Дильбар Икрамова

"Битта рол билан ўзига ҳайкал қўя олди": ўзбек санъаткорлари "Сотти" ҳақида

1203
Ўзбекистон халқ артисти Дилбар Икромова 73 ёшида коронавирус-пневмонияси туфайли оламдан ўтди. Ўзбек санъаткорлари марҳум актриса билан боғлиқ энг ёрқин хотираларни ёдга олдилар

ТОШКЕНТ, 25 авг – Sputnik. Бир ой давомида дард билан олишган Ўзбекистон халқининг севимли актрисаси 25 август куни оламдан ўтди. Дилбар Икромова "Келинлар қўзғолони" фильмидаги Сотти образидан сўнг миллий қаҳрамонга айланган эди.

Ўзбекистон халқ артисти Эркин Комилов Дилбар Икромова ҳақида хотирлар экан, "Устоз Шукур Бурхонов сингари жуда катта юрак соҳибаси эди. Юракни ишлатмасдан, кинода ҳам, театрда ҳам ўйнамас эди. Аммо ҳаётда кўп ҳолатда ғамгин юрарди", дейди.

Актриса халқ артисти унвонини олгани билан доим ғамгин юрган. "Ҳол сўрасам, "Қўяверинг Эркин ака, ташвишим кўп", деб қўя қоларди. Дилбар Икромова театримизда, умуман санъат даргоҳида беқиёс бетакрор санъаткор эди, буни ҳеч ким инкор этолмайди. Ундаги юрак бошқа актрисаларда йўқ. Дилбар  Икромовани ўзига яраша жуда катта маҳобатли санъати бор эди.  У билан эллик йилдан бери бир саҳнадамиз. Афсус, ҳеч ким кутмаган ўлим Дилбарни рихлатга олиб кетди. Уни мана шу қисқа вақт ичида театр ва кинода бетакрор образлар яратиб, халқ тили ва дилидан жой ола билган актрисалардан бири бўлди. Ҳаётни қаранг...  айланиб кетай Дилбарим..." (оғир хўрсинадилар).

Ўзбекистонда хизмат кўрсатган артист Шодия Тўхтаева Дилбар Икромова билан охирги маробата қиш фаслида, "Сизсиз ўтмас кунларим" номли сериал съёмкасида  учрашганини хотирлади.

"Охирги пайтларда жуда ҳам руҳан чўккан эдилар. Дилбар опа жуда катта юрак ва истеъдод соҳиби эди. Саҳнада ўз ишига профессионал ёндашар, ҳар бир  вазифани сидқидилдан бажарар эди. Ёшларга ҳамиша юрагини очиб мулоқотда бўлиб келди. Юраги тубида эса дардлари, армонлари кўп эди.  Дилбар Икромованинг вафоти нафақат елкама- елка ишлаб келган артистлар, балки театр ва халқ учун катта йўқотиш бўлди, деб ўйлайман.  Ҳали олдинда қиладиган кўп ишлари бор эди, 85 ёшларда ҳам кўплаб "момо"ларни ўйнаши мумкин эди...  афсус, руҳан чўкишлар у кишини толиқтирди", - дейди актриса.

Ўзбекистон халқ артисти Теша Мўминов Дилбар Икромова билан Тошкент театр ва рассомлик санъати институти (ҳозирги Ўзбекистон Давлат маданият ва санъат институти) да бирга ўқиган экан.

"Бундай фидойи актрисалар камдан-кам туғилади. Қандай рол бўлишидан қатъий назар борлиғи билан уни очиб беришга ҳаракат қилар эди. Ўйлайманки, ёшларимиз мана шундай санъаткорлардан ўрнак олса арзийди. Театрга садоқатли, оиласига меҳрибон она эди. Майли, шахсий ҳаёти кўнгилдагидек бўлмагандир, аммо фақат меҳнат, сабр билан кечаю-кундуз ишлади. Бугун эса ана шу меҳнатлари зое кетмади. Унинг хотираси ва яратган образлари бир умрга қалбимизда яшайди", - деди Мўминов.     

