Первый полет беспилотника Альтиус-У

Россия Ҳаво-космик кучлари 2021 йилда "ақлли" зарба дронларини қабул қилади

567
(Янгиланган 15:28 13.08.2020)
Россия Ҳаво-космик кучларининг қисқа масофали ва ўрта масофага учадиган пилотсиз учувчи аппаратлари ҳозирча "иккинчи ролларда" хизмат қилмоқда.

Россия Ҳаво-космик кучларининг қисқа масофали ва ўрта масофага учадиган пилотсиз учувчи аппаратлари ҳозирча "иккинчи ролларда" хизмат қилмоқда. Дронларнинг ҳарбий учувчилар билан ягона ахборот маконида интеграцияси ўсиб бормоқда ва истиқболда "ақлли" дронлар янада кўпроқ нарсаларга эришадилар.

Россия Ҳаво-космик кучлари (ВКС) 2021 йилдан бошлаб кўп мақсадли зарба дронларини хизматга қабул қила бошлайди, дейди ВКС бош қўмондонининг ўринбосари Сергей Дронов "Красная звезда" газетасига берган интервьюсида. Ҳарбий раҳбар айтишича: "Пилотсиз авиациядан фойдаланиш самарадорлиги Сурия Араб Республикасида ўтказилган махсус операция давомида тасдиқланди. Пилотсиз учувчи аппаратлардан фойдаланиш ноқонуний қуролли гуруҳларнинг мўлжалларини юқори аниқликда йўқ қилинишини таъминлади".

 2021 йилдан бошлаб Россиянинг кўп мақсадли дронлари мустақил равишда ҳаво разведкасини ўтказиши ва "стратегик ичкариликдаги душман нишонларини юқори аниқликдаги ўқ-дорилар билан зарба бериши" мумкин.

Генерал Сергей Дронов яқин орада ВКСнинг жанговар таркибига киритиладиган дронларнинг "номларини" ошкор қилмади. Бироқ, оғир “Охотник” оператив тайёргарликка 2024 йилга келиб эришиши маълум, Россиянинг яна иккита катта қувватга эга дронлари - РФ Мудофаа вазирлиги томонидан 2019 йилда шартномаси тузилган ва Сурияда муваффақиятли синовлардан кейин РФ ВКСда жанговар-синов фойдаланиш босқичида бўлган “Альтиус” ва “Орион”.

Етакчи “Орион”

Пилотсиз “Орион” 8000 метргача баландликда ишлайди, ҳавода камида 24 соат давомида қўшимча ёқилғи қуймасдан қолишга қодир, юк кўтариш қобилияти 250 кг гача (қурилманинг оғирлиги 1100 кг). Унинг узунлиги 8 метр, қанотлари кенглиги 16 метрга тенг. У АПД-110/120 поршеньли двигател, диаметри 1,9 метр бўлган икки парракли АВ-115 винти билан жиҳозланган.

Жанговар фойдаланиш радиуси бошқарув принципига боғлиқ (ердаги оператор ёки ўзининг дастури). Қурилма юқори аниқликдаги ракеталарни таший олади ва душман ҳудуди ичкарисидаги нишонларга зарба беради. Дрон Сурияда конструкторлар томонидан режалаштирилган зарба потенциалини аниқ бажарди, Хитойнинг "Хуаньцю шибао" нашрига кўра, бу ерда Россиянинг ҳар хил русумдаги 80 га яқин дронлари доимий равишда жойлаштирилган. Видеолардан бирида ҳужумчи “Орион” Хама вилоятининг шимолидаги Зака шаҳрида жангариларнинг таянч нуқтасига зарба берди.

“Орион”нинг ракета-бомба қуроллари (ва Россиянинг бошқа оғир дронларини ҳам) очиқ манбаларда минимал даражада акс этган. Бироқ, феврал ойида "Тактическое ракетное вооружение" корпорациясининг бош директори Борис Обносов журналистларга дронлар учун енгиллаштирилган қурол-яроғлар - оғирлиги 50 кг дан 100 кг гача бўлган, турли мақсадларга мўлжалланган махсус кичик ўлчамли ўқ-дорилар ишлаб чиқарилиши ҳақида гапириб берди. Ҳисоблаш ускуналари қувватининг ўсиши ва сунъий интеллектнинг мураккаб алгоритмларининг ривожланиши билан, яқин йиллар ичида енгил юқори аниқликдаги қуролларнинг самарадорлиги сезиларли даражада ошиши мумкин.

"Орион" дрони катта тадқиқотлар ва ишланмалар йўлини босиб ўтди ва муваффақиятли фойдаланилмоқда. "Орион" лойиҳаси Россия Мудофаа вазирлигининг буюртмаси билан 2011 йилда ишга тушди, парвоз синовлари 2016 йилда бошланди, бомба қуроллари билан эса синовлар 2018 йилда бошланди.

Ўрта баландликда учадиган "Орион" дронининг серияли ишлаб чиқарилиши 2019 йил август ойида бошланди. Ҳар йили 30 тагача шундай машинани ишлаб чиқариш режалаштирилмоқда (қўйиладиган вазифаларга қараб - қидирув ёки зарба бериш, ҳар бир мажмуа учтадан олтигача дрондан иборат).

Ишлаб чиқарувчи компания (“Кронштадт” гуруҳи) аввалроқ “Орион” дронининг экспорт варианти хужумчи бўлади деб маълум қилган эди. Ушбу маълумот ҳарбий-техник ҳамкорлик соҳасидаги россиялик ҳамкорларни қизиқтириб қолди. Албатта, “Орион”нинг муваффақиятли учирилишини Россиянинг рақиблари ҳам сезишди.

Автоном "Альтиус"

Узоқ масофага мўлжалланган оғир турбовинтли пилотсиз “Альтиус” ўзининг биринчи автоматик парвозини 2019 йил августида амалга оширди. Қанотлари 28,5 м ва корпус узунлиги 11,6 м бўлган ушбу машина икки кун давомида 250 км/с тезликда 2 тоннагача бўлган жанговар юкни, 12 минг метргача баландликда ва 10 минг километргача масофани босиб ўтишга қодир. Композит материаллар ёрдамида қурилган дроннинг ўз оғирлиги, турли манбаларга кўра, бешдан олти тоннагача.

СП-2 инерцион навигация тизими аппаратни ҳавода аниқлаш имкониятини камайтиради, душманнинг радиоэлектрон қаршиликка қўшимча бардош кўрсатади. Сунъий интеллектга эга бўлган (барча "миялари" 2020 йил охиригача ўрнатилиши ваъда қилинмоқда) пилотсиз "Альтиус" оператор иштирокисиз автоном равишда бошқариладиган самолётлар билан биргаликда ҳаракат қилиши мумкин. Мисол учун, Су-57 қирувчи самолётининг янада кучли радиолокацион станциясидан нишон белгиларини олиш мумкин. Бугунги кунда жанговар дрон штабдан мустақил равишда ҳаво ҳолати тўғрисида маълумот олишини, потенциал душманнинг ҳаво мудофааси ҳудудларини четлаб ўтиб, мўлжалга йўналишни ўрнатишни, муҳим ер усти ва сув усти нишонларини (штаблар, алоқа марказлари, ракета учирувчи ускуналари, кемалар) аниқлаб, уларга зарба беришни ва ҳарбий хизматнинг бошқа икир-чикирларини ўрганмоқда. Оғир ва жуда ақлли "Альтиус" Россия Ҳаво-космик кучлари ва ҳарбий-денгиз кучларига хизматга қабул қилиниши режалаштирилмоқда.

Ҳарбий-денгиз кучлари бош штабидаги ва Ҳаво-космик кучлардаги манбалар аввалроқ “Альтиус” разведкачи модификацияси ўта узоқ масофага мўлжалланган радиолокатор ва энг сўнгги оптоэлектрон ускуналарини олишини, ҳужумчи эса кемаларга қарши ракеталарни таший олишини маълум қилган эди. Тахмин қилинишича, гап паст баландликда учадиган, учиш масофаси 260 км гача ва массаси тахминан 500 кг бўлган, сунъий йўлдош навигация тизими ва актив-пассив радиолокацион ўзи нишонга олувчи каллачаси бўлган Х-35 ракетаси ҳақида кетмоқда (бу ҳолда, “Альтиус”га тўрттагача шундай кемаларга қарши ракета ўрнатса бўлади).

