Дежурный боевой пост РВСН

Тажовузкорларга шама: Россия ўз қасос қуроли жанговар шайлигини текшириб кўрди

1917
2020 йил якун топиб бораётган бир вақтда Россия ўқув машқлари давомида стратегик ядровий ракеталар триадасини (осмонда, денгизда ва қуруқликда) ишга тушириб, ўзи билан муносабатларда ҳарбий-сиёсий босим ва ультиматумлар бефойда эканини яна бир карра эслатиб қўйди

Россия Қуролли Кучлари 9-декабр куни Стратегик Ядро Кучлари (СЯК)ни бошқариш бўйича ўқув машғулотларини ўтказди. Баренцев денгизи, Плесецк космодроми, шунингдек Ту-160 ва Ту-95МС самолётларидан "Ярс" ва "Синева" баллистик ракеталари, юқори аниқликдаги узоқ масофага учувчи Х-101 и Х-555 ракеталари учирилди.

Шимолий флотнинг атом сув ости кемалари, стратегик ракета кучлари ва стратегик авиация экипажлари ҳисоб-китоблари муваффақиятли кечди - жанговар қўлланилиш чизиғидан минглаб километр масофада жойлашган Кура (Камчатка ярим ороли) ва Пембой (Коми республикаси) полигонларидаги нишонлар йўқ қилинди.

Эслатиб ўтаман, "Ярс"  - минтақалараро баллистик ракета(МБР)ларининг максимал учиш масофаси - 11 минг км, "Синева" МБРники - 8 300 км, ҳаво базасига таянадиган ракеталар - Х-101 – 5 500 км, Х-555 – 2 500 км.

СЯК машғулотлари технологик сабабларга кўра бўлиб ўтди. Россия ўзининг қасос қуроли ишончлилигини текширмоқда. Москва воқеаларнинг ҳар қандай ривожига тайёрланмоқда, чунки Вашингтон қуролларни чеклаш бўйича халқаро шартномаларни бирма-бир тарк этмоқда.

Ҳатто Американинг The National Interest нашри ҳам  РФ чегаралари яқинида Шимолий Атлантика альянсининг юқори даражадаги ҳарбий фаоллиги хавфсизлик соҳасида заиф томонларни вужудга келтириб, Москвани янги қуролларни ишлаб чиқаришга ундаётганини тан олган. Кенг миқёсли ҳарбий можаро юзага келган тақдирда, Россия стратегик мақсадли ядровий қўшинлари оддий қуролларда НАТО устунлигини ассиметрик тарзда тезда ўрнини тўлдириш имконини беради. Турли қувватдаги ядровий зарядлар спектри душман объектлари ва нишонларини йўқ қилиш вазифаларини дифференциал ечиш имконига эга.

Бунда РФ Қуролли Кучлари Олий Бош қўмондони бошқарув тизими ва "ядро жомадони"га тегишга ҳожат қолмайди, келинг, СЯК ва боеголовка (жанговар каллаклар) таркибий қисмлари қандай ишлашини кўриб чиқамиз.

Ядровий триада

Ядровий боеголовкалар ташувчиларини жанговар қўллаш соҳалар - ҳавода, денгизда ва ерда тақсимлаш - максимал даражада махфийликни сақлаш, технологик ишончлилик, жанговар яшовчанлик ва қасос қуроли самарадорлигига етказиш имконини беради. Масалан, "Синева" МБР бутунлай яширин ва кутилмаган тарзда сув остидан (Жаҳон океанининг исталган нуқтасида) старт олади. Триаданинг ҳар бир компоненти стратегик вазифани автоном равишда бажаришга қодир. Жанговар интеграллашув муаммонинг ечимини сўзсиз ва кафолати таъминлайди.

Мукаммал ядровий триада фақатгина АҚШ ва Россияда бор ва шу иккови сайёрада яратилган боеголовкаларнинг 90 фоизидан ортиғига эгалик қилади. 9-декабр куни Американинг RC-135S разведкачи-самолёти Аляскадаги авиабазадан ҳавога кўтарилиб, орада ёқилғи қуйиб олган ҳолда Россия чегаралари яқинидаги Беринг денгизи устида соатлаб парвозни амалга оширгани бежиз эмас. Бу Россияда МБР учирилиши, СЯК ишга туширилиши бўйича телеметрик маълумотларни тўплаш эди.

