Национальная валюта Узбекистана — сум

Пандемия ва аҳоли даромади - вилоятлар кесимида

383
(Янгиланган 12:47 27.07.2020)
2020 йилнинг биринчи ярмида аҳолининг реал даромади қайси вилоятларда камайди ва қаерда кўпайгани ҳақида Статистика қўмитаси маълумоти.

ТОШКЕНТ, 27 июл - Sputnik. Давлат Статистика қўмитаси 2020 йилнинг январ – июн ойларида Ўзбекистонда аҳолининг реал даромади қандай ўзгаргани ҳақида расмий маълмотларни тарқатди.

Қўмита хабарига кўра, Ўзбекистонда ушбу йилнинг биринчи ярмида аҳоли даромади ўсиш суръати ўртача 15,8 %га ошган, лекин бу кўрсатгич инфляцияни ва истеъмол нархлари ўсишини ҳисобга олмайди. Инфляция кўрсатгичларидан бири бўлган – Истеъмол нархлари индексини (ИНИ) қўллаган ҳолда ҳисоблаганда аҳоли даромади ўсиши миқдори атиги - 101,5 %ни ташкил этган.

Жон бошига ҳисоблаганда январ-июн ойларида аҳоли ўртача умумий 5,2 млн сўм даромад олган. Бу эса ўтган йилнинг шу даврига нисбатан 13,5 %га кўп, лекин инфляцияни ҳисобга олганда жон бошига реал даромади ўтган йилнинг шу даврига нисбатан - 99,6 %ни ташкил қилган. Яъни 0,4 %га камайган.

Даромадлар энг кўп ўзгариши қарда бўлган ?

Энг катта ўртача умумий даромад  Тошкент шаҳрида – 10,5 млн., Навоий вилоятида – 8,3 млн., Бухорода – 6,4 млн., Тошкент вилоятида 5,5 млн. сўм.  

Энг кам даромадлар эса – Қорақалпоғистон Республикаси – 3,8 млн., Наманган вилояти – 3,9 млн., Фарғона – 4 млн., Қашқадарё – 4,3 млн., Самарқанд – 4,4 млн.  вилоятларида қайд этилган.   

Пандемия вақтида аҳолининг реал даромадлари сезиларли ўсиши Ўзбекистон бўйича фақат Навоий вилоятида (+5,2 %) ва Жиззах вилоятида (+4,1%) кузатилди.

Фарғона, Сирдарё, Сурхондарё, Хоразм, Бухоро, Қорақалпоғистон Республикаси, Самарқанд, Наманган ва Тошкент вилоятларида – жон бошига олинган умумий даромад миқдори деярли ўзгармаган: кўрсатгичлар 99 – 101 % атрофида.    

Тошкент шаҳри (-4,8 %) ва Андижонда (-1,5 %) аҳоли жон бошига реал даромади пасайиши кузатилган.

Давлат Статистика қўмитаси хабарига кўра, Ўзбекистон аҳолисининг деярли 70 % меҳнат фаолиятидан ва мустақил бандликдан олинган даромадлар ҳисобига яшайди. 25 % аҳоли – трансфертлар (турли пул ўтказмалари) ҳисобига яшайди.

Трансфертлар (пенсия, нафақа ва стипендиялар) ҳисобидан яшайдиган аҳоли энг кўп ҳудудлар Қорақалпоғистон (32,7 %), Самарқанд (32,2%), Хоразм (30,4 %),  Андижон (29,3%),  Наманган (28,3 %), Сурхондарё (28 %) ва  Фарғона (27,8 %) вилоятларида экани қайд этилган.

Шунингдек ўзидан ишлаб чиқарилган маҳсулотлар ва мол мулкидан олинган даромадлар ҳисобига яшовчи аҳоли миқдори энг кўпи Тошкент шаҳрида қайд этилган – 16,3 %.

Қаерда хорижий пул ўтказлари миқдори кўп?