Сўнгги дроннинг серияли ишлаб чиқарилиши Урал фуқаро авиацияси заводида (“УЗГА” АЖ) йўлга қўйилмоқда, у билан Россия Мудофаа вазирлиги 2019 йил декабр ойида “Альтиус-РУ” пилотсиз учиш аппаратининг синов-конструкторлик ишларини олиб боришга шартнома имзолаган (бу дроннинг сўнгги версиясининг номи, унга илгари чиқарилган барча “Альтиус” туридаги прототипларини синовлари натижасида келинди). Иш давомида, истиқболли авиацион мажмуаларни жойлаштириш тизими такомиллаштирилмоқда, бу эса юздан ортиқ аэродромлардир.

Узоқ масофали ва узоқ муддатли баланд учадиган дронларнинг тобора кучайиб бораётган ҳукмронлиги, ҳужум-разведка дронларидан фаол фойдаланиш ва уларни "ақллилашиши", ҳарбий мутахассислар ва жанговар роботларнинг биргаликдаги амалиётлари қайтариб бўлмас тенденцияга айланмоқда. РФ Қуролли кучларини дронлар билан оммавий жиҳозлаш, улардан жанговар фойдаланиш самарадорлигини сезиларли даражада оширади, потенциал тажовузкор йўлида - ҳавода, қуруқликда ва денгизда ўтиб бўлмас тўсиқлар яратади.

Бундан ташқари, Россия 2022 йилда яна бир оғир дронни учиришни режалаштирмоқда. Бу "Сириус", у 40 соатгача ҳавода қолиб, 10 минг километргача (соатига 295 км тезликда), 12 минг метргача баландликда, бир тонна юк кўтариш қобилиятига эга.

РФ Ҳаво-космик кучларининг "ақлли" ҳужум-разведка авиациясини устувор ривожланиши мавжуд ва истиқболдаги авиацион зарба бериш воситаларининг самарадорлигини сезиларли даражада оширади ва шаҳсий таркиб ҳалок бўлишини камайтиради.

Яқин келажакдаги урушларнинг ўтиши ва натижаси бугунги кунда барча соҳаларда жадал шаклланиб ва ​​такомиллаштирилаётган сунъий интеллектга эга бўлган жанговар роботларнинг самарадорлигига боғлиқ бўлади. Ҳиссиётларсиз ва "бузилмас" роботлашган дронлар табиий равишда пилот томонидан бошқариладиган самолётларнинг тобора кўпроқ функцияларини бажаришни ўз зиммаларига олмоқда.

567
Кандидат в президенты США Джо Байден

Байден мағлубиятини русларга ағдариш қўлдан келмайди

432
(Янгиланган 16:40 22.10.2020)
Америка сайловларининг охири кўриниб қолди: бугун Дональд Трамп ва Жо Байден охирги марта теледебатлар чоғида учрашади.

Америка сайловларининг охири кўриниб қолди: бугун Дональд Трамп ва Жо Байден охирги марта теледебатлар чоғида учрашади. Бу учрашувни, аслида, улар ҳаётидаги сўнггиси ҳам бўлиши мумкин. Америкада вазият шундай қизиганки, бу икки шахсни яна бирга кўришни тасаввур қилиш жуда қийин. Ҳатто мўъжиза юз бериб, сайловларда Байден ғолиб бўлганда ҳам – Трамп шунчаки овоз бериш якунларини тан олмаслиги ва барча анъаналарни бузиб, инаугурация маросимига келмаслиги мумкин. Байден эса аниқ Трамп инаугурациясига келмайди. Шундай экан пайшанба куни улар истаган гапларни айтадиган кун ва сўнгги имконият бўлади. Улар бу имкониятдан тўлиқ фойдаланишади.

Трамп Байденни жиноий гуруҳ раҳбари деб атаб, Жони (ўғли Хантер билан биргаликда) турмага тиқишни талаб қилади. Жо турмага ўтирмайди, лекин у сайловларда мағлуб бўлганда ОАВ уни “октябрь совғаси” оёғидан чалганини ёзади (куни кеча Хантер компьютери қаттиқ дискидан олинган, собиқ вице-президентни ёлғон ва коррупцияда фош этувчи компромат). Бироқ Байден бу материалларсиз ҳам ютқазган бўларди. Чунки Трампнинг қўли баланд келиши муқаррар. Лекин қандай қилиб ахир: сўровлар Байденнинг катта устунлигини кўрсатяптику? Улар уйдирма бўлишлари мумкин эмас ахир?

