Национальная валюта Узбекистана — сум

Пандемия ва аҳоли даромади - вилоятлар кесимида

406
(Янгиланган 12:47 27.07.2020)
2020 йилнинг биринчи ярмида аҳолининг реал даромади қайси вилоятларда камайди ва қаерда кўпайгани ҳақида Статистика қўмитаси маълумоти.

ТОШКЕНТ, 27 июл - Sputnik. Давлат Статистика қўмитаси 2020 йилнинг январ – июн ойларида Ўзбекистонда аҳолининг реал даромади қандай ўзгаргани ҳақида расмий маълмотларни тарқатди.

Қўмита хабарига кўра, Ўзбекистонда ушбу йилнинг биринчи ярмида аҳоли даромади ўсиш суръати ўртача 15,8 %га ошган, лекин бу кўрсатгич инфляцияни ва истеъмол нархлари ўсишини ҳисобга олмайди. Инфляция кўрсатгичларидан бири бўлган – Истеъмол нархлари индексини (ИНИ) қўллаган ҳолда ҳисоблаганда аҳоли даромади ўсиши миқдори атиги - 101,5 %ни ташкил этган.

Жон бошига ҳисоблаганда январ-июн ойларида аҳоли ўртача умумий 5,2 млн сўм даромад олган. Бу эса ўтган йилнинг шу даврига нисбатан 13,5 %га кўп, лекин инфляцияни ҳисобга олганда жон бошига реал даромади ўтган йилнинг шу даврига нисбатан - 99,6 %ни ташкил қилган. Яъни 0,4 %га камайган.

Даромадлар энг кўп ўзгариши қарда бўлган ?

Энг катта ўртача умумий даромад  Тошкент шаҳрида – 10,5 млн., Навоий вилоятида – 8,3 млн., Бухорода – 6,4 млн., Тошкент вилоятида 5,5 млн. сўм.  

Энг кам даромадлар эса – Қорақалпоғистон Республикаси – 3,8 млн., Наманган вилояти – 3,9 млн., Фарғона – 4 млн., Қашқадарё – 4,3 млн., Самарқанд – 4,4 млн.  вилоятларида қайд этилган.   

Пандемия вақтида аҳолининг реал даромадлари сезиларли ўсиши Ўзбекистон бўйича фақат Навоий вилоятида (+5,2 %) ва Жиззах вилоятида (+4,1%) кузатилди.

Фарғона, Сирдарё, Сурхондарё, Хоразм, Бухоро, Қорақалпоғистон Республикаси, Самарқанд, Наманган ва Тошкент вилоятларида – жон бошига олинган умумий даромад миқдори деярли ўзгармаган: кўрсатгичлар 99 – 101 % атрофида.    

Тошкент шаҳри (-4,8 %) ва Андижонда (-1,5 %) аҳоли жон бошига реал даромади пасайиши кузатилган.

Давлат Статистика қўмитаси хабарига кўра, Ўзбекистон аҳолисининг деярли 70 % меҳнат фаолиятидан ва мустақил бандликдан олинган даромадлар ҳисобига яшайди. 25 % аҳоли – трансфертлар (турли пул ўтказмалари) ҳисобига яшайди.

Трансфертлар (пенсия, нафақа ва стипендиялар) ҳисобидан яшайдиган аҳоли энг кўп ҳудудлар Қорақалпоғистон (32,7 %), Самарқанд (32,2%), Хоразм (30,4 %),  Андижон (29,3%),  Наманган (28,3 %), Сурхондарё (28 %) ва  Фарғона (27,8 %) вилоятларида экани қайд этилган.

Шунингдек ўзидан ишлаб чиқарилган маҳсулотлар ва мол мулкидан олинган даромадлар ҳисобига яшовчи аҳоли миқдори энг кўпи Тошкент шаҳрида қайд этилган – 16,3 %.

Қаерда хорижий пул ўтказлари миқдори кўп?

