Президент Турции Реджеп Эрдоган

“Туркия хулқ-атворини ўзгартириш”: Ғарб нима учун Эрдоғанни жазоламоқда

952
(Янгиланган 17:06 16.12.2020)
Туркиянинг Ғарб билан муносабатлари оғир инқирозни бошдан кечирмоқда. Европа Иттифоқи ва Америка унга қарши санкция киритди.

ТОШКЕНТ, 16 дек — Sputnik. Туркиянинг ғарблик ҳамкорлари билан муносабатлари оғир инқирозни бошдан кечирмоқда. Европа Иттифоқи Шарқий Ўрта ер денгизидаги бурғулаш ишлари туфайли Анқарага қарши санкция жорий этди, америкаликлар Россия зенит ракета тизими харид қилингани учун босимни кучайтирди. Бу НАТОдаги ички вазиятга қандай таъсир кўрсатади? Буни РИА Новости ўрганди.

Анқарани ушлаб туриш

“Туркия бир томонлама провокация уюштириб, ЕИга қарши риторикани кучайтирмоқда. Шарқий Ўрта ер денгизида, Кипрнинг иқтисодий ҳудудида, Анқара бу ноқонуний бўлишига қарамасдан бурғулаш ишларини давом эттирмоқда”, - дейишди куни кеча якунланган ЕИ саммити иштирокчилари.

Анқара фаоллигини жиловлаш мақсадида европаликлар туркиялик амалдорлар ва ишбилармонларга қарши санкцияларни кенгайтиришди: уларга Евроиттифоқ мамлакатларига кириш тақиқланди, уларнинг Европадаги активлари музлатилади.

Ташқи сиёсат бўйича ЕИ раҳбари Жозеп Боррель қўшимча чекловларни ишлаб чиқиши зарур. Ангела Меркель Анқаранинг ролини нафақат Европа ишларида қайта кўриб чиқишга, балки Ливия, Сурия ва Тоғли Қорабоғдаги Туркия таъсирини таҳлил қилишга ҳам чақирмоқда. Хулосалар ҳисоботда тақдим этилади ва уни март ойида кўриб чиқишади.

Туркияга қарши биринчи санкциялар ўтган йилнинг кузида эълон қилинган эди. Сабаб ўша – Шарқий Ўрта ер денгизида газ конларини ноқонуний разведка қилиш. Бироқ бу Ражаб Тоййиб Эрдоғанни тўхтатиб қололмади. Ёз ойида у бурғулашни давом эттиришини билдирди.

“Санкциялар бирдан-бир мақсад эмас”

Брюссель босимни кучайтириб, маневр учун ҳам майдон қолдирмоқда. Саммит якунларига кўра коммюникеда “ижобий турк-европа кун тартиби” таъкидланган.

“Санкциялар – Европа мустаҳкамлигининг намойиши. Лекин бу бирдан-бир мақсаднинг ўзи эмас, балки Анқара хулқ-атворини ўзгартиришнинг воситасидир. Биз ҳамиша мулоқотга очиқмиз ва конструктив ишлашга тайёрлигимизни билдирамиз”, - дея таъкидлади Эммануэль Макрон.

Франция етакчининг сўзларини куз ойида Париж ва Анқара ўртасида кескинлашган баҳснинг давоми деб баҳолашди. Ўқувчиларга пайғамбар Муҳаммаднинг карикатураларини кўрсатган география ўқитувчиси Самюэль Пати ўлдирилгандан сўнг Макрон ислом инқирози ҳақида оғиз очиб, давлатнинг дунёвий қадриятларини ҳимоя қилиш зарурлигини айтди. Эрдоған бунга жавобан унга “руҳий соғлиғини” текширишни маслаҳат берди.

Ruptly, Sputnik, Министерство обороны Азербайджана

Европа мамлакатлари етакчилари Макронни қўллаб-қувватлашди. Француз-турк баҳси навбатдаги санкциялар урушига айланиб кетишига бир баҳя қолди, бироқ америкаликлар ўртага кирди. Ҳарбий сиёсий ишлар бўйича АҚШ давлат котиби ёрдамчиси Кларк Купер европаликларга Туркия альянснинг муҳим ҳарбий стратегик ҳамкори эканлигини эслатди.

Америка таҳдидлари

Океан ортидан муросасозлик оҳанги айтилган гапларни европаликлар ҳушёрлик билан қабул қилишди. Ахир Анқара Россиянинг С-400 ларини харид қилгани сабаб бошланган Америка-Туркия баҳси ўтган йилдан буён давом этиб келмоқда.

Вашингтон қатъийлик билан Эрдоғанни Москва билан битимдан воз кечишга ундаб, F-35 қирувчиларини сотмаслик билан таҳдид қилганди. Лекин Туркия ҳукумати кескинлик сари бориб, Инжирлик ва Кюрежикдаги Америка ҳарбий базаларини ёпишга ваъда берди.

Уларга Пентагонга Сурия ва Ироқда “Ислом давлатига”* қарши ҳарбий амалиётлари учун зарур. Боз устига базалар НАТОнинг Европадаги ракета ҳужумига қарши мудофаасининг бир қисми саналади.

Америкаликлар бироз шаштларидан тушишди. Эрдоған ҳам Туркия учун НАТО муҳимлигини тан олди.

Сайловларда Жо Байден ғалабасидан сўнг ҳам Анқаранинг риторикаси бироз ўзгарди. У вице-президент лавозимида ишлаган пайтларида Эрдоған режимини тез-тез танқид қилганига қарамасдан Туркия янги маъмурият иш бошлаши билан муносабатлар қайта кўриб чиқилишига умид қилмоқда.

АҚШнинг сайланган президенти бунга ҳали муносабат билдирганича йўқ. Аммо Америка НАТОдан узоқлашишни бас қилишига ишора қилди. Шу билан бирга Оқ уйнинг амалдаги раҳбари Дональд Трамп Байденга иш топширилгунга қадар Яқин Шарқ ва Афғонистондаги НАТО амалиётларида америкаликлар иштирокини қисқартириш ниятида эканини маълум қилди.

Қолаверса, “Америка душманларига қарши кураш тўғрисидаги” қонун доирасида АҚШ Россия С-400 харид қилинган туфайли Анқарага қарши санкция киритди. Эрдоған бу “НАТО ҳамкорига бўлган ҳурматсизлик” деб атади.

НАТО эркинликка тўсқинлик эмас

“Эрдоған ва НАТО муносабатлари қандай йўлга қўйилмасин, турк жамиятида консенсус бор – альянсдаги аъзолик фойдали, бу Туркияга кўп имкониятлар беради. НАТОсиз Эрдоғанга Сурия ёик Ливия можаросига аралашишни асослаш қийинроқ бўлган бўларди”, - дея фикр билдирди РИА Новости билан суҳбатда Анқарадаги Сиёсий тадқиқотлар маркази эксперти Орхан Гафарли.

Эксперт яна бир устунликни альянс Туркия ва ЕИ мамлакатларига ўзаро зиддиятни бартараф этишга имкон беришида кўради. Анқаранинг ҳеч бўлмаганда Греция ва Кипр ёки Франция билан жанжалларини олсак. Бу мамлакатлар НАТО аъзолига сабаб кескинликнинг олди олинмоқда. Альянс модератор вазифасини бажаради. Альянсга аъзолик Анқарага Греция, Кипр ёки Франция хатти-ҳаракатларини блоклашга кўмаклашиши ҳам тўғри”, - дея давом этади у.

Шу билан бирга таҳлилчининг Эрдоған НАТОга аъзоликни мустақил сиёсатга тўсиқ сифатини кўрмаслигига ишончи комил.

Турк-француз популизми

“Макрон ва Эрдоған можароси парчаланишга олиб келмайди. Туркия ва Греция ўртасида ҳамиша кескинлик бўлган.  Ҳар икки мамлакат НАТОга аъзолиги учун бу бирор марта ҳам очиқ урушга айланиб кетмаган”, - дейди “Обсерво” франко-рус таҳлилий маркази директор ўринбосари Игорь Делоноэ.

