Жерар Депардье посетил Центр исламской цивилизации в Ташкенте

Жерар Депардье Ўзбекистонга ташриф буюрди

183
Актёр Ўзбекистон азалдан олимлар ва буюк мутафаккирларни дунёга келтирган замин эканлигини алоҳида таъкидлаб ўтди.

ТОШКЕНТ, 7 нояб - Sputnik. Таниқли француз актёри Жерар Депардье Тошкентдаги Ислом цивилизацияси марказига ташриф буюрди. Бу ҳақда "Ўзбеккино" миллий агентлиги маълум қилди. Машҳур француз актёри Жерар Депардье Ўзбекистон ҳақидаги ҳужжатли фильм суратга олиш ишлари учун Тошкентга келди. Актёр Ислом цивилизацияси марказига ташриф буюриб, унинг қурилиш жараёнлари билан танишди.

Депардье, шунингдек, Ўзбекистон Республикаси Бош вазири ўринбосари Азиз Абдуҳакимов, Ислом цивилизацияси маркази директори Шоазим Миноваров ва «Ўзбеккино» агентлиги бош директори Фирдавс Абдухолиқов билан ҳам суҳбатлашди.

Жерар Депардье посетил Центр исламской цивилизации в Ташкенте
Узбеккино
Жерар Депардье Тошкентдаги Ислом цивилизацияси марказига ташриф буюрди

«Мен ушбу марказни барпо этиш ташаббуси билан чиққан мамлакатингиз Президенти Шавкат Мирзиёевнинг ушбу ёндашувига қўшиламан. Мамлакатингизда ушбу муқаддас динни инсонпарварлик қадриятларнинг диққат маркази сифатида улуғлайдилар ва бу буюк эътиқодни зўравонлик ва қон тўкиш билан тенглаштирганларни қоралайдилар. Бугунги кунда кўплаб экспертларнинг таъкидлашича, Ўзбекистон мусулмон дунёси учун инсонпарварлик ривожланиш моделининг пойдеворини қўймоқда. Бу ҳақиқатан ҳам тарихий лаҳзалардир», — дея, Депардье ўз фикрларини билдирди.

Актёр Ўзбекистон азалдан олимлар ва буюк мутафаккирларни дунёга келтирган замин эканлигини алоҳида таъкидлаб ўтди. Шунингдек, у ўзбек халқининг меҳмондўстлигидан ва Ўзбекистоннинг бой тарихий ва маданий меросидан ҳайратда эканлигини билдирди.

«Ўзбекистонга ноёб жуғрофий ўрин (ҳудуд) туҳфа этилган. Осиёнинг қоқ юрагида жойлашган бу мамлакат ўзидан ташқаридаги мамлакатларнинг маданиятидан кўплаб маданий анъаналарни тўплади ва шу билан бирга ўз тажрибасини ташқи оламга етказди», - дея таъкидлади Депардье.

Депардье сўзининг охирида Ислом мероси, маърифатли ислом мавзуси Ўзбекистонда суратга олиш ишлари бошланган фильмнинг асосий мавзуларидан бири бўлишини қўшимча қилди.

Жерар Депардье Ўзбекистон ҳақидаги фильмда суратга тушади

Эслатиб ўтамиз, Жерар Депардье иштирокида ҳужжатли фильмни суратга олиш ташкилотчилари сифатида «Ўзбеккино», Туризмни ривожлантириш давлат қўмитаси, Ўзбекистоннинг Франциядаги элчихонаси ташаббус кўрсатмоқда.

Фильмни суратга олиш ишлари Ўзбекистоннинг 5 та шаҳри - Тошкент, Самарқанд, Бухоро, Хива, Термиз ва Нукусда олиб борилади.

183
Во время съемок фильма

Аюб Шаҳобиддиновнинг фильми икки халқаро кинофестивалда иштирок этади

57
Аюб Шаҳобиддинов суратга олган “Рангсиз тушлар” драмаси Қозон ва Ереван шаҳарларидаги халқаро кинофестивалда иштирок этади.

