Американские военные, отправляющиеся в район операций Центрального командования США из Форт-Брэгг, Северная Каролина

"Ботқоққа тортиб кетади". АҚШ Яқин Шарқдаги руслардан хавотирда

1047
Россия Ташқи ишлар вазирлигида АҚШ давлат департаментининг Россиядан "Яқин Шарқдан даф бўлиш" чақириғини "аҳмоқлик" деб атади.

ТОШКЕНТ, 9 июн - Sputnik, Галия Ибрагимова. Россия "Яқин Шарқдан даф бўлиши" керак, чунки тарихан америкаликлар минтақада асосий таянч бўлган, деб ҳисоблашади Давлат департаментида. Вашингтоннинг фикрига кўра, Москва Ироқ, Сурия ва Ливияни тиклашга фақатгина ҳалақит бермоқда. Оқ уйнинг Яқин Шарқда аниқ стратегияси борми-йўқми ва Дональд Трамп маъмурияти Россиянинг хатти-ҳаракатларига нима деб даъво қилмоқда, РИА Новости ўрганиб чиқди.

Анъанавий иттифоқчилар

"Русларни Яқин Шарқдан узоқлаштириш Америка сиёсатининг мазмун-моҳиятидир. Биз бу ақидага қирқ беш йилдан бери амал қилиб келмоқдамиз. Ҳозирда Россия минтақада бузғунчи ролини ўйнаб келмоқда. Биз уни бу минтақадан даф бўлишини тўғридан-тўғри талаб қиламиз", - деди Давлат котибининг ёрдамчиси Девид Шенкер Вашингтондаги Яқин Шарқ институтида бўлиб ўтган видеоконференцияда.

АҚШнинг минтақадаги тарихий аҳамиятини муҳокама қилар экан, Шенкер русларни эмас, балки америкаликларни қўллаб-қувватлашига доимо эътибор қаратган давлатларни санаб ўтди. У Саудия Арабистони, БАА, Ироқ, Исроил ва Фаластинни эслатиб ўтди.

Шенкерга кўра, Вашингтон ҳаммасидан кўра араб-исроил сулҳидан хавотирда. Оқ уй яқин келажакда томонлар "аср келишувига" ўтишини кутмоқда. Шенкер Исроил ва Форс кўрфази баъзи монархиялари Америка ташаббусини қўллаб-қувватлаганини эслатди. Аммо у Фаластин ҳукумати битим тафсилотларидан кейин хабар топганини айтмади.

Шенкер, шунингдек, Ироқ, Яман, Қатар, Саудия Арабистонига коронавирусга қарши курашда ёрдами ҳақида ҳам гапирди - бу мамлакатларга тест тизимлари ва дори-дармонлар етказиб берилди.

"Обаманинг катта хатоси"

Аммо америкаликларга Яқин Шарқда Россия ва Хитой ҳалақит бермоқда. "Буюк давлатлар ўртасидаги рақобат минтақа давлатларини танлов қилишга мажбур қилади. АҚШ ҳеч кимни бу ишда қатнашишга мажбур қилмайди", - дея ишонтирди Шенкер.

Давлат департаменти асосий кучларини Яқин Шарқдаги иттифоқчиларига Москва ва Пекин билан ҳамкорликнинг оқибатларини тушунтиришга йўналтиради: улар оқибатлари ҳақида хабардор бўлсин.

Амалдор Сурия ва Ироқда "Ислом давлати"*нинг мағлубиятини Америка стратегиясининг асосий ютуқлари деб номлади. Аммо ИД* ва "Ал-Қоида"* турли бўлинмаларига қарши кураш ҳали якунланмаган ва АҚШ ўзининг иттифоқчилари билан терроризмга қарши кураш давом эттиради.

Шенкернинг таҳкидлашича, Ироқ америкаликларнинг ёрдами билан тикланмоқда. Унинг сўзларига кўра, Вашингтон Ироқнинг янги бош вазири Мустафо ал-Каземи билан тез фурсатда алоқаларни ўрнатди ва лойиҳалар бўйича ҳамкорлик ривожланмоқда.

Сурия борасида эса америкаликлар, Давлат департаменти вакилининг сўзларига кўра, жавобгарликдан қочмайдилар ва қўллаб-қувватлашга тайёрлар. Аммо уларга мамлакатда ҳокимиятни эгаллаб турган Башар Асад ва Россия халақит бермоқда.