РФнинг ядровий тийиб туриш соҳасидаги давлат сиёсатига муфофиқ, қуйидаги тўрт шартга кўра ядровий жавоб зарбаси йўлланилиши мумкин: Россия ва унинг иттифоқчилари ҳудудига баллистик ракеталарни учирилган, оммавий қирғин қуроллари билан зарба берилган, ўта муҳим давлат ёки ҳарбий объектларга таъсир кўрсатилган, шунингдек, РФ мавжудлигига таҳдид солувчи анъанавий қуроллар билан тажовуз қилинган тақдирда.

РФ Қуролли Кучлари Бош штаби қуйидагиларни аниқлаштириб ўтади: Москва Россия ҳудудига берилган ҳар қандай ракета зарбасидан сўнг ядро салоҳиятини ишга солади. Душман қандай қурол билан ҳужум қилаётганини аниқлашнинг имкони йўқлиги сабабли, Россия Федерациясига қараб учириладиган ҳар қандай баллистик боеголовка ядровий, дея қабул қилинади.

Ғарблик "шериклар" бу ҳақда билишади, шундай бўлса-да Арктика, Болтиқ денгизи, Қора денгиз, Тинч океани минтақаларида фитнага йўғрилган ҳарбий фаолликни камайтиргани йўқ. Сал олдин Россия мудофаа вазири Сергей Шойгу АҚШ ҲҲК самолётлари РФ бўйлаб зарба беришларни машқ қилишгани ҳақида хабар берганди. Шу жумладан, американинг В-52 бомбардимончи-самолётлари билан Санкт-Петербург ва Калининградга хавфли даражада яқинлашув парвозлари ҳам машқ қилинган. Россиянинг бунга реакцияси мантиққа тўғри келади.

РФ стратегик мақсадли ядровий қўшинлари белгиланган графикдан эртароқ янги ракета мажмуаларига эга бўлмоқда. "Ярс", "Сармат", "Авангард" шулар жумласидан. Атом субмариналари, Стратегик мақсадли ракета қўшинлари қисмлари, бомбардимончи-ракета ташувчилар – доимий (туну-кун)жанговар навбатчилик олиб боради, улар алоҳида нишон ёки йўналишларда (вазиятга қараб) шу оннинг ўзидаёқ жавоб зарбасини беришга шай. Россия ядровий триадасининг барча таркибий қисмлари бир вақтнинг ўзида жалб этилган машғулотлар мунтазам бўлиб туради.

Занжирли реакция

Россия Ташқи ишлар вазирининг ўринбосари Сергей Рябков СЯК машғулотлари куни шундай деганди: "Ядро урушига йўл қўймаслик ва унда ғалаба қозонишнинг иложи йўқлигини тўғри ва қарашларнинг турли нуқтасидан ўз вақтида тасдиқлаш жуда муҳим".

Аввалроқ Россия "стратеглари" томонидан ўтказилган машғулотлар пайтида "Россияга оммавий ядровий ракета зарбасидан кейин"ги ҳолат бўйича машқлар ўтказилган эди. Эҳтимолий тажовузкорга шартли жавоб шу қадар ишончли кўриндики, НАТО кескин равишда оҳангини ўзгартирди ва "нотўғри ҳисоб-китоблар ва тушунмовчиликлардан сақланишни" таклиф қилди.

Оренбург яқинида жанговар хизмат олиб борувчи "Авангард" гипертовушли блоклари (РФ мудофаа қобилиятининг технологик чўққиси) душман ҳудудидаги нишонларга муқаррар старт олмоқда. Минтақалараро баллистик ракета (УР-100Н УТТХ) блоки Ер бўйлаб ҳаракатланиб, ҳисобланган вақтда нишондан минг километр узоқда атмосферага кириши мумкин.

