Санкт-Петербург метросида теракт уюштирганликда айбланувчилар айбини тан олишмади

260
Санкт-Петербург метросининг "Сенная площадь" ва "Технологический институт" бекатлари орасида содир бўлган портлаш оқибатида 16 киши киши ҳалок бўлган.

ТОШКЕНТ, 2 апр - Sputnik. Санкт-Петербург метросида теракт уюштирганликда айбланаётган 10 нафар айбланувчи айбини тан олмади. Бу ҳақда РИА новости мухбири хабар қилди.

© Sputnik / Алексей Даничев
Заседание суда по делу о теракте в петербургском метро

Ҳозирда суд мажлиси залига 10 нафар айбланувчи олиб келинган. Уларнинг ҳаммаси суд бошланишидан олдин журналистларга ўзларининг бегуноҳ эканликларини маълум қилишди.

Москва ҳарбий округ суди сешанба куни 2017 йил Санкт-Петербург метросида теракт уюштирганликда айбланаётганларга нисбатан жиноий ишни кўриб чиқишга киришди.

2017 йил 3 апрел куни Санкт-Петербург метросининг "Сенная площадь" ва "Технологический институт" бекатлари орасида вагон ичида портлаш содир бўлди. Фожиада 16 киши, жумладан, худкуш террорчи Акбаржон Жалилов қурбон бўлди.

© Sputnik / Михаил Воскресенский
Заседание суда по делу о теракте в метро Санкт-Петербурга

Тергов маълумотларига кўра, Қирғизