Химические удобрения

Ўзбекистонда фосфорли ўғитлар ишлаб чиқариш йўлга қўйилиши мумкин

204
Россиянинг "Фосагро" холдинги билан ҳамкорликда Ўзбекистонда мураккаб фосфорли ўғитлар ишлаб чиқариш йўлга қўйилиши мумкин.  

ТОШКЕНТ, 2 июл - Sputnik. Россиянинг "Фосагро" холдинги Ўзбекистон энергетика вазири Алишер Султонов билан ўғитлар етказиб бериш ва ишлаб чиқаришни йўлга қўйиш ҳақида келишиб олишди. РИА Новости хабарига асосан.

Бугун, 2 июль куни бўлиб ўтган учрашувда ПАО "Фосагро"нинг маркетинг ва савдо бўйича директори Сергеем Пронин, Ўзбекистон қишлоқ хўжалиги вазири Жамшид Хўжаев ҳамда “Ўзхимпром” АЖ раиси Одил Темировлар иштирок этишди.

Учрашувда “Фосагро” томонидан Ўзбекистонга ўғитлар етказиб беришнинг узоқ муддатли истиқболлари ҳамда ушбу соҳада яқин муносабатлар ўрнатиш масалалари муҳокама қилинди. Россиялик ишлаб чиқарувчи ушбу йўналишда ҳамкорлик қилишга тайёрлигини билдирди.

Муҳокама давомида, томонлар шунингдек, Ўзбекистонда келажакда мураккаб ўғитларни ишлаб чиқариш масалаларини муҳокама қилишди.

Маълумот учун, дунёда энг йирик фосфорли ўғитлар ишлаб чиқарувчи компаниялардан бири бўлган, "Фосагро" гуруҳи таркибига Череповец шаҳрида жойлашган "Апатит" корхонаси ва унинг Кировск ва Балаков шаҳарларидаги шўъба корхоналари, Волхов шаҳридаги "Метахим" корхонаси ва бошқа заводлар киради.

204
Volkswagen Caddy

Ўзбекистонда Volkswagen Caddy савдоси июлдан бошланади

284
“Жиззах Авто” қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

ТОШКЕНТ, 3 июн — Sputnik. Ўзбекистонда Volkswagen Caddy русумли автомобиллар савдоси шу йилнинг июль ойидан бошланиши режалаштирилмоқда. Бу ҳақда “Ўзавтосаноат” АЖ хабар қилмоқда.

Маълум қилинишича, “Жиззах автомобиль заводи”нинг қурилиш ишлари якуний босқичида турибди. Завод ва офиснинг асосий қисми бинолари битказилди ва фойдаланиш учун тайёр.

Ишлаб чиқариш жараёнини жадаллаштириш мақсадида Ўзбекистонга Volkswagen Caddy автомобилларининг бир қисми келтирилиб, улар сертификация бўйича ваколатли органларга топширилган.

“Жиззах Авто” МЧЖ билан ҳамкорлик қилувчи республика ҳудудларидаги қатор дилерлик корхоналар танлаб олинди.

“Шуни таъкидлаш жоизки, “Volkswagen Caddy” русумли автомобиллар савдоси шу йилнинг июль ойидан бошланиши режалаштирилмоқда”, - дейилган хабарда.

Бундан ташқари, юқори малакали мутахассисларни тайёрлаш мақсадида “Жиззах Авто” компанияси ва дилерлик корхоналари ходимларини “Фольксваген” бренди глобал стандартларига мувофиқ ўқитиш бўйича махсус дастур ишлаб чиқилди.

Маълумот учун: Volkswagen Caddy - 7 ўриндиқли (5-ўриндиқли кўриниши ҳам мавжуд) йўловчи ва юк минивени. Автомобиль ҳам бизнес юритишга, ҳам оилавий фойдаланиш учун тўғри келади. Тежамкор ва технологик (MPI) двигатель 1,6 литр қувватга эга, бензинда ишлайди. Ёқилғи сарфи – шаҳарда 100 км.га 9,3 литр, трассада 100 км.га 6,1 литр.

Эслатиб ўтамиз, аввалроқ “Ўзавтосаноат” АЖ ва “Фольксваген Груп Рус” концерни ўртасида ҳамкорлик тўғрисида келишув имзолангани хабар қилинган эди.