РИА Новости билан суҳбатда у 2016 йил ёзида Туркияда давлат тўнтарилишига уринишдан кейин Эрдоған альянсдан бироқ узоқлашди. Шу билан бирга ундан чиқиш масаласи ҳозирча йўқ. “АҚШ Анқарага альянскни тарк этишга имкон бермайди. Америкаликлар айнан Туркия орқали Қора денгиз ва Кавказ минтақасида ўз таъсирини кучайтирмоқчи”, - дейди Деланоэ.

Экспертнинг фикрича, эртами кеч турк-француз муносабатлари изига тушади. Боз устига икки мамлакат ўртасида жиддий зиддият йўқ.

“Эрдоған ва Макрон бир неча марта ташқи сиёсатда ўзгарувчанликни намойиш этди. Эслаб кўринг, масалан, 2015 йил ноябри-2016 йил июлида Туркия ва Россия ўртасидаги қарама-қаршиликни. У қулай шароитларда бир зумда йўқ бўлди. Макрон бир неча бор қарашларини ўзгартириб, популизмга мойиллигини намойиш этган. Париж ва Анқара ўртасидаги можаро қандай бўлмасин ҳал қилинади”, - дея тахмин қилади Деланоэ.

Ҳозирча муросага келишга ўзаро манфаатдорлик йўқ, Туркиянинг Франция билан ҳамда умуман НАТО билан ихтилофи сақланади.

* Россия ва қатор мамлакатларда тақиқланган террорчилик ташкилоти

952
Теглар:
Европа Иттифоқи, Туркия

"Ғарб уни асосий таҳдид деб билади". Россия энг катта атом кемасини янгиламоқда

1168
(Янгиланган 17:52 15.01.2021)
“Буюк Пётр” кемаси ўрнига "1144" лойиҳаси "Орлан Адмирал Нахимов" оғир ядровий ракета крейсери Россия денгиз флотида энг катта - флагмани сифатида эгаллайди.

Андрей Коц. Янги ракеталар, замонавий борт ускуналари, ўзига хос жанговар қобилиятлар - “Буюк Пётр” кемаси ўрнига - "1144" лойиҳаси "Орлан Адмирал Нахимов" оғир ядровий ракета крейсери Россия денгиз флотида энг катта - флагмани сифатида эгаллайди. Бу 2022 йилда содир бўлиши кутилмоқда. Модернизация қилинган кема флотни қандай кучайтиради - РИА Новости материалида.

Биринчи даража

1144 лойиҳаси “Орлан” крейсерлари - самолёт ташувчи кемалардан кейин дунёдаги энг йирик ҳарбий кемаси ҳисобланади. Оғирлиги - 25,8 минг тонна, узунлиги - 250 метр, кенглиги - 28,5 метр, экипаж - 760 киши.

Россияда ушбу турдаги иккита вимпел бор - иккинчиси - "Буюк Пётр", Шимолий флот таркибида ҳаракат қилади, аммо "Нахимов" ишга тушиши биланоқ модернизация қилинади. Стандарт тўплам - 20 та П-700 "Гранит" кемаларга қарши ракеталари, "Оса-М", "Ханжар" ва узоқ масофали С-300Ф "Форт" зенит-ракета тизимлари, "Метель" ва "Шаршара" сувости ракета-торпедалари, реактив бомбаметлар ва АК-130 автомат икки ўқли пушка.

Атом энергия қурилмаси - икки ой, тезлиги - 31. Масофа амалда чекланмаган. Крейсерлар Узоқ Шимол шароитида ишлай олади ва кўплаб таҳлилчилар буни яқин келажакда табиий ресурслар учун жанг майдони деб ҳисоблайдиган - Россиянинг Арктика минтақасида ҳарбий иштирокини таъминлашга қодир.

