Подпись документов

МОМИҲга аъзо давлатларнинг энергетика вазирлари декларация имзолади

170
(Янгиланган 14:56 20.09.2019)
Декларация 9 банддан иборат бўлиб, унда мамлакатларнинг 2030 йилгача умумий энергетика стратегиясини ишлаб чиқиш борасида ҳамкорлик қилиш мажбуриятлари акс этган.

ТОШКЕНТ, 20 сен – Sputnik. Тошкентда Марказий Осиё минтақавий иқтисодий ҳамкорлик ташкилотига аъзо давлатларнинг энергетика вазирлари уларнинг мамлакатларига “МОМИҲ-2030” учун умумий энергетика стратегиясини ишлаб чиқиш ва амалга ошириш мажбуриятини юклайдиган қўшма декларацияни имзолади. Бу ҳақда Sputnik Ўзбекистон мухбири хабар қилди.

Ҳужжатни имзолаш Марказий Осиё минтақавий иқтисодий ҳамкорлик ташкилоти (МОМИҲ) иштирокчи давлатлари  энергетика вазирларининг Ўзбекистон пойтахтида бўлиб ўтган биринчи мулоқоти доирасида амалга оширилди.

Декларация 9 банддан иборат бўлиб, унда мамлакатларнинг 2030 йилгача умумий энергетика стратегиясини ишлаб чиқиш ва БМТнинг  барқарор ривожланиш соҳасида "тоза энергиядан фойдаланишга эришиш" ҳақида гапирилган еттинчи мақсадига эришиш борасида ҳамкорлик қилиш мажбуриятлари акс этган.

Янги Энергетика стратегияси МОМИҲ-2030 Осиё тараққиёт банки билан ҳамкорликда ишлаб чиқилмоқда. Стратегиянинг мақсади 2030 йилгача БМТнинг 2030 йилгача барқарор ривожланиш кун тартибига мувофиқ минтақада ишончли, барқарор, ислоҳ қилинган энергия бозорларини яратишдир. 

 – Бугунги кунда Марказий Осиё мамлакатлари ҳукуматлари ўз олдига катта мақсадларни қўймоқда. Ўзбекистон молиявий ва экологик жиҳатдан барқарор энергия саноатини ривожлантириш тарафдоридир. Биз ўз мақсадимизга эришиш учун МОМИҲ минтақасининг бошқа давлатлари ва халқаро молия манбалари билан ишлашдан умидвормиз, – деди Ўзбекистон энергетика вазири Алишер Султонов. 

 Декларацияни имзолаган мамлакатлар, шунингдек, қуйидаги мажбуриятларни олди:

- 2023 йилгача шамол ва қуёш энергиясидан электр энергияси ишлаб чиқаришни икки баробарга кўпайтириш;

- хусусий секторга инвестициялар киритилишини кўпайтиришни рағбатлантириш учун инвесторларга маъқул меъёрий-ҳуқуқий базани яратиш бўйича ислоҳотларни амалга ошириш;

- МОМИҲ доирасида молиялашнинг минтақавий механизмларини яратиш;

- МОМИҲ минтақасида энергетика соҳасида кам сонли бўлган аёлларнинг ҳуқуқ ва имкониятларини кенгайтириш. 

Қайд этиш керакки, Марказий Осиё минтақавий иқтисодий ҳамкорлик ташкилоти (МОМИҲ) мамлакатлари энергетика вазирларининг биринчи мулоқоти Ўзбекистон Республикаси ҳукумати ва Осиё тараққиёт банки томонидан ташкил этилди. 

170

Мирзиёев Ўзбекистонда карантин талаблари юмшатилишини айтди

755
Барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакат бўйича коронавирусдан соғайиш кўрсаткичи ошгани қайд этилди.

ТОШКЕНТ, 11 авг - Sputnik. Ўзбекистон президенти Шавкат Мирзиёев атроф-муҳитни муҳофаза қилиш ва аҳоли саломатлигини сақлаш масалалари муҳокама қилиш мавзусида ўтказилган йиғилишда Мирзиёев карантин талабларини юмшатиш муҳимлигини таъкидлади. Бу ҳақда президент матбуот-хизмати хабар бермоқда.

