Қорабоғ қопқони Арманистон ва Озабайжон унга қандай тушиб қолишди

1390
(Янгиланган 10:06 14.10.2020)
Қорабоғ можаросининг урушга айланиб кетишига Арманистон ва Озарбайжоннинг ички сиёсати сабаб бўлган.

ТОШКЕНТ ,13 окт — Sputnik, Антон Лисицын. Арманистон ва Озарбайжон Москвада ўт очишни тўхтатиш ҳақидаги шартномани имзолашганидан сўнг ҳам Қорабоғда ўқ овози тинмаяпти. Тинчликни бузгани учун жавобгарликни Ереван билан Боку бир бирига тўнкамоқда. Иккала томондан ҳам қурбонлар бўлмоқда ва шу билан бирга тинчлик музокалари ҳам олиб борилмоқда. Озарбайжон ва Арманистон дипломатик ўйинлари ҳақида РИА Новости мухбири.

Оғир жанглар

Тоғли Қорабоғда 12 октябрдан жанговар ҳаракатлар янги куч билан қайтадан бошланиб кетди. Озарбайжон армияси зарбалар беришни бошлади, деди тан олинмаган Тоғли-Қорабоғ республикаси президенти вакили Ваграм Погосян.

“Арманистон армияси ўзидан бир неча бор кучли турк-озарбайжон кучлари билан оғир жанглар олиб бормоқда. уларга Туркия ҳаво кучлари, разведкаси, ёлланма жангарилари ва террорчилар ёрдам бермоқда”, - деб хабар тарқатди Арманистон Мудофаа вазири матбуот котиби Арцрун Ованнисян.

“Йўқотган ҳудудларни қайтариш учун Арманистон қуролли кучлари, ўт очишни тўхтатиш ҳақидаги келишувларга қарамасдан кичик гуруҳлар ёрдамида бир неча бор Озарбайжон армияси позицияларига ҳужум қилишга уринмоқда”, - деб хабар қилди Озарбайжон мудофаа вазирлиги.

Шунингдек Озарбайжон кучлари Гудрут шаҳрини қўлга киритишган. Арманистон эса бу шаҳарга штурмлар энди бошланди, деб дезинформация тарқатмоқда, - деб хабар қилмоқда Боку.

Дипломатия кучи етмади 

Жумадан шанбага ўтар кечаси 10 соат давом этган музокаралардан сўнг Москва Арманистон ва Озарбайжон ўт очишни бас қилиш ҳақида шартнома имзолашди. Сергей Лавров айтишига қараганда ушбу келишувга эришишда Россия президенти Владимир Путин, Озарбайжон президенти Илҳом Алиев ва Арманистон бош вазири Никола Пашинянлар катта ҳисса қўшган.

Ушбу шартномада томонлар 10 октябр соат 12:00 дан бошлаб ўт очишни тўхтатишга, гуманитар мақсадларда асирлар билан алмашишга ва Халқаро Қизил Хоч жамияти қоидаларига асосан қурбонлар таналарини олиб кетишга келишиб олишган. Жангларни тўхтатиш шартлари кейинроқ муҳокама қилиниши керак эди.

Москва музокаралари натижалари ОБСЕ бошчилигидаги Минск гуруҳи келишувидан кўра каттароқ муваффақият қозонди, деб хулоса қилди озарбайжонлик сиёсатчи эксперт Ахмед Алили.

“ОБСЕ Минскка фақат Озарбайжон ТИВ раҳбари Джейхун Байрамовни олиб келган бўлса, Москва иккала вазирни ҳам музокаралар столига ўтқаза олди ва Минскдан инициативани олиб қўйди”, - деди Алили.

Сиёсатчи, музокаралар жуда узоқ давом этганига ишора қилган ҳолда, Москванинг ушбу ўртакашлиги осон кечмаганини ҳам қайд этди.

Тоғли Форабоғда можаро бошланганидан буён Боку ва Ереван бир-бирини уруш бошлашда айблаб келишмоқда.

Танқидларга тайм-аут

Россиялик сиёсатчи Армен Асириян фикрига кўра, Ереваннинг музокаралардаги позициясига ички сиёсат ҳам таъсир қилмоқда. Бугунги бош вазир ҳукумат тепасига келганидан сўнг Арманистон жамияти ичида можаролар кескинлашди.