Бироқ, барча кемалар аста-секин эскирмоқда. Агар 80-йиллар охири - 90-йиллар бошларида "Орланлар" ҳар қандай рақибга қарши тура олса, бугун вазият ўзгарди. Россияда биринчи даражадаги катта ҳарбий кемаларни қуриш ҳали ҳам қийин бўлганлиги сабабли, Мудофаа вазирлиги мавжудларини модернизация қилишга ва биринчи навбатда уларга янги қуролларни беришга қарор қилди.

ҲҲМ платформаси

"Адмирал Нахимов" 1999 йилда таъмирлашга жўнатилганди, аммо аслида крейсерда созлаш ишлаши фақат 2013 йилда, ниҳоят мудофаа саноатига катта пул тушганда бошланди. 2015 йилда Северодвинскдаги "Севмаш" корхонасида кемадан эски жиҳозлар олиб ташланди ва корпус “дефектовка” ўтказилди.

Модернизацияни 2018 йилгача якунлаш режалаштирилганди, аммо муддат бир неча марта ўнг томонга сурилди. Таъмирлаш давомида бортдаги ускуналар ва қуролларга тобора кўпроқ янги маҳсулотлар киритилди.

Шундай қилиб, ўтган йилнинг май ойида Мудофаа вазирининг ўринбосари Алексей Криворучко оғир крейсер биринчилардан бўлиб "Циркон" гипертовушли ракеталарини қабул қилишини эълон қилди. Улар нишонларга овоз тезлигидан тўққиз марта тезроқ етиб боради, бу эса уларни ҳар қандай ҳаво ҳужумидан ҳимоя қилиш тизимига ўқ тегмайдиган қилади. Яксон қилиш масофаси тахминан 1000 километрни ташкил қилади. “Циркон америкалик “Гарпун кемаларга қарши ракеталаридан устун (улар 130 километр).

"Орлан"лар ҳар доим кучли денгиз ҳаво ҳужумига қарши мудофаа тизимига эга бўлиши билан ажралиб турган. Модернизация қилинишидан олдин “Нахимов узоқ масофага мўлжалланган С-300Ф “Форт” ҳаво ҳужумидан мудофаа тизимига эга эди, энди у янада ривожланган С-400нинг денгиз версиясини олади. Ҳар хил турдаги зенит-ўқ-дориларни отиб ташлайдиган ушбу комплекс “кўрилмас” самолётларни ва бошқа, шу жумладан қанотли ва баллистик нишонларни ушлашга қодир. 40Н6 тизим ракетаси 400 километргача бўлган масофадаги объектларни яксон қилади. Тахминларга кўра, "Адмирал Нахимов" С-400 ҳаво ҳужумига қарши мудофаа ракета тизимлари учун 96 та учириш шахталари жойлаштирилади, бу эса дунёдаги энг хавфли ҳаво ҳужумлари ҳимояланган кемалардан бирига айлантиради.

80та ячейка

Бундан ташқари, “Кортик” ҲҲМ тизими замонавий “Панцир-МЕ”, “Оса-М” зенит-ракеталари эса - янги “Редут” тизимига алмаштирилади.

Бироқ, энг катта даражадаги модернизация зарба мажмуаларига таъсир қилади. “Циркон”лардан ташқари “Адмирал Нахимов” П-800 "Оникс" кемаларга қарши ракеталари ва 2500 километргача учадиган "Калибр" қанотли ракеталари билан қуролланади. Уларнинг барчаси 80та ячекча учун вертикал ЗС14 ракеталаридан учирилади, уларни ўрнатиш учун кемадан П-700 "Гранит" комплексини олиб ташлашга тўғри келди.

"Гранитлар" ўз вақти ажойиб қурол бўлган - 3 Мах тезлиги, масофаси - 625 километр. Беш юз килотонлик ядровий ракета, ҳатто самолёт ташувчи кемасини битта зарба билан йўқ қилиши мумкин. Аммо ўлчамлари катта - 10 метр узунликда ва оғирлиги 7 тоннани ташкил этади. Янги кемага қарши ракеталар унчалик кучли бўлмаган ракета эга, аммо улар тезроқ ва аниқроқ.