"Видеоконференцалоқа шаклида ўтган тадбир бошида давлатимиз раҳбари коронавирус пандемияси билан боғлиқ вазиятга тўхталиб ўтди. Хусусан, барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакатимиз бўйича коронавирусдан соғайиш кўрсаткичи ошгани қайд этилди. Фуқаролар ҳаёти ва соғлиғи ҳимоясини янада кучайтирган ҳолда, пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлиги таъкидланди", - дейилади хабарда.

Йиғилиш давомида мамлакатда экологик хавфсизликни таъминлаш масалалари атрофлича кўриб чиқилди.

Хусусан, Орол денгизининг қуриган тубида ўрмонзорлар барпо этилиб, Оролбўйидаги шаҳар ва туманларни ривожлантиришга қаратилган дастурлар жадал амалга оширилаётгани, атроф-муҳитни ва аҳоли саломатлигини муҳофаза қилиш мақсадида чиқиндиларни йиғиш ва қайта ишлаш бўйича изчил ишлар олиб борилаётгани, айниқса, ҳозирги пандемия шароитида бу масалалар янада долзарб аҳамият касб этиши таъкидланди.

 

Муҳокамада экологик назоратни кучайтириш масаласига ҳам алоҳида эътибор қаратилди.

Айрим заводлар ҳавога меъёрдан ортиқча ташланма чиқариб, атроф-муҳитга салбий таъсир кўрсатмоқда. Бундай ҳолатлар фуқароларнинг ҳақли эътирозига сабаб бўлмоқда.

Шу боис Экология ва атроф-муҳитни муҳофаза қилиш давлат қўмитасига ҳаво ифлосланишини тезкор таҳлил қиладиган мобил лабораториялар билан ҳар бир ҳудудни таъминлаш топшириғи берилди. Бош вазир ўринбосарига атроф-муҳитга юқори ва ўрта хавфли 240 та йирик саноат корхонасида замонавий локал тозалаш иншоотларини ўрнатиш ва мавжудларини модернизация қилиш бўйича дастур ишлаб чиқиш вазифаси қўйилди.

755

Доллар, евро яна кўтарилди

208
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 21,85 сўмга кўтарилди.

ТОШКЕНТ, 10 авг — Sputnik. Марказий банк хорижий валюталарнинг сўмга нисбатан 11 августдан бошлаб янги қийматини белгилади.

Доллар курси ўтган ҳафтага нисбатан 21,85 сўмга кўтарилиб, 10 231,71 сўм ташкил қилди.

Евро ҳам 38,00 сўмга ошди ва 12 059,09 сўмни ташкил қилди.

Россия рубли 1,19 сўмга юқорилаб, 138,65 cўмни ташкил қилди.

208

Россияда чет эллик талабаларнинг ишлаши осонлашди - янги қонун

13
Россотрудничество МДҲдан келган талабаларнинг ноқонуний ишлаши билан курашишга ёрдам берадиган янги онлайн-хизмат ҳақида гапириб берди.

ТОШКЕНТ, 12 авг - Sputnik, Данара Курманова. Россиядаги чет эллик талабалар энди мутахассисликлари бўйича бирон бир ҳужжатисиз ишга жойлашишлари мумкин. Бундан буён уларга ҳеч қандай рухсатнома ёки патентлар керак бўлмайди. "РФда чет эл фуқароларининг ҳуқуқий ҳолати тўғрисида" ги қонунга киритилган ўзгартиришлар туфайли чет эллик талаба суҳбатга фақат таълим муассасасининг маълумотномаси билан билан келса кифоя.

Ушбу янгиликлар 5 август кунидан кучга кирди. Ва роппа-роса бир ҳафта ўтгач, Россотрудничество агентлигида янгиланган қонун чет эллик талабалар учун қандай қўшимча лойиҳалар олиб келганини айтиб беришди. Sputnik агентлик талабаларга ўз мутахассисликлари бўйича иш топишда қандай ёрдам беришни режалаштираётганини ўрганди.

Таълим олишга зарар етказмай

Янги ўзгаришлар нимаси билан яхши? Бундан буён Россияда таҳсил олаётган чет эллик талаба карьерасини биринчи курсдан бошлаб қуришни бошлаши мумкин. "Россиядаги чет эллик талабалар учун меҳнат бозори бундан буён энди очиқ. Биргина савол - бу уларнинг муваффақиятлилиги", - дея тушунтирди "Россотрудничество" раҳбари Евгений Примаков.