Бўлиши мумкин. Чунки ҳар қачонгига қараганда катта пул тикилган, Трампга қарши ўйнаётган киши қодир бўлмаган ёлғон йўқ. “Мен нафақат Байденга қарши номзодимни қўймаяпман, мен сўл ОАВ, катта технология гигант компаниялари ("Фейсбук", "Твиттер", "Гугл") ва Вашингтон ботқоғи“га қарши номзодимни илгари суряпман”, деди Трамп куни кеча. Бунинг тасдиғи уч бошли маҳлуқнинг Байден оиласига қарши пайдо бўлган компроматга бўлган муносабати бўлди. “Нью-Йорк пост”да чоп қилинган мақолани блоклашга уринишди: “Гугл” уни қидириш тизимида топмади, “Фейсбук” ва “Твиттер” уни бўлишишга имкони бермади. Ўз ўзидан ОАВ шармандали мақолани кўрмасликка уринди, аксарият сиёсатчилар ўзини ҳеч қандай жиддий иш бўлмаган каби тутди. Яъни бу учта куч ўз ҳаракати билан Трамп ҳақлигини тасдиқлади. Шу билан бирга Россияга қарши айбловлар ҳам янгради – аниқку, Москва Байден қарши компроматни ташлаб қўйиб, яна Америка сайловларига аралашди.

Бу ҳақда нафақат шарҳловчилар ва конгрессменлар, балки махсус хизмат ходимлари ҳам гапиришди. АҚШ Миллий разведкаси директори Жон Рэтклифф Байден ноутбукидаги маълумот “бирор-бир Россия дезинформация кампанияси қисми эмаслигини маълум қилди”. Бироқ элликта собиқ разведкачилар (жумладан, ёлғони фош қилинган Рэтклиффдан олдин шу вазифада ишлган Жим Клэппер) очиқ хат ёзишди ва унда тажриба “бизни бу ишда муҳим ролни Россия ҳукумати ўйнагани жиддий гумонланишга мажбурлашини” баён қилишди:

“АҚШда сиёсат майдонда, тахминан, АҚШ вице-президентининг ўғли Хантер Байденга тааллуқли, уларнинг аксарияти у Украина “Burisma” газ компанияси раҳбариятида  ишлаган даврга тегишли электрон мактубларнинг пайдо бўлиши Россия ахборот кампаниясининг одатдаги барча белгиларига эга”.

Яъни Россияни у Байденга қарши компроматни сохталаштирганликда айблашмаяпти (бундай айбловлар ҳам янграмоқда аслида), у шунчаки уни тарқатган. Лекин қандай қилиб? Агар, Руди Жулианнининг (Трамп адвокати ва Нью-Йорк собиқ мэри) сўзларига кўра, Хантер Байден компьютери қаттиқ диски ичидаги маълумотлар етти ой олдин ФҚБга топширилган бўлса? Яъни Москва “октябрь совғасини” тайёрлаб, бу материалларни сир тутган, ёки буни Трамп штаби ва унинг маслаҳатчилари, жумладан, Жулианни қилган? Ҳа айтмоқчи, Жулианни ҳам Путинга ишлайдику... Ва бу ҳазил эмас: сенатор крис Мерфи маълум қилгандек, “бу гал руслар Америка фуқароларини ўз агентлари сифатида тайёрлашга қарор қилишган. Улар ўз пропагандасини ОАВда тарқатишга уринишмоқда... Бу уларнинг қўлидан келди ҳам. Биласизми, Руди Жулианни энди, аслида, Россия агенти”.

Ҳа, албатта, агар Трампнинг ўзи Кремль учун ишлаётган бўлса, унинг ходимлари ва сафдошлари ҳақида гап ҳам бўлиши мумкин эмас. Кулги кулгию, лекин вазиятни айнан шундай аҳмоқона баҳолаш ва америкаликларга “Россия аралашишини” сотиш Трамп аллақачон ғолиб бўлганининг ёрқин далилидир. Чунки унинг рақиблари тўлиқ тўқиб чиқарилган дунёда яшашади – унда руслар АҚШдаги сайлов натижаларига таъсир кўрсатишади, Трампнинг Байдендан ортда қолиш икки хонали сон билан ҳисобланади. Устига устак буларнинг ҳаммаси бир вақтнинг ўзида рўй беради ва умуман бир-бирига зид эмас.

Бироқ ҳақиқий дунёда умуман бошқа нарсани кузатамиз: Трампнинг мамлакат бўйлаб тугамас митингларида тарафдорларининг оломон бўлиб йиғилиши ва Байденнинг кам сонли тарафдорлари билан онда сондаги учрашувларда иштиёқнинг умуман бўлмаслиги. Трампни ҳатто озчиллар орасида (масалан, ранглилар ва мусулмонлар) ҳам қўллаб-қувватланиши ошмоқда. Трампнинг “рус алоқаси” далилининг умуман йўқлиги ва Байден оиласининг ёлғончилиги ва коррупцияга йўқ қўйганлигининг янги тасдиқлари. Энг асосийси, ҳақиқий дунёда америкаликларнинг аллақачон ўз сиёсий элитасидан, “Вашингтон ботқоғидан” ҳафсаласи пир бўлгани. Айнан шунинг учун Трампга тизимсиз сенатор Сандрес ягона жиддий муқобил бўла олган бўларди. Айнан тизимсизлиги туфайли “Байден” жамоаси томонидан сайловда иштирок этишига йўл қўйилмаган.

Оддий америкаликлар ҳақиқий дунёда яшашади, прогаганда дунёсида эмас, шунинг учун 3 ноябрь куни бўладиган сайловлар натижаси олдиндан аён. Ҳатто овозларни керакли “иккиланаётган шталарга” бураб қўйиш уринишларига қарамасдан.

Сохта дунё 3 ноябрь куни ютқазади, ҳатто воқеликни тан олишдан бош тортиб, нифоқ солишни уддаласа ҳам, лекин ҳеч қаерга йўқолмайди. Уч бошли гидра қасос олиш умидида бўлади ва у учун ишлайди. Ҳам Америка, ҳам кенг миқёсда унинг русларни ўз муваффақиятсизлигида айблашга тўлиқ ҳаққи бўлади.

Манба: РИА Новости.

432
Сотрудники службы электронной разведки Британского правительства во время макетного сценария кибератаки

Олимпиада-Навальний жанжали: АҚШ ва Британия энг қимматли нарсасини қутқармоқда

401
(Янгиланган 17:49 21.10.2020)
АҚШ ва Буюк Британиянинг Россияга нисбатан Жанубий Корея ва Япониядаги Олимпиада ўйинларига киберҳужум уюштирганлик тўғрисидаги айбловлари замирида бошқа мақсад ётибди.

ТОШКЕНТ, 21 окт — Sputnik. АҚШ ва Буюк Британия томонидан илгари сурилган Россиянинг Жанубий Корея ва Япониядаги Олимпиада ўйинларига киберҳужум уюштирганлик тўғрисидаги айбловлари мамлакатимизда бир мунча ҳайратда қолиш билан қарши олинди, дея ёзади РИА Новости колумнисти.

Таажжубланиш сабаби оддий: Москванинг дунё ва спортга қарши абсурд жинояти ҳақидаги навбатдаги асоссиз иғволар маъносиз бўлиб кўринади.

Бир томондан, Ғарбнинг русофоб медиакампанияси шундоқ ҳам яхши ишлаб келмоқда. Алексей Навальний билан боғлиқ ҳодиса охиригача етказилмаган. Янги уйдирмани тарқатишга ҳеч қандай зарурият йўқдек гўё, айниқса, шундай юқорида даражада – ташқи сиёсий идоралари ва асосий махсус хизматлар раҳбарлари. Бошқа томондан эса, илгариги тажриба, жумладан, россиялик блогер билан боғлиқ ҳодиса, Москвага қарши ҳар қандай ҳолда жиддий ва оғриқли бирор бир чоралар қабул қилинишига умид қилмасликни кўрсатади.

Вашингтон ва Лондоннинг бир пайтнинг ўзидаги баёноти икки пойтахтнинг кўзлаган умумий мақсади борлигидан далолат беради.

Лекин гап аниқ нима ҳақида бориши мумкин?

Жумбоқнинг ечимини, ҳойнаҳой, Токио ва Сеул таҳририятидан излаш лозим. Япония ҳукумати “тегишли маълумотларни” йиғиш учун танаффус олиб, муносабат билдиришдан бош тортди. Жанубий Корея ҳукумати ҳам индамасликни афзал билди.

Хакер
© Sputnik / Владимир Трефилов

Кўринишидан, ҳар икки мамлакат расмийлари ва махсус хизматлари (айтганча, Ғарбнинг минтақадаги асосий иттифоқдошлари) америка-британия операциясидан олдиндан воқиф қилинмаган ва энди безовталаниб алданиб қолмаслик ва ўта эҳтиёткор позицияни эгаллаш учун воқеалар ривожига қараб иш тутишга мажбурлар. Масалан, Япония Олимпия қўмитаси шундай қилди. Қўмита ўз ишига киберҳужум таъсирини сезмаганлигига ишонтирди.

Шундай экан юқори эҳтимоллик билан янги Россияга қарши кампаниянинг асосий мақсади, ғалати бўлишига қарамасдан, умуман бизнинг мамлакат эмас, балки қолган дунё. Биринчи навбатда Ғарбнинг ўзи. Русофоб мавзуси бу ерда шунчаки одатдаги қулай восита бўлади.
Ахборот пропаганда устунлиги АҚШ гегемониясининг энг муҳим қисмидир. Буюк Британия эса анъанавий равишда бу масалада унга жуфтлик, зеро айнан Атлантиканинг ҳар икки томонидаги энг нуфузли инглиз ОАВлари мажмуасини глобал медиамайдони деб аташади. Икки мамлакатнинг сиёсат, махсус хизмат соҳасидаги яқинлиги шундоқ ҳам аввалдан маълум.

Қўшма Штатларнинг улуғвор қудратининг босқичма-босқич таназзули ва Британия Бирлашган Қироллигининг халқаро майдондаги яширин таъсирининг яққол сусайиши сўнгги йилларда одатдаги воқеликка айланди. Аммо ушбу жараёнлар асосан иқтисодий, бюрократик ва айрим сиёсий механизмларга бориб тақалади.

Шу билан бирга икки давлат ҳукмронлиги ҳозиргача шубҳасиз бўлган соҳалара ҳам бор. Америка армиясининг НАТОдаги устунлигига, континентал Европанинг ҳеч бир ОАВ Британиянинг “Times” ёки Американинг “CNN” билан нуфуз бўйича беллашишга қодир эмаслигига шубҳа қилмаса бўлади. Айнан Океан ортида жамоат фикрини назорат қилувчи Twitter ва Facebook каби кучли восита борлигини айтмаса ҳам бўлади.

Вашингтоннинг RT ёки Хитойнинг TikTok᾽га қарши қатъий сиёсати у ерда бундай тузилмаларнинг аҳамиятини жуда яхши билишларини тасдиқлайди. Лекин геосиёсий рақибларнинг шахсий жуда жиддий медиаресурслари бор, Штатлар аллақачон одат қилган ва шунчаки ўзларида уларнинг ишларини бўғиш учун чора кўришади.

Америка-Британия ва пропаганда тандеми учун Ғарбнинг ўзида рақибларнинг пайдо бўлиши янада оғирроқ бўларди. Айнан шу рўй бермоқда. Навальний иши улар учун ёқимсиз ва исталмаган жараён бўлганининг далили бўлди.

Россиядан блогер атрофидаги жанжал бундан безор бўлингандек бўлиб кўриниши мумкин, лекин у аслида ўзига хос нодир, чунки бу бутунлигича ва тўлиқ Берлиннинг ижодидир.

Ҳа, Германия стандарт русофоб мавзудан фойдаланди, лекин у уни “катта ҳамкорларидан” юлқиб олди ва мустақил ўйинида ишлатди.

Немислар Навальнийни назорат қилишмоқда. У уларга керак бўлган нарсани гапиради: “Шимолий оқим-2” ҳимоясидан тортиб уни қўллаб-қувватламаган америкаларга нисбатан. Дунё учун бир неча кунга асосий янгиликлар манбаи немис нашрлари бўлди, инглиз ОАВлари эса улардан иқтибос келтириб, чоп қилишга мажбур бўлишди.