“Пашиняннинг рақибларининг аксарияти уруш бошланганидан сўнг уни танқид қилмай қўйишди. Буни ўзига хос Тайм-аут дейиш мумкин, лекин айримлар танқид қилишда давом этишмоқда.

Президент Азербайджана Ильхам Алиев
Официальный сайт президента Азербайджана

Озарбайжон раҳбари Алиев эса, ички жамоатчиликнинг ва ташқи кучларнинг агрессив босимига дуч келмоқда.

Қорабоғ можаросида иштирок этаётган ташқи кучлар эса ҳозир дипломатик ўйинлар учун “катта эшик” очилганини ҳис қилишмоқда. Туркия ушбу имкониятдан максимал даражада фойдаланиб қолишни истайди”, деб хулоса қилди Асириян.

Яна бир россиялик Кавказ ҳудуди бўйича мутахассис Нурали Гасымов фикрига кўра Қорабоғда ҳозир фаол жанглар бўлаётгани йўқ. Иккала томон ҳам ўз жойидан туриб ўқ узмоқда. Жанглар ҳақидаги хабарлар эса иккала томон учун ҳам музокараларда янада яхшироқ позиция эгаллаш мақсадида тарқатилмоқда. Ҳақиқат - 3-4 кунда маълум бўлади.

“Лекин, Гадрут ҳақидаги хабарларга ишонса бўлади. Бу Қорабоғнинг муҳим стратегик нуқтасидир. У ердан туриб Шуша ва Хўжавенд аҳоли пунктлари йўлларини назорат қилса бўлади. Ким Гадрутни қўлга киритса у бутун Физулин тумани устидан назоратни ва оператив имкониятларни қўлга киритади”, - дейди Гасымов

Қорабоғ қопқони 

Қорабоғ можароси олдида дипломатиянинг кучсизлиги ва унинг урушга айланиб кетишига сабаб, бу  - иккала давлатнинг ички сиёсатидир. Озарбайжон учун ҳам Арманистон учун ҳам Қорабоғ  - қопқонга айланди. Ушбу можарода рақиб томонга бироз бўлсада бўш келиш – республикалар аҳолиси томонидан кескин кутиб олинади. Бунда ҳар бир раҳбарга “сотқин” ёки “душман” деган ном олиш жуда осон.

Алиев Озарбайжоннинг биринчи президентлари - Эльчибей ва Муталибовларнинг тақдирини жуда яхши билади. Улар Қорабоғ можаросидаги мағлубияти учун ўз курсиларидан маҳрум бўлишган эди. Бу ўринда иқтисодий муаммолар ҳам Қорабоғ муаммосидек муҳим аҳамиятга эга бўлмаган, - дейди мутахассис.

Шу сабабли Москвадаги музокаралардан олдин Алиев Қорабоғда энди вазият ўзгарди, деб эълон қилган эди.

“Мен статус квони ўзгартирдим. У ерда жанг майдонида. Статус-кво энди йўқ”, - деди Озарбайжон президенти ўз фуқароларига қараб.

Алиев учун бу ички курашдаги бир неча йилардан бери ҳал қилинмаган муаммонинг ечими, ўзига хос ғалабадир, - дейди Гасымов.

Пашинян бўлса, ўз фуқароларидан кўплаб танқидларни эшитишга мажбур, чунки у ҳукумат бошига келганидан сўнг Қорабоғ борасида кўплаб ваъдалар берган эди. Хусусан, у тинчлик шартномаларида камида 3 томон – Ереван, Боку ва Степанакерт иштирокида тузилиши керак, деган эди. (Бунинг учун Степанакерт бошқалар томонидан тан олинган қандайдир расмий мақомга эга бўлиши керак). Лекин ҳозирги шартномада фақат Арманистон ва Озарбайжон иштирок этган.

Бундай катта ваъдаларни Пашинян Арманистон ички сиёсатида муҳим ролга эга бўлган қорабоғликлар кланининг хайрихоҳлигини олиш мақсадида берган.