Сўнгра соатига 24 минг километр тезликда олдиндан айтиб бўлмас траекторияда "Авангард" учиб келади ва душман объектини кафолатли йўқ қилади. Ҳимоя йўқ бундан.

Учинчи авлод минтақалараро баллистик ракетаси РСМ-54 "Синева" атом стратегик субмариналар қуроллари сафида туради. Ракетанинг старт вазни – 40 тоннага яқин ва у ҳар бири 100 килотоннагача бўлган тўртта ёки ўнтагача индивидуал йўлга солинувчи жанговар блокларни ташийди. Максимал парвоз масофаси – 11 500 километргача. Бу реал тийиб туриш хусусиятига эга бўлган денгиз қаъридаги даҳшатли ва кўринмас қуролдир.

РФ ҳудуди устидан ёки нейтрал сувлар узра ҳаво ҳудудидан бомбардимончи-ракета ташувчиси бортидан учирилган ҳаво базасида жойлашувчи Х-101 стратегик қанотли ракета 30 метрдан 10 км гача бўлган баландликда сониясига 270 метргача бўлган тезликда 5500 км масофани босиб ўтишга қодир ва оғирлиги 430 кг гача бўлган боеголовкани жуда катта аниқликда нишонга "етказиб қўяди".

1917
Корабли НАТО в Балтийском море во время учений

Янги совуқ  уруш: Америка денгиз пиёдалари нега Шимолда тўпланмоқда

1052
(Янгиланган 15:21 25.01.2021)
Россияни жиловлаб туриш баҳонасида АҚШ ва Норвегия Арктикада янги совуқ урушни ва қуролланиш пайгасини бошлаб юборишган.

ТОШКЕНТ, 25 янв — Sputnik, Николай Протопопов. АҚШ армияси Норвегияда, Россия чегараларига яқин жойда тўпланмоқда. Январ ойида ушбу қирғоқда мингга яқин АҚШ денгиз пиёдалари олиб келинган эди. Шу билан бирга америка сиёсатчилари ва генераллари тинимсиз равишда Арктикада танглик ошиб бораётганини ҳақида баёнот бермоқда. Аслида ушбу тангликни уларнинг ўзлари яратмоқда. Пентагон Норвегияни  нималарга тайёрлаётгани ҳақида РИА Новости мақоласида.

Викинглар уйига меҳмонга

Америкаликлар “денгиз кучларининг Шимолий Каролинадан Норвегияга олиб келишига “оддий ротация” сабаб деб, бир неча йилдан буён Россия чегаралари яқинида ўз ҳарбий контингентни доимий сақлаб турмоқда.

Уларнинг вазифаси – НАТОдаги ҳамкасабалари билан биргаликда ҳаракат қилишни машқ қилиш ва норвегиялик инструкторлар қўли остида совуқ шимол иқлимида жанговар ҳаракатлар олиб боришни ўрганишдир.

Феврал ойида Америка, Норвегия, Голландия ва Англия аскарлари – жами 10 мингга яқин, Joint Viking 2021 номли кенг кўламли ҳарбий ўқув-машғулотларида иштирок этади. НАТОчилар қўшинларни катта масофага тезда етказиш, барча даражада техкор ахборот алмашиш тизимини синаб кўришни машқ қилишади ва бир неча операциялар ўтказишади.

JointViking ҳарбий ўқув-машғулотлари ҳар йили бўлиб ўтади. Унда НАТО қўшинлари – бронетехника, артиллерия, авиация, ҳарбий кемалар ва сув ости кемалари иштирокида, аксарият ўрмон ва тоғлардан иборат бир неча юз квадрат километр майдонда, юқори интенсивли жанговар ҳаракатларни машқ қилишади.

Ҳарбий эксперт Александр Жилин айтишига кўра, АҚШ ўз ҳарбий доктринасига кўра, уларнинг армияси, асосан, хорижда жанг қилишни ўрганмоқда.