Примаковнинг сўзларига кўра, мутахассислиги бўйича ишлаш имконияти талабаларни келажакдаги касбий фаолиятига алоқаси бўлмаган тасодифий ишлардан четлайди. Агар ўз мутахассислиги бўйича иш ёшларга амалий тажриба ва илмий изланишлар учун асос яратадиган бўлса, талабалар шу вақтгача кўпинча ишлаб келган хизмат кўрсатиш соҳаси, аксинча, сифатли ўқишга халақит беради.

"Ўз-ўзидан савол туғилади: бунинг барчаси нима учун? Талаба ўқигани келади-да, олти ойдан кейин у таксида қўшимча пул ишлашни бошлайди", - дейди Примаков ва таъкидлайди: бундай шароитда дарсларга тайёргарлик кўришга вақт бўлмайди.

Хатарлар ҳамон мавжуд

Ўқиш пайтида қўимча даромад топиш талабалар учун одатий амалиётдир, айниқса бу уларга келажакдаги касбини яхшироқ билиб олишга имкон берса. Амалий кўникмалар ёшларга университетни тугатгандан кейин ишга жойлашишда муаммоларга дуч келмасликка ёрдам беради, чунки қуйидагини унутмаслик керак: кўплаб компаниялар хеч бўлмаса минимал тажрибага эга мутахассисларни излайди. Бироқ, янги ўзгартиришларҳам маълум бир хавфга ҳам олиб келади – ишга ноқонуний жойлашишга, дейди Евросиё таҳлил клубининг раҳбари Никита Мендкович.

"Талабаларни ишга қабул қилишда қонуний расмийлаштирилиши, меҳнат ва хавфсизлик техникаси тўғрисидаги қонунларга риоя этилиши, шунингдек ижтимоий ушланмалар амалга оширилиши жуда муҳимдир. Бунга бизнес ва факультетлар ўртасидаги ҳамкорликни йўлга қўйиш билан марказлаштирилган ёллаш ва иш қидириш жараёнларини ташкил қилиш орқали эришиш мумкин", - дейди Мендкович.

Шу пайтнинг ўзида “Россотрудничество” шуни таъкидламоқда: агентлик йирик университетлар билан талабаларга иш топишда ёрдам бериш вариантларини муҳокама қилмоқда. "Бир неча кун олдин биз Орёлда бўлдик ва тиббиёт ОТМлари битирувчиларга тиббий муассасаларда иш топишда ёрдам беришлари мумкинлиги ҳақида гаплашдик. Ўзлари бу ерда иш топишлари осон бўлмайди", - дейди Евгений Примаков.

Ортиқча ҳужжатлар энди керак эмас

Примаковнинг позициясига Ўзбекистонлик жарроҳ-ординатор Беҳбудий Рафиқов қўшилади. Ўз ватанида, Самарқандда Беҳбудий энг истиқболли талабалардан бири ҳисобланган - у талабалар илмий жамиятининг етакчиси бўлган ва унинг тадқиқотларига халқаро тиббий журналлар қизиқиш билдирган. Беҳбудий ординатурани чет элда ўташга қарор қилди ва унинг танлови Никифоров номидаги Бутунроссия шошилинч ва радиацион тиббиёт Марказига тушди.

"Россия таълимининг афзалликлари яққол: бу паст нарх эвазига юқори сифат ва умумий тарих, - деб ўз танловини асослайди ёш мутахассис. - Аммо мен ишлашни ҳам хоҳлагандим. Пандемия пайтида кўплаб касалхоналар йўналиши ўзгартирилиши натижасида бизнинг марказимизга иш юкламаси ошди. Соғлиқни сақлаш вазирлиги ординаторларга катта жарроҳлар назорати остида стажер бўлиб ишлашга рухсат берди ва биз катта тажрибага эга бўлдик. Шифокор учун бу амалиёт бебаҳодир".

Шу тариқа, Беҳбудий Рафиқов иш қидириш ҳақида ўйлай бошлади, лекин уни фақат битта жиҳат тўхтатиб турарди – ҳужжатларнинг жуда катта тўпламини йиғиш зарурияти. "Мен ушбу ҳужжатларни расмийлаштираётганда ўқишга вақтим етмай қолишини тушундим, - дейди у. - Энди эса янги қонун ҳақида эшитиб жуда ҳурсанд бўлдим. Менда ишлаш имконияти пайдо бўлди. Аминманки Россияга чет эллик талабалар оқими кутилмоқда.

