Министр экономики Турции Нихат Зейбекчи

Туркия иқтисодиёт вазири: Марказий Осиё - Турк-ислом цивилизацияси ватанидир

636
(Янгиланган 15:59 10.11.2017)
"Марказий Осиё: Ягона тарих ва умумий келажак, барқарор ривожланиш ва тараққиёт йўлидаги ҳамкорлик" мавзуидаги халқаро конференцияда Туркия иқтисодиёт вазири Нихат Зейбекчи нутқ сўзлади

ТОШКЕНТ, 10 ноя — Sputnik. Самарқанд шаҳрида 10-11 ноябрь кунлари "Марказий Осиё: Ягона тарих ва умумий келажак, барқарор ривожланиш ва тараққиёт йўлидаги ҳамкорлик" мавзуидаги халқаро конференция ўз ишини бошлади.

Халқаро конференцияда дунёнинг 500 дан зиёд сиёсатчилари ва юқори лавозимдаги давлат вакиллари иштирок этмоқда.

Ушбу конференция ишини ёритиш учун АҚШ, Буюк Британия, Россия, Эрон, Хитой, Япония, Туркия, Озарбайжон, Қозоғистон, Қирғизистон, Афғонистон, Покистондан 40 дан ортиқ ОАВ ходимлари иштирок этмоқда. Шунингдек, 100 дан ортиқ маҳаллий ОАВлар вакиллари Форумлар саройи Матбуот марказига жам бўлишган.

Конференцияда Туркия иқтисодиёт вазири Нихат Зейбекчи сўзга чиқди.

"Марказий Осиё минтақасини Турк-ислом цивилизацияси пайдо бўлган ва ривожланган ватан деб биламиз. Барча одамлар бир-бирини яқин қариндош деб ҳисоблайдилар. Жўғрофий жиҳатдан келиб чиқишимиз умумий бўлган. Келажагимиз ҳам умумийдир. Шу сабабли, ҳамкорлигимизни давом эттиришда келажак авлод олдида масъулмиз. Ҳамкорлик фақатгина террорчилик, экстремизм, уюшган жиноятчиликка қарши курашиш, миграцияни бошқариш билан чегараланиб қолмаслиги керак. Афғонистондаги беқарорлик минтақада жойлашган барча мамлакатлар ҳамкорлигида ўзаро музокаралар орқали ҳал қилиш мумкин. Ҳеч қайси мамлакат ёлғиз ўзи бу муаммони ҳал қила олмайди. Шундан келиб чиққан ҳолда, ушбу конференцияда иштирок этаётган барча мамлакатларнинг ташаббусларини мамнуният билан қўллаб-қувватлаймиз", — деб таъкидлади Туркия иқтисодиёт вазири.

Туркия иқтисодиёт вазири 2009 йилда Туркия, Озарбайжон, Қозоғистон, Қирғизистон давлатлари иштирокида Турк давлатлари кенгаши тузилганлиги, бу Кенгаш террорчиликка қарши курашиш масалаларидан бошлаб, туризм ва таълим соҳаларигача ҳамкорлик олиб боришини айтиб ўтди.

Вазир шу йил ноябр ойида Истанбулда режалаштирилган йиғилишга Марказий Осиё давлатлари вакилларини таклиф қилди.

"Бу йил биз Марказий Осиё мамлакатлари мустақиллигининг 26 йиллигини нишонладик. Шу вақт мобайнида мамлакатлар улкан ривожланиш кўрсаткичларига эришдилар. Ўтган 25 йил ичида Туркия Марказий Осиё давлатлари билан икки томонлама ҳамкорликни ривожлантириш борасида иш олиб борди. Сўнгги йилларда жаҳонда энергия ресурсларининг нархлари тушиб кетишига қарамасдан, ўзаро ҳамкорлик яхши натижаларни берди. Жумладан, 2016 йилда Туркия Марказий Осиё мамлакатларига 3 миллиард долларлик маҳсулотлар экспорт қилинди. Марказий Осиё мамлакатларидан эса Туркияга 2,5 миллиард долларлик маҳсулот ва хизматлар импорт қилинди. Туркия томонидан иқтисодиётнинг турли тармоқларига инвестициялар киритиш натижасида Марказий Осиё давлатларида янги иш ўринлари очилмоқда. Турк қурилиш пудратчи компаниялари томонидан шаҳарлар, аэропортлар, магистрал йўллар, меҳмонхонлар барпо этилмоқда. Минтақавий ҳамкорликнинг энг кўзга кўринган маҳсули бу — 2013 йил октябр ойида Баку-Тбилиси магистрал йўлнинг очилиши бўлди. Бу 836 км темир йўл Туркиянинг Анатолий шаҳрини Осиёнинг бошқа қисми билан боғлайди. Бу лойиҳа минтақада Буюк ипак йўлини тиклашга хизмат қилади. Туркия Марказий Осиёни Европа билан боғловчи ўзига хос кўприк бўлади", — деб таъкидлади Туркия иқтисодиёт вазири.

Нихат Зейбекчи нутқининг якунида Марказий Осиё жаҳон ташқи савдонинг муҳим тармоғи эканлиги, Туркия келгусида фуқаролар ва маҳсулотларни эркин ҳаракатини таъминлаш бўйича Хитойнинг автомобил йўл қурилиши борасидаги ташаббусини қўллаб-қувватлаганлиги ва меморандум имзоланганлигини айтиб ўтди.

636
Мавзу:
Самарқанддаги Марказий Осиё минтақасига бағишланган халқаро анжуман (19)
Вентиль на трубопроводе газораспределительной станции

Табиий газ импорти учун 400 км қувур қуриш талаб этилади - Ўзтрансгаз

258
(Янгиланган 15:22 19.01.2021)
Табиий газ импорти учун 400 км қувур қуриш, таъмирлаш ва реконструкция қилиш талаб этилади. Айни дамда 10дан ортиқ ташкилотлар пайвандчилари ушбу ишлар учун тайёрланмоқда.

