Кинокамера

"Ўзбеккино" ва "МИР" телекомпанияси Ўзбекистон ҳақида фильм суратга олишади

131
Россия телекомпанияси билан ҳамкорликда Ўзбекистоннинг тарихи, маданияти ва бугунги кундаги ҳаёти, иқтисодий ютуқларига бағишланган янги ҳужжатли фильм суратга олинмоқда.

ТОШКЕНТ, 17 июл - Sputnik. Ўзбеккино ва МИР телекомпанияси Ўзбекистон ҳақида 50 дақиқали фильм суратга олишга киришишди, деб хабар қилмоқда маҳаллий ОАВлар. 

Ушбу қўшма лойиҳанинг мақсади – ҳар томонлама ривожланиб келаётган Ўзбекистоннинг ютуқларини кўрсатиш, МДҲ давлатлари билан интеграциясни кенгайтириш ва мустаҳкамлашдир.

Лойиҳага тайёргарлик кўриш доирасида МТРК “МИР” телерадиокомпанияси директори ўринбосари Ирина Кузьмина ҳамда “Ўзбеккино” МА бош директори Фирдавс Абдухолиқов, “Ҳужжатли ва хроника фильмлар киностудияси” ДУП директори Баҳодир Одиловлар иштирокида бир неча видеоконференциялар бўлиб ўтди. Муокаралар давомида томонлар бўлажак фильм концепциясини ҳамда унинг таркиби ҳақида ўз хулосаларини билдиришди.

Муаллифлар хулосасига кўра, қадимий анъаналар ва замонавийликни, ҳаётнинг маданий, сиёсий, ва иқтисодий жиҳатларини қамраб олган ушбу фильм Ўзбекистоннинг замонавий визит карточкасига айланиши керак. Фильмда шунингдек Ўзбекистоннинг туристик жозибадорлигини ҳам акс эттириш назарда тутилган.

Дастлабки  келишувларга кўра, суръатга олиш Ўзбекистоннинг йирик саноат ва ҳунармадчилик марказларида олиб борилади. Шунингдек унда Ўзбекстон тарихига, Иккинчи жаҳон уруши тарихига ва 1966 йилдаги Тошкент ер қимирлаши тарихига бағишланган лавҳалар бўлади.

Сценарий режаси тасдиқланганидан сўнг МИР суратга олиш гуруҳи Ўзбекистонда ишлай бошлайди. Фильм тайёр бўлганидан сўнг Ўзбекистон телеканалларида намойиш этилади. 2020 йилнинг 16 октябрида бўлиб ўтадиган МДҲ давлат раҳбарлари саммити олдидан унинг қисқартирилган версияси намойиш этилади.

Эслатиб ўтамиз, ушбу фильмни суратга олиш ҳақида “Ўзбеккино” МА ва МТРК “Мир” орасида 2020 йилнинг феврал ойида келишувга эришилган эди.

131
Дни культуры Узбекистана в Таджикистане

Анқара ва Истанбулда Ўзбекистон маданияти кунлари ўтказилади

125
Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалаштирилмоқда.

ТОШКЕНТ, 29 июл — Sputnik. Туркиянинг Анқара ва Истанбул шаҳарларида Ўзбекистон маданияти кунларини ўтказилади. Бу масала Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ва Туркия ташқи ишлар вазири Мевлют Чавушоғлу ўртасидаги учрашувда муҳокама қилинди.

Учрашувда сиёсий-дипломатик, парламентлараро, савдо-иқтисодий, маданий-гуманитар ва хавфсизлик соҳаларидаги икки томонлама шерикликнинг юқори даражаси, шунингдек, икки мамлакат манфаатларига мос келадиган барча йўналишлардаги ҳамкорлик қўлами юқори суръатлар билан ўсиб бораётганлиги таъкидланди.

Шунингдек, Маданий-гуманитар соҳасидаги ҳамкорликни ривожлантиришга алоҳида эътибор қаратилди.

“Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалари муҳокама қилинди”, - дейилган хабарда.

Жорий йилнинг 19-20 февраль кунлари юқори даражада бўлиб ўтган “Ўзбекистон – Туркия” стратегик ҳамкорлик Кенгашининг биринчи йиғилиши мамлакатлараро ҳамкорликнинг ривожланишида бошланган янги босқични ифода этганлиги ҳам таъкидланди.

Иккала давлатнинг умумий манфаатлари ва ташаббусларини илгари суриш мақсадида яқин вақтларда Стратегик режалаштириш гуруҳининг 2-йиғилишини ва икки мамлакат ташқи сиёсий идоралари ўртасида сиёсий маслаҳатлашувларнинг навбатдаги раундини ўтказиш имконияти кўриб чиқилди.

Туркия томонига пандемияга қарши курашда бир неча бор кўрсатган ёрдами учун миннатдорчилик билдирилган.

Эслатиб ўтамиз, аввалроқ Ўзбекистон ва Туркия пандемиянинг таъсирига қарамай, ўзаро савдо ҳажмини қисқа муддатда 5 млрд долларга етказишга келишиб олгани хабар қилинган эди.

125
Концерт в честь Людмилы Гурченко

"Мени тинч қўйинг": Наргиз биринчи эри Руслан Шарипов ҳақида гапирмасликка аҳд қилди

5183
Таниқли эстрада хонандаси Наргиз Зокирова собиқ эри Руслан Шарипов хотирасига бағишлаб ижтимоий тармоқдаги саҳифасида пост ёзиб қолдирди.

