Узавтопром в период карантина

Ўзбек автосаноати эпидемия шароитида қандай йўл тутмоқда

1331
(Янгиланган 19:42 30.04.2020)
Жорий йилнинг биринчи чораги якунларига кўра, "UzAuto Motors" АЖ енгил автомобиллар ишлаб чиқариши ўтган йилнинг биринчи чорагига нисбатан 27,1 фоизга ўсиб, 73,5 минг донани ташкил этди.

ТОШКЕНТ, 30 апр - Sputnik. Коронавирус тарқалишига қарши кураш шароитида Ўзбекистон корхоналари олдида янги вазифалар турди: ишчилар ва мижозларнинг эпидемиологик хавфсизлигини таъминлаш, ходимларни минимал миқдорда жалб қилингани ҳолатида компаниянинг самарадорлигини ошириш ва умумий карантин даврида мижозларнинг эҳтиёжларига мослашувчан ёндошиш. Sputnik Ўзбекистон материалида "Ўзавтосаноат" АЖ автомобилсозлик компанияси ушбу вазифаларни қандай бажара олиши ҳақида.

Бугунги кунда бу Ўзбекистондаги энг йирик корҳоналардан биридир. Унинг таркибига 80 дан ортиқ йирик ва кичик корхоналар киради, уларда 27 мингдан ортиқ киши ишлайди.

16 апрел куни бўлиб ўтган кимё, қишлоқ хўжалиги ва автомобилсозлик саноатини ривожлантиришга бағишланган видеоселектр йиғилишида давлат раҳбари автомобилсозлик пандемиядан энг кўп зарар кўрган соҳалардан бирига айланганини таъкидлади. Бундай шароитда корхоналарнинг барқарор ишлаши учун биринчи навбатда ички бозорнинг имкониятларидан фойдаланиш керак.

Автомобил саноатига COVID-19 пандемиясининг таъсири мисли кўрилмаган. Вируснинг тарқалиши ва кўрилган карантин чоралари туфайли кўплаб компаниялар турли хил қийинчиликларга дуч келишмоқда. Ва бу эса глобал савдога бевосита таъсир қилмоқда, у сезиларли даражада пасайиб кетди, ишлаб чиқаришни тўхтатиб туришга тўғри келмоқда.

Ишлаб чиқаришни кўпайтириш ва иш жойларини сақлаб қолиш

Ўзбекистон ҳукумати кўмаги ва автомобилсозлик корхоналарининг саъй-ҳаракатлари билан «Ўзавтосаноат» АЖ ишлаб чиқариш ҳажмини бир хил даражада ушлаб туришга, шунингдек иш жойларини қисқартиришга йўл қўймасликка муваффақ бўлди.

Жорий йилнинг биринчи чораги якунларига кўра, "UzAuto Motors" АЖда енгил автомобиллар ишлаб чиқариш ўтган йилнинг биринчи чорагига нисбатан 27,1 фоизга ўсиб, 73,5 минг донани ташкил этди.

Производство автомобилей на заводе Узавтомоторс
Узавтомоторс / ASKAR YACUBOV для Sputnik Узбекистан
Производство автомобилей на заводе Узавтомоторс

22 апрел ҳолатига, 15600 дан ортиқ транспорт воситалари ишлаб чиқарилди. Дунё автомобилсозлик саноатида 30-40 фоизга пасайиш прогноз қилинишини ҳисобга олсак, бугунги кунда ишлаб чиқаришни аввалги даражада ушлаб туриш жуда муҳимдир.

Аҳолининг мажбурий ўз-ўзини яккалашини ҳисобга олган ҳолда, компания автомашиналарни онлайн харид қилиш учун қўшимча имкониятларни, кредитларни мулоқотсиз олиш усуллари, бўлиб тўлаш ва бошқа операцияларни таклиф қилди. Бундан ташқари, "UzAuto Motors" нинг барча дилерлик пунктлари барча санитария чораларига қатъий риоя қилган ҳолда анъанавий тарзда ишламоқда. Жорий йил охиригача эса ички бозор ва чет эл бозорларида талабни ошириш ва рағбатлантиришга қаратилган қўшимча воситалардан фойдаланиш режалаштирилган.

ШҲВ: "Ўзавтосаноат" томонидан ишлаб чиқарилган

Республиканинг валюта ресурсларини тежаш мақсадида, шунингдек, аҳоли орасида шахсий ҳимоя воситаларининг (ШҲВ) танқислиги сабабли "Ўзавтосаноат" таркибига кирувчи "Уз Донг Янг Ко" МЧЖ ҚК мутахассислари томонидан тез фурсатда юз қалқонларини ишлаб чиқаришни йўлга қўйилди.