Крейсернинг денгиз ости кемаларига қарши қуролланиши ҳам янгиланади. "Адмирал Нахимов" яқин масофада торпеда ва сувости кемаларидан ҳимоя қилувчи "Пакет-НК" мажмуасини олади.  Ушбу тизим икки турдаги ўқ-дориларга эга: МТТ торпедалари ва М-15 реактив ракеталарга қарши торпедалари.

Биринчиси, 600 метрдан  чуқурликдаги 20 километргача масофадаги сувости кемаларига зарба беради. Иккинчиси кемага 1,4 километр масофада ва 800 метр чуқурликда ҳужум қилаётган торпедаларни ушлаб қолади. "Пакет-НК" максимал автоматлаштирилган, нишонни мустақил равишда аниқлайди, Иккала ракета тезлиги 50 узел (соатига 92 километр).

Ўз-ўзидан крейсернинг электрон "масаллиғи" энг замонавийлари билан алмаштирилади, бу эса кема экипажининг вазиятни хабардорлигини жиддий равишда оширади ва борт қуролларидан фойдаланиш имкониятларини сезиларли даражада кенгайтиради.

Бундан ташқари, крейсерга замонавий алоқа ва навигация тизимлари, радиоэлектрон уруш тизими ва 3та модернизация қилинган Ка-27М  вертолётларидан иборат ҳаво гуруҳи тақдим этилади. Ушбу вертолётлар экипажнинг потенциал рақиб сув ости кемаларини аниқлашга катта ёрдам беради.

1168
Теглар:
самолёт, ҳарбий техника, ҳарбий, АҚШ, ядро қуроли, қурол-яроғ, Россия
Военнослужащие ВС Узбекистана на антитеррористических учениях в Наманганской области.

Замонавий урушга тайёрланиш янги полигонлар талаб қилади

546
(Янгиланган 13:00 14.01.2021)
Ўзбекистон Қуролли кучлари сўнгги йилларда ҳарбий самарадорлигини қандай қилиб бир неча баробар оширишга муваффақ бўлгани ҳақида россиялик ҳарбий шарҳловчи Александр Хроленко мақоласида.

ТОШКЕНТ, 14 янв - Sputnik. Марказий Осиёда энг кучли ҳисобланадиган Ўзбекистон Қуролли кучлари бугун юқори жанговар тайёргарлик ҳолатида, энг янги ҳарбий техника билан жиҳозланган ва малакали мутахассислар етакчилигида ўзининг 29 ёшини нишонламоқда. Ўзбекистон армияси ғалаба қозониш илмини брча замонавий талабларга жавоб берадиган полигонларда ўрганишмоқда.

Ўзбекистон президенти ва Қуролли кучлари Олий Қўмондони Шавкат Мирзиёев Ватан ҳимоячилари куни арафасида “Фориш” тоғли полигонига ташриф буюрди ҳамда Жиззах вилоятидаги қуруқлик ва ҳаво-ҳарбий кучларининг намойишида иштирок этди.

Бу одатий ташриф бўлмади, чунки бироз олдин Ўзбекистон президенти республикадаги барча полигонларни замонавийлаштиришни “Фориш” полигонини эса - намунали ўқув марказга айлантиришни топширган эди. Ташриф давомида давлат раҳбари Мудофаа вазирлиги ва бошқа муассасалар томонидан топшириқ қандай бажарилганига баҳо берди.

Шавкат Мирзиёев тоғли полигонда қўшинлар ҳарбий тайёргарлиги қандай олиб борилаётганига баҳо берди. Президент қурол-аслаҳалар ва ҳарбий техника, ўқув корпуслари, кутубхона, казарма ва спортзални кўздан кечирди.

Давлат раҳбари шахсий таркиб самарали тайёргарлик кўриши учун барча шароитлар яратилганига ишонч ҳосил қилди. Ахир Ўзбекистон аскарлари 2019, 2020 йилларда Халқаро Армия ўйинларининг Оловли-ҳужум йўлаги ва яна бир неча босқичида бежизга ғалабага эришмаган.