Боку эса бундай қарашлардан йироқ. Улар музокаралар форматини ўзгартиришни истммайди. 1998 йилдаги музокараларда Арманистон томонидан Роберт Кочарян иштирок этган эди. келиб чиқиши қорабоғлик бўлган ушбу сиёсатчи ўша вақтда барча томонга маъқул эди.

Энди муаммо ечимини томонлар Минск гуруҳи музокаралари доирасида топишга ҳаркат қилишса керак.

 

1390
Корабли НАТО в Балтийском море во время учений

Янги совуқ  уруш: Америка денгиз пиёдалари нега Шимолда тўпланмоқда

87
(Янгиланган 15:21 25.01.2021)
Россияни жиловлаб туриш баҳонасида АҚШ ва Норвегия Арктикада янги совуқ урушни ва қуролланиш пайгасини бошлаб юборишган.

ТОШКЕНТ, 25 янв — Sputnik, Николай Протопопов. АҚШ армияси Норвегияда, Россия чегараларига яқин жойда тўпланмоқда. Январ ойида ушбу қирғоқда мингга яқин АҚШ денгиз пиёдалари олиб келинган эди. Шу билан бирга америка сиёсатчилари ва генераллари тинимсиз равишда Арктикада танглик ошиб бораётганини ҳақида баёнот бермоқда. Аслида ушбу тангликни уларнинг ўзлари яратмоқда. Пентагон Норвегияни  нималарга тайёрлаётгани ҳақида РИА Новости мақоласида.

Викинглар уйига меҳмонга

Америкаликлар “денгиз кучларининг Шимолий Каролинадан Норвегияга олиб келишига “оддий ротация” сабаб деб, бир неча йилдан буён Россия чегаралари яқинида ўз ҳарбий контингентни доимий сақлаб турмоқда.

Уларнинг вазифаси – НАТОдаги ҳамкасабалари билан биргаликда ҳаракат қилишни машқ қилиш ва норвегиялик инструкторлар қўли остида совуқ шимол иқлимида жанговар ҳаракатлар олиб боришни ўрганишдир.

Феврал ойида Америка, Норвегия, Голландия ва Англия аскарлари – жами 10 мингга яқин, Joint Viking 2021 номли кенг кўламли ҳарбий ўқув-машғулотларида иштирок этади. НАТОчилар қўшинларни катта масофага тезда етказиш, барча даражада техкор ахборот алмашиш тизимини синаб кўришни машқ қилишади ва бир неча операциялар ўтказишади.

JointViking ҳарбий ўқув-машғулотлари ҳар йили бўлиб ўтади. Унда НАТО қўшинлари – бронетехника, артиллерия, авиация, ҳарбий кемалар ва сув ости кемалари иштирокида, аксарият ўрмон ва тоғлардан иборат бир неча юз квадрат километр майдонда, юқори интенсивли жанговар ҳаракатларни машқ қилишади.

Ҳарбий эксперт Александр Жилин айтишига кўра, АҚШ ўз ҳарбий доктринасига кўра, уларнинг армияси, асосан, хорижда жанг қилишни ўрганмоқда.

“Шу сабабли ҳам америка ҳарбийлари доимий равишда турли давлатларда пайдо бўлиб, у ерда разведка, аэродромларни текшириш, денгиз йўлларини текшириш билан шуғулланишади, дейди Жилин. –Бошқа давлатлар ҳарбийлари билан олиб биргаликда ўтказиладиган машғулотларга алоҳида эътибор берилади, чунки АҚШ ҳар доим бировлар қўли билан жанг қилади”.

Эксперт хулосасига кўра, Пентагон вазиятни атайлаб танг қилмоқда. Чунки АҚШ ва НАТО Арктикага даъво қилишда давом этишмоқда.

“Денгиз пиёдалари ўқув-машғулотларида ҳужум операциялари машқ қилинмоқда, ҳимоя эмас – дейди Жилин. – Жумладан Россияга қарши ҳаракатлар ҳам. НАТОнинг Европадаги ҳаракатлари умумий таҳлил қилинганда - улар Москва учун танглик ҳудудлари ташкил қилишга қаратилганини кўриш мумкин. Бизнинг армиямиз ҳам Норвегияда содир бўлаётган воқеаларга бефарқ қараб тура олмайди. Ваҳима йўқ, лекин куч ва ресурсларни сарфлашга тўғри келмоқда – биз вазиятни тўлиқ назорат остига олишимиз керак, ҳеч қандай провокацияга йўл қўймаслигимиз керак”.