Республика ташқарисидан келиб тушган даромадлар миқдори ўтган давр мобайнида 9,2 %га ўсиши кузатилган. Аҳоли умумий даромади таркибида хорижий пул ўтказмалари улуши энг кўп бўлган ҳудудлар қуйидагилар экани аниқланди:

  • Самарқанд вилояти – 20,3 %  
  • Хоразм вилояти – 20,1 %
  • Андижон вилояти – 18,5 %
  • Қорақалпоғистон – 17,3 %
  • Сурхондарё вилояти – 17,1 %
  • Наманган вилояти – 15,8 %
  • Қашқадарё вилояти – 14,8 %
  • Фарғона вилояти – 14,5 %
  • Бухоро вилояти – 13,9 %

Қолган вилоятларда аҳоли даромади таркибида хорижий пул ўтказмалари 10 %дан кам миқдорни ташкил қилмоқда. Хусусан хорижий ўтказмалар энг кам бўлган ҳудуд бу Навоий вилояти – 4,2 %, Тошкент вилояти – 5,2 %, Жиззах – 6,9 % ва Тошкент шаҳри – 9,4 %.

 

406
Линии электропередачи в ущелье Чычкан в Киргизии

ОТБ Ўзбекистондан Афғонистонга электр узатиш линиясини қуришни молиялаштиради

30
Осиё тараққиёт банки “Сурхон-Пули-Хумри” электр узатиш линиясини қуриш лойиҳаси учун 110 млн доллар ажратади.

ТОШКЕНТ, 22 окт — Sputnik.  Афғонистон ва Осиё тараққиёт банки (ОТБ) "Сурхон-Пули-Хумри" электр узатиш линияси қуриш лойиҳасини молиялаштириш тўғрисида битим имзолади. Бу ҳақда Ўзбекистон Инвестициялар ва ташқи савдо вазирлиги матбуот хизмати хабар қилмоқда.

Ҳужжат 110 млн доллар ажратишни назарда тутади. Маблағларнинг асосий қисми ташкилотнинг ўзбек пудратчилари томонидан амалга оширилиши режалаштирилган қурилиш ишларига йўналтирилади. 

“Яқин келажакда "Ўзбекистон миллий электр тармоқлари" АЖ ва "Da Afghanistan Breshna Sherkat” ўртасида ушбу ЭУЛни қуриш бўйича тегишли шартнома имзоланади”, - дейилган хабарда.

"Сурхон – Пули-Хумри" электр узатиш линияси дастлабки қиймати 150 миллион доллар бўлади ва ундан 32 миллиони Ўзбекистон ичида амалга ошириладиган ишлар учун қолган 118 миллиони Афғонистонда бажариладиган ишларга сарфланади. Электр узатиш линияси узунлиги 260 километрни ташкил қилади, ундан 45 километри Ўзбекистон ҳудуди бўйлаб, 215  километри – Афғонистон ҳудуди бўйлаб ўтади.

Лойиҳа ўзини қоплаш муддати – 12 йил, ўтказиш қуввати – 1000 МВт. Яъни ундан қўшни мамлакатга кунига 24 млн Вт/соат, йилига эса 6 милрд кВт/соат энергия етказиб бериш мумкин.

30

Саноат ривожлантирилади, экспорт қўллаб-қувватланади - президент

47
(Янгиланган 11:26 22.10.2020)
Шавкат Мирзиёев ҳузурида бўлиб ўтган мажлисда саноатни янада ривожлантириш, экспортни қўллаб-қувватлаш масалалари муҳокама қилинди.

ТОШКЕНТ, 22 окт - Sputnik. Шавкат Мирзиёев раислигида саноат тармоқларидаги 9 ойлик натижалар ва йил якунигача бажарилиши лозим бўлган вазифалар муҳокамаси бўйича видеоселектор йиғилиши ўтказилди.

Мажлисда, пандемияга қарамай Ўзбекистон саноатининг қатор соҳаларида ишлаб чиқаришнинг юқори қўшилган қийматли соҳаларида ўсиш кузатилгани қайд этилди.