Фориш” полигонида Шавкат Мирзиёев ҳарбийлар билан суҳбат қилди.

– Бугунги Қуролли Кучларимиз беш йил олдинги армия эмас. Мудофаа доктринамиз бўйича қилинган ишлар натижасида миллий армиямизнинг салоҳияти ҳар томонлама ошди. Эришган муваффақиятларимиз билан бирга олдимизда кўп режалар, вазифалар турибди. Қўшинларнинг жанговар ҳолатини янада мустаҳкамлашимиз керак. Бунинг учун билим, тажриба, тайёргарлик зарур, - деди президент.

Ўзбекистон президенти ўзининг олдинги чиқишларида ҳам Қуролли кучларнинг мудофаа қобилиятини, профессионаллигини ва ҳарбий кучини ошириш ҳақида гапирган эди. Демак, Ўзбекистон Қуролли кучлари полигонлари, жанговар тайёргарлигини ошириш давом эттирилади. Бунинг учун Республикада барча шароит ва манбаалар мавжуд.

Замонавий устуворликлар

Айни дамда Ўзбекистонда амалга оширилаётган давлат дастурлари асосида Қуролли кучларнинг кўриниши ўзгармоқда, кўплаб янги ҳарбий объектлар қурилмоқда, миллий армиянинг жанговар қобилияти оширилмоқда ва рсепубликада замонавий ҳарбий полигонлар кўпаймоқда.

В Узбекистане введен в эксплуатацию  крупнейший военный полигон
© Министерство обороны Узбекистана
Каттақўрғон ҳарбий полигони

Жануби-ғарбий ҳарбий округда 13 январ куни энг янги “Нуристон” полигони фойдаланишга топширилди. Бу замонавий полигон мажмуаси бўлиб унинг таркибига 15та ўқув синфлари, лекция хонаси, кутубхона, 530 ўринли қулай ётоқхона ва 600 ўринли ошхона киради. Ундан ташқари кафе ва тиббиёт хонаси ҳам бор. Қуролли кучлар кунига ушбу янги полигон алоҳида ҳарбий округ энг яхши совға бўлди.

В Узбекистане введен в эксплуатацию  крупнейший военный полигон
© Министерство обороны Узбекистана
Каттақўрғон ҳарбий полигони

Марказий ҳарбий округда 2020 йилнинг июл ойида барча замонавий талабларга жавоб берадиган “Сазаган” янги полигони очилган эди. Умумий майдони 5 минг гектардан ортиқ бўлган ушбу мажмуада барча қўшин турларини тайёрлаш мумкин. Полигоннинг замонавий инфратузилмаси, ҳарбийлар учун қулай тураржойлар ҳарбий-техник ҳамкорлик дастурлари доирасида хорижий меҳмонларни қабул қилиш имконини ҳам беради.

Таджикских военных встретили на полигоне Фориш
Минобороны Узбекистана
Фориш ҳарбий полигонида ўзбек-тожик қўшма ўқув машғулотлари

2020 йилнинг ёзида Термиз шаҳри яқинида яна бир янги ҳарбий полигон ишга туширилган эди. Умумий майдони 28 минг гектар булган ушбу ҳарбий объект барча замонавий талабларга жавоб беради. У ерда махсус тактик майдонлар, ўқ ўзиш майдонлари, тўсиқли йўлаклар, ўқув синфлари, казармалар, ошхона, спорт мажмуаси бор.

Марказий Осиё ҳудудида кучайиб бораётган ҳарбий-сиёсий нотинчлик вазиятида 2020 йилнинг декабрида Россия ва Ўзбекистон армия махсус бўлинмаларининг қўшма махсус-тактик аксилтеррор ўқув машғулотлари бўлиб ўтган эди. Унда 200га яқин ҳарбийлар ва махсус техника иштирок этган эди. Беш кун давомида ўзгарувчан вазиятда махсус бўлинмалар кенг кўламлари ва мураккб ўқув-ҳарбий машқларини бажаришган эди. Айтиш жоизки, Термиз шаҳри Ўзбекистоннинг энг жанубида, Амударё қирғоғида, Афғонистон билан чегара яқинида жойлашган.

