Флаги России, Кыргызстана, Казахстана, Беларуси, Армении, а также с символикой Евразийского экономического союза (ЕАЭС)

ЕОИИга қўшилиш билан Ўзбекистон ўзини ўзи чеклаб қўймоқчи эмас элчи  

1250
(Янгиланган 10:33 10.01.2020)
Ўзбекистон ЕОИИдан ташқарида бўлган мамлакатлар билан ҳам яқин иқтисодий ва савдо муносабатларини сақлаб қолишга интилмоқда, деди Ўзбекистоннинг Нидерланддаги элчиси.

ТОШКЕНТ, 10 янв — Sputnik. Ўзбекистоннинг ЕОИИ давлатлари билан ҳамкорлик қилиши бошқа иттифоқлар билан тузган шартномаларидан воз кечиши дегани эмас, деди Ўзбекистоннинг Нидерланддаги элчиси Дилёр Ҳакимов Броюсселда бўлиб ўтган матбуот анжуманида.

Элчи сўзларига кўра Ўзбекистон ўз миллий манфаатларига асосланган, очиқ, ўзаро фойдали ва конструктив ташқи сиёсат олиб бормоқда. Қўшни давлатлар билан ҳамкорликни йўлга қўйиш ҳамда жаҳон ҳамжамиятига интеграция қилиш - ушбу сиёсатнинг устувор йўналишларидан биридир.  

“Ўзбекистон, ўзининг янги иқтисодий сиёсатидан келиб чиққан ҳолда, хорижий мамлакатлар,  халқаро ташкилотлар ва интеграцион уюшмалар билан ҳамкорликда ўзини чеклаб қўймоқчи эмас”, - дейилган хабарда.

Евроосиё иқтисодий иттифоқи билан ҳамкорликка келганда “гап фақат иқтисодий  ҳамкорлик ҳақида” кетмоқда. Иттифоқдаги Арманистон, Беларус, Қозоғистон, Қирғизистон ва Россия Ўзбекистон учун бозорнинг йирик иштирокчилари ва муҳим транзит коридори сифатида қизиқ. Ўзбекистон учун ЕОИИ давлатлари билан меҳнат миграцияси борасида ҳам ҳамкорликни кучайтириш катта аҳамиятга эга, дейди элчи.  

Шунингдек, дипломат, Ўзбекистон ЕОИИга аъзо бўлмаган бошқа мамлакатлар, халқаро иқтисодий ва молия ташкилотлари билан ҳам яқин, ҳамкорлик муносабатларини сақлаб қолиш ва ривожлантириш тарафдори эканини айтиб ўтди.

Эслатиб ўтамиз, 2019 йил кузида Ўзбекистон президенти Шавкат Мирзиёев республикани Евроосиё иқтисодий иттифоқига қўшилиш масалаласини ўрганиб чиқишни топширган эди.

1250
Мавзу:
Ўзбекистон ва ЕОИИ – интеграция истиқболлари (49)
узбекский региональный аэропорт

Аэропортлар “пакет принципи” асосида шерикликка берилади

90
(Янгиланган 09:31 06.08.2020)
Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш режалаштирилмоқда.

ТОШКЕНТ, 6 авг — Sputnik. Президент Шавкат Мирзиёев Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш бўйича техник топшириқлар ишлаб чиқиш вазифасини топширди.

Бу ҳақда президент энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимотда маълум қилди.

Давлат раҳбари матбуот хизмати хабарига кўра, мазкур аэропортларни шерикликка бериш бўйича техник топшириқлар ишлаб чиқиш Жаҳон банки билан биргаликда амалга оширилади.

Халқаро экспертларнинг таҳлилига кўра, Ўзбекистондаги мавжуд аэропортларни модернизация қилиш учун ўртача 800 миллион доллар талаб этилади.

90
Перевал Камчик

Қамчиқ довонида янги тоннел қурилади

128
(Янгиланган 09:32 06.08.2020)
Шавкат Мирзиёев Қамчиқ довонида янги тоннел қуриш бўйича тендер-лойиҳа ҳужжатларини ишлаб чиқиш ва тендер эълон қилиш муҳимлигини кўрсатиб ўтди.

ТОШКЕНТ, 6 авг — Sputnik.  Шавкат Мирзиёев энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимот билан танишди. Унда Қамчиқ довонида янги тоннел қуриш вазифаси топширилди.

Давлат раҳбари матбуот хизмати хабарига кўра, транспорт ва логистика тармоғи соҳасида амалга оширилаётган ишлар умуман қониқарли эмас.

Соҳани ривожлантиришнинг кейинги даврида 27 миллиард доллар талаб этилиши маълум қилинди.

Мисол учун, бугунги кунда Қамчиқ довони орқали Тошкентдан Андижонга бориш учун тирбандликлар сабабли 5-6 соат вақт сарфланади, 22 минг автомобиль ўтади.

Бу кўрсаткич келгуси 5 йилда 40 мингга етади. “Тошкент-Андижон” пуллик автомобиль йўли ишга тушган тақдирда масофани босиб ўтиш 3 соатгача қисқаради, транспорт ҳаракати эса 70 фоизгача ошади.

“Шу боис давлатимиз раҳбари Қамчиқ довонида янги тоннел қуриш бўйича тендер-лойиҳа ҳужжатларини ишлаб чиқиш ва тендер эълон қилиш муҳимлигини кўрсатиб ўтди”, - дейилган хабарда.

Эслатиб ўтамиз, аввалроқ Қамчиқ довонида муқобил тоннел қурилиши муҳокама қилингани хабар қилинган эди.

128

Лукашенко Россия ва Украина бош прокурорларини таклиф қилиш ҳақида топшириқ берди

2
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизлкиларни ташкил қилишга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликларнинг ҳибсга олиниши бўйича нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғуларни кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганини айтганди.

Песковнинг сўзларига кўра, Кремльда улар қандайдир қонунуга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

2