Как узбекский автопром выруливает из эпидемии коронавируса
Пресс-служба АО "Узавтосаноат"
Как узбекский автопром выруливает из эпидемии коронавируса

Улар биринчи навбатда бугунги кунда биринчи чизиқда турган одамларга мўлжалланган: соғлиқни сақлаш органлари, ҳуқуқни муҳофаза қилиш идоралари вакиллари, супермаркетлар сотувчилари, кўнгиллилар, хавфсизлик хизматлари (КПП), курьерлик хизматлари ва бошқаларга.

Юз қалқонларини ишлаб чиқариш учун маҳаллий хом ашёларнинг мавжуд компонентлари - шаффоф ПВХ пластмасса, полипропилен лента ва фурнитурадан фойдаланилади. Бугунги кунда уларни ишлаб чиқариш қуввати 2000 донадан ошади. Бундан ташқари, мутахассислар маҳсулот ишлаб чиқариш ҳажмини кунига 10 минг донагача ошириш чораларини кўрмоқдалар, шунингдек, маҳсулотларни МДҲ мамлакатларига экспорт қилиш учун сотиш бозорларини ўрганмоқдалар.

Как узбекский автопром выруливает из эпидемии коронавируса
АО "Узавтопром"
Как узбекский автопром выруливает из эпидемии коронавируса

Аввалроқ "Уз Донг Янг Ко" корҳонасида тиббий ниқоблар ишлаб чиқариш йўлга қўйилганди. Ҳаммаси бўлиб, ишлаб чиқариш бошланганидан 10 апрелгача 1162000 дона тиббий ниқоблар ишлаб чиқарилди, шундан 250 мингтаси экспорт қилинди.

Бундан ташқари, "Ўзавтосаноат" таркибига кирувчи "O’zAuto Austem" компанияси томонидан қўл антисептиклари ишлаб чиқариш йўлга қўйилди. У кунига 1000 литр ҳажмда ишлаб чиқарилади. Бунинг ёрдамида корхонада янги иш ўринлари ташкил этиш имконияти яратилди. Маҳсулот 100%га озиқ-овқат ингредиентларидан иборат (этил спирти ва озуқавий ранглар).

Компанией O’zAuto Austem, также входящей в структуру Узавтосаноат, налажено производство антисептика для рук.
АО "Узавтосаноат"
Компанией "O’zAuto Austem", также входящей в структуру "Узавтосаноат", налажено производство антисептика для рук.

Антисептик маҳсулотлар билан саноатнинг барча корхоналарини таъминлаш бугунги кунда компаниянинг устувор йўналишидир. Бугунги кунда у "Ўзавтосаноат" АЖнинг барча корхоналарига етказиб берилмоқда. Шу билан бирга, ушбу маҳсулотни мамлакатдаги ички бозорларда сотиш йўлга қўйилмоқда. Бундан ташқари, антисептик воситани экспорт қилиш бўйича лойиҳалар ишлаб чиқилмоқда, хусусан, Қозоғистон ва Қирғизистон улгуржи савдо корхоналари билан музокаралар олиб борилмоқда.

Продукт состоит из 100% пищевых ингредиентов (этиловый спирт и пищевые красители).
АО "Узавтопром"
Продукт состоит из 100% пищевых ингредиентов (этиловый спирт и пищевые красители).

"Дунёдаги оғир вазиятга қарамай, компания ушбу соҳани ривожлантиришни давом эттирмоқда. Оғир, кимёвий ва бошқа қатор соҳаларни қамраб олган автомобилсозлик саноатининг мултипликатив хусусиятини ҳисобга олган ҳолда, 200 мингга яқин одам иш билан таъминланади ва барқарор иш ҳаққи билан таъминланмай қолмайди деб ишонч билан айтишимиз мумкин. Бундан ташқари, жорий йил охирига қадар яна 2500 иш ўрни яратиш режалаштирилмоқда. Олдинда ҳаммамизни эпидемияга қарши курашиш қийин даври кутмоқда, аммо биз аминмиз - ўзбек автомобилсозлик саноати, ривожланишда давом этади,"- дея ҳулоса қилади "Ўзавтосаноат" АЖ матбуот-хизмати раҳбари Зумрад Шожалилова.

1331

Арипов: Тожикистон билан ўзаро товар айланмасини 1 млрд $ га етказиш имкониятига эгамиз

160
Ўзбекистон бош вазири яқин йилларда Тожикистон билан ўзаро савдо айланмаси 1 миллиард долларга етказилиши режалаштирилганини маълум қилди.

