Bloomberg Tower

Ўзбекистон қимматли қоғозларига қизиқиш нега ошди Bloomberg жавоби

502
(Янгиланган 14:27 22.11.2020)
Денгиз савдо йўлларига чиқиш имкони бўлмаган Ўзбекистон иқтисоди 2020 йилда ўсиши кутилмоқда -  халқаро экспертлар прогнози.

ТОШКЕНТ, 22 ноя – Sputnik. 2020 йилда иқтисоди ўсиши кутилаётган саноқли мамлакатлар қаторида бўлган Ўзбекистон иккинчи маротаба еврооблигациялар бозорига чиқди, деб хабар қилмоқда Bloomberg.

Пайшанба куни эълон очилган савдода Ўзбекистон муддати 10 йил бўлган 555 миллион долларлик облигацияларни 3,7 % ставкасида сотишга муваффақ бўлган. Ундан ташқари Ўзбекистон илк бор маҳаллий валютада муддати 3 йил бўлган қиймати 2 трлн. сўмлик (193 млн. доллар) облигацияларни ҳам сотишга муваффақ бўлди.

Bloomberg хулосасига кўра, Ўзбекистоннинг халқаро молия бозордаги муваффақияти бир неча сабабларга боғлиқ. Fitch Ratings ва S&P Global Ratings каби халқаро инвестицион рейтингларда паст даражада бўлса-да, Халқаро валюта жамғармаси экспертлари хулосасига кўра, Ўзбекистон 2020 йилни иқтисодий ўсиш билан якунлайдиган саноқли мамлакатлар қаторида бўлади.

Москвада жойлашган “Ренессанс Капитал” таҳлилий агентлиги бош иқтисодчиси Софья Донец хулосасига кўра, Ўзбекистонга коронавирусни енгишда унинг нисбатан ёш аҳолиси ҳамда иқтисоднинг қишлоқ хўжалиги, саноат ва қурилиш томон бурилиши сабаб бўлган.

Эслатиб ўтамиз, Ўзбекистон илк бор халқаро облигациялар бозорига 2019 йилнинг феврал ойида чиққан эди. Ўшанда республика 10 йиллик облигацияларни 5% даромад миқдори билан эмиссия қилган эди.

Берлинда жойлашган Capitulum Asset Management компанясининг бош сармоявий директори Лутц Ремейер айтишига қараганда, Ўзбекистоннинг биринчи евробондлар бозорига чиқиши муваффақиятли ўтишига биринчидан - илк эмиссия бўлгани ва иккинчидан республиканинг ташқи қарзи миқдори кам бўлгани сабаб бўлган.  

Иккинчи эмиссияда Ўзбекистонга Citigroup Inc., “Газпромбанк”, JPMorgan Chase & Co., Societe Generale SA, ВТБ Капитал ва бошқа молиявий корхоналар менеджер ва букраннер сифатида ёрдам беришмоқда.

Bloomberg: Узбекистан будет одной из немногих стран, продемонстрировавших экономический рост в 2020 году
502
Рабочий демонстрирует продукцию завода

Иккита цемент заводида газ босимининг пасайиши сабаб ишлаб чиқариш тўхтатилди

11
“Қувасойцемент” АЖ ва “Оҳангаронцемент” АЖ газ босимининг пасайиши сабаб цемент ишлаб чиқаришни тўхтатди. Улар маҳсулоти ўтган ҳафтада фонд биржа рўйхатига олинмади.

ТОШКЕНТ, 1 дек — Sputnik. “Қувасойцемент” ва “Оҳангаронцемент” компаниялари газ босимининг пасайиши сабаб цемент ишлаб чиқаришни тўхтатди. Бу ҳақда Мополияга қарши курашиш қўмитаси матбуот хизмати хабар қилмоқда.

Таъкидланишича, газ босимининг пасайишига ҳаво ҳароратининг кескин пасайиши ва аҳолининг газга бўлган эҳтиёжининг ошиши сабаб бўлган. Бунинг оқибатида эса  “Қувасойцемент” АЖ ва “Оҳангаронцемент” АЖ томонидан цемент ишлаб чиқарилиши тўхтатилган. Шу боисдан иккала ишлаб чиқарувчининг цемент маҳсулоти ўтган ҳафтада фонд биржа рўйхатига олинмаган.

Хабарда ёзилишича, бўлиб ўтган савдоларнинг ўртача кунлик ҳажми 30 минг тоннани ташкил этган бўлса, бу аввалги савдолар нисбатан 46 минг тоннани белгилаган бўлиб, бу фоиз кўрсаткичида 34 % камайганлигини кўрсатмоқда.