Шимолий плацдарм

“Валдай” таҳлилий клуби эксперти Артем Куреев айтишига қараганда, Арктика шароитида жанг қилишни ўрганиш учун америкаликларнинг Аляскада жойлашган ривожланган инфратузилмаси бор. Лекин шунга қарамасдан улар Норвегияда машқ қилишни хуш кўришади.

“Аслида ушбу машғулотлар НАТОда етакчиликни сақлаб туриш учун керак. Норвегия – НАТОнинг энг “эски” аъзоларидан биридир. Осло Россияни ўзига душман деб билади. Совуқ уруш йиллари вақтида норвегияликлар Арктикада СССРга қаршилик кўрсатиш учун инфратузилма яратиб, ундан ҳозиргача фойдаланиб келишмоқда. Агар вазият ҳақиқатдан ҳам кескинлашса, Шимолий Норвегия дарҳол Россиянинг Мурманск шаҳри йўлида бош плацдармига айланади”.

Ҳарбий денгиз флоти ва Денгиз пиёдалари корпусининг янги стратегиясига кўра, Вашингтон Арктикадан бошқа давлатларни сиқиб чиқариб, у ерга ўзи ўрнашиб олишни истайди. "АҚШ ҳарбий-денгизчиларисиз Арктика ҳудудида тинчлик ва фаравонликка Россия ва Хитой халал беради”, - дейилган АҚШ ҲДФнинг янги 10 йиллик доктринасида.

АҚШ ҲДФ вазири Кеннет Брейтуэйт айтишига кўра, Пентагон Арктикада “Узоқ Шимолда Москванинг кенгайишини олдини олиш ва Россия қирғоқлари яқинидаги акваторияни назорат қилиш учун”  Арктикада доимий равишда жанговар сув усти ва сув ости кемаларини, шунингдек кучли қуруқлик қўшинларини жойлаштириш ҳам режалаштирилган.

Норвегия мудофаа вазири Франк Бакке-Йенсен, айтишига қараганда - давлати хавфсизлик сиёсатининг асосий йўналиши – Арктика ва Россиянинг ҳудуддаги фаоллигидир. Ушбу йўналишда трансатлантик алоқалар – ҳал қилувчи аҳамиятга эга. Узоқ Шимолда Норвегия НАТО бўйича ҳал қилувчи иттифоқчиларнинг кучайиши тарафдоридир.

“АҚШ ҲДФ, денгиз пиёдалари, махсус кучлар, ҳарбий ҳаво кучлари ва космик кучлари билан биргаликда Арктикада ҳамкорлар билан стратегик алоқаларни ривожлантирамиз, - деди вазир. – Бу Узоқ Шимолда иттифоқчи ҳарбий-денгиз ва ҳарбий-ҳаво кучларининг доимий ўқув-машғулот олиб боришини назарда тутади. Норвегия ушбу тадбирларда иштирок этиб, иттифоқчилар билан оператив ҳамкорликни ривожлантириш ниятида".

Барча фронтлар бўйлаб

Айтиш жоизки, АҚШ Шимолда жиддий ўрнашиб олган ва бунда Норвегиянинг аҳамияти жуда катта бўлди. Ўтган йилнинг сентябрида Тромсе портига Seawolf классига мансуб сув ости кемаси етиб келган эди. Унинг асосий миссияси – Россия сув ости кемалари йўналишини кузатишдир.

Бироз олдин бўлса АҚШ Россияни Шимолда “жиловлаб туриш” учун 2011 йилда тарқатиб юборилган Иккинчи флотини қайта тиклаган эди.