Шавкат Мирзиёев посетил Чирчикский военный полигон
Пресс-служба президента Узбекистана
Чирчиқ ҳарбий полигони

Ўзбекистоннинг энг йирик, жаҳон стандартларига жавоб берадиган “Каттақўрғон” полигони 2019 йилнинг ноябр ойида ишга туширилган. Бу ерда барча ҳарбий техникадан, жумладан артиллерия ва авиациядан фойдаланган ҳолда ўқув-машғулотлари ўтказиш мумкин. 2020 йилнинг январ ойида “Каттақўрғон” полигони Ўзбекистон Қуролли кучларининг энг янги техникасини синовдан ўтказиш майдонига айланди. Полигон ўз ҳарбий техникаси ва автомобилларига, ўқув синфлари, тиббиёт хонаси, ошхона, ётоқхона спорт зали ва маданият марказига эга.

Оптимистик ўсиш

Ўзбекистон Қуролли кучларининг 10та энг муҳим ва замонавий полигонлари рўйхатининг биринчи қаторидан “Фориш” полигони ўрин олган. Бу ерда Ўзбекистон Армияси доимий равишда Россия, АҚШ, Франция, Буюк Британия, Ҳиндистон, Туркия, Покистон ва Хитой қўролли кучлари билан ҳамкорликда тактик ва махсус ўқув машғулотлари ўтказиб келмоқда. Ушбу рўйхатнинг ўзи ҳам полигоннинг ривожланган инфратузилмасининг белгисидир. У ерда халқаро миқёсда турли аксилтеррор машғулотларни ўтказиш, турли жанговар сценарийларни синаб кўриш имкони бор.

Шавкат Мирзиёев посетил Чирчикский военный полигон
Пресс-служба президента Узбекистана
Чирчиқ ҳарбий полигони

Бухоро умумқўшин ўқув полигони Жануби-ғарбий махсус ҳарбий округга қарашли бўлиб, муҳимлик даражаси бўйича учинчи ўринда туради. Шимоли-ғарбий  ҳарбий округнинг ягона полигони “Нукус” ҳамда Шарқий ҳарбий округнинг “Шурсуз” ва “Ғурумсарой” полигонлари 4 ва 5 ўринларни эгаллаган. Энг яхши полигонлар қаторидаҚашқадарё вилоятида жойлашган “Муборак” ва “Нуристон” полигонлари ҳам бор. “Чирчиқ” полигони Тошкент ҳарбий округида 3та олий ҳарбий ўқув юртлари курсантларини тайёрлаш ва ҳарбий парадлар ўтказиш учун хизмат қилади.

© Sputnik / Дильшода Рахматова
Чирчиқ ҳарбий полигонида 9 май паради

Буларнинг барчасидан қандай хулоса қилиш мумкин? Геосиёсий ва иқтисодий мураккаб вазиятда Ўзбекистон кўплаб ажойиб ҳарбий полигонлар қуриш ҳамда 50 мингли самарали армия тайёрлашга муваффақ бўлди. Мудофаа тизимлари яратиш бўйича тан олинган ҳудудий етакчи бўла туриб, Ўзбекистон жаҳон ҳарбий ҳарбий кучлар рейтингининг 52-ўрнига кўтарилган. Ушбу кўрсатгич бўйича Ўзбекистон МДҲда Беларус, Қозоғистон ва Озарбайжондан олдинда.

Бундай ўсишга Россия билан ҳамкорлик қилиш ҳам ўзининг салмоқли ҳиссасини қўшмоқда.Айни дамда Россия ва Ўзбекистон орасида 12та ҳарбий-техник ҳамкорлик шартномалари амалга оширилмоқда. Уларга асосан Тошкентга замонавий радиолокацион мажмуалари, Су-30СМ қирувчилари ва Ми-35М зарба берувчи вертолётлари етказиб берилмоқда.      