Республика ташқарисидан келиб тушган даромадлар миқдори ўтган давр мобайнида 9,2 %га ўсиши кузатилган. Аҳоли умумий даромади таркибида хорижий пул ўтказмалари улуши энг кўп бўлган ҳудудлар қуйидагилар экани аниқланди:

  • Самарқанд вилояти – 20,3 %  
  • Хоразм вилояти – 20,1 %
  • Андижон вилояти – 18,5 %
  • Қорақалпоғистон – 17,3 %
  • Сурхондарё вилояти – 17,1 %
  • Наманган вилояти – 15,8 %
  • Қашқадарё вилояти – 14,8 %
  • Фарғона вилояти – 14,5 %
  • Бухоро вилояти – 13,9 %

Қолган вилоятларда аҳоли даромади таркибида хорижий пул ўтказмалари 10 %дан кам миқдорни ташкил қилмоқда. Хусусан хорижий ўтказмалар энг кам бўлган ҳудуд бу Навоий вилояти – 4,2 %, Тошкент вилояти – 5,2 %, Жиззах – 6,9 % ва Тошкент шаҳри – 9,4 %.

 

383
Ведущий аналитик QBF Олег Богданов

Ўзбекистон тўпланган олтинни қай тарзда оқилона тақсимлаши мумкин - Богданов

396
Ўзбекистон ўз олтин-валюта захираларини ушлаб туриши керакми ёки уларнинг бир қисмини лойиҳаларга йўналтиргани ва иқтисодиётни қўллаб-қувватлагани яхшироқми, QBF етакчи таҳлилчиси Олег Богданов шу  ҳақда фикр билдирди

Ўзбекистон иқтисодиётни зудлик билан инқироздан чиқариш учун олтин-валюта захираларини сотишни бошлаши керак. Бу ҳақда Капитал бозорини ривожлантириш бўйича Республика агентлиги директори Отабек Назиров маълум қилди.

"Олтиннинг нархи энг юқори нуқтада турибди, иқтисодий фаолият эса, аксинча, энг қуйи қисмда, ўйлайманки, иқтисодни янада пасайиш ва ишсизликнинг кўпайишидан зудлик билан қутқариш учун айнан ҳозир олтин-валюта захираларини сотиб, маблағлардан фойдаланиш керак ...", - деб ёзди у ўзининг Facebook-даги саҳифасида.

QBF етакчи таҳлилчиси Олег Богданов, Ўзбекистон олтин захираларини оқилона бошқариши керак, чунки олтин-валюта захираларини тўплаш унчалик осон эмас, деб ҳисоблайди.

"Иқтисодий қийинчиликлар йилдан-йилга ўзгаришсиз бўлиб қолмоқда ва олтин-валюта захираларини шундай ҳажмда тўплаб олиш жуда қийин. Дунё молиясида рўй бераётган вазиятдан келиб чиқиб, агар республика ҳукумати  ҳозирда иқтисодиётни ҳақиқатда қўллаб-қувватлаш кераклигига ишонса,  Ўзбекистонга ушбу олтин-валюта захиралари ҳисобига узоқ муддатли кредит олиш афзалроқ бўлади. Бу каби кредитни олиб, маблағларни қандайдир мақсадли тармоқларга йўналтириш керак", - деди мутахассис Sputnik Ўзбекистон билан суҳбатда.

Унинг сўзларига кўра, ҳозирда кредитлар бўйича фоиз ставкалари нолга яқин, шунинг учун агар қарз олиш имкони бўлса, қимматлаётган активни сотишнинг кераги йўқ.

Богданов ишончи комил: дунёда пул миқдори жуда кўп, кредитлар ҳатто рейтинги паст бўлган давлатларга ҳам берилмоқда.

"Кейинги уч йил ичида яна 20-30 фоизга кўпайтириш мумкин бўлган захираларни сотишнинг нима кераги бор? Менинг фикрим қуйидагича. Лекин, умуман олганда, ҳеч ким ҳеч нарсани сотмаяпти. Рўй бераётганларнинг асли моҳияти қуйидагида: марказий банклар жаҳон бозорида олтинни сотишни бутунлай тўхтатдилар. Аксинча, улар сотиб олишмоқда, айнан шунинг учун унинг нархи сўнгги йилларда фаол ўсиб бормоқда", - дея қўшимча қилди таҳлилчи.

Унинг фикрича, Ўзбекистон ушбу сиёсатдан четлашмаслиги керак.