Совуқ урушнинг яна бир белгиси – 1960 йиллардан қурилган Норвегияннг Олавсверн ер ости ҳарбий базаси фаолияти қайта тикланмоқда. Олавсверн – Россия чегарасидан 350 км масофада жойлашган бўлиб, ундан сув ости ва сув усти кемаларини таъмирлаш, ўқ-дориларни сақлаш учун фойдаланилади. Совуқ уруш даврида бу ерда жойлаштирилган ҳарбий кемалар Совет Иттифофи ҲДФга Норвегия денгизи ва Шимолий Атлантикага чиқиш йўлини тўсиб қўйиши мумкин деб ҳисобланган.

Пентагон Арктикада ҳарбий-ҳаво кучларини оширишга жиддий қарор қилган. Ўтган йил Америка ва Норвегия ҳарбий кучларининг кенг кўламли ўқув-машғулотлари бўлиб ўтди. Бирданига 6та B-52 Stratofortress - стратегик бомбардимончи самолётлар Шимолий полюс устидан учиб ўтиб Норвегия стратегик қирувчилари билан биргаликда синов парвозлари амалга оширди.

Февралда эса Пентагон Техасдан Норвегиядаги Эрланд авиабазасига 4та товуш тезлигидан тез учадиган B-1BLancer стратегик бомбардимончиларини жойлаштирди.

87

"Русларнинг нозик жойига урамиз": НАТО нимани режалаштирган

1896
(Янгиланган 21:30 22.01.2021)
Ҳарбий контингентни ошириш, армия инфратузилмаси қурилиши ва халқаро миқёсда янада жипслашиш - 2021 йилда НAТО Россия ғарбий чегараларига босимни кучайтиради.

ТОШКЕНТ, 22 янв — Sputnik, Андрей Коц. Ҳарбий контингентни кўпайтириш, армия инфратузилмасининг қурилиши ва халқаро миқёсда янада жипслашиш - 2021 йилда НAТО Россиянинг ғарбий чегараларига босимни кучайтиради. Май-июнь ойларида альянс совуқ уруш давридан буён энг йирик Defender Europe 2021 манёврларини ўтказади. Бунга жавобан Россия ва Беларусь кўламдорлиги жиҳатдан қолишмайдиган "Ғарб-2021" ҳамкорликдаги машғулотларни сентябр ойида ўтказишни режалаштирган. Буларнинг барчаси нима билан тугаши мумкинлиги ҳақида — РИА Новости материалида ўқинг.

Жанг майдони — Европа

Defender Europe 2021да, аввалгидек, Шарқий Европа ва Болтиқбўйида мудофаа ва ҳужум ҳаракатлари машқ қилинади. Машғулотлар афсонасига кўра, НАТО қўшинларига Калининград вилоятига штурм уюштириш, Россия ғарбий вилоятларини блоклашга, шунингдек, "русларнинг ёппасига ҳужумини" қайтаришга тўғри келади. Ўтган йилгилардан фарқли равишда, 2021-йилда алоҳида эътибор Шарқий эмас, балки Жанубий Европага қаратилади. Манёврлар Черногория, Косово ва Албанияда режалаштирилган. Болгария ва Руминияда Ҳаводан ҳужумга қарши машғулотлар ўтказилади ва "ер - ер" синфидаги ракеталардан ўт очиш амалга оширилади. Венгрия эса бошланаётган "урушнинг" орқа томони сифатида хизмат қилади.

Aмерикаликлар Европага кучларнинг асосий қисмини кўчиради, жумладан 1-отлиқлар ва 82-ҳаво-десант дивизиялари бўлинмаларини. Aтлантика океанидан юзлаб турли мақсадлар учун мўлжалланган ҳарбий техникалар олиб ўтилади. Бундан ташқари, Флорида штатидан 53-пиёда бригадаси етказиб берилади. Машғулотлардан сўнг америкаликлар баъзи қуролларни яна Европада "унутиб қўйишлари" ҳам истисно эмас, бу биринчи бор содир бўлмаяпти, ахир. Мутахассислар фикрига кўра, шу тариқа Пентагон йилдан-йилга минтақадаги ҳужум имкониятларини ошириб бормоқда.

Defender Europe 2021га жавобан Россия ва Беларусь сентябр ойида "Ғарб-2021" манёврларини ўтказади. Душанба куни Беларусь Мудофаа вазири Виктор Хренин маълум қилганидек, "қўшма машқлар юқори даражадаги шаҳарлашган шароитда бирлаштирилган ҳужум бўлинмалари томонидан қўшма ҳаракатларнинг янги усулларини синовдан ўтказиш"га, шунингдек, "янги ва модернизация қилинган қурол ва техника намуналари самарадорлигини баҳолаш"га имкон беради.