Бунда Олимпиадага ҳужум қилган рус хакерлари ҳақидаги воқеа мутлақо алоҳида маънога эга бўлади. Амалда унинг ёрдамида америкаликлар ва британияликлар янгиликлар тартибидан Навальний мавзусини узил-кесил олиб ташлашга ҳаракат қилишмоқда – зеро бу, аслида, рақибларининг лойиҳаси. Қолаверса, Вашингтон ва Лондоннинг умуман глобал медиасиёсий майдонда бир неча муддат немислар бошчилигида Европани ўзига бўйсундирган назоратни ўзига қайтариб олиши муҳим.

Энг яхши усул эса яна битта Россияга қарши мавзуни ўйлаб топиш.

Ҳар икки томон ҳам мамлакатимизга нисбатан ўта нодўстона риторикадан фойдаланишига қарамасдан, уларнинг келишмовчиликлари Россияга қўл келади (кўплаб мамлакатларга ҳам), зеро Ғарб ичида низони кучайтиради ва унинг қулашини тезлаштиради.

Қисқа муддат бўлса Германиянинг биринчи марта дунё сиёсий-ахборот майдонида назоратни эгаллашга муваффақ бўлганини қоидадан истисно эмас, балки биринчи қалдирғоч деб қабул қилиш лозим. АҚШ ва Буюк Британия аста-секинлик билан медиаустунликни йўқотишга тайёрланса ҳам бўлади, зероки уларга нафақат рақиблар, балки яқин иттифоқдошлар ҳам қарши чиқмоқда.

401
Путин: приближение НАТО к границам России угрожает безопасности страны

Путин собиқ СССР мамлакатлари ишига аралашмасликка чақирди

42
Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

ТОШКЕНТ, 23 окт - Sputnik. Собиқ иттифоқ ҳудудидаги мамлакатларда давлатчилик ниҳолларига ўта эҳтиёткорлик билан муносабатда бўлиш, маслаҳатлар ва тавсиялар билан улар ишига аралашмаслик керак, турли томонларни қўллаб қувватлаш мақсадида таклифлар ва миллионларни тутқазиб, ўта нозик жойда дағаллик билан ҳаракат қилиб, борини ҳам йўқ қилмаслик керак, деб баёнот қилди Россия президенти Владимир Путин.

"Барча собиқ иттифоқ мамлакатларига ўта эътиборлилик билан муносабатда бўлиб, бу давлатчилик ниҳолларини ўта эҳтиёткорлик билан қўллаб-қувватламоқ лозим, четдан туриб турли маслаҳатлар ва тавсиялар бериш, мутлақо мумкин эмас, шунингдек, ҳар қандай аралашувдан тийилиш лозим. Чунки бу нарсалар ушбу мамлакатлардаги энди ривожланиб келаётган, ҳали мўрт бўлган институтлар, суверенитетлар ва давлатчиликни барбод қилади. Бу мамлакатлардаги одамларга жамият ичидаги муносабатларни эҳтиёткорлик билан қуришларига имкон бериш лозим. Шунчаки мисоллар келтириш мумкин, бироқ ўз таклифларингиз, ўз миллионларингиз билан гоҳ бир, гоҳ иккинчи томонни, уларни қўллаб-қувватлаш мақсадида идиш-товоқлар дўконига кириб қолган филдек тутиш, улар ишига аралашиш керак эмас", - деди у "Валдай" мунозаралар майдонида қилган чиқишида.

Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

РФ президентига кўра, чунки бу давлатлар шунчаки кўп йиллар давомида ягона мамлакат доирасида яшаган эмас, улар юз йилликлар давомида умумий давлат доирасида бўлишган.

"Биз улкан алоқаларга эгамиз, иқтисоддаги кооперациямиз ўта чуқур, гуманитар алоқаларимиз кучли, бир ҳаммамиз битта тилда гаплашамиз... Мазмунан олганда, биз битта маданий майдон одамларимиз, мен тарих ҳақида гапирганим йўқ ҳали - биз умумий тарихга, нацизм устидан умумий ғалабага эгамиз. Бизнинг аждодларимиз, оталаримиз, боболаримиз ўз қони билан алоҳида муносабатларимизни мустаҳкамлашган. Ва бугун нимаики рўй бермасин, сиёсий конъюктура қандай ривожланмасин, айни вақтда шунга қатъий ишонаманки - мана шу - манфаатлар умумийлиги барча давлатлар билан, улар билан муносабатларимиз қанчалик қийин кечмасин, бироқ барибир алоқаларимиз қайтадан тараққий этишига йўл очиб беради", - деди Путин.

42