“Шу сабабли ҳам америка ҳарбийлари доимий равишда турли давлатларда пайдо бўлиб, у ерда разведка, аэродромларни текшириш, денгиз йўлларини текшириш билан шуғулланишади, дейди Жилин. –Бошқа давлатлар ҳарбийлари билан олиб биргаликда ўтказиладиган машғулотларга алоҳида эътибор берилади, чунки АҚШ ҳар доим бировлар қўли билан жанг қилади”.

Эксперт хулосасига кўра, Пентагон вазиятни атайлаб танг қилмоқда. Чунки АҚШ ва НАТО Арктикага даъво қилишда давом этишмоқда.

“Денгиз пиёдалари ўқув-машғулотларида ҳужум операциялари машқ қилинмоқда, ҳимоя эмас – дейди Жилин. – Жумладан Россияга қарши ҳаракатлар ҳам. НАТОнинг Европадаги ҳаракатлари умумий таҳлил қилинганда - улар Москва учун танглик ҳудудлари ташкил қилишга қаратилганини кўриш мумкин. Бизнинг армиямиз ҳам Норвегияда содир бўлаётган воқеаларга бефарқ қараб тура олмайди. Ваҳима йўқ, лекин куч ва ресурсларни сарфлашга тўғри келмоқда – биз вазиятни тўлиқ назорат остига олишимиз керак, ҳеч қандай провокацияга йўл қўймаслигимиз керак”.

Шимолий плацдарм

“Валдай” таҳлилий клуби эксперти Артем Куреев айтишига қараганда, Арктика шароитида жанг қилишни ўрганиш учун америкаликларнинг Аляскада жойлашган ривожланган инфратузилмаси бор. Лекин шунга қарамасдан улар Норвегияда машқ қилишни хуш кўришади.

“Аслида ушбу машғулотлар НАТОда етакчиликни сақлаб туриш учун керак. Норвегия – НАТОнинг энг “эски” аъзоларидан биридир. Осло Россияни ўзига душман деб билади. Совуқ уруш йиллари вақтида норвегияликлар Арктикада СССРга қаршилик кўрсатиш учун инфратузилма яратиб, ундан ҳозиргача фойдаланиб келишмоқда. Агар вазият ҳақиқатдан ҳам кескинлашса, Шимолий Норвегия дарҳол Россиянинг Мурманск шаҳри йўлида бош плацдармига айланади”.

Ҳарбий денгиз флоти ва Денгиз пиёдалари корпусининг янги стратегиясига кўра, Вашингтон Арктикадан бошқа давлатларни сиқиб чиқариб, у ерга ўзи ўрнашиб олишни истайди. "АҚШ ҳарбий-денгизчиларисиз Арктика ҳудудида тинчлик ва фаравонликка Россия ва Хитой халал беради”, - дейилган АҚШ ҲДФнинг янги 10 йиллик доктринасида.

АҚШ ҲДФ вазири Кеннет Брейтуэйт айтишига кўра, Пентагон Арктикада “Узоқ Шимолда Москванинг кенгайишини олдини олиш ва Россия қирғоқлари яқинидаги акваторияни назорат қилиш учун”  Арктикада доимий равишда жанговар сув усти ва сув ости кемаларини, шунингдек кучли қуруқлик қўшинларини жойлаштириш ҳам режалаштирилган.

Норвегия мудофаа вазири Франк Бакке-Йенсен, айтишига қараганда - давлати хавфсизлик сиёсатининг асосий йўналиши – Арктика ва Россиянинг ҳудуддаги фаоллигидир. Ушбу йўналишда трансатлантик алоқалар – ҳал қилувчи аҳамиятга эга. Узоқ Шимолда Норвегия НАТО бўйича ҳал қилувчи иттифоқчиларнинг кучайиши тарафдоридир.

“АҚШ ҲДФ, денгиз пиёдалари, махсус кучлар, ҳарбий ҳаво кучлари ва космик кучлари билан биргаликда Арктикада ҳамкорлар билан стратегик алоқаларни ривожлантирамиз, - деди вазир. – Бу Узоқ Шимолда иттифоқчи ҳарбий-денгиз ва ҳарбий-ҳаво кучларининг доимий ўқув-машғулот олиб боришини назарда тутади. Норвегия ушбу тадбирларда иштирок этиб, иттифоқчилар билан оператив ҳамкорликни ривожлантириш ниятида".