Муҳаммадали Абдуқундузов ( Ўзбекистон халқ артисти ): Севимли актрисамиз — Ўзбекистон халқ артисти Дилбар Икромованинг вафоти ўзбек кино ва театр санъати учун жуда катта йўқотиш бўлди.  Бу каби фидоий актрисалар ҳаётга камдан-кам дунёга келади. Актриса театрда зарҳал харфлар билан ёзса арзийдиган  образлар ярата олди. Унинг актёрлик маҳорати, саҳнада ўзини тутиши, ўзига хос овози ҳеч кимни бефарқ қолдирмаган.  Қолаверса, театрда саҳналаштирилган ҳар бир асар қаҳрамони гўё Дилбар опа учун ёзилгандек бўлар ва унинг бу каби эсда қоларли роллари кўп эди. 

Кўпроқ ёшлар билан ишлаб, улардан ўзини керакли маслаҳатларини аямади. Қаерда бўлмасин ижодий учрашувларда бирга бўлсак, Дилбар Икромовани бутун зал ўрнидан туриб, қарсак билан кутиб олар эди.  сабаби у шунга муносиб ижод қила олган, ҳаётда ҳам самимий инсон эди. Ўйлайманки, Дилбар Икромованинг умри у яратиб қолдирган образларида мангу яшайди.

Ўзбек Миллий академик драма театрида ўттиз уч йилдан бери ижод қилиб келаётган Ўзбекистонда хизмат кўрсатган артист Раъно Ярашева ўттиз йил давомида Дилбар Икромова билан бир хонада пардоз қилган.

"Бирга кийиндик, бирга йиғлаб, биргаликда кулдик. Кўплаб спектаклларда бирга ижод қилдик. Ролни юракдан берилиб ўйнар эди.  Ҳаётда ўзини четга тортадиган, ҳаддан ортиқ камтарин ва ҳокисор аёл эди. Саҳна билан ҳаётдаги Дилбар бутунлай бошқа-бошқа инсонлар бўлар эди. Ҳамма билан самимий дўстона муомалада бўлгани учун, уни эркалаб "Диличка", дея чақирар эдик. Баъзан саҳна ортида "Мен чиройлимасман", дея енгилгина хўрсиниб қўярди. "Сизни истарангиздек истара ҳеч кимда йўқ, десам самимий жилмайиб қўяр эди. Бир сўз билан айтганда Дилбар Икромова "Келинлар қўзғолони" фильмида Сотти театрда эса "Чимилдиқ" спектаклидаги момо роли билан ўзига ҳайкал қўя олган актриса бўлиб қолди.

Ботир Муҳаммаджонов (Ўзбекистонда хизмат кўрсатган артист): деярли ҳамма спектаклларда ролларини ёрдамчи актёрларсиз ўйнар эди. Тўғри,  Дилбар Икромова ўйнаган ролларни ўйнайдиган бошқа актёрлар ҳам бор эди, лекин ҳеч ким унинг ролини ўзи каби ижро эта олмас эди. Театр ва ўз ишини севадиган олижаноб актриса эди. Ёш актёрлар учун кўп қайғурар эди.

Лазиз Орзиев наздида санъаткор Дилбар Икромова ҳаётда раҳмдил ва меҳрибон, ёш ижодкорларнинг ғамини ейдиган, улардан маслаҳатларини аямайдиган бағрикенг аёл эди. "Биргаликда рол ўйнасак, кўнглига қаттиқ тегиб қолмасин дея танқидни ҳам чиройли тарзда етказишга ҳаракат қилар эди. Саҳнада ҳам ҳеч қачон ёлғон аралаштирмас, ёлғон ишлайдиган одамни ҳам ўзига тўғридан-тўғри гапирмас эди", - дейди Орзиев.  

1203

Қонунсизлик: Россия устидан АҚШ разведка парвозлари кимга керак

199
(Янгиланган 17:11 24.11.2020)
Трамп маъмурияти даврида АҚШ халқаро хавфсизлик тизимидаги бир неча шартномалардан чиқди. Байден жамоаси уларга қайтмоқчи бўлса - бу жуда мушкул бўлади.

ТОШКЕНТ, 24 ноя —Sputnik, Софья Мельничук. АҚШнинг Очиқ осмон шартномасидан (ООШ) чиқиш ҳақидаги огоҳлантирув хатининг муддати тугади. Устига устак Вашингтон Москвани “йиллар давомида ООШни бузиб келишда” айблади.

