Флаги Узбекистана

Ўзбекистон ЕОИИнинг "ижобий" ва "салбий" томонларини ўрганмоқда Неъматов

913
(Янгиланган 18:30 29.01.2020)
Ўзбекистон президенти Шавкат Мирзиёев ўтган йил кузда мамлакатнинг ЕОИИга қўшилиш масаласини ишлаб чиқиш ҳақида топшириқ берганди. Мамлакатда бу интеграциянинг фойдали ва салбий томонларни фаол равишда муҳокама қилиниб, таҳлил қилинмоқда.

ТОШКЕНТ, 29 янв – Sputnik. Ўзбекистон ЕОИИда иштирок этишнинг "ижобий" ва "салбий" томонларини ўрганмоқда. Бу ҳақда Ташқи ишлар вазири биринчи ўринбосари Илҳом Неъматов Минскда айтди.  

“Ўзбекистоннинг интеграция бирлашмаларда иштирок этиш масаласига келсак, президент бу миллий манфаатларга жавоб бериши кераклигини аниқ қилиб айтди, биз иқтисодий соҳадаги манфаатларимизни ҳисобга оламиз. Ҳозир ижобий ва салбий томонлар ўрганилмоқда, кейинчалик улар тарозга қўйилиб, қарор қабул қилинади”, - деб таъкидлади Неъматов журналистларга.

Вазирнинг биринчи ўринбосари бу иттифоқ билан яқин алоқани сақлашга қаратилган томонларни ҳисобга олиш кераклигини таъкидлади. Унинг сўзларига кўра, Ўзбекистон иқтисодиёти ўсмоқда, бу эса янги бозорларни талаб қилади.

Неъматов ЕОИИга аъзо бўлиш масаласи Ўзбекистонда қизғин муҳокама қилинаётганини таъкидлади.

"Баъзилар бу фойдали деб айтишмоқда, ҳамкорлик қилиш, аъзо бўлиш керак деб айтишмоқда, баъзилар эса бу бизнинг иқтисодий манфаатларимизга жавоб бермайди деб айтишмоқда. Экспертлик ўрганишдан сўнг, парламент томонидан қарор қабул қилинади", - деди вазирнинг биринчи ўринбосари.

ЕОИИ - 2015 йил 1 январдан бошлаб фаолият кўрсатувчи, халқаро интеграция иқтисодий бирлашма ҳисобланади. Иттифоқ таркибига Россия, Арманистон, Беларусь, Қозоғистон ва Қирғизистон киради.

913
Мавзу:
Ўзбекистон ва ЕОИИ – интеграция истиқболлари (65)

Марказий Осиёда энг арзон бензин қаерда?

39
(Янгиланган 10:04 21.01.2021)
Одатда бой давлатларда ёнилғи нархи баландроқ, нефт қазиб олувчи камбағал мамлакатларда эса унинг нархи анча паст.

ТОШКЕНТ, 21 янв - Sputnik. Gasoline Petrol Prices  тузган рейтингга кўра Марказий Осиё давлатлари бензин энг арзон давлатлар рўйхатининг юқори қисмидан ўрин олди.

2021 йилнинг 18 январ ҳолатига жаҳон бозорларида бензиннинг ўртача нархи 1,05 долларни ташкил қилади. Лекин 168 давлатнинг ҳар бирида ёнилғи нархи бир биридан жиддий фарқ қилади. 

Сотрудник автозаправочной станции заправляет автомобиль клиента
© Sputnik / Александр Кряжев

Энг арзон бензин Венесуэлада 1л - 0,02 доллар, энг қиммати эса - Гонконгда 1л - по 2,36 доллар. 

Марказий Осиё давлатларининг аксарияти ҳам ушбу рўйхатнинг юқори қисмида жойлашган.  Қозоғистон - 0,4 долл (7ўрин), Туркманистон  - 0,43 долл. (10 ўрин), Қирғизистон - 0,45 долл (11 ўрин). 

Ўзбекистонда бензин нархи нисбатан қимматроқ (0,75 $)  бўлгани учун у рейтингнинг 43 ўрнида. 

Россияда бензин - 0,64 $ (27 ўрин). 