Барча фронтлар бўйлаб

Айтиш жоизки, АҚШ Шимолда жиддий ўрнашиб олган ва бунда Норвегиянинг аҳамияти жуда катта бўлди. Ўтган йилнинг сентябрида Тромсе портига Seawolf классига мансуб сув ости кемаси етиб келган эди. Унинг асосий миссияси – Россия сув ости кемалари йўналишини кузатишдир.

Бироз олдин бўлса АҚШ Россияни Шимолда “жиловлаб туриш” учун 2011 йилда тарқатиб юборилган Иккинчи флотини қайта тиклаган эди.

Совуқ урушнинг яна бир белгиси – 1960 йиллардан қурилган Норвегияннг Олавсверн ер ости ҳарбий базаси фаолияти қайта тикланмоқда. Олавсверн – Россия чегарасидан 350 км масофада жойлашган бўлиб, ундан сув ости ва сув усти кемаларини таъмирлаш, ўқ-дориларни сақлаш учун фойдаланилади. Совуқ уруш даврида бу ерда жойлаштирилган ҳарбий кемалар Совет Иттифофи ҲДФга Норвегия денгизи ва Шимолий Атлантикага чиқиш йўлини тўсиб қўйиши мумкин деб ҳисобланган.

Пентагон Арктикада ҳарбий-ҳаво кучларини оширишга жиддий қарор қилган. Ўтган йил Америка ва Норвегия ҳарбий кучларининг кенг кўламли ўқув-машғулотлари бўлиб ўтди. Бирданига 6та B-52 Stratofortress - стратегик бомбардимончи самолётлар Шимолий полюс устидан учиб ўтиб Норвегия стратегик қирувчилари билан биргаликда синов парвозлари амалга оширди.

Февралда эса Пентагон Техасдан Норвегиядаги Эрланд авиабазасига 4та товуш тезлигидан тез учадиган B-1BLancer стратегик бомбардимончиларини жойлаштирди.

1052

"Русларнинг нозик жойига урамиз": НАТО нимани режалаштирган

2069
(Янгиланган 21:30 22.01.2021)
Ҳарбий контингентни ошириш, армия инфратузилмаси қурилиши ва халқаро миқёсда янада жипслашиш - 2021 йилда НAТО Россия ғарбий чегараларига босимни кучайтиради.

ТОШКЕНТ, 22 янв — Sputnik, Андрей Коц. Ҳарбий контингентни кўпайтириш, армия инфратузилмасининг қурилиши ва халқаро миқёсда янада жипслашиш - 2021 йилда НAТО Россиянинг ғарбий чегараларига босимни кучайтиради. Май-июнь ойларида альянс совуқ уруш давридан буён энг йирик Defender Europe 2021 манёврларини ўтказади. Бунга жавобан Россия ва Беларусь кўламдорлиги жиҳатдан қолишмайдиган "Ғарб-2021" ҳамкорликдаги машғулотларни сентябр ойида ўтказишни режалаштирган. Буларнинг барчаси нима билан тугаши мумкинлиги ҳақида — РИА Новости материалида ўқинг.

Жанг майдони — Европа

Defender Europe 2021да, аввалгидек, Шарқий Европа ва Болтиқбўйида мудофаа ва ҳужум ҳаракатлари машқ қилинади. Машғулотлар афсонасига кўра, НАТО қўшинларига Калининград вилоятига штурм уюштириш, Россия ғарбий вилоятларини блоклашга, шунингдек, "русларнинг ёппасига ҳужумини" қайтаришга тўғри келади. Ўтган йилгилардан фарқли равишда, 2021-йилда алоҳида эътибор Шарқий эмас, балки Жанубий Европага қаратилади. Манёврлар Черногория, Косово ва Албанияда режалаштирилган. Болгария ва Руминияда Ҳаводан ҳужумга қарши машғулотлар ўтказилади ва "ер - ер" синфидаги ракеталардан ўт очиш амалга оширилади. Венгрия эса бошланаётган "урушнинг" орқа томони сифатида хизмат қилади.

