Цемент

Ўзбекистон цемент импортига чекловни бекор қилди

376
Ҳукуматнинг 2020 йил 23 апрелдаги қарорига мувофиқ Ўзбекистонга цемент импорти вақтинча тўхтатилган эди.

ТОШКЕНТ, 23 май - Sputnik. Ўзбекистон цемент импортига чекловни бекор қилди. Бу ҳақда "Коронавирус пандемияси даврида тиббий буюмлар учун хомашё экспорти ва цемент импортини вақтинчалик чеклаш тўғрисида"ги Ҳукумат қарорида кўзда тутилган.

Ҳукуматнинг 2020 йил 23 апрелдаги қарорига мувофиқ Ўзбекистонга цемент импорти вақтинча тўхтатилган эди.

Киритилган ўзгартиришга кўра, цемент маҳсулотини импорт бўйича олиб киришга жорий қилинган чеклов 2020 йилнинг 23 майидан бошлаб бекор бўлди.

Эслатиб ўтамиз, илгарироқ Ўзбекистонда 2022 йилнинг 1 январига қадар барча цемент ишлаб чиқарувчи корхоналарга  автоматик станциялар ўрнатиш режалаштирилгани ҳақида хабар берган эдик. Ушбу автоматик станциялар цемент заводларидан чиқадиган зарарли моддаларни таҳлил қилади.

376
Гранат

Қува анорлари 7 та давлатга экспорт қилинмоқда

153
(Янгиланган 16:18 21.09.2020)
Айни вақтда хорижга Фарғона боғларида пишиб етилган 3 минг тоннадан ортиқ анор экспортга жўнатилди.

ТОШКЕНТ, 21 сен — Sputnik. Қува анорлари 7 та давлат - Жанубий Корея, Хитой, Россия, Украина, Бирлашган Араб Амирлиги, Қозоғистон, Қирғизистонга экспорт қилинмоқда.

Айни вақтда Фарғона боғларида пишиб етилган 3 минг тоннадан ортиқ анор экспортга жўнатилди. Бу ҳақда ДБҚ матбуот хизмати хабар қилди.

Қадимдан анорчилик улкан даромад манбаи, камёб ва шифобахш неъмат сифатида баҳоланган. Замонавий тиббиёт, халқ табобатида жуда фойдали хусусиятлари билан ажралиб туради. Жаҳон бозорида ушбу маҳсулотга бўлган талаб ва таклиф юқори.

“Шу боис анорзорларни кенгайтириш, серҳосил, эртапишар навлар яратишга алоҳида эътибор қаратилмоқда. Шу кунга қадар Риштон ва Олтиариқ туманларида 1 минг 400 гектар янги анорзорлар ташкил этилди.

2025 йилга бориб вилоятдаги анор майдонлари 20 минг гектарни ташкил қилади ва йилига 200 минг тоннадан ортиқ анор етиштирилади. Бу мавсум давомида 120 минг тоннадан ортиқ анор экспортини амалга ошириш имкониятини беради”, - дейилган хабарда.

153
Денежные купюры России и США

Валюта: доллар яна кўтарилди, рубл эса пастлади

129
(Янгиланган 12:29 21.09.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 20,28 сўмга кўтарилди.

ТОШКЕНТ, 21 сен — Sputnik. Марказий банк хорижий валюталарнинг сўмга нисбатан 22 сентябрдан бошлаб янги қийматини белгилади.

Доллар курси ўтган ҳафтага нисбатан 20,28 сўмга кўтарилиб, 10 315,62 сўм ташкил қилди.

Евро ҳам 15,78 сўмга ошди ва 12 210,60 сўмни ташкил қилди.

Россия рубли эса 1,37 сўмга пасайиб, 136,28 cўмни ташкил қилди.

129

Букри кит тимсоҳларга тўла дарёга тасодифан сузиб келди

170
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

170