Минскда, стратегик манёвралар "кучли иттифоқчилик муносабатлари ва Беларусь ва Россиянинг мудофаа идораларининг Иттифоқ давлат ҳарбий хавфсизлигини таъминлаш бўйича қарашлари бирлигини" акс эттиришини қайд этишди.

Кучни кўз-кўз қилиш

Иккала томон ҳам маневралар бирон бир давлатга ёки ҳарбий блокга қарши йўналтирилмагани тўғрисидаги одатдаги дипломатик иборалардан фойдаланмадилар. НAТО кучлари томонидан Калининградга ҳужум саҳнасини машқ қилиш ва рус ҳарбий хизматчиларининг шаҳарда кечадиган жангларга тайёрланишлари, ким кимга қарши жанг қилишини аниқ намоён этиб турибди. Aлбатта, кенг кўламли қуролли тўқнашув эҳтимоли жуда кичик, аммо реал.

Мутахассислар фикрига кўра, НАТОнинг 2021 йилдаги ҳаракатлари АҚШдаги ҳукумат алмашувига бевосита таъсир кўрсатади. Дональд Трамп президентлигининг тўрт йилида Шимолий атлантика блоки бирлиги сезиларли кучсизланди. Оқ уй эгаси биринчи галда америка манфаатларини кўзлашини яширмас, ва ҳатто альянсдан чиқиш имконияти борлигини ҳам истисно этмасди. Бундай оҳанг Европада кучли ташвишни келтириб чиқарди, яна бир бор ЕИ армияси ҳақидаги масала кўтарилди. Янги президент, кўриниб турибдики, ҳаммасини тўғрилашга ҳаракат қилади.

"Россия ва НАТО ўртасидаги муносабатлар бу йил ёмонлашиб боради, — деб ҳисоблайди Геосиёсий масалалар Академиясининг биринчи вице-президенти Константин Сивков. — Байден альянсни қайта тикламоқчи ва сафарбар шай ҳолатга келтирмоқчи. Бунинг учун эса ташқи душман керак. Хитой жуда узоқ бўлгани учун, Россия бу рольга ҳаммадан яхши мос келади. Вашингтонга ташқи душман образи америка жамиятини жипслаштириш учун ҳам керак".

Пул ишлаш

Бироқ, мутахассисларнинг фикрича, аслида НAТОнинг Россияга қарши аниқ тажовузкор режалари йўқ. Aмерикаликлар учун альянснинг кейинги кенгайтирилиши - бу пул ишлашнинг ва Европани ўзига янада кучлироқ боғлашнинг усулидир. Вашингтон Трампгача бўлган даврга қайтади ва Кўхна дунё ишларига аралашувни кучайтиради.

"Мени наздимда, 2021-йилда НАТО ҳарбий ташкилотдан аллақандай глобал корпорацияга айланаётганини намойиш этади, — дея тушунтиради америкачи-сиёсатшунос Сергей Судаков. — Альянснинг муҳим масаласи аввалгидек ҳамон долзарб — бу молиялаштириш. Мусиқани пулини тўлаган буюради. Бюджетнинг учдан икки қисмини АҚШ таъминлайди, ва бу ҳеч кимга сир эмас. Биз ҳаражатлар уч миллион доллардан ошиб тушганини яхши биламиз. Ва энг аввало - Вашингтон туфайли. Европа давлатлари АҚШдан поставкаларга умид қилишади - ҳатто сухой паёкларгача. Буни американинг улкан мудофаа бюджети қўллаб-қувватлайди — НАТО манфаатларида ҳаракат қиладиган корпорациялар жуда улкае миқдорда даромад кўришади".

Эксперт Шимолий Aтлантика альянсининг бугунги фаолиятини бир чўнтакдан бошқасига пул ўтказишга қиёслади. Вашингтон НAТОга пул ажратади, иттифоқчилар бу маблағларга Aмерика техникаси ва қуролларини сотиб олиш учун фойдаланади ва шу билан доира ёпилади.