Амалдор Барак Обамани Москванинг Яқин Шарқдаги мавқеини мустаҳкамлашда айблади. "У русларнинг Сурияга келишини олқишлади. Шубҳасиз, бу уларни ботқоққа беттар тортиб кетишига ишонган. Аммо Россия уруш йўлини ўзгартирди ва Асад шу кунгача бу ерда қолмоқда. Бу аввалги маъмуриятнинг қўпол хатоси бўлди", - деди Шенкер.

Америка аҳмоқлиги

Россияга қарши айбловларнинг кейинги боби - Ливиядаги вазият. "Суриядаги муваффақиятлар Россия ҳукуматини илҳомлантирди", - деди Давлат департаменти вакили. Москва собиқ Жамаҳирияда фаол амалиётларни бошлаб юборди.

Бироқ, "Россия, Ливия можаросини ҳал қилишда на самарали ва на барқарорлаштирувчи ролни ўйнамади", - деб ҳисоблайди Шенкер.

Оқ уй Москванинг Эрон билан ҳамкорлигини ҳам ёқтирмайди. Хавотирга соладиган яна бир сабаб бу Россия ва Саудия Арабистони ўртасидаги давом этаётган алоқалари, аммо март ойида мамлакатлар нефт нархи бўйича келиша олмадилар.

Россия Ташқи ишлар вазирлигида "Яқин Шарқдан даф бўлиш" чақириғини "аҳмоқлик" деб атади. "Кўринишидан, у (Шенкер - таҳр.) ўзи нима ҳақида гапираётганини тушунмаяпти чоғи. У яхшилик ва ёмонлик чегараларидан ўтиб кетди. Касбий тайёргарлик даражаси жуда пастга тушиб кетган", - деб жавоб беришди вазирликда.

Ботқоқдан чиқиш

"Россия 2015 йилда Сурияга кирганида, америкаликлар аслида кўп ҳам эътироъ билдирмаган. Улар руслар нима қилишларини кўрмоқчи бўлишди, лекин улар худди шу "Яқин Шарқдаги ҳудди шундай ботқоқ муқаррарлигига" ишончи комил бўлган", - деди РИА Новости билан суҳбатда РСМД Яқин Шарқ лойиҳалари координатори Руслан Мамедов. - Бироқ, Москва Сурия йўналиши бўйича сезиларли натижаларга эришди. Асад ҳали ҳам хокимият тепасида, Вашингтон буни аниқ кутмаган. Россия Суриядаги муҳим сиёсий институтларни сақлаб қолишга умид қилганди ва бунга эришди ҳам".

Бу мамлакатдаги вазият ҳозирда америкаликларнинг диққат марказида. Шенкернинг Россияга қарши ҳужумлари, шу жумладан, Сурия йўналиши билан боғлиқ, дейди Мамедов.

"АҚШ Конгресси фаол равишда "Цезарь" номи билан таниш "Суриянинг тинч аҳолисини ҳимоя қилиш тўғрисида" қонун устида иш олиб бормоқда. Ушбу ҳужжат Дамашққа қарши иқтисодий санкцияларни кўзда тутади. Ҳеч бир компания, шу жумладан, Россия компаниялари ҳам, Сурия иқтисодиётига сармоя киритиш хоҳши бўлмайди", - дейди эксперт.

Москва вазиятнинг жиддийлигини англамоқда ва қандай давом этишни ўйламоқда.

"Асосий вазифа - иқтисодиётни тиклаш учун Сурияга ташқи инвесторларини топиш. Пандемия бўлмай туриб БАА ёрдам беришга тайёр эканликларини маълум қилишган. Аммо коронавирус ва нефт нархининг пасайиши бой араб монархияларининг инқирозига олиб келди. Тез ёрдам кутишдан маъно йўқ, аммо музокараларни давом эттириш керак", - дейди Мамедов.

"Ҳеч кимда келишилган стратегия йўқ."

Ливияда Муаммар Каддафи режими ағдарилганидан кейин Россия мамлакатда нормал ҳаётни тиклашга интилган саноқли давлатлардан бири бўлди, дейди Ливиялик сиёсий таҳлилчиси Мустафо Фетоури РИА Новости билан суҳбатда. У Давлат департаментининг Москванинг "бузғунчи роли" ҳақидаги гапларига қўшилмайди.