Сотилган цемент ҳажми 141 минг 919 тоннани ташкил этган бўлиб, бу аввалги ким ошди савдосида сотилган цемент ҳажмидан 68 минг 456 минг тоннага камдир.

Савдо ҳажмининг ҳам пасайиши, унинг нархининг ошишига олиб келган. Ҳафта бошида 1 кг цемент 512 сўм бўлган бўлса, ҳафта охирида у 539,1 сўмгача (ёки 5% га) кўтарилган.

“Мазкур ҳолат савдо иштирокчиларнинг камайишига ҳам ўз таъсирини аямади: яъни улар 1054 дан 817 нафарга камайган бўлса, харидорлар ҳам 556 нафардан 373 нафаргача камайганини кузатиш мумкин”, - дейилган хабарда.

Эслатиб ўтамиз, аввалроқ бош вазир ўринбосари Сардор Умурзаков экспортчи корхоналарга газ ва электр энергияси узлуксиз етказилиши бўйича топшириқ бергани хабар қилинган эди.

11
Флаги Евросоюза у здания штаб-квартиры Европейской комиссии в Брюсселе

Европа комиссияси Ўзбекистонга муддатидан олдин “GSP+” мақомини берди

48
(Янгиланган 16:18 01.12.2020)
Қарор тасдиқланиши билан Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

ТОШКЕНТ, 1 дек — Sputnik. Европа комиссияси Ўзбекистонга “GSP+” Преференциялар бош тизими бенефициари мақомини бериш тўғрисида муддатидан олдин қарор қабул қилди. Бу ҳақда Инвестициялар ва ташқи савдо вазирлиги хабар қилмоқда.

Тегишли ҳужжат ЕИ Комиссияси раиси Урсула фон дер Ляйен томонидан имзоланди.

Таъкидланишича, қарор Европа комиссияси мониторинг гуруҳларининг Ўзбекистон инсон ҳуқуқларини ҳимоя қилиш, меҳнат стандартларига риоя қилиш, атроф-муҳитни муҳофаза қилиш ва самарали бошқарув соҳасидаги 27 халқаро конвенция талабларини бажараётгани тўғрисидаги ҳисоботлари асосида қабул қилинди.

“Ўтказилган таҳлилларга асосланиб, Европа комиссияси Республикамиз “GSP+”да иштирок этиш мезонларига мувофиқ келиши тўғрисидаги хулосага келди ва уни ушбу тизимнинг бенефициарлари рўйхатига киритишни таклиф қилди”, - дейилган хабарда.

Мазкур қарор энди кўриб чиқиш ва тасдиқлаш учун Европа Кенгаши ва Европа парламентига ҳавола этилади. Қарор тасдиқлангандан сўнг Ўзбекистон ишлаб чиқарувчилари ва экспортчилари ўз маҳсулотларини Европа бозорига экспорт қилишда бир томонлама тариф имтиёзларидан фойдаланишни бошлашлари мумкин бўлади. Шунда, Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

Вазирлик мамлакатнинг “GSP+” бенефициари мақомини олиш экспортнинг барқарор ўсиши ва диверсификацияси учун мустаҳкам пойдевор яратиши, ЕВ  мамлакатлари билан ўзаро манфаатли савдо муносабатларининг тез суръатлар билан ривожланишига хизмат қилишини таъкидлаган.

Эслатиб ўтамиз, апрель ойида президент Шавкат Мирзиёев Европа Иттифоқи бозорлари учун “GSP+” мақомини олиш вазифасини қўйган эди. Ўзбекистон июнь ойида бенефициар мамлакат мақомини олиш учун расмий талабнома юборган эди.

48
Теглар:
экспорт, Европа Иттифоқи, Еврокомиссия, Ўзбекистон

Россия Тоғли Қорабоғ аҳолисига қандай ёрдам бермоқда - видео

0
Тан олинмаган Тоғли Қорабоғ республикаси аҳолиси тинч ҳаётга қайтмоқда. Бунда уларга Россия тинчликпарвар кучлари ва Россия Фавқулодда вазиятлар вазирлигининг мутахассислари ёрдам бермоқда.

Муҳандислик қўшинлари йўлларни тозалашда ва транспорт ҳаракатини тиклашда ёрдам беришмоқда, сапёрлар аввалги уруш зонасини портловчи моддаларда тозалашда давом этмоқда. Қутқарувчилар махсус техника, қурилиш материаллари ва гуманитар ёрдамни етказиб бермоқда.

Россия Тоғли Қорабоғ аҳолисига қандай ёрдам бермоқда – бу ҳақда видеомизда.

0