396
узбекский региональный аэропорт

Аэропортлар “пакет принципи” асосида шерикликка берилади

115
(Янгиланган 09:31 06.08.2020)
Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш режалаштирилмоқда.

ТОШКЕНТ, 6 авг — Sputnik. Президент Шавкат Мирзиёев Тошкент, Бухоро, Фарғона ва Урганч аэропортларини “пакет принципи” (зарар билан ишлаётган ҳаво портларини фойда келтираётганлари билан шерикликка бериш) асосида шерикликка бериш бўйича техник топшириқлар ишлаб чиқиш вазифасини топширди.

Бу ҳақда президент энергетика, транспорт, коммунал хўжалик ва тиббиёт соҳаларида давлат-хусусий шерикликни кенгайтириш юзасидан тақдимотда маълум қилди.

Давлат раҳбари матбуот хизмати хабарига кўра, мазкур аэропортларни шерикликка бериш бўйича техник топшириқлар ишлаб чиқиш Жаҳон банки билан биргаликда амалга оширилади.

Халқаро экспертларнинг таҳлилига кўра, Ўзбекистондаги мавжуд аэропортларни модернизация қилиш учун ўртача 800 миллион доллар талаб этилади.

115
Президент РФ В.Путин провел российско-белорусские переговоры

Путин сайловдан бир кун олдин Лукашенкога қўнғироқ қилди

13
Давлат раҳбарлари икки мамлакат ўртасида долзарб масалалар, хусусан коронавирусга қарши кураш, Беларусь ҳудудида РФнинг 33 нафар фуқароси қўлга олиниши масалаларини муҳокама қилдилар.

ТОШКЕНТ, 7 авг - Sputnik. Россия президенти Владимир Путин ва Беларусь президенти Александр Лукашенко жума куни телефон орқали мулоқот қилди. Бу ҳақда икки давлат раҳбарининг матбуот хизматлари хабар қилди.

Суҳбат Россия томонининг ташаббуси билан 9 август куни Беларусда яқинлашаётган президент сайловлари, шунингдек республикада 33 нафар Россия фуқароси – гўёки Беларусь Тергов қўмитаси томонидан оммавий тартибсизликларни тайёрлашда гумон қилинаётган хусусий ҳарбий компаниясининг "жангарилари" ҳибсга олингани фонида бўлиб ўтди.

Кремлнинг матбуот хизмати маълумотига кўра, Путин ва Лукашенко россияликларнинг ҳибсга олиниши билан боғлиқ вазият "икки мамлакат ўртасидаги ҳамкорликка хос бўлган ўзаро тушуниш руҳида" ҳал қилинишига ишонч билдирдилар.

"Россия томони Беларусда барқарор ички сиёсий вазият сақланишидан ва бўлажак президент сайловлари тинч муҳитда ўтказилишидан манфаатдор эканлиги таъкидланди", - дейилади баёнотда.

Беларусь Республикаси президентининг матбуот хизмати, Путин, хусусан, "қардош Беларусь-Россия муносабатларини янада ривожлантириш муҳимлигини ва уларнинг ёмонлашишига олиб келиши мумкин бўлган учинчи кучларнинг салбий тенденциялари ва ҳаракатларига қарши туриш зарурлигини" таъкидлаганини маълум қилди.

Давлат раҳбарлари Россия фуқароларининг ҳибсга олиниши билан боғлиқ вазият "жиддий тарзда" ўрганиш зарурлигини таъкидладилар.

"Президентлар мавжуд вазиятнинг асл сабабларини аниқлаш, айбдорларни топиш ва уларни жавобгарликка тортиш учун мавжуд бўлган барча далилларни синчковлик билан ўрганишга келишиб олдилар", - дейилади баёнотда.

Россия ТИВнинг расмий вакили Мария Захарова аввалроқ Беларусда россияликларнинг ҳибсга олиниши атрофидаги вазиятни "спектакль" деб атаган эди. Унинг сўзларига кўра, бу одамлар ўз ватанларига қайтарилиши керак, чунки уларнинг айби исботланмаган.

“Комсомольская правда” жума куни, Беларусь хавфсизлик идоралари томонидан ҳибсга олинган РФ фуқаролари Украина махсус хизматлари уюштирган фитна қурбонлари бўлганини маълум қилди.

13