Подписание документов

Ўзбекистонда 2019 йил 1 январдан бошлаб божхона йиғим ставкалари ўзгаради

762
Қарорда товарларни божхона омборида сақлаганлик, товарларнинг классификацияси бўйича дастлабки қарор қабул қилганлик ва божхона кузатуви учун йиғим ставкалари белгиланган.

ТОШКЕНТ, 10 дек – Sputnik. “Божхона йиғимлари ставкаларини оптималлаштириш тўғрисида”ги Вазирлар Маҳкамаси қарори лойиҳаси муҳокамага қўйилди.

Қарор лойиҳасида божхона йиғимлари ставкалари илова қилинган. Янги ставкалар 2019 йил 1 январдан кучга киритилиши кўзда тутилган.

Қарорда божхона юк декларациясини тақдим этиш орқали товарларнинг тегишли божхона режимида; дастлабки декларацияланаётган товарларни; божхона юк декларациясини “экспорт”, “божхона ҳудудида қайта ишлаш” ва “божхона ҳудудидан ташқарида қайта ишлаш” режимларида расмийлаштирилганлик учун божхона йиғим ставкалари белгиланган. Масалан, божхона қиймати 10 000 АҚШ долларигача бўлган товарларнинг тегишли божхона режимида расмийлаштирганлик учун ЭКОИХнинг 1 фоиз миқдорда божхона йиғимини ундириш кўзда тутилган.

Шунингдек, товарларни божхона омборида сақлаганлик, товарларнинг классификацияси бўйича дастлабки қарор қабул қилганлик ва транспорт воситани божхона масофаларга кузатиб борганлик учун божхона йиғим ставкалари белгиланган.

762