284

Ўзбекистон статистикаси кўрсатгичларни янада яхшироқ акс этадиган бўлади

77
(Янгиланган 10:30 02.06.2020)
Жаҳон банки мутахассислари ёрдамида Ўзбекистон статистистика тизими халқаро стандартларга мувофиқлаштирилади.

ТОШКЕНТ, 2 июн - Sputnik. Ўзбекистон статистика тизими халқаро стандартларга мувофиқлаштирилади. Бу ҳақида Шавкат Мирзиёев ҳузурида 1 июнь куни бўлиб ўтган миллий статистика соҳасини такомиллаштириш чора-тадбирлари бўйича йиғилишда айтиб ўтилди.

"Статистика тизими қанчалик ҳаққоний ва очиқ бўлса, ислоҳотлар шунчалик тўғри ва натижадор бўлади", - дейилган президент нутқида.

Ушбу соҳада Ўзбекистонда сўнгги 3 йилда қатор ижобий ўзгаришлар юз берди. Хусусан, инфляцияни ҳисоблаш усули халыаро стандартларга мослаштирилди, кузатувдаги товарлар таркиби кенгайтирилди, давлат бюджети, ташқи қарз, олтин захираси ва табиий бойликлар ҳақидаги молиявий-иқтисодий кўрсаткичлар очиқ эълон қилиш бошланди.

Лекин иқтисоднинг айрим соҳалари кўрстагичлари янада такомиллаштиришни талаб қилади:

  • ишсизликни аниқлашда, сўров ўтказиш тартибини такомиллаштириш ва қамровни кенгайтириш;
  • соғлиқни сақлаш тизимида касалликларни даволаш харажатларини ҳисоб механизми жорий этиши белгиланди. Бусиз тиббий суғуртани амалиётга киритиб бўлмайди;
  • солиқ ва статистика идоралари ўртасида автоматлашган ахборот алмашинувини йўлга қўйиш орқали инфляцияни ҳисоблаш харажатларини кескин қисқартириш мумкин;
  • Марказий банк, Молия вазирлиги ва ҳуқуқни муҳофаза қилувчи идоралар статистик кўрсаткичларини мувофиқлаштириш.

Юқоридагиларни ҳисобга олган ҳолда, Вазирлар Маҳкамаси, Давлат статистика қўмитасига таълим, қишлоқ хўжалиги, ташқи савдо, транспорт, қурилиш, экология, туризм ва яна қатор соҳалар статистикасини халқаро стандартларга мувофиқлаштириш бўйича “йўл харитаси” ишлаб чиқиш вазифаси қўйилди. Давлат идораларининг статистикани шакллантириш жараёнини аудит қилиш бўйича ҳам кўрсатма берилди.

Ундан ташқари 2022 йилда бўлиб ўтадиган аҳолини рўйхатга олиш жараёни ҳозирдан пухта тайёргарлик кўриш кераклиги таъкидланди. Ушбу соҳага хорижлик мутахассисларни жалб этиш, кадарлар малакасини ошириш вазифаси қўйилди. 

77

Россия ССВ COVID-19ни даволаш учун дорилар рўйхатини кенгайтирди

3
Россияда катта ёшдаги коронавирус беморларини даволаш учун дорилар рўйхатини кенгайтирилди. Янги версияда барча бўлимлар қайта ишланган ва кенгайтирилган. Хусусан, даволашнинг янги усули тақдим этилган.

ТОШКЕНТ, 3 июн — Sputnik. Россия Соғлиқни сақлаш вазирлиги катта ёшдаги коронавирус беморларни даволаш учун дорилар рўйхатини кенгайтирди.

Рўйхатда ИФН-β1b рекомбинанти, ИФН-α рекомбинанти ва Умифеновир билан биргаликда қўллаш керак бўлган Фавипиравир, Гидроксизлорохин, Мефлохин, Азитромицин, Лопинавир ва Ритонавир каби дорилар кўрсатилган.

Тасдиқланган касалликни даволашнинг еттинчи методик тавсиялар версияси Россия ва хориж клиник тажрибаси асосида ишлаб чиқилган.

Янги версияда барча бўлимлар қайта ишланган ва кенгайтирилган. Хусусан, даволашнинг янги усули тақдим этилган.

Шунингдек, вазирлик тиббиёт муассасаларига келаётган барча беморлардан антитанача ва COVID-19га тест олишни тавсия қилган.

Россияда аниқланган коронавирус ҳолати 432 мингдан ошган. Шулардан 195 мингдан зиёди тузалиб кетган. 5 215 та ўлим ҳолати қайд этилган.

3