Байден давридаги AҚШ Европа учун ҳарбий маҳсулотлар учун асосий бозорлардан бири бўлиб қолади. Демак, океан ортидан Россияга қарши риторика кучайишини кутишимиз керак. Aммо аксарият мутахассислар шунга аминки: Вашингтон ва Брюссел дунёда қудрати бўйича иккинчи ўринда турадиган армия кучини синаб кўришга журъат этолмаса керак.

1896
Флаг с символикой Евразийского экономического союза (ЕАЭС)

ЕОИИ-Ўзбекистон ҳамкорлик “Йўл харитаси” тасдиқланди

51
(Янгиланган 15:26 25.01.2021)
Ўзбекистоннинг ЕОИИ билан ҳамкорлик масаласи юзасидан 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

ТОШКЕНТ, 25 янв — Sputnik. Бугун Олий Мажлис Қонунчилик палатасининг Ўзбекистон Республикасининг Евроосиё иқтисодий иттифоқи (ЕОИИ) билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳининг йиғилиши бўлиб ўтди.

Унда Қонунчилик палатасининг Ўзбекистон Республикасининг ЕОИИ билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳи раҳбари Акмал Саидов, ишчи гуруҳ аъзолари ҳамда оммавий ахборот воситалари вакиллари иштирок этдилар.

Ишчи гуруҳининг мақсади - ЕОИИга аъзоликнинг ижобий ва салбий жиҳатларини чуқур таҳлил қилиш, миллий иқтисодиётга таъсирини ўрганиш, бошқа халқаро ташкилотлар ва хорижий мамлакатлар билан ҳамкорлик истиқболларига ўзаро боғлиқлигини ҳар томонлама кўриб чиқиш.

Дастлаб йиғилишда Ўзбекистон Республикаси президенти Шавкат Мирзиёев томонидан 2020 йил 29 декабрь куни Олий Мажлисга йўлланган Мурожаатномадан келиб чиқиб, 2021 йилда ЕОИИ билан ҳамкорликни йўлга қўйиш масаласини ўрганишни ташкил этиш, Ўзбекистоннинг ЕОИИга кузатувчи мақомида ушбу миинтақавий тузилманинг кенг имкониятларидан ҳар томонлама фойдаланиш йўлларини қидириш Қонунчилик палатасида тузилган мазкур ишчи гуруҳнинг асосий вазифаларидан бири эканлиги таъкидланди.

Йиғилиш иштирокчилари Ўзбекистон ЕОИИда кузатувчи мақомини олганлиги ҳамда ушбу ташкилотга аъзо бўлган давлатлар бозорларида тўлақонли иштирок этиши учун ҳамкорликнинг ҳуқуқий тартибга солиш механизмларини чуқур ўрганиш, миллий техник тартибга солиш меъёрларини ЕОИИ талабларига мослаштириш бўйича ишларни жадаллаштириш зарурлигини таъкидлашди. ЕОИИ билан Ўзбекистон ўртасида ҳамкорлик ишларини самарали ташкил этиш мақсадида 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

Олий Мажлис Қонунчилик палатаси томонидан тузилган мазкур ишчи гуруҳи йиғилишида билдирилган таклиф ва мулоҳазаларни тегишли мутасадди вазирлик, идора ва ташкилотларга етказиш ва ижроси устидан парламент назоратини ўрнатишга оид аниқ чора-тадбирлар белгиланди.

51
Теглар:
Шавкат Мирзиёев, президентнинг парламентга мурожаатномаси, Олий Мажлис, Россия, ЕОИИ, Ўзбекистон
Мавзу:
Ўзбекистон ва ЕОИИ – интеграция истиқболлари
Мавзу бўйича
Муроса қилиш: Тюрденев ЕОИИга қўшилишнинг фойдали ва хатарли томонлари ҳақида
Ўзбекистон ЕОИИга аъзо бўлса, бу меҳнат мигрантларига нима беради?
Ўзбекистон ЕОИИга қўшилса, Тожикистонда танлов қолмайди – Мигранян
Оверчук: ЕОИИ Ўзбекистоннинг иттифоққа қўшилишига умид қилмоқда