Суперхизмат ҳаммага ёрдам беради

“Россотрудничество” чет эллик талабаларга иш топишга ёрдам бериш учун Давлат хизматлари порталида яна бир таълим суперхизматни ишга туширади. Бу ҳақда Sputnik-га агентлик бошлиғи ўринбосари Павел Шевцов хабар берди.

Таълим соҳасидаги хизматлардан бири 2020 йил 20 июндан бошлаб ишламоқда. У "ОТМга онлайн кириш" деб номланади. Ушбу хизмат туфайли абитуриент ўз уйидан чиқмасдан Россиянинг исталган университетига ҳужжат топшириши мумкин. Янги суперхизмат эса Россия университетларида таҳсил олаётган чет эллик талабаларга мўлжалланган.

"У келгуси йилнинг охиригача тўлақонли ишга тушади. Ушбу хизмат туфайли биз барча талабаларни - нафақат квота бўйича Россияда ўқиётганларни, балки шартнома бўйича ўқишга кирганларни ҳам кўра оламиз, - дейди Павел Шевцов. - Хизмат шунингдек ўқиш жойини ҳамда унинг ўзлаштиришини кўрсатади".

Шевцовнинг таъкидлашича, хизмат орқали талабаларни ҳеч ким кузатиш нияти йўқлигини тушунишлари жуда муҳим. Ўзлаштириши ҳақида маълумот Меҳнат вазирлиги ва иқтидорли талабаларни ишга танлаб олишида компаниялар учун фойдалидир. Бундан ташқари, хизмат маълумотлари “Россотрудничество”га қайси шаҳар ва университетлар чет элликлар орасида энг машҳурлигини таҳлил қилишга ёрдам беради.

"Биз хизматга шунингдек минтақалар ҳақида ҳам маълумотларни жойлаштирамиз. Чунки одатда абитуриентлар Москва ёки Санкт-Петербург университетлари ҳақида кўпини билади, аммо сифатли таълим билан таъминлаши мумкин бўлган кичик шаҳарлар ҳақида деярли ҳеч нарса билмайди. Шунинг учун бу бўшлиқни тўлдириш керак", - деди Павел Шевцов.

Стипендияларга ўтиш

Бироқ, ҳамма ҳам қўшимча пул топиши мумкин эмас. Кимдир илмга ҳаддан ташқари киришиб кетган ва бу ҳолатда талаба ўзини ўзи таъминлаш учун ишлаши зарурияти пайдо бўлади. Бундай қўшимча ишнинг тажриба орттириш истаги билан ҳеч қандай боғлиқлиги йўқ, дейди Павел Шевцов.

"Биз “Россотрудничество”га нафақат квоталар, балки абитуриентга ҳам авиапарвоз нархини, ҳам яшаш учун ҳаражатларни қоплайдиган таълим стипендиясини ютиб олиши мумкин бўлган формат кераклигини муҳокама қиляпмиз", - дейди у.

Ҳозирда Россиянинг кўплаб университетларида битирувчи талабаларни иш билан таъминлаш бўлимлари мавжуд. Бўлажак халқаро дипломат, Арманистонлик талабаси Эдита Степанян, университетнинг ёрдами билан дастлаб Давлат думасининг Энергетика қўмитасида малака оширди, кейин эса унга ассистент лавозими таклиф қилинди.

"Албатта, вазиятлар иш ва ўқишни қисман уйғунлаштиришга ёрдам беради. Март ойида эпидемиологик вазият сабабли барча ташкилотлар карантинга ёпилди. Натижада биз ҳамон масофавий форматда ўқиб, ишлаб келмоқдамиз. Аммо бундай шароитлар бўлмаганида ҳам, мен ҳамма нарсага улгиётган эдим, чунки бу муассасада ишлаш менинг орзуим эди”, дейди талаба қиз. Унинг фикрича, қонунчиликка киритилган ўзгартиришлар чет эллик талабаларга ўқишга янада кўпроқ мотивация билан муносабатда бўлишга мажбур қилади.

13