир мамлакатга аниқ ва мақсадли ҳаракатларни қўллаш учун уни билиш талаб этилади. Қандайдир отишмада олий даражадаги боссни ўлдиришга ҳаракат қилганлар, билишадики: буни узоқ ўрганишсиз амалга ошириш мумкин эмас.

Хуллас: гап АҚШ Россиянинг оғрийдиган жойига зарба беришга унчалик қодир эмаслигида ҳам эмас (отиладиган нарсанинг барчаси кўп йиллар олдин отилиб бўлинган). Ҳаммаси бунданда ёмонроқ: улар ҳаттоки бизнинг мамлакатга зиён етказиш масаласида ҳақиқатан диққатни жамлашга қодир эмас.

Биттагина оддий сабабга кўра: айни вақтда у ерда ички оппонентларни ўз асосий рақиби сифатида кўрувчи медиа-сиёсий олигархия ғалаба қозонди.

Бу эса, ушбу фонда қуйидагиларга босим ўтказиш лозимлигини англатади:

— "янги тенглик" ни рад этадиган диний консерваторларга, яъни девиант озчиликларнинг сўзсиз имтиёзли позициясини;
— ўзининг бекаму-кўстлиги ва уларнинг оқланган ҳаёт тарзи ҳақидаги тасаввурлари учун оқ танли эркакларни;
— "яшил" энергетика фойдасига анъанавий энергетикага, —
олдиндан шуни айтиш жоизки, Россия таҳдиди ҳақидаги фантом маргинал сифатида қаралади. Ва шовқинли, аммо самарасиз методлар билан ғолиб чиқиши керак.

Аммо бу Россиянинг "Шимолий оқим - 2" каби макролойиҳаларига ҳеч нарса хавф солмаётганини англатмайди. Аммо, ушбу таҳдид кучаймоқда, деб таъкидлаш учун ҳам ҳеч қандай асос йўқ.

Бизни, табиийки, яхши кўришмайди (ҳатто, нафратланишади, деб айтиш мумкин — ахир ҳар не рўй берганда дунёдаги гегемонни ярим соат ичида йўқ қилишга қодир бўлган коинотдаги ягона давлатдан нимани ҳам кутиш мумкин).

Аммо давлатнинг тоталитар тузилмаси, у "раҳнамо" ёки "демократик" бошқарув шаклига эга бўлсин, нормал ҳолатдаги давлат тузилмасидан шуниси билан фарқ қиладики, у ҳамиша бош душманларни ўз ичида излайди ва топади.

Шундай экан, барчамиз сабрли бўлишимизга тўғри келади.

Ёки, попкорн, ёки бўлмаса семичка оволинг.

1491
Каннабис в Узбекистане: будет ли легализован медицинский препарат

Ўзбекистонда техник каннабис етиштириш учун тўланадиган бож миқдори тасдиқланди

113
(Янгиланган 20:17 05.12.2020)
Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

ТОШКЕНТ, 5 дек - Sputnik. Техник каннабис етиштириш билан шуғулланиш учун тўланадиган бож миқдори тасдиқланди, деб хабар бермоқда Қишлоқ хўжалиги вазирлиги ахборот хизмати.

Ўсимликни етиштириш учун 3000 та базавий ҳисоблаш миқдори (БҲМ), импорт (экспорт), қайта ишлаш, сақлаш, сотиш (чиқариш), сотиб олиш ва ташиш учун - буларнинг ҳар бири учун 200 БҲМ (тахминан 44,6 миллион сўм)дан тўғри келади.

Ушбу турдаги фаолият билан шуғулланиш учун лицензиялар олиш мақсадидаги божлар миқдори 2020 йил 3 декабрдаги ЎРҚ-653-сонли "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунининг 17-моддасида кўрсатилган.

Лицензиялар Ўзбекистон Республикаси Қишлоқ хўжалиги вазирлиги томонидан берилади.

Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

Жумладан, вазирлик изоҳига кўра:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

113