Трамп маъмурияти мамлакатни эскириб кетган ва “рақибларга устунлик бераётган ҳамда миллий хавфсизликка таҳдид қилаётган” шартномалардан чиқардик деб ҳисоблайди. Лекин Байден жамоаси АҚШ осмонини яна очади деган умид пайдо бўлмоқда.

Ишонч бўлмаса ООШга ўрин йўқ

Оқ уйнинг Москвага энг катта даъволаридан бири, бу – айрим ҳудудлар устидан учиб ўтишга қўйилган таъқиқлар эди. Хусусан, Жанубий Осетия, Абхазия, Чеченистон ва Калининград. Бунга жавобан АҚШ Аляска ва Тинч океанидаги бир неча ороллар устидан парвоз қилишни таъқиқлаб қўйишди.

2002 йилда 35 давлат  томонидан имзоланган шартномага кўра,  ушбу давлатлар бир-бирларининг ҳудудлари устидан разведка парвозлари амалга оширишлари мумкин. Бунда жамланган маълумотлар барча учун очиқ бўлади. Парвозларни амалга ошираётган самолётларда қурол бўлмаслиги ҳамда унинг бортида назорат қилинаётган давлат вакили бўлиши керак.

2019 йилда ООШ доирасида 1,5 мингта парвозлар амалга оширилди. Улардан мақсад – нафақат назоратни кучайтириш, балким бир-бирига  муайян сиёсий сигналлар беришни ҳам назарда тутади. Хусусан 2014 йилда Донбассда қуролли можаро бошланганидан сўнг, АҚШ Украина шарқида Киевни қўллаб-қувватлаш рамзи сифатида доимий парвозлар амалга оширишни йўлга қўйган эди.

Нопок ўйинлар

Кремль ушбу шартномани ўзаро ишонч ва қурол-яроғ устидан назорат қилиш учун муҳим фактор деб ҳисоблайди. АҚШнинг ундан чиқиши шартноманинг аҳамиятини йўққа чиқаради. Лекин Москва, маълум шартлар асосида унга амал қилишда давом этади.

Биринчи шарт – Европа давлатлари разведка парвози давомида ўзлари жамлаган маълумотларни АҚШга бермасликни кафолатлашлари керак. Иккинчиси – Россия самолётлари Европада жойлашган америка объектларини инспекция қилиши мумкин.

Лекин ҳозирча ушбу давлатлардан ҳеч қандай кафолат олинмади ва Москвани бундай вазият мутлақ қониқтирмайди.

“АҚШ ўз иттифоқдошларидан Москва шартларига рози бўлиш ва Вашингтон шартномадан чиққанидан сўнг ҳам, маълумотларни уларга юбориб туришни талаб қилаётгани сир эмас, - дейди Венадаги Россия ҳарбий хавфсизлик делегацияси раҳбари Константин Гаврилов.   — Бу нафақат ООШни бузиш, балким ушбу шартнома асосида қандайдир нопок ўйинлар олиб боришдир. ООШ Вашингтоннинг халқаро қурол-аслаҳани назорат қилиш тизимини бузиш йўлида қўйшаг навбатдаги қадами бўлди”.

“Бу ақлсизлик”

АҚШнинг ООШдан чиқиши биринчи навбатда унинг Европадаги иттифоқчиларига таъсир қилади. Улар учун Америка самолётлари жамлаган маълумотлар жуда керак. Бир қатор европа давлатлари бу борада ўз афсусларини айтишди. “Биз Россия томонидан ушбу шартномани бажаришда айрим қийинчиликлар бўлганини тушунамиз, лекин бизнингча бу шартномадан чиқишга етарли асос бўлмайди”, - деди Германия ТИВ раҳбари Хайко Маас.

Франция ТИВи АҚШ Москва томонидан шартнома бузилгани ҳақида ҳеч қандай далиллар тақдим этмаганини қайд этди. Испания, Бельгия, Финляндия, Италия, Люксембург, Нидерланд, Чехия ва Швеция биргаликда эълон қилган баёнотида ООШ “фойдали ва амал қилаётган” шартнома бўлиб қолишини билдиришган.

АҚШнинг ўзида ҳам бу борада якдиллик йўқ. Масалан Сенатнинг халқаро муносабатлар бўйича вакили Роберт Мендес Оқ уй ҳаракатларини шундай баҳолайди: "Президент Трамп, сайловда ютқизганидан сўнг, сурбетларча қонунларни менсимагасдан, бир томонлама сиёсийлашган тартибда шартномадан чиқди”, - деди.  