Aмерикаликлар Европага кучларнинг асосий қисмини кўчиради, жумладан 1-отлиқлар ва 82-ҳаво-десант дивизиялари бўлинмаларини. Aтлантика океанидан юзлаб турли мақсадлар учун мўлжалланган ҳарбий техникалар олиб ўтилади. Бундан ташқари, Флорида штатидан 53-пиёда бригадаси етказиб берилади. Машғулотлардан сўнг америкаликлар баъзи қуролларни яна Европада "унутиб қўйишлари" ҳам истисно эмас, бу биринчи бор содир бўлмаяпти, ахир. Мутахассислар фикрига кўра, шу тариқа Пентагон йилдан-йилга минтақадаги ҳужум имкониятларини ошириб бормоқда.

Defender Europe 2021га жавобан Россия ва Беларусь сентябр ойида "Ғарб-2021" манёврларини ўтказади. Душанба куни Беларусь Мудофаа вазири Виктор Хренин маълум қилганидек, "қўшма машқлар юқори даражадаги шаҳарлашган шароитда бирлаштирилган ҳужум бўлинмалари томонидан қўшма ҳаракатларнинг янги усулларини синовдан ўтказиш"га, шунингдек, "янги ва модернизация қилинган қурол ва техника намуналари самарадорлигини баҳолаш"га имкон беради.

Минскда, стратегик манёвралар "кучли иттифоқчилик муносабатлари ва Беларусь ва Россиянинг мудофаа идораларининг Иттифоқ давлат ҳарбий хавфсизлигини таъминлаш бўйича қарашлари бирлигини" акс эттиришини қайд этишди.

Кучни кўз-кўз қилиш

Иккала томон ҳам маневралар бирон бир давлатга ёки ҳарбий блокга қарши йўналтирилмагани тўғрисидаги одатдаги дипломатик иборалардан фойдаланмадилар. НAТО кучлари томонидан Калининградга ҳужум саҳнасини машқ қилиш ва рус ҳарбий хизматчиларининг шаҳарда кечадиган жангларга тайёрланишлари, ким кимга қарши жанг қилишини аниқ намоён этиб турибди. Aлбатта, кенг кўламли қуролли тўқнашув эҳтимоли жуда кичик, аммо реал.

Мутахассислар фикрига кўра, НАТОнинг 2021 йилдаги ҳаракатлари АҚШдаги ҳукумат алмашувига бевосита таъсир кўрсатади. Дональд Трамп президентлигининг тўрт йилида Шимолий атлантика блоки бирлиги сезиларли кучсизланди. Оқ уй эгаси биринчи галда америка манфаатларини кўзлашини яширмас, ва ҳатто альянсдан чиқиш имконияти борлигини ҳам истисно этмасди. Бундай оҳанг Европада кучли ташвишни келтириб чиқарди, яна бир бор ЕИ армияси ҳақидаги масала кўтарилди. Янги президент, кўриниб турибдики, ҳаммасини тўғрилашга ҳаракат қилади.

"Россия ва НАТО ўртасидаги муносабатлар бу йил ёмонлашиб боради, — деб ҳисоблайди Геосиёсий масалалар Академиясининг биринчи вице-президенти Константин Сивков. — Байден альянсни қайта тикламоқчи ва сафарбар шай ҳолатга келтирмоқчи. Бунинг учун эса ташқи душман керак. Хитой жуда узоқ бўлгани учун, Россия бу рольга ҳаммадан яхши мос келади. Вашингтонга ташқи душман образи америка жамиятини жипслаштириш учун ҳам керак".

Пул ишлаш

Бироқ, мутахассисларнинг фикрича, аслида НAТОнинг Россияга қарши аниқ тажовузкор режалари йўқ. Aмерикаликлар учун альянснинг кейинги кенгайтирилиши - бу пул ишлашнинг ва Европани ўзига янада кучлироқ боғлашнинг усулидир. Вашингтон Трампгача бўлган даврга қайтади ва Кўхна дунё ишларига аралашувни кучайтиради.