ТОШКЕНТ, 6 июл — Sputnik. Аюб Шаҳобиддинов суратга олган “Рангсиз тушлар” драмаси “XVI Қозон мусулмон кинофильмлари халқаро фестивали” ва Ереваннинг "Fresco" маънавий-ахлоқий фильмлар халқаро кинофестивалининг асосий танлов дастурларига киритилди. Бу ҳақда “Ўзбеккино” матбуот хизмати хабар қилмоқда.

Аюб Шаҳобиддинов. 2013 йилда “Паризод” фильми билан Қозон мусулмон кинофильмлари халқаро фестивалининг асосий танловида иштирок этгани ва кинофестивал ундада яхши таассуротларни қолдирганини таъкидлаган.

“Fresco” кинофестивали эса мен учун янги тажриба. Пандемия туфайли кўплаб кинофестиваллар бекор қилинди, аммо Ереван кинофестивали тўлиқ ташкил этилаётган бўлиб, томошабинлар ёзги кинотеатрлар экранларида фильмларни томоша қилиш имкониятига эга бўладилар”, – деди режиссёр.

“Рангсиз тушлар” фильмида инсон ўз “мен”ини ҳар қандай шароитда: қамоқхона деворларида, жамиятда ёки оилада ўзгартиришининг бир неча муҳим жиҳатлари илгари сурилган.

Аюб Шаҳобиддинов суратга олган “Рангсиз тушлар” драмаси
Пресс-служба "Узбеккино"
Аюб Шаҳобиддинов суратга олган “Рангсиз тушлар” драмаси

Кўп йиллик қамоқдан сўнг ўз қадрдон гўшасига қайтган фильм бош қаҳрамони Кашмира аста-секин оиласида, жамиятда ўз ўрнини топиш ҳуқуқига эга эканлигини исботлаши керак эди. Бунда у фақат қатъият ва ирода туфайли кучли шахсга айланиши мумкинлиги англаб етади. Фильмда жамиятда жазо муддатини ўтаб келган шахсларга нисбатан ноўрин муносабатнинг шаклланиши, “одамлар нима дейди” каби қарашлар ортидан пайдо бўладиган ижтимоий муаммолар кўтарилган.

Фильмда бош қаҳрамон ролини Феруза Саидова ижро этган. Шунингдек, киноасарда Карим Мирҳодиев, Шоҳида Исмоилова, Бекзод Абдумуҳитов ва Анвар Назаровлар суратга тушган. Сценарий муаллифи  Умид Ҳамдамов

Қозон мусулмон кинофильмлари халқаро фестивали Татаристон пойтахтида 2005 йилдан буён ўтказиб келинмоқда. Фестивалнинг таъсисчилари – Татаристон Маданият вазирлиги, Қозон шаҳри маъмурияти, Россия Муфтийлар кенгашидир.

“Fresco” бу Ереванда ҳар йили ўтказиладиган кинофестивалдир. Унинг асосий мақсади маданий мулоқот орқали инсонпарварлик қадриятлари, муҳаббат ва бағрикенглик фазилатларини янада мустаҳкамлашдан иборат.

57

Россия патриархи Туркия ҳукуматидан Аё Софияни музей мақомида сақлаб қолишни сўради

143
(Янгиланган 14:42 06.07.2020)
Насронийлар учун тимсолий бўлган ибодатхонанинг бетараф мақомини сақлаб қолиш - келажакда динлараро тинчлик ва розиликни мустаҳкамлаш учун хизмат қилади - патриарх Кирилл.

ТОШКЕНТ, 6 июл – Sputnik.  Москва ва бутун Рус патриархи Кирил Туркия ҳукуматига Истанбулдаги Аё София ибодатхонасини музей мақомида сақлаб қолишни сўраб мурожаат қилди. RT хабарига асосан.

“Мен Туркия давлат етакчисининг мулоҳазакорлик билан иш қилишига умид қиламан. Насроний маданияти дурдоналаридан бири ва дунёдаги миллионлаб насронийлар учун тимсол бўлган ибодатхонанинг ҳозирги бетараф мақомини сақлаб қолиш - келажакда унинг Россия ва Туркия халқлари орасидаги муносабатларни ҳар томонлама ривожлантиришига ҳамда динлараро тинчлик ва розиликни мустаҳкамлаш учун хизмат қилади”, - дейилган патриарх Кирилл баёнотида.