"Жамахирияда бўлиниш юз берганда, Россия Сурия билан банд эди. Аммо ливияликлар эртами-кечми Москва қайтиб келишига ва ҳеч бўлмаганда қандайдир тартибни тиклашга ҳаракат қилишига ишонишган. Аммо жараён бироз чўзилиб қолди. Бу нафақат ташқи ўйинчиларнинг таъсири билан, балки ички ўйинлар билан боғлиқ. Эндиликда Россия Туркия, ЕИ ва Бирлашган Миллатлар Ташкилоти билан биргаликда Фаёз Сараж ҳукумати ва генерал Халифа Хафтарни музокаралар столига ўтказишга ҳаракат қилмоқда. Вазифа анча мушкул", - дейди Фетоури.

Ливиялик сиёсатшуноснинг таъкидлашича, Россия можаронинг барча томонлари билан ҳамжиҳатликда ҳаракат қилиб, шунинг учун у бетараф ҳакам сифатида ҳаракат қилиши мумкин.

"АҚШнинг Шимолий Африка бўйича муайян стратегияси йўқ. Аммо америкаликлар кўпинча минтақадаги иттифоқчиларини можароларга ундашади. Шубҳасиз, Анқара ва Москвада буни тушунишади ва бундай сценарий амалга ошишига йўл қўймайдилар", - деди Фетоури.

Россия мамлакатдаги асосий сиёсий институтларни тикланишидан манфаатдор ва ливияликлар буни тушунишмоқда. Бошқа ташқи ўйинчиларга келсак, уларнинг бу каби муяйан мақсадлари бўйича ҳеч қандай аниқлик йўқ.

* Россияда тақиқланган террорчилик ташкилотлари.

1047

Россияни доҳий, қаҳрамон раҳбар асраб қолиши мумкин - Зюганов

523
(Янгиланган 18:10 22.09.2020)
Зюганов СССР тарқалиши, Елцин сиёсати, ҳозирги Россия партиялари, Ер шарининг келажаги ва ўз ҳаётий принциплари ҳақида нима деди.

Россиянинг энг ёш ва истиқболли журналисти Иван Сурвилло, Россия Коммунистик партияси етакчиси Геннадий Зюгановдан интервью олди. Қуйида ушбу интервьюни қисқартирилган шаклда келтирамиз.

Ота она васияти

Менга ота-онамдан жуда яхши васиятлар қолган. Мен район комсомолига етакчи этиб сайланганимда отам шундай деган эди.

“Ўғлим шуни эсингдан чиқарма, бу дунёда совет ҳукуматидан кўра ёруғроқ, виждонлироқ ва меҳрибонроқ ҳеч нарса бўлмаган. Нега? – Чунки совет ҳукумати оддий одам тақдири ҳақида қайғурган.  Тўғри хатолар бўлган, муаммолар бўлган, лекин умумий ҳисобда совет ҳукумати оддий одамлар ҳақида ўйлаган”

Отам менга ҳамма нарсага ўз бошинг, ўз меҳнатинг ва ўз ироданг билан эришгин деганлар. Мен ҳар доим у кишининг васиятига амал қилганман.

Ўзим ҳам ўғлимни 12 ёшидан заводга ишлашга юборганман. Оғир иш бўлмаса ҳам, меҳнат нималигини билиш учун. Бу унга жуда яхши таъсир қилган эди, дарров характери ўзгарган эди. Менинг тушунишимча, чин инсон фақат меҳнат ва синовларни енгиб ўтишда шаклланади. Бошқа йўлини билмайман.

Онам эса менга одамларни яхши кўришни ўргатган. Онам менги “Менинг вазифам, сенга одамларга меҳрибон бўлишни ва ситқидилдан меҳнат қилишни ўргатиш”, - дерди.

Ҳаётим давомида ҳар доим бунга амал қилиб келганман. Ҳозир ҳам соат 5да ўрнимдан тураман ва соат 12гача ишлайман. Ҳар қандай ишга ситқидилдан киришаман.

Масалан, Иттифоқ даврида партия сафида ишлаганимда, Орел шаҳри билан шуғулланишга тўғри келган. Ўшанда бизга Орел шаҳрида уй ва ижтимоий объектлар қуриш вазифаси топширилган эди. Биз мутахассислар билан маслаҳатлашиб “Орлов узулуксиз қурилиши” (Орловская непрерывка) услубини ўйлаб топган эдик.

Ушбу услуб 2-3 йил давомида узулуксиз равишда бутун бошли микрорайонлар қуришни назарда тутади. Унинг ичига ҳамма нарса киритилади, мактаблар боғчалар, инфраструктура ва коммуникациялар. Ўшанда бу тажриба бутун Иттифоқ доираса самарали услуб деб топилган эди ва шундан сўнг Иттифоқнинг бошқа республикаларда ҳам қўлланила бошлаган эди.

Ҳозир бўлсачи – кўп хонадонли уй қуриб қўйишади, лекин атрофида мактаб йўқ, боғча йўқ, парковка йўқ. Аҳоли болаларини қаерга юбориши керак ? Ихтиёр менда бўлганида эди микрорайон умумий режаси аниқ тузилмагунча бирорта ҳам уй қурилишига рухсат бермаган бўлардим.

Украина ва Беларус

Украинада бандера ва МРБ ҳукуматни эгаллаб олди. Оға беларус халқига ёрдам қўлини чўзмасак уни ҳам йўқотамиз. Кейин авлодларимиз олдида нима билан ўзимизни оқлаймиз? Лекин Россия давлат телеканаллари мен бу мавзуга катта қизиқиш кўрмаяпман...

Менга кўп айтишади, сиз ўз тажрибангиз ва билимларингиз билан Давлат Кенгашида Примаков ролини ўйнашингиз мумкин эди, лекин нега бу ҳалигача содир бўлмаяпти, - деб?  Мен - бунга ўзим ҳам ҳайронман деб жавоб бераман.

Биз бир нарсани яхши тушунишимиз керак – ҳозир давлатимиз тарихида энг мураккаб замонлардан бири. Дунё адашиб қолган, америка глобализми боши берк кўчага кириб қолди. Улар янги ечим таклиф қила олмаяпти – фақат яна доллар чоп этмоқчи холос. Яна 7 триллион чоп этишга қарор қилишибди. 

Ҳукумат ва сиёсат

Ҳар қандай ижроий ҳукумат - назоратсиз бошини йўқотиб қўяди. Ё ўғирлик, ё маишатбозлик бошланади. Охири эса хаос билан тугайди. Бу Қадимги Рим давридан бери маълум-ку!

Мен ҳозхирги ҳукуматга бу ҳақида кўп маротаба айтдим. Бизларда ҳам эрта-индин (норозилик намойишлари) бошланса нима қиламиз деб.  Келинглар, расмий ҳукуматдан ташқари яна кучли обрўйга эга бўлган сиёсий раҳбарларни, диний етакчиларни  етиштирайлик,  деб. Улар мени эшитишади-ю, лекин гапимга қулоқ солишмайди.

Шойгу ва Мишустин – уларнинг иккаласи ҳам нолдан бошлаб кучли муассасалар ташкил қила олишди. Шойгу – дастлаб ФВВни, ҳозир эса армияни тартибга солди. Мишустин эса – Солиқ хизматини.

Мен энг афсусланадиган ҳолат бу –  биз буюк совет давлатимизни сақлаб қола олмаганимиз. Бу рус цивилизациясининг энг чўққиси эди. Биз уни асраб аввайлаб сақлашимиз керак эди.

КПСС – бу партия эмас, давлат бошқарув тизими эди. Уни синдриб бўлаклаб ташлаш керак эмас эди. Уни ислоҳ қилиш, энг муносиб одамларни тепага кўтариш керак эди.

Ҳозирги партияларга қаранг. Ахир бизнинг партиядан бошқа йирик партия йўқку. Единая Россия – бу шунчаки амалдорлар тўплами, ЛДПР эса – Путин айтганидай “Жириновский  бор – партия бор, Жириновский йўқ – партия йўқ”. Қолганлар эса – хукумат томонидан ўйлаб топилган винегрет...

Мен охирги вақтларда умидимни йўқотмоқдаман, лекин шунча балоларни енгиб ўтган Россия халқи бу синовни ҳам енгиб ўтишга кучи етади деб умид қиламан. Россия бўлмаса Ер шаримизни сақлаб қолишнинг иложи йўқ. 

Ер шари ва одамлар 

Биласизми сиз космонавт? Сиз Ер деб номланувчи космик кемада 25 км/сони тезликда учиб кетаяпсиз. Лекин қаерга кетаётганингизни ўзингиз ҳам билмайсиз. Ер шарида ана шундай космонавтлар сони 8 млрд. Кўпчиллик йўлидан адашган, ва космик кемага нисбатан ноўрин муносабатда бўлмоқда. Ер шари эса ўзига муносиб муомала талаб қилади. У биздан тўфонлар, ёнғинлар ва бошқа табиий офатлар билан қасос олмоқда.

Биз Худонинг бандаларимиз, лекин ҳаётнинг ёки Ернинг хўжайни эмасимиз. Ҳаёт ва табиатга ҳурмат билан асраб-авайлаб муносабатда бўлиш керак. Ана шу менинг набираларимга асосий васиятларимдан биридир.

Бу дунёда барчамиз меҳмонмиз. Бизга кўп нарса керак эмас. Қорнимизга сиққанича овқат, жигаримиз ўтказганича ичимлик ичишимиз мумкин. Кийим-кечак эса эстетик кўриниш учун керак холос. Қолгани эса эса – ортиқча.

Ҳаётни севимли ишинг пайдо бўлганидан сўнг тушуна бошлайсан. Иш, виждон, дўстлар, болалар ва меҳр – мана шу асосийси.

Мен ҳаётимнинг асосий мақсади – Ғалабанинг Қизил байроғини сақлаб қолганим, деб ҳисоблайман. Дўстларим билан партия туздик. Менинг илмий ишларим бир неча тилларга таржима қилинган. Отамнинг суюкли машғулоти – асалчиликни давом эттирдим.

Иттифоқ бузилаётган вақтда мен олимлар ва раҳбарлар олдида сўзга чиқиб Елцин учун овоз бермасликларини сўраган эдим. Агар у ҳукумат бошига келса сиз завод ва институларингизни йўқотасиз дедим, лекин барча зомбига ўхшаб унга овоз берди.

Ҳозир эса вазият янада ёмонроқ. Олдин одамларда Иттифоқда жамланган мустаҳкамлик ва виждон бор эди. Ҳозир булар йўқ.

Мен ўйлашимча бир бу гирдобдан чиқиб кета оламиз. Лекин бунинг учун барча бир бўлиб ҳаракат қилиши керак. Кўп нарса давлат раҳбарига боғлиқ.

Россия доҳийлар мамлакати. Бизга кучли йўлбошчи, биринчи котиб, етакчи, қаҳрамон керак. Тарих давомида шундай бўлган. Доҳийларсиз биз тирик қолмасдик.

523

Рус вакцинасини йўқ қилиш: катта сиёсатнинг кичик ўлжаси

1493
(Янгиланган 16:13 18.09.2020)
Россиянинг коронавирусга қарши вакцинани ишлаб чиқаришда етакчилик Ғарб учун нафақат ёқимсиз сюрприз, балки ҳам сиёсий, ҳам молиявий сабабларга кўра ғазабни келтирадиган чақирувга айланди.

Бир томондан, тубдан ортда қолган, нодемократик Россиянинг мураккаб илмий ва  технологик соҳаларда бундай ютуқларни амалга оширишга ҳаққи йўқ эди. Бошқа томондан эса – астрономик катталикдаги мўмай ютуқ турибди, у Ғарб фармацевтика концернлари ёнидан сузиб ўтиб кетиши деган фикрнинг ўзи, у ерда жиғилдон қайнашини келтириб чиқариши мумкин. Масалан, Ҳиндистонга 100 миллион дозани етказиб бериш тўғрисидаги келишувнинг ўзи эътиборга лойиқ.

Россия рус олимларининг илмий иш натижаларини обрўсизлантириш учун кўплаб уринишларга дуч келганлиги ажабланарли эмас: катта сиёсат, катта пул.

Бироқ, акулалар ёнида, хўжайин столидан қандайдир егулик олиб турадиган - ёпишқоқ-балиқлар учун ҳар доим жой топилади.

Дунёдаги энг қадимий ва нуфузли тиббиёт журналларидан бири The Lancet да “Спутник- V” вакцинасининг синов натижалари тўғрисида нашр этилган мақола атрофида шунга ўхшаш воқеа пайдо бўлди.

Мақола яшин тезлигида танқидга учради.

Жаҳон ОАВлари томонидан тарқатилган катта янгилик – бу очиқ мактуб бўлди, унда Америка Темпл университети биология профессори Энрико Бусси "эҳтимол, рус тадқиқотчилар йўл қўйган хатолар” борасидаги қўрқувлар юзасидан фикр билдирган. Уни 25 га яқин Ғарб олимлари қўллаб-қувватлади.

The Lancet россиялик тадқиқотчиларга берилган саволларга жавоб беришни таклиф қилди, бу ўз навбатида бажарилди.

Гамалея маркази нашрга “Спутник-V” вакцинасини ўрганиш бўйича тўлиқ клиник протоколни тақдим этди. Россия тўғридан-тўғри инвестиция жамғармаси раҳбари Кирилл Дмитриев мақола чоп этди, унда танқидчиларнинг асосий даъволари юзасидан батафсил изоҳ берган.

Шу ўринда муаммо нафақат маҳаллий тадқиқотчилари эътибор қаратган илмий ишларда эмас.  

Гап шундаки, жанжал кўтарган мактубнинг муаллифи ўзи жуда диққатга сазовор одам. Би-би-си материалида Энрико М. Буччи "сохта фанга қарши таниқли курашувчи" деб номланган. Бироқ, "илмдан ишбилармон" характеристикасини қўллаш тўғри бўлар эди.

2016 йилда Буччи илмий ишларни текшириш, тўғрилик ва ҳаққонийликни ўрганишга ихтисослашган Resis Srl компаниясига асос солган.

Бу замонавий илм-фаннинг жуда долзарб мавзуси. Сўнгги йилларда тадқиқотчилар нашр этган мақолаларда кўп хатолар,  шу жумладан қўпол хатолар устида ушланмоқда. Гап фақат суиистеъмол ёки фирибгарлик тўғрисида эмас, кўпинча ҳаққоний камчиликлар мавжуд бўлиб, улар фош этилганда, олимларнинг, ҳатто бутун илмий муассасаларнинг обрўсига таъсир қилади.

Айнан мана шундай муаммоларнинг олдини олиш учун, муаллифлар ва тадқиқот тузилмалар тез-тез ўзларининг матнларини мустақил равишда текшириб кўриш мақсадида – чоп этишдан аввал - бу каби ишларга ихтисослашган фирмаларга мурожаат қилишади.

Хусусан, мазкур фаолият учун Германиянинг Фриц Липманн институти Буччи компаниясини ёллаган, бу ерда бир мунча вақт олдин нашр этилган ишлардаги хунук хатолар туфайли катта жанжал кўтарилди.  Nature журнали бир йил олдин ушбу воқеа батафсил маълумот берган.

Бундай бизнес маълум ахлоқий чекловларни келтириб чиқаради, буни профессор Буччи яхши англаб етади. 2019 йил декабрда Nature журнали ўзида илмий ишнинг софлиги ва ҳаққонийлигига бағишланган материал нашр этилди, у ерда Буччи ҳаммуаллифлик қилган. У ерда ҳам Энрико Н. Буччининг манфаатлар тўқнашуви борлиги очиқ ойдин қилиб кўрсатилган.

Оддий қилиб айтганда, тижорат компанияси эгаси у ихтисослашаётган фаолият тўғрисида омма олдида гапирганда, бу аслида ўз компаниясининг рекламасига айланади.

Аммо, албатта, Россия вакцинасини "фош қилиш" ҳақида гап кетганда, бундай майда-чуйда нарсалар аҳамият касб этмайди.

Ғарб Россия ишланмаларининг етакчилигига путур етказиш ёки ҳеч бўлмаганда уларни  заифлаштириш умидида яна бир зарба бериш мақсадида Буччининг очиқ (ва маъноси бўйича ўзини ўзи реклама қилиш) мактубидан фойдаланди.

Профессорнинг ўзи эса шундай катта миқёсда, орзу ҳам қилмаган даражада пиарни олди. Аслида, бу "хайпга жиловлаш" деб номланади, бу тамойил бўйича юзлаб ва минглаб медиа-шахслар ҳаракат қилади.

Шубҳасиз, бу жуда жозибадор янги тижорат шартномалар шаклида унга натижа беради. Катта сиёсатнинг лойқа сувида хайпни овлаш жуда фойдали бўлиши мумкин.

Аммо бу умуман фанга, хусусан тиббиётга ва дунё бўйлаб юз минглаб одамларнинг ҳаётини сақлаб қолишга ҳеч қандай алоқаси йўқ.

1493

COVID, қурол ва тинчлик. Путиннинг БМТдаги чиқиши

538
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

538