Мужчина пересчитывает доллары США, фото из архива

ОТБ Ўзбекистонга 500 млн $ имтиёзли кредит ажратишни маъқуллади

132
Маблағ пандемия даврида макроиқтисодий барқарорликни таъминлаш, иқтисодиёт тармоқларининг узлуксиз ишлаши ҳамда аҳолини самарали ижтимоий қўллаб-қувватлашга йўналтирилади.

ТОШКЕНТ, 25 июн — Sputnik. Осиё тараққиёт банки (ОТБ) директорлар Кенгаши бюджетни қўллаб-қувватлаш мақсадида Ўзбекистонга 500 млн доллар миқдорида молиявий маблағ ажратишни маъқуллади. Бу ҳақда Инвестициялар ва ташқи савдо вазирлиги хабар қилмоқда.

Ажратилган молиявий маблағ пандемия даврида макроиқтисодий барқарорликни таъминлаш, иқтисодиёт тармоқларининг узлуксиз ишлаши ҳамда аҳолини самарали ижтимоий қўллаб-қувватлашга йўналтирилади.

Бу маблағлардан сунъий нафас олдириш аппаратлари, тест тизимлари, шахсий ҳимоя воситаларини сотиб олиш ҳамда соғлиқни сақлаш соҳасида фаолият юритаётган аёлларга алоҳида ижтимоий пакетлар бериш учун ҳам фойдаланилади.

Ушбу молиявий ёрдам минтақавий техник ёрдам доирасида ОТБ томонидан Ўзбекистон ҳукуматига илгари тақдим этилган 1 555 900 доллар миқдоридаги грант маблағларига қўшимча кўмак ҳисобланади.

Эслатиб ўтамиз, узоқ муддатли имтиёзли молиялаштиришни ажратиш тўғрисидаги келишувга ҳақда инвестициялар ва ташқи савдо вазири Сардор Умурзаков ҳамда ОТБ президенти Масацугу Асакава ўртасида ўтказилган музокараларда эришилган эди.

132

Сўх аҳолиси учун Фарғонанинг беш туманида ер ажратилади

238
Сўхликлар учун Фарғона вилоятининг Ёзёвон, Қўштепа, Бағдод, Риштон ва Бувайда туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади.

ТОШКЕНТ, 9 авг — Sputnik. Сўх тумани аҳолиси учун Фарғона вилоятининг 5 та туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади. Бу президент қарорида кўзда тутилган.

Ер вилоятнинг Ёзёвон, Қўштепа, Бағдод, Риштон ва Бувайда туманлари ҳудудида ажратилади.

Сўх тумани ҳокимига Фарғона вилояти ҳокимлиги билан келишган ҳолда 2022 йил 1 январга қадар туманни ижтимоий-иқтисодий ривожлантириш дастурига киритилган лойиҳалар учун, истисно тариқасида, суғориладиган ер майдонларидан ташқари ер участкаларини тўғридан-тўғри ажратиш ҳуқуқи берилади.

Фарғона вилояти ҳудудида марказлаштирилган маблағлар ҳисобидан амалга оширилаётган қурилиш-таъмирлаш ишларига, шунингдек, саноат корхоналарида янги ташкил этилаётган иш ўринларига Сўх тумани аҳолисини кенг жалб қилиш белгиланган.

Фарғонадан Сўхга кичик авиация транспортида қатнов йўлга қўйилади

Шунингдек, президент туманнинг иш билан бандлиги таъминланмаган аҳолисининг бир қисмини Тошкент шаҳрида йирик объектларда амалга оширилаётган қурилиш-таъмирлаш ишларига тизимли равишда жалб қилиш вазифасини топширди.

238
Национальная валюта Узбекистана — сум

Сўх аҳолиси жорий йилда ер ва мол-мулк солиғини тўлашдан озод этилди

146
Президент қарори билан Сўх туманида 2020 йилда жисмоний шахслар ер солиғи ва мол-мулк солиғини тўлашдан озод этилади.

ТОШКЕНТ, 9 авг — Sputnik. Шавкат Мирзиёев “2020-2021 йилларда Фарғона вилоятининг Сўх туманини комплекс ижтимоий-иқтисодий ривожлантириш чора-тадбирлари тўғрисида”ги қарорга имзо чекди.

Қарорга кўра:

  • Сўх туманида 2020 йилда жисмоний шахслар ер солиғи ва мол-мулк солиғини тўлашдан озод этилади;
  • жорий йил 1 августдан бошлаб 2021 йил 31 июлга қадар:
  • якка тартибдаги тадбиркорлар учун жисмоний шахслардан олинадиган даромад солиғи амалдаги қатъий белгиланган солиқ ставкасининг 50 фоизи миқдорида белгиланади;
  • алкоголь маҳсулотлари билан чакана савдо қилиш ҳуқуқини берадиган рухсат гувоҳномасини олиш учун йиғимни тўлашдан озод қилинади.
146