Ўзбекистон бизнинг муҳим ҳамкоримиз Қозоғистон савдо вазири

213
(Янгиланган 15:29 21.08.2020)
Қозоғисон савдо ва интеграция вазири икки республика раҳбарлари – ўзаро савдо ҳажмини 10 миллиард долларга етказишни буюрганини эслатиб ўтди.

Қозоғисон савдо ва интеграция вазири Бахыт Султанов Ўзбекистон Марказий Осиёда Қозоғистоннинг ҳал қилувчи ҳамкори эканини айтиб ўтди. 

“Биз Тошкентни Марказий Осиёдаги муҳим ҳамкоримиз ҳамда энг йирик савдо бозори деб ҳисоблаймиз. Икки республика раҳбарлари бизнинг олдимизга яқин йиллар ичида ўзаро савдо ҳажмини 10 миллиард долларга етказиш вазифасини қўйишган”, - деди Султанов.

Савдо вазири айтишига кўра, айни дамда яратилаётган “Марказий Осиё” - Халқаро савдо-иқтисодий ҳамкорлик маркази ушбу ўринда жуда муҳим аҳамиятга эга. Қозоғистон ва Ўзбекистон айни дамда уни яратиш бўйича йўл харитасини ишлаб чиқаришга киришишган.

Эслатиб ўтамиз, олдинроқ мутахассисла ушбу марказ иккала томон учун ҳам фойдали бўлиши мумкинлигини хабар қилишган эди.

“Марказий Осиё” – ўзига хос “қуруқлик порти” бўлиб, у товарларни Европадан Осиёга ва Осиёдан Европага етказиб бериш учун хизмат қилади. Ўзбекистон учун Марказ ўз маҳсулотларини Россия ва Европа бозорларига етказиб беришга хизмат қилиши мумкин.

Ундан ташқари, Марказ - саноат кластерлари яратишда қулай бўлиши ва лойиҳага кучли иқтисодий импульс бериши мумкин.

Қозоғистон савдо вазирининг сўзларини аудиопадкастимизда тинглашингиз мумкин.

Министр торговли Казахстана: наш ключевой партнер в регионе — это Узбекистан
213
Автомобильное движение в Ташкенте

Энг кўп автотранспорт воситалари қайси ҳудуд аҳолисига тегишли

84
Давлат статистика қўмитаси маълумотларига кўра, республика ҳудудларида энг кўп автомобиль Тошкент шаҳрида (417 646 та).

ТОШКЕНТ, 24 сен — Sputnik. 2020 йилнинг 1 январь ҳолатига кўра, Ўзбекистонда жисмоний шахсларга тегишли бўлган автотранспорт воситаларининг сони 2 580 133 тани ташкил этган.

Давлат статистика қўмитаси маълумотларига кўра, мазкур автотранспорт воситаларидан:

Енгил автомобиллар – 2 410 421 та

Юк автомобиллари – 150 294 та

Автобуслар – 5 072 та

Микроавтобуслар – 10 590 та

Махсус  транспортлар – 3 756 та

2020 йил 1 январь ҳолатига республика ҳудудларида энг кўп Тошкент шаҳри (417 646 та), Самарқанд (311 997 та), Тошкент (253 073 та) ва Фарғона (243 230 та ) вилоятлари аҳолисида автотранспорт воситалари мавжуд.

84
Денежные купюры США.

Ўзбекистон ташқи қарзи нега ошди - МБ рақамлари

211
(Янгиланган 18:32 23.09.2020)
Ўзбекистон ташқи қарзи 2020 йилнинг 1 ярим йиллигида 12,7% ошди. Бунга сабаб - COVID-19 сабаб юзага келган кризиснинг ижтимоий-иқтисодий таъсирини камайтириш харажатлари, деб тушинтирди МБ.

ТОШКЕНТ, 23 сен — Sputnik. Ўзбекистон  умумий ташқи қарзи миқдори 2020 йилнинг январь - июн ойларида ўтган йилнинг ушбу даврига нисбатан 12,7%га ошиб 27,6 миллиарда долларни ташкил қилди, деб хабар қилмоқда Ўзбекистон Марказий банки. 

Ушбу қарзнинг катта қисми давлат ҳисобига тўғри келмоқда. Умумий қарзнинг давлат улуши 17,48 млрд.$ (+10,7%)  ва хусусий компаниялар улуши эса 10,127 млрд. $ ни ташкил қилди (+16,2%).

Давлат қарзи таркибида 10 йил ва ундан ортиқ муддатга олинган қарзлар 20,3 миллиард долларни (73,5%) ташкил қилади. 1 йилдан 5 йилгача олинган қарзлар эса 3,395 миллиард долларни (12,3%) ташкил қилмоқда.

Марказий банк хабарига кўра, ташқи қарзнинг ошиши COVID-19 тарқалиши туфайли юзага келган кризиснинг ижтимоий-иқтисодий оқибатларини бартараф этиш учун олинган ташқи қарзлар туфайли содир бўлган. 

Ўзбекистон президенти март ойида COVID-19 оқибатларига қарши кураш учун капитали миқдори 1 миллиард бўлган Инқирозга қарши курашиш жамғармаси ташкил қилишни буюрган ва ҳукуматга давлат бюджетини молиялаштириш учун ташқи манбаалар қидириш топширилган эди. 

Эслатиб ўтамиз, Инқирозга қарши курашиш жамғармасига, жумладан Халқаро валюта жамғармасидан - 375 миллион доллар, Жаҳон банкидан - 295 миллион доллар ва Осиё Тараққиёт банкидан – 600 миллион доллар қарзлар жалб этилган эди. 

Маълумот учун, 2019 йилда Ўзбекистон ЯИМи 57,9 млрд. долларни ташкил қилган эди. Нуфузли Халқаро ташкилотлар Ўзбекистон ЯИМи 2020 йилда  5,0-5,8 %га ўсишини башорат қилишган эди. Лекин COVID-19 умумжаҳон эпидемияси туфайли ушбу прогнозлар 1,0-1,8% даржасигача қисқартирилди. 

211

Путин Нобел тинчлик мукофотига номзод этиб кўрсатилди

65
(Янгиланган 15:04 24.09.2020)
Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

ТОШКЕНТ, 24 сен - Sputnik. Россия президенти Владимир Путин Нобель тинчлик мукофотига номзод этиб кўрсатилди, РИА новости хабарига асосан. 

Ушбу ташаббус Россиялик журналист ва ёзувчи Сергей Комков томонидан амалга оширилган. Комков Путин номзодини 2021 йил нобель тинчлик мукофотига номзод сифатида расмий аризани 10 сентябр куни Осло шаҳрига юборган. 

Маълумот учун, Россия президентини биринчи маротаба ушбу мукофотга номзод этиб кўрсатилаётгани йўқ. 2013 йилда ҳам Владимир Путин Дунё халқлари бирлиги академияси президенти томонидан ушбу мукофотга номзод этиб кўрсатилган эди. 

Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

Турли йилларда ушбу мукофотга Барак Обама, Альберт Гор, Кофи Анан, Ким Де Жун, Нельсон Манделла, Михаил Горбачев ва бошқалар муносиб деб топилган. 

 

65