ТОШКЕНТ, 19 янв - Sputnik. Ортиб бораётган ички истеъмол талабини қондириш учун табиий газ импортини йўлга қўйишга рухсат берилди, дуб хабар қилди “Ўзтрансгаз” АЖ матбуот котиби Шаҳноза Равшанова АОКАда бўлиб ўтган брифингда. 

Сир эмаски бугунги кунда Республика истеъмолчиларини газ билан таъминлашда муаммолар мавжуд. Ушбу муаммоларга турли сабаб ва асослар бор. Ўтган йилда қабул қилинган "Табиий газ ва электр энергиясини сотиш механизмларини такомиллаштириш тўғрисидаги" президент қарорига мувофиқ ушбу муаммолар ҳал қилина бошланди. 

Биринчидан, 2021 йил охирига қадар табиий газнинг йирик улгуржи истеъмолчилари газни биржадан тўғридан-тўғри сотиб олиш ҳуқуқига эга бўлади.

Иккинчидан, ортиб бораётган ички истеъмол талабини қондириш учун табиий газ импортини йўлга қўйишга рухсат берилди.

Лекин, газни импорт қилиш учун газ транспорти тизимни модернизация қилиш талаб этилади. Буни амалга ошириш учун Ўзтрансгаз томонидан махсус лойиҳа ишлаб чиқарилган. Унга кўра АЖ 400 кмдан ортиқ газ қувурини қуриши, таъмирлаши ва реконструкция қилиши талаб этилади. 

Айни дамда ушбу қурилиш ишларини амалга ошириш учун газ қувурларига алоқадор 10та ташиклотнинг 400 нафарга яқин пайвандчилари аттестациядан ўтмоқда. Жараёнга тажрибали хорижий мутахассисларни таклиф қилиш ҳам назарда тутилган.

Маълумот учун, “Ўзтрансгаз” АЖ Республикада газни транспорт қилиш вазифасини бажаради. Унинг 14та ҳудудий ташкилоти  ва 8 мингдан ортиқ ходимлари бор. Ўтган йил аҳолига 40 млрд куб метр табиий газ етказиб берилган. 

2020 йилнинг 1 июлидан бошлаб “Ўзтрансгаз” АЖ фақат тўғридан тўғри газ таъминоти тизимига уланган, ИЭСлар, Иссиқлик таъминоти тармоқлари ва Ўзкимёсаноат каби ташкилотларга табиий газ етказиб бериш билан шуғулланади.

“Худудгазтаъминот” АЖ эса, тақсимлаш газ таъминоти қувурларига уланган улгуржи истеъмолчилар, АГТКШ, ғишт, цемент ва оҳак ишлаб чиқарувчилар ҳамда аҳолига бевосита газ етказиб бериш билан шуғулланади.

258

Ўзбекистон ЕОИИ бозорида тўлақонли иштирок этмоқчи

285
(Янгиланган 12:06 19.01.2021)
Ўзбекистон ЕОИИ бозорида тўлақонли иштирок этиш учун миллий техник тартибга солиш меъёрларини уларнинг талабларига мослаштириш ишларини жадаллаштиради.

ТОШКЕНТ, 19 янв — Sputnik. Ўзбекистон Евроосиё иқтисодий иттифоқига (ЕОИИ) аъзо бўлган давлатлар бозорларида тўлақонли иштирок этиш учун миллий техник тартибга солиш меъёрларини уларнинг талабларига мослаштириш бўйича ишларни жадаллаштиради. Бу ҳақда президентнинг 2021 учун Давлат дастури тўғрисидаги фармони лойиҳасида айтилган.

Йил давомида амалга оширилиши режалаштирилган амалий чора тадбирлар:

  • ЕОИИ техник регламент талабларини қабул қилиш;
  • ЕОИИ мамлакатларида қабул қилинган 26 та техник регламентлар асосида махсус техник регламентларни ишлаб чиқиш ва тасдиқлаш;

Бу билан ишлаб чиқариладиган маҳсулотларнинг рақобатбардошлигини ошириш назарда тутилмоқда.

Эслатиб ўтамиз, аввалроқ Россия ҳукумати раисининг ўринбосари Алексей Оверчук ЕОИИ келажакда Ўзбекистон иттифоқнинг тўлақонли аъзоси бўлишига умид билдираётганини маълум қилган эди.

2020 йил 11 декабрь куни Ўзбекистон ЕОИИда кузатувчи мақомини олди. Кузатувчи мақоми мамлакатга мажлисларда иштирок этиш, миллатлараро тартибга солишнинг интеграциялашув муаммоларини муҳокама қилиш ҳуқуқини беради. Кузатувчи мамлакатлар қарор қабул қилиш ҳуқуқига эга эмаслигига қарамай, Евросиё иттифоқи ҳамкор мамлакатлар учун янги имкониятлар очмоқда.

285
Теглар:
ЕОИИ, Ўзбекистон
Мавзу бўйича
Янги йил, вакцина ва ЕОИИ: Мирзиёев ва Путин мулоқоти ҳақида
Мирзиёев Олий ЕОИИ кенгашининг йиғилишида иштирок этади
ЕОИИ билан кўп қиррали ҳамкорликни ривожлантиришга катта аҳамият қаратамиз - Мирзиёев
Ўзбекистон ЕОИИ остонасида: республикани нима кутмоқда ва Тожикистон унга эргашадими?
ЕОИИ 2021 йилда нефт маҳсулотлари ягона бозорини шакллантиришга киришади
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

114
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

114