ТОШКЕНТ, 29 сен — Sputnik. Душанбе шаҳрида Ўзбекистон бош вазири Абдулла Арипов Тожикистон бош вазири Қоҳир Расулзода билан учрашди.

Ҳар икки давлат делегацияси ўртасида бўлиб ўтган учрашув давомида Абдулла Арипов иқтисодий, ижтимоий ва маданий алоқалар борасида борасида сўз юритди.

“Биздаги статистикага кўра сўнгги уч йилда ҳар икки давлат ўртасидаги савдо алоқалари икки ярим баробарга ошди. Ўзбекистоннинг Тожикистонга экспорти 2,1 баробарга ошган бўлса, Тожикистон экспорти қарийб 5 баробар ортди. Бундан келиб чиқадики, бизнинг муносабатларимиз фақат бир томонлама манфаатли ҳамкорлик эмас, балки ҳар икки томонга наф келтиради”, - деди Арипов.

Ариповнинг сўзларига кўра, жорий йилда пандемия туфайли Ўзбекистон ва Марказий Осиёдаги бошқа давлатлар ўртасида ўзаро товар айирбошлаш пасайди, аммо фақат Тожикистон билан ўтган йилнинг мос даврига нисбатан 4,3 фоизга ошиб, 317 миллион долларни ташкил этди.

“Яқин йилларда олдимизга қўйилган вазифа — ўзаро товар айланмасини 1 миллиард АҚШ долларига етказиш имкониятига эгамиз”, - деди бош вазир.

Ушбу мақсадда бозорларга зарур ва талаб юқори бўлган маҳсулотларни ўзаро етказиб бериш, савдо-сотиқдаги турли тўсиқларни олиб ташлаш ва қулай шароитлар яратиш, биргаликда юқори қўшилган қиймат занжирини ташкил этиб, учинчи давлатларга экспортни амалга ошириш муҳим аҳамиятга эгалиги таъкидланди.

Ўзбекистон ва Тожикистон савдо-саноат палаталари ҳамкорликни кучайтиришга келишди

Абдулла Арипов ишчи ташриф билан Тожикистонда бўлиб турибди. Ташриф кун тартибида Ҳукуматлараро комиссиянинг Савдо-иқтисодий ҳамкорлик бўйича 7-йиғилиши бўлиб ўтиши ҳамда Ўзбекистон – Тожикистон ишбилармонлари бизнес-форуми ва Ишбилармонлар кенгашининг йиғилишини ўтказиш кўзда тутилган.

160
Премьер-министр Узбекистана Абдулла Арипов прибыл с рабочим визитом в Кыргызстан

Абдулла Арипов бошчилигидаги Ўзбекистон делегацияси Душанбега келди

147
(Янгиланган 11:14 29.09.2020)
Душанбеда Ўзбекистон-Тожикистон савдо-иқтисодий комиссияси йиғилиши ҳамда икки давлат ишбилармонлар бизнес-форуми бўлиб ўтади.

ТОШКЕНТ, 29 сен - Sputnik. Бош вазир Абдулла Арипов бошчилигидаги Ўзбекистон делегацияся 29 сентябрь куни Тожикистон пойтахтига етиб келди, деб хабар қилмоқда ЎзА. 

Ташриф кун тартибида Ҳукуматлараро комиссиянинг Савдо-иқтисодий ҳамкорлик бўйича 7-йиғилиши бўлиб ўтиши ҳамда Ўзбекистон – Тожикистон ишбилармонлари бизнес-форуми ва Ишбилармонлар кенгашининг йиғилишини ўтказиш кўзда тутилган.

Ҳукуматлараро комиссия кун тартибида савдо-иқтисодий, транспорт-коммуникация, энергетика, қишлоқ ва сув хўжалиги ҳамда маданий-гуманитар соҳаларида ва бошқа устувор йўналишларда икки томонлама амалий ҳамкорликни кенгайтиришнинг долзарб масалалари муҳокама қилиш режалаштирилган.

Душанбе халқаро аэропортида Ўзбекистон Республикаси Бош вазирини Тожикистон Республикаси Бош вазири ўринбосари Давлатшо Гулмуҳаммадзода кутиб олди.

147

Британия ва Канада Лукашенкога қарши санкция киритди

182
(Янгиланган 09:35 30.09.2020)
Британиялик дипломатларнинг қайд этишича, рестрикциялар "Беларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

182