Иқтисодий таҳлилчилар айтишига қараганда, оОдатда бой давлатларда ёнилғи нархи баландроқ, нефт қазиб олувчи камбағал мамлакатларда эса унинг нархи анча паст. Нефт нархи халқаро биржаларда барча учун бир хил бўлгани сабабли, турли мамлакатларда ёнилғи нархи турлича бўлиши - муайян давлатларнинг солиқ ва акцизлари, ҳамда соҳага берилаётган имтиёзларига боғлиқдир. 

 

39
Флаги государств-членов Евразийского экономического союза

2025 йилда ЕОИИ интеграциясининг биринчи босқичи якунланади Путин

334
(Янгиланган 09:40 21.01.2021)
Айни дамда ЕОИИда ягона электр энергия, нефт, газ ва нефт маҳсулотлари бозорларини яратиш ишлари олиб борилмоқда.

ТОШКЕНТ, 20 янв – Sputnik. 2025 йилга келиб ЕОИИ доирасида интеграцион жараёнларнинг биринчи босқичи якунланади, деди Россия президенти Владимир Путин.

2025 йилга келиб, ЕОИИ давлатларида ягона товарлар, хизматлар, капитал, ишчи кучи ва ягона рақамли ҳудуд шакллантириш жараёни якунига етиши керак. Бугунги кун шароитида ушбу жараёнларни тезроқ ишга тушириш янада муҳим аҳамият касб этади, - деди Путин.

Россия президенти айтишига кўра, айни дамда ЕОИИ аъзолари томонидан ягона электр энергия, нефт, газ ва нефт маҳсулотлари бозорларини яратиш ишлари ҳам олиб борилмоқда.

2020 йилда содир бўлган коронавирус пандемияси ҳам ЕОИИ давлатлари орасида ҳамкорликни мустаҳкамлади, деди Россия президенти. Хусусан, Иттифоқ аъзолари тиббиёт воситалари ва дорилар ишлаб чиқариш соҳасида ягона қоидалар ўрнатишга келишиб олишди. 2021 йилнинг 1 январидан бошлаб ЕОИИда дори воситаларини рўйхатдан ўтказиш ягодна қоидалар ва процедуралар асосида амалга оширилади. Бугунги Шароитда бу ўта муҳим, деди  Владимир Путин.

Россия президенти айтишига кўра, 6 йил олдин ташкил қилинган ЕОИИ ҳамкорлиги илдам ривожланиб бормоқда. 2019 йилда Иттифоқ аҳзоларининг ўзаро маҳсулот айирбошлаш ҳажми 35 %га ошган. Шу билан бир вақтда Россия ва Иттифоқ давлатларининг ташқи савдоси миқдори ҳам ошмоқда. Ўтган давр мобайнида унинг ўчиши 27%ни ташкил қилган.

Ушбу ютуқларга эришишда ЕОИИ давлатлари ҳукуматларининг товар, хизмат ва капитал ҳаракати йўлидаги тўсиқларни бартараф этишга қаратилган биргаликдаги саъй-ҳаракатлари туфайли эришилди, - деди Россия президенти.

334
Подпись документов

Тошкент шаҳар ИИББда тайинловлар амалга оширилди

7
Тошкент шаҳар ИИББ бошлиғига янги ўринбосар ва ИИББ Молия ва моддий-техника таъминоти бошқармаси бошлиқ тайинланди.

ТОШКЕНТ, 21 янв — Sputnik. Тошкент шаҳар Ички ишлар бош бошқармасида иккита янги тайинлов амалга оширилди.

Бошқарма матбуот хизмати хабарига кўра, полковник Холматов Тимур Тошкент шаҳар ИИББ бошлиғининг ўринбосари — Хавфсиз туризмни таъминлаш бошқармаси бошлиғи этиб тайинланди.

Шу билан бирга, полковник Ҳусниддин Шамсутдинов Тошкент шаҳар ИИББ Молия ва моддий-техника таъминоти бошқармаси бошлиғи вазифасига тайинланди.

7
Теглар:
Ўзбекистон янгиликлари, Тошкент, ИИББ, янги тайинлов