Новый терминал для прилетающих пассажиров международных авиалиний в аэропорту Ташкент им. И. Каримова

Тошкент аэропортида янги терминал очилади

239
(Янгиланган 13:25 15.06.2018)
Ўзбекистон ҳаво йўллари Тошкент аэропортида янги халқаро терминални ишга туширмоқда.

ТОШКЕНТ, 14 июн — Sputnik. Ўзбекистон Миллий авиакомпанияси Тошкент аэропортида янги халқаро терминални ишга туширмоқда, деб хабар қилди авиакомпания матбуот хизмати.

Янги терминал биносида хориждан келган йўловчиларни паспорт назорати юкларини кўздан кечириш ўтказилади. Янги терминалнинг биринчи йўловчилари 15 июнь куни Сеул шаҳридан учиб келиши кутилмоқда. Уларни аэропорт раҳбарияти тантанали кутиб олади.

“Янги терминалда янги инженер-технологик ускуналар ўрнатилган, Wi-Fi алоқа хизмати, “яшил йўлак” ва “қизил йўлак” хизматлари йўлга қўйилган. Тўртта багаж ленталари, 24та паспорт назорат пункти, виза бериш пункти ва иккита валюта алмаштириш шахобчалари, иккита Duty free магазини ва иккита кафетерий бор. Янги терминалда паспорт назоратидан ўтиш вақти 7-10 минутгача қисқартирилган. Олдин ушбу жараёнга 15-20 минут вақт сарфланар эди”, — дейилган МАК хабарида.

Эслатиб ўтамиз, Тошкент халқаро аэропортининг майдони 9,8 минг метр бўлган эски биносида 2017 йилдан буён бош лойиҳа ташкилоти "Ташгипрогор" ва қуриш монтаж ташкилоти “Qurilish Birlashmasi” томонидан реконструкция ишлари олиб борилган эди. Амалга оширилган ишлар қиймати 140 миллиардов сўмни ташкил қилди.

Шунингдек, 2018-2020 йилларда Тошкентнинг Қибрай тумани ҳудудидаги аэродром ўрнида яна бир замонавий ҳаво дарвозаси пайдо бўлиши мумкин.

239

Бухоро вилоятида умумий қуввати 1 ГВт бўлган иккита шамол электр станцияси қурилади

163
Бухоро вилоятининг Ғиждувон ва Пешку туманларида ҳар бирининг қуввати 500 МВт бўлган иккита шамол электр станциялари қурилади.

ТОШКЕНТ, 25 фев — Sputnik. Ўзбекистон президентининг 23 февралдаги қарорлари билан Бухоро вилоятининг Ғиждувон ва Пешку туманларида иккита шамол электр станцияларини қуриш тўғрисидаги инвестиция битимлари тасдиқланди.

Қуриш тўғрисидаги битимлар Ўзбекистон ҳукумати ва Саудия Арабистони компаниячи ўртасида 24 январь куни имзоланган эди. “ACWA Power Dzhankeldy Wind” Пешку туманида, “ACWA Power Bash Wind” эса Ғиждивон туманидаги шамол электр станциясини қуришни молиялаштиради.

Ғиждивон туманидаги шамол электр станциясининг қуввати 500 МВтни, Пешку тумнидаги эса 300-500 МВТни ташкил этади. Ҳар бир лойиҳани амалга оширишга инвесторлар 650 млн доллар миқдорида маблағ ажратимоқчи.

“Ўзбекистон миллий электр тармоқлари” АЖ 25 йил давомида ушбу шамол электр станцияларида ишлаб чиқарилган электр энергиясини кафолатланган тарзда харид қилиш мажбуриятини олган.

163
Министр занятости и трудовых отношений Узбекистана Шерзод Кудбиев

"Обналчи" - тадбиркорнинг биринчи душмани - Шерзод Қудбиев

289
(Янгиланган 18:51 24.02.2021)
Солиқ қўмитаси нақдлаштириш билан шуғулланган 525 та шубҳали корхона аниқлаган. Ушбу корхоналар билан ишлаган контрагентлар орасида 200дан ортиқ давлат корхоналари ҳам бўлган.  

ТОШКЕНТ, 24 фев - Sputnik. "Обналчи" - тадбиркорнинг биринчи душмани, солиқчи эса - энг яқин ёрдамчиси, деди Давлат Солиқ қўмитаси раиси Шерзод Қудбиев 23 феврал куни тадбиркорлар билан бўлиб ўтган юзма-юз учрашувда. Кун.уз хабарига асосан. 

Қудбиев айтишига қараганда, ДСҚ томонидан номлари эълон қилинган "обналчи" фирмалар давлат ва жамиятга улкан зарар келтирмоқда. Уларнинг фаолияти туфайли ҳалол ишлаётган тадбиркорлар кун кўра олмаяпти, давлатга эса 300 миллиард сўмлик солиқлар етиб бормаяпти. Шу сабабли Солиқ қўмитаси ана шундай фирмаларга қарши "уруш" очган. 

Тадбиркорлар эса, бундан буён ким билан шартнома имзолаётганини, ушбу корхоналар нақдлаштириш билан шуғулланмаслигига амин бўлиб, кейин шартнома имзолаши керак, кейин уларнинг ҳисоб рақамига пул ўтказишлари керак. 

Тадбиркорларнинг улкан суммалардаги инкассация жарималарини "амнистия" қилиш борасидаги саволларга ДСҚ раиси - рад жавобини берди. Қудбиев айтишига қараганда ушбу масала фақат қонун доирасида ҳал қилиниши керак. Ҳозирча ДСҚ тадбиркорларнинг ёзма сўровномасига биноан фақат 6 ойгача бўлиб-бўлиб тўлаш масаласини кўриб чиқиши мумкин. 

Шунингдек, "обналчи" корхоналар билан ишлаган тадбиркорлар ўз ихтиёри билан 1 апрелга қадар ҳисоботларини тўғрилаб топширса - қонунчиликда белгиланган 20% жаримага тортилмаслиги ва жиноий иш очилмаслиги маълум қилинди. 

Солиқ қўмитаси 24 феврал куни эълон қилган маълумотга кўра, 396та "шубҳали" корхоналар қаторига яна 129та корхона қўшилган ва уларнинг сони 525 тага етган.

Ҳозиргача "шубҳали" корхоналар билан операциялар амалга оширган 7 990 та тадбиркорлик субъекти аниқланди. Ноқонуний операцияларнинг аксарияти қурилиш соҳасида – 35%, савдо соҳасида – 25%, ишлаб чиқариш соҳасида – 18%, хизмат кўрсатиш соҳасида – 14% ва бошқа йўналишларда – 8%.

Энг ажабланарлиси - ушбу корхоналар билан ишлаган контрагентлар орасида 120та давлат корхоналари ва 86та бошқарувида давлат улуши бўлган корхоналар ҳам бўлган.  

 

 

289
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

356
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

356