"Мени наздимда, 2021-йилда НАТО ҳарбий ташкилотдан аллақандай глобал корпорацияга айланаётганини намойиш этади, — дея тушунтиради америкачи-сиёсатшунос Сергей Судаков. — Альянснинг муҳим масаласи аввалгидек ҳамон долзарб — бу молиялаштириш. Мусиқани пулини тўлаган буюради. Бюджетнинг учдан икки қисмини АҚШ таъминлайди, ва бу ҳеч кимга сир эмас. Биз ҳаражатлар уч миллион доллардан ошиб тушганини яхши биламиз. Ва энг аввало - Вашингтон туфайли. Европа давлатлари АҚШдан поставкаларга умид қилишади - ҳатто сухой паёкларгача. Буни американинг улкан мудофаа бюджети қўллаб-қувватлайди — НАТО манфаатларида ҳаракат қиладиган корпорациялар жуда улкае миқдорда даромад кўришади".

Эксперт Шимолий Aтлантика альянсининг бугунги фаолиятини бир чўнтакдан бошқасига пул ўтказишга қиёслади. Вашингтон НAТОга пул ажратади, иттифоқчилар бу маблағларга Aмерика техникаси ва қуролларини сотиб олиш учун фойдаланади ва шу билан доира ёпилади.

Байден давридаги AҚШ Европа учун ҳарбий маҳсулотлар учун асосий бозорлардан бири бўлиб қолади. Демак, океан ортидан Россияга қарши риторика кучайишини кутишимиз керак. Aммо аксарият мутахассислар шунга аминки: Вашингтон ва Брюссел дунёда қудрати бўйича иккинчи ўринда турадиган армия кучини синаб кўришга журъат этолмаса керак.

2069
Фуры на границе

Автофура ҳайдовчиларидан товламачилик йўли билан пул ундирган жиноий гуруҳ қўлга олинди

17
(Янгиланган 12:02 27.01.2021)
Жиноий гуруҳ “Яллама” чегара-божхона постида фаолият юритган. Тинтув вақтида 410 минг доллар, турли кўринишдаги 21 дона сохта муҳр ва штамплар, компьютер техникалари олинган.

ТОШКЕНТ, 27 янв — Sputnik. “Яллама” чегара-божхона постида товламачилик йўли билан пул ундириб келган жиноий гуруҳ фаолиятига чек қўйилди. Бу ҳақда Коррупцияга қарши курашиш агентлиги хабар қилмоқда.

Агентлик, Давлат хавфсизлик хизмати ва Давлат божхона қўмитаси ҳамкорлигида тезкор тадбир ўтказган. Унда Хитой давлатидан Қозоғистон орқали мамлакатга импорт товарларини ташиш билан шуғулланувчи автофура ҳайдовчиларидан товламачилик йўли билан пул ундириб келган жиноий гуруҳи фош этилган. Жиноятчилар пост орқали ўтишлари жараёнида божхона расмийлаштирувини тезлаштиришни баҳона қилиб пул олиб келган.

Дастлабки суриштирув ҳаракатлари давомида мазкур жиноий гуруҳ сохта ҳужжатлар ёрдамида товар-моддий бойликлар импорти билан ҳам шуғулланганлиги аниқланди.

Тошкент шаҳри ва Тошкент вилоятидаги 6 та манзилда тинтув ўтказилган. Натижада улардан 410 минг доллар, турли кўринишдаги 21 дона сохта муҳр ва штамплар, компьютер техникалари ҳамда божхонага оид шубҳали ҳужжатлар ашёвий далил сифатида олинган.

Ҳозирда жиноий гуруҳ аъзоларига нисбатан Жиноят кодексининг тегишли моддалари билан жиноят иши қўзғатилган. Уларнинг икки нафар етакчисига нисбатан қамоқ эҳтиёт чораси қўлланилган.

Шунингдек, тергов ҳаракатлари доирасида гуруҳ фаолиятига алоқадор бўлган бошқа шахсларни аниқлаш бўйича чора-тадбирлар кўрилмоқда.

17