Эслатиб ўтамиз, бир неча кун олдин Туркия Олий маъмурий суди Аё София ибодатхонаси мақомини ўзгартириш масаласини кўриб чиққан эди. Унинг натижасида Туркия суди ибодатхона мақомини масжид деб ўзгартириш мумкин деб топган ва бунинг учун фақат президент фармони керак деган эди.

Маълумот учун, Аё София ибодатхонаси Византия империяси даврида 532-537 йилларда қурилган ва 1000 йилдан ортиқ давр мобайнида насронийлар учун бош ибодатхона бўлган. 1453 йилда Константинопол (Истанбул) Усмонийлар империяси томнидан забт  этилганидан сўнг ибодатхона мусулмон масжидига айлантирилган. Айлантириш жараёнида унинг тўрт томонида тўртта минора қурилган ва ичидаги ноёб фреская ва безаклари устига сувоқ суркалган. Шунингдек унинг ичдаги устунларига Қуръон суралари ёзилган улкан пештахтаталар осилган.

1935 йилда Мустафа Камал Отатурк раҳбарлик даврида масжидга бетараф мақом берилиб у музейга айлантирилган. Ибодатхонанинг ички сувоқлари тозаланганда уларнинг остида Византия давридаги фреская ва мозаикалар жуда яхши сақланиб қолгани маълум бўлган. Айни дамда Аё София ЮНЕСКОнинг  Жаҳон маданияти дурдоналари рўйхатига киритилган ва йилига миллионлаб туристларни жалб қилмоқда.

143
Японец в костюме ниндзя

Японияда илк бор ниндзя-устаси дипломи берилди - фото

82
(Янгиланган 21:09 06.07.2020)
Қирқ беш ёшли япониялик Женичи Мицухаси дунёда биринчи марта ниндзя-магистри дипломини қўлга киритди.

ТОШКЕНТ, 6 июл — Sputnik. Қирқ беш ёшли япониялик Женичи Мицухаси дунёда биринчи марта ниндзя-магистри дипломига сазовор бўлди. Бу ҳақда Japan Times хабар қилди.

Эркак биринчи ниндзя - кланининг тарихий ватанида жойлашган - Ми университети аспирантурасида икки йил давомида таҳсил олди. У ҳужжатларни ўрганиб, маърузаларни тинглади ва "жанг санъати амалий жиҳатларини тўлиқ ўрганди".

"Ниндзялар эрталаб деҳқончилик қилишини, тушдан кейин эса жанг санъати билан шуғулланишларини ўқидим. Мен нафақат кўп машқ қилдим, балки сабзавот ҳам етиштирдим. Қора кийимли ёлланма қотиллар ҳар томонлама омон қолиш қобилиятига эга бўлганлар", - деди Мицухаси.

У кунг фу ва серинжи-кэмпо номи билан танилган япон жанг санъатини ўрганди. Энди уста бошқаларга нинзя маҳоратини ўзининг шахсий дожосида ўргатмоқда (япон жанг санъати бўйича машғулотлар, мусобақалар ва имтиҳондан ўтказиш жойи), маҳаллий меҳмонхонани бошқаради ва бир вақтнинг ўзида докторлик диссертацияси устида ишлайди.

2017 йилда Ми университетида дунёда биринчи ниндзя тадқиқот марказини ташкил қилинди ва бир йилдан сўнг магистратура очилди. Япония тарихи профессори Южи Ямада Мицухасининг ўз вазифасига содиқлигини алоҳида эътироф этди.

Олийгоҳга ўқишга кириш учун талабалар Япония тарихи ва тарихий ҳужжатларни ўқиш қобилиятига эга бўлиши бўйича имтиҳондан ўтади. Таълим муассасаси раҳбари таъкидлашича, ҳар йили фақат уч нафар  абитуриент ўқишга киради.

82