ТОШКЕНТ, 29 июл — Sputnik. Таниқли эстрада хонандаси Наргиз Зокирова ижтимоий тармоқдаги саҳифасида собиқ турмуш ўртоғи Руслан Шариповнинг бевақт вафотидан чуқур қайғудалигини баён этди. Хонанда фурсатдан фойдаланиб, ушбу қайғудан фойдаланиб қолмоқчи бўлган журналистларга мурожаат қилган.

"Қадрдон кузатувчиларим! Бугун биринчи эрим - Руслан оламдан ўтди. Буни англаш мен учун ниҳоятда оғриқли. Мен қайғудаман. Ҳамдардлик билдириб ёзган изоҳларида мени белгилаган инсонларнинг барчасига миннатдорлик билдираман. Қўлимни кўксимга қўйиб, шуни айтмоқчиманки, ушбу постни оммага эълон қилишни истамас эдим, чунки кимнингдир ўлими - пиар учун сабаб эмас! Фожиа ва ўлимлардан шу йўл билан даромад олишга ҳаракат қиладиган одамлардан эса - нафратланаман! Шунинг учун, мендан бирон шарҳ ёки изоҳ кутмаслигингизни ўтиниб илтимос қиламан! Бу, шунингдек, Нью-Йоркда бўлган ва журналистларнинг тўхтовсиз қўнғироқ-ҳуружларига дуч келган онамга ҳам тегишли. Бу бизнинг шахсий қайғуимиз ва уни қандай енгишимиз - оиламизнинг ички ишидир. Тушунаман, ҳозирги кунда таниқли инсонларнинг аксарияти бундан фойдаланиб, умрга татигулик серия ва сюжетлари билан телеканаллар бўйлаб саёҳатни амалга оширган бўлардилар. Мен эса ундайлар сафига кирмайман. Менинг шахсий ҳаётим сотилмайди ва сотиб олинмайди! Албатта, қалбимда асраб келадиган кўплаб қадриятларим бор, улар ҳақида айнан сизнинг хабардор бўлишингиз кўпам шарт эмас. Тушунганингиз учун раҳмат", - деб ёзиб қолдирган хонанда.

Ўзбекистонда хизмат кўрсатган хонанда Руслан Шарипов куни кеча 54 ёшида оламдан ўтди. 

Руслан Шарипов 1966 йил 10 сентябрда Самарқанд шаҳрида туғилган. Шарипов нафақат қўшиқчи, балки мусиқачи ва бастакор бўлган: "Болалар", "Сетора", "Байт" каби машҳур гуруҳларга асос солган. Бундан ташқари, таниқли хонанда "Шаҳзод" ва "Хўжа" гуруҳларининг машҳур қўшиқларини басталаган.

5183
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Сухроб Каримов икки ойга ҳибсга олинди

47
(Янгиланган 12:30 06.08.2020)
Сал олдин, 3 август куни, Каримов Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган. Босқинчи 40 минг гривен ва журналистлар билан мулоқотни талаб қилган.

ТОШКЕНТ, 6 авг — Sputnik. Киевдаги "Универсал-банк" бўлинмаларидан бирини портлатиб юбориш билан таҳдид қилган Ўзбекистон фуқароси Сухроб Каримов теракт бўйича иш юзасидан икки ойга ҳибсга олинди. Уни гаров эвазига қўйиб юбориш чекланган. Бу ҳақда Киев прокуратураси матбуот-хизмати хабар бермоқда.

"Киев шаҳри Печерск туман суди пойтахт прокуратураси илтимосномасини қондирди ва 2020 йил 3 августда Киев марказидаги банк биносида портлаш билан таҳдид қилган Ўзбекистон фуқаросига ҳибсга олиш тарзидаги эҳтиёт чорасини танлади. Уни гаров эвазига қўйиб юбориш чекланган. Тегишли қарор 2020 йилнинг 5 августи, чоршанба куни бўлиб ўтган мажлисда қабул қилинган", - дейилади расмий баёнотда.

Каримовга Украина Жиноят кодексининг 258-моддаси 1-қисми ("Террористик ҳужумни амалга ошириш ёки уни амалга ошириш билан қўрқитиш") бўйича айблов қўйилмоқда. Ушбу моддада гумонланувчилар беш йилдан ўн йилгача озодликдан маҳрум этилиши мумкин.

Эслатиб ўтамиз, 3 август куни, Каримов, Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган.

У банк бўлинмаси раҳбаридан ташқари барча ходимларни қўйиб юборган. Раҳбар аёлни гаров олган.

Сухроб Каримов 40 минг гривен (1,44 минг доллар) ва журналистлар билан мулоқотни талаб қилган.

Амалга оширилган махсус операция натижасида Каримов қўлга олинган, уни тўғридан-тўғри эфирда қўлини қайириб, банк биносидан олиб чиқиб кетишган.

Каримовни қўлга олишда Украина телеканалларининг икки нафар журналисти кўнгилли равишда иштирок этган.

Текширувлардан сўнг Каримов ёлғон гапиргани фош бўлган: унинг рюкзагида бомба ҳам, бошқа портловчи қурилмалар ҳам бўлмаган.

Сал кейин ўзбекистонлик бу йигит психоневрологик ҳисобда туриши аниқланган.

47