Хусусан, қайта ишлаш саноатида 9 ойда умуммий ҳисобда қарийб 3% ўсиш қайд этилган. Натижада ЯИМ ўсиш суръати 0,4 % ижобий даражада сақлаб қолинди ва бюджет даромади 1,9 триллион сўм ортиғи билан бажарилишига эришилган. 

Лекин саноат маҳсулотлари бўйича умумий кўрсаткич 2,7 %га  камайган. Президент ушбу соҳадаги қатор муаммоларни санаб ўтди. 

– Саноат корхоналари бошқарув тизимида муаммолар бор. Маҳсулотлар таннархини тушириш керак. Бу рақобат муҳитини яратишнинг муҳим асосидир, – дея таъкидлади Президент.

Шунингдек нефть-газ тармоғидаги ишлар таҳлил қилинди. Қолоқликка йўл қўйган корхоналар фаолияти танқидий баҳоланиб, раҳбарларнинг лавозимларига лойиқлик масаласи кўриб чиқилди.

Йил якуни билан табиий газ қазиб олишни кўпайтириш, ички бозорга қўшимча газ етказиб бериш бўйича топшириқлар берилди. 

Ундан ташқари преззидент кимё саноати, қишлоқ хўжалик техникаси ишлаб чиқариш, қурилиш материаллари ҳамда тўқимачилик саноати соҳаларидаги вазиятга батафсил тўхталиб ўтди, йил охиригача эришиш керак бўлган натижалар белгиланди. 

Шу билан бирга, президент экспортчи корхоналарга молиявий кўмак бериш масаласига алоҳида эътибор берилишини таъкидлаб ўтди. 

– Бугун экспортчи корхоналарни молиявий қўллаб-қуватлашни кенгайтириш бўйича фармонни имзоладим. Энди бундай корхоналар учун янги ташкил қилинаётган Экспортни қўллаб-қувватлаш жамғармаси орқали қўшимча маблағлар ажратилади. Шу мақсадда жамғармага 100 миллион доллар берилмоқда. Бу, ўз навбатида, маҳсулотларни ташқи бозорларга узлуксиз етказиб бериш учун корхоналарнинг айланма маблағларига йўналтирилади, – деди Шавкат Мирзиёев.

Президент ҳузурида бўлиб ўтган мажлис тафсилотлари билан батафсил қуйида танишишингиз мумкин. 

47
Пассажиры на платформе Курского вокзала в Москве

Ҳимоя ниқоби қандай тақиш керак - шифокор жавоби

26
(Янгиланган 15:55 22.10.2020)
Ҳимоя ниқобининг рангли томони ташқарида бўлиши керакми? Айрим шифокорлар ниқобни қандай тақишнинг фарқи йўқ деб ҳисоблайди, лекин бошқалар эса оқ томони ва рангли томони турли вазифа бажаришига ишонади. 

ТОШКЕНТ, 22 окт — Sputnik. Россиялик таниқли шифокор Александр Мясников тиббий ниқобнинг қайси томони билан тақишнинг фарқи йўқ деб ҳисоблайди, асосийси у бурунга ёпишиб турса бўлди.  

Ниқоб ишлаб чиқарувчилар эса - иккала томонининг фарқи бор деб ҳисоблайди. Улар айтишига кўра, ниқобнинг ҳар бир қатлами ўз хусусиятларига эга бўлиб, қулайлик ва тақиш узоқлигига таъсир қилади. 

Хусусан, унинг қалин оқ қатлами ташқи муҳтдан ҳимоя қилади, намликни сўриб олади ва ниқоб ичида буғ пайдо бўлишини олдини олади. Рангли қатлам эса - аксинча намликни ўзига тортмайди ва инсон юзини ва нафас йўлини ташқаридаги зарали томчилардан ҳимоя қилади.  

Шу сабабли ниқобнинг рангли томонини (кўк ёки яшил) ташқарига қилиб таққан маъқул. Оқ томони эса бурунга ёпишиб туриши керак. 

26