Мужчина курит сигарету, фото из архива

Ўзбекистон тайёр тамаки маҳсулотлари экспортини бошлади

874
Узоқ йиллик танаффусдан сўнг Қирғизистон ва Туркманистонга тамаки маҳсулотларини экспорт қилиш бўйича дастлабки шартномалар имзоланди.

ТОШКЕНТ, 2 июн — Sputnik. "Бритиш Американ Тобакко Узбекистан" Ўзбекистон-Британия қўшма корхонаси узоқ танаффусдан сўнг Қирғизистон ва Туркманистонга сигарет экспорт қилишни қайта тиклади.

Самарқанд сигарет фабрикаси "Кент" маркали маҳсулотларининг дастлабки партиясини Бишкекка жўнатди.

"2018 йилнинг 1-чорагида узоқ йиллик танаффусдан сўнг Қирғизистон ва Туркманистонга тамаки маҳсулотларини экспорт қилиш бўйича дастлабки шартномалар имзоланди. Қозоғистон, Тожикистон ва Монголияга маҳсулот етказиб бериш бўйича музокаралар якуний босқичда. "БАТ Узбекистан" маҳсулотлари учун мазкур бозорлар экспорт салоҳияти йилига 15 миллион долларни ташкил этади", — дея маълум қилди компания.

Ўзбекистонда "Бритиш Американ Тобакко" компанияси 1994 йилдан буён фаолият кўрсатади ва унда мингдан ортиқ киши меҳнат қилади.

Ўзбекистонда сотиладиган сигаретларнинг асосий қисми 1997 йилда барпо этилган Самарқанд сигарет фабрикасида ишлаб чиқарилади.

Кейинги ўн йил давомида корхона тайёр маҳсулотлари экспорти номунтазам ва бир марталик тусда бўлиб келганди. Ўтган йиллар давомида асосан Ўзбекистонда етиштирилган тамаки хомашёси экспорт қилиниб келган.

Ўзбекистонда сўнгги икки йил давомида амалга оширилаётган ислоҳотлар экспорт билан боғлиқ вазиятни яхшилаш имконини ва хомашё экспортидан тайёр маҳсулот экспортига ўтиш имконини берди.

874
Счетчики холодной воды

Сув етказиб бериш бўйича харажатлар сувдан фойдаланганлик учун солиқ миқдорига қўшилади

178
Сув етказиб бериш бўйича харажатлар сувдан фойдаланганлик учун солиқ миқдорига қўшилади - ҳукумат қарори.

ТОШКЕНТ, 25 май — Sputnik. “Қишлоқ хўжалигида сувдан фойдаланиш самарадорлигини ошириш ва сувни етказиб бериш бўйича харажатларни қоплаш чора-тадбирлари тўғрисида” ҳукумат қарори қабул қилинди.

Қарорга мувофиқ, сувни етказиб бериш бўйича харажатларни сув истеъмолчилари томонидан қоплаш сув ресурсларидан фойдаланганлик учун солиқ ставкалари миқдорига қўшиш орқали амалга оширилади.

Қарор билан Сувдан фойдаланувчилар ва сув истеъмолчилари томонидан сув ресурсларини бошқариш, ҳисобга олиш ҳамда истеъмол қилинган сув ресурсларининг ҳисоботини юритиш юзасидан комплекс чора-тадбирлар тасдиқланди.

Сув хўжалиги объектларида сув ресурслари ҳамда электр энергиясидан фойдаланишни “онлайн” режимида назорат қилиш имконини берувчи рақамли технологиялар жорий этилади.

Жумладан, сув омборлари ва ирригация тизимларида жами 18 576 та қурилма ўрнатилади.

Шунингдек, Сув хўжалиги вазирлиги тизимидаги жами 1687 та насос станцияларида электр энергиясидан фойдаланишда “онлайн” режимида назорат қилиш жорий этилади.

2023 йил 1 декабрга қадар сув истеъмолчиларининг бош сув олиш жойлари сувни бошқариш ва ҳисобга олиш воситалари билан тўлиқ жиҳозланади.

178
Черешня

Жанубий Кореяга ўзбек гилосининг навбатдаги партияси етказилди

270
Ўзбекистонда етиштирилган 17,8 тонна гилос Жанубий Кореяда улгуржи ва чакана савдо тармоқлари орқали тарқатилади.

ТОШКЕНТ, 25 май — Sputnik. Жанубий Кореянинг Инчон шаҳрига Ўзбекистонда етиштирилган 17,8 тонна миқдоридаги гилоснинг навбатдаги партияси етказилди.

“Дунё” АА хабарига кўра, Gold Dried Fruits Export компанияси томонидан Наманган вилоятининг Тўрақўрғон туманида ташкил этилган юк Жанубий Кореядаги ҳамкор – NK GlobalNet Co., Ltd.компаниясига етказилган.

Ўзбек гилослари Жанубий Кореяда улгуржи ва чакана савдо тармоқлари орқали тарқатилади. Дастлабки жўнатма Корея Республикасига жорий йил 15 май куни олиб борилган эди.

Эслатиб ўтамиз, аввалроқ ўзбек гилосининг илк партияси Россияга муваффақиятли экспорт қилингани ва у Россия бозорларида сотила бошлангани хабар қилинган эди.

270
Теглар:
Корея, Ўзбекистон

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0