2019 йилда ҳарбий бўлинмалар самарадорлиги ўтказилган 230 тактик-махсус ўқув машғулотлари давомида 12%га ўсган Қуролли кучлар умумий самарадорлиги – 2 баравар ўсган бўлса, 2020 йилда топширилган янги полигонлар Ўзбекистон армияси қувватини янада оширди. Бу мудофаа вазири Баходира Қурбонов Сенатга ўтган йилнинг декабр ойида Сенатга берган ҳисоботидан маълум бўлди. Унда айтилшига кўра, сўнгги йил давомида Ўзбекистонда барча замонавий талабларга жавоб берадиган тўртта ҳарбий полигон ва битта тоғ ўқув-машғулотлар маркази  фойдаланишга топширилган.Улар орасида декабр ойининг бошида тўлиқ янгиланган “Нукус” полигони ва моделяция ва симуляция машғулотлари ўтказиш учун дала-ўқув марказига айлантирилган “Чирчиқ” полигонлари ҳам бор. Дунё пандемияси ва иқтисодий қийинчиликларга қарамасдан Ўзбекистон армиясини илдам замонавийлаштириш давоми этмоқда.

Бунда Қуролли кучларни нафақат замонавий полигонлар билан таъминлаш, балким ҳарбийлар учун турли имтиёзлар, уларни маданий ва руҳий ривожланиш учун шароитлар ҳамда ҳарбийлар оилаларнинг яшаш шароитлари ҳам яхшиланмоқда.

Хусусан, Наманган вилояти Юксалиш туманида бир неча ҳарбийлар оилалари Ватан ҳимоячиси куни арафасида янги хонадонлар калитларини топширилди. Шунингдек Зарафшон ва Учқудуқда ҳарбийларга янги уйлар топширилди. Ахир уйдан кўнгил тўқ бўлса байрам ҳам ҳарбий тайёргарлик ҳам кўтаринки руҳда ўтади.

546

Ҳабиб Нурмагомедов UFCʼга қайтиш шартини айтди

28
(Янгиланган 14:22 17.01.2021)
Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди.

ТОШКЕНТ, 17 янв — Sputnik. UFCʼнинг енгил вазндаги чемпиони Ҳабиб Нурмагомедов қайси ҳолатда карьерасини қайта тиклаш ҳақида ўйлаб кўришини маълум қилди. Куни кеча у ташкилот президенти Дана Уайт Абу-Дабида учрашув ўтказди. Дана Уайт учрашув тафсилотларини очиқлади.

Уайтнинг сўзларига кўра, сўнгги пайтларда Ҳабибнинг бошига кўплаб синовлар тушган: отасининг вафоти, Гэтжи билан жангдан олдин оёғининг жароҳатланиши.

“Ўшанда Ҳабиб билан ўзига келиб олиши учун танаффус олиш борасида келишиб олгандик. Ҳабиб ўзи хоҳлаган барча нарсага эришди. Унинг қайтиши учун мотивация йўқ. Келаси ҳафта биз иккита топ жанг гувоҳига айланамиз: Конор Макгрегор Дастин Порьега қарши, Майкл Чендлер эса Ден Ҳукерга. Агар ушбу йигитлар қандайдир феноменал нарса кўрсата олса, Ҳабиб қайтиш борасида ўйлаб кўришини айтди”, - деди Уайт. У Ҳабибга бразилиялик Чарльз Оливейра ўтказган жанг маъқул келганини қўшимча қилган.

“У (Ҳабиб. – Sputnik)  Ҳабиб қайтиш учун сабаб кўрмаса, дивизион чемпионлигини ушлаб турмайди. У UFC 257га келмоқчи, кўрамиз”, - дея хотима қилди Уайт.

Ҳабиб эса ўзининг Instagram ижтимоий тармоғидаги саҳифасида UFCʼ раҳбари билан суҳбат тафсилотларини "Кавказ асираси" фильми саҳнаси асосидаги тайёрланган ҳазил ролик билан таърифлади.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Эслатиб ўтамиз, Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди. У 29 марта жанг ўтказиб, уларнинг барчасида қўли баланд келган.

 

28