“Бу ақлсизлик”, - деди Миллий хавфсизлик агентлиги собиқ директори АҚШ Ҳарбий ҳаво кучлари генерали Майкл Хайден. Рональд Рейген даврида Давлат депаратаменти раҳбари бўлган Жордж Шульц ва барак Обаманинг норасмий маслаҳатчиси Сэмьюэл Нанн Оқ Уйга Очиқ осмон шартномасини сақлаб қолиш ҳақида хаб юборишди.

Шартномалар якуни

Дональд Трампнинг 4 йиллик президентлик даврида бутун дунё унинг қурол-аслаҳа соҳасида назоратни сақлаб қолишдан манфаатдор эмаслигини тушунди. 2018 йилда у Теҳрон 2015 йилда имзоланган шартномага амал қилмаётганини рўкач қилиб “Эрон ядрой дастури ҳаракатлари” шартномасидан чиқишини эълон қилган эди.

Орадан бир йил ўтиб у Рейган ва Горбачев томонидан имзоланган Ўрта ва яқин масофа ракеталари шартномасидан ҳам чиқди.

2020 йилда Оқ Уйда 1992 йилдан буён илк бор ядровий синовлар муҳокама қилингани маълум бўлди. Агар ушбу ҳолат олдинроқ  юз берганида бу АҚШ, Россия, Хитой, Британия ва Франция орасида имзоланган шартномани бузишни англатган бўлар эди.

2010 йилда имзоланган Стратегик ҳужум қуроллари ҳақидаги шартнома (СНВ-3) тақдири ҳам ҳозирча номаълум бўлиб қолмоқда. Ўтган йили бўлиб ўтган музокараларда АҚШ Россияга қўшимча шартлар қўйди. Улар орасида бажариб бўлмайдиганлари ҳам бор. Масалан Хитойни ушбу шартномага қўшиш. СНВ-3 муддати келгуси йил февралида тугайди. Экспертлар унинг узайтирилиши даргумон деб ҳисоблашади.

Нима бўлганда ҳам Очиқ Осмон шартномаси Дональд Трамп маъмуриятининг сўнгги қурбони бўлади деб умид қиламиз. Ҳозирча Жо Байденни расмий ғалаба билан табриклашга ҳали эрта, лекин унинг ҳукумат бошига келиши эҳтимоли кун сайин ортиб бормоқда.

Янгидан кириш

Айрим экспертлар хулосаига кўра, Байден ООШга қайтадан кириш масаласини ўйлаб кўриши керак, лекин бунинг амалга ошиши амри маҳол, деб ҳисоблайди НИУ ВШЭнинг Европа ва Халқаро изланишлар маркази директори Дмитрий Суслов.

“АҚШда бир неча 10 йиллар давомида жамланган аниқ тажриба бор: улар қуролларни назорат қилиш борасида бирор шартномадан чиқса, унга бошқа қайтиб кирмайди”, - дейди мутахассис. Устига- устак  ООШ бўйича Россияга Оқ уй ва Пентагон томонидан Обама давриларидан буён турзи даъволар билдириб келинаётган эди.  

Ундан ташқари янги шартнома Конгресснинг юқори палатаси томонидан ратификация қилиниши керак. У ерда аксарият республикачилар бўлгани учун, бу янги муаммолар келтириб чиқариши мумкин.

“Байден собиқ президент қарорини бекор қилмоқчи бўлса ҳам - бу бир қатор муаммоларга дуч келиши мумкин. Устига устак Трамп маъмурияти ҳозир ушбу йўналишда янги муаммолар яратмоқда: Оқ уй Ҳаво кучларини кузатув парвозларида фойдаланилаётган самолётлардан воз кечишни талаб қилмоқда”, - дейди ПИР маркази консультанти, Бошқарув қарорлари қабул қилиш маркази катта эксперти Олег Шакиров.

Узоқ йиллар давомида, республикачилар босими остида Конгресс ушбу самолётларни замонавийлаштиришга маблағ ажратмай келаётган эди. Ушбу самолётларсиз ООШга қайтиш ҳам мураккаб бўлади, деб ҳисоблайди эксперт.

Очиқ осмон шартномасига қарши бўлганлар Байден жамоасида ҳам бор. Масалан Майкл Карпентер — ташқи сиёсат бўйича собиқ маслаҳатчи, у ҳам АҚШнинг ушбу шартномада иштирок этишига қарши бўлган. Унинг фикрича Россия ООШ парвозлари орқали американинг инфратузилмавий объектларига зарар етказиш учун маълумот жамламоқда.  

Умумий хулоса шундан иборатки, Байденнинг асосий ғояси – Европа билан ишончли муносабатлар ўрнатиш, дейди Шакиров. Европа учун ООШнинг муҳимлигини ҳисобга олган ҳолда, АҚШ вақти келиб ушбу шартномага қайтиши ҳам мумкин, - иттифоқдошлари учун.

199
Нюрнбергский процесс (20 ноября 1945 г. - 1 октября 1946 г.). Международный военный трибунал над бывшими руководителями гитлеровской Германии. Здание Нюрнбергского Дворца юстиции.

Нюрнберг дарслари: Уруш ҳақида 3та энг катта ёлғон

936
(Янгиланган 16:06 22.11.2020)
Иккинчи Жаҳон Уруши ҳақидаги ёлғон хабарлар қачон пайдо бўлган, уларга қарши қандай курашиш керак - "Нюрнберг дарслари" форуми.

ТОШКЕНТ, 21 ноя — Sputnik, Данара Курманова. Ушбу кунларлда Москвада ХАА “Россия Сегодня” томонидан ташкил қилинган “Нюрберг дарслари” номли илмий-амалий форум бўлиб ўтмоқда. Унинг асосий мавзуси – нима сабабдан замонавий жамиятда Иккинчи жаҳон уруши тўғрисида бунча кўп ёлғонлар пайдо бўлмоқда ва уларга қарши қандай курашиш керак?

Ушбу мавзудаги фейк хабарлар асосан ижтимоий тармоқларда пайдо бўлмоқда, уларни назорат қилиш эса мушкул иш. Медиа соҳаси экспертлари эса бунга қарши курашиш мумкин деб ҳисоблайди. Бунинг учун Уруш ҳақида тарқатилаётган 3та асосий ёлғонларни билиб олиш керак.

Биринчи ёлғон: Иккинчи Жаҳон урушида АҚШ асосий рол ўйнаган

“Тарихни қалбакилаштириш, Урушда Америка ғалаба қозонди дейишга уринишлар олдин ҳам бўларди, лекин у вақтлар безбетлик даржаси камроқ эди, - деб ҳисоблайди немис ёзувчиси Antispiegel сайти бошлиғи Томас Рёпер. – Олдинлари ҳеч бўлмаса СССР ва АҚШ иттифоқдош бўлган, лекин энг катта зарар айнан Шарқий фронтда бўлган, дейишарди. Ҳозир бўлса совет аскарларини кўпинча оккупант дейишади, америкаликлар эса Германияга шоколад билан келган эмиш."

Рёпер хулосасига кўра, тарихни қайта кўчиришга кўпроқ европа ОАВлари ёрдам беришмоқда, жумладан Германия ОАВлари ҳам. Яқинда Германиянинг Der Spiegel журнали ижтимоий тармоқда Освенцим концлагерини америкаликлар озод қилган деб ёзиб чиқарди. Шундан сўнг ёғилган норозиликлардан сўнг нашр ўз хатосини тан олди ва "Аушвиц" концлагерини Қизил Армия озод қилган деб чиқди.

Мутахассислар тарихнинг ҳар қандай ўзгартиришни кескин танқид қилиш керак деб айтишмоқда. Der Spiegel пости биринчи навбатда немис тилига гапирадиган фойдаланувчилар норозилигига сабаб бўлган. Улар нафақат тарихий фактни, балким ўша мудҳиш лагерда қурбон бўлга 1,4 миллион кишилар хотирасини ҳимоя қилиш истагида бўлган.

Иккинчи ёлғон: янги авлодга ўша Уруш тарихи қизиқ эмас

Ижтимоий тармоқларда яна бир ёлғон тез-тез учраб туради, гўёки ҳозирги ёшларга Иккинчи жаҳон уруши тарихи қизиқ эмас. Лекин Russia Today журналисти Мария Бутина хулосасига кўра – аслида бундай эмас. “Ўлмас полк” тадбирини эсга олсак, олдинги йилларда унда 39 давлат иштирок этган бўлса, ҳозир уларнинг сони 115тага етган.

“Шунинг учун ватандошларимизни қўллаб-қувватлаш керак, улар – тарихий хотира ҳимоячиларидир, улар тинчлик ва ҳамкорлик ғоясини тарғиб этувчилар ва Россия фуқароларининг хориждаги ҳимоячиларидир”, - дейди Бутина.

Уруш ҳақида ҳақиқатни сақлаб қолиш истагида бўлган кишилар сони яқин хорижий мамлакатларда ҳам ўсиб бормоқда, деб ҳисоблашади форум спикерлари. Россиялик Сергей Мирошниченконинг волонтёрлик иши бунга далил бўлиши мумкин. У ишдан бўш вақтларида Нюрнберг стенограммаларини ва Уруш билан боғлиқ бошқа ҳужжатларни таржима қилади. Яқинда интернетда янги портал пайдо бўлди - Nuremberg Media. У ерда Нюрнберг трибунали ҳақида батафсил маълумот топиш мумкин. Лойиҳа асосчилари - "Россия сегодня" медиагуруҳи ва Sputnik агентлиги.

- Уруш ҳақида ҳикоя қилганда рад этиб бўлмас фактларни келтириш керак, - деб ҳисоблашади “Нюрнберг дарслари” форуми иштирокчилари. Коммунизм ва нацизм бир нарса, деб оғиз кўпиртираётганларган биргина фактни келтириш мумкин –  Гитлер ҳукумати СССР халқларини оммавий стерелизация қилишни режалаштирган.

Ушбу лойиҳа немис врачи Адольф Покорный томонидан таклиф қилинган. Ўзининг 1941 йилда киритган таклифида у душманни нафақат енгиш, балким йўқ қилиниши керак деб ҳисоблаган. Бунинг учун у дастлаб 3 миллион асирга олиганларни стерилизация қилиш керак деб ҳисоблаган. Шу билан бирга у асирларни тирик сақлаб қолиб умрининг охирига қадар ишчи кучи сифатида фойдаланиш керак деб ҳисоблаган. Тажриба муваффақиятли кечган тақдирда ва Гитлер ғалаба қозонганда, СССРнинг қолган аҳолиси билан ҳам шу тарзда иш тутиш режалаштирилган бўлган.

Учинчи ёлғон – Фейклар интернет туфайли пайдо бўлди

Аслида ёлғон хабарлар ҳар доим мавжуд бўлган, дейди журналист ва "Рақамли тарих" YouTube-канали автори  Егор Яковлев. Интернет ихтиро қилинганидан сўнг Ахборот майдонида ёлғон хабарлар тез  ва кенг тарқала бошлади, лекин уларнинг даражаси кескин камайган. Олдинги асрларда ёлғонлар яратишда “ижодий ёндашув” даражаси  анча юқори бўлган.

Масалан 1817 йилда чех шоири Вацлав Ганка Крале Двур шаҳарчасдаги черков ичидан қадимий қўлёзма топиб олганини ва унда 1242 йилда чехлар монгол-татарларини тор-мор қилгани ҳақида ёзилганини хабар қилган. Ўшанда кўплаб чехлар унга ишонишган эди. Шоирнинг ёлғони фақат 70 йил ўтиб очилган.

Ёки 1939 йилда франциянинг "Гавас" ахборот агентлиги Иосиф Сталин Польшани эгаллаб олмоқчи бўлгани ҳақида ёлғон хабар тарқатган. Ушбу мақсадда совет раҳбари Политбюрода Германияни қўллаб-қувватловчи нутқ сўзлаган. "Гавас"нинг ёлғон хабар тарқатгани урушдан кейин маълум бўлган. Буни Британия ва Германия олимлари исботлашган.

936

Ўзбекистоннинг бош арчаси қандай безатилмоқда - видео

0
(Янгиланган 19:24 24.11.2020)
Ўзбекистоннинг бош арчаси - Юнусобод туманидаги "Сайлгоҳ" майдонида ўрнатилмоқда. Арчанинг баландлиги ўзгармайди, ўтган йилги сингари 36 метрни ташкил қилади.

Арчани тўлиқ безатиш ишлари 20 декабрга қадар якунланади. Тез кунда Хитойдан янги инсталляцияларнинг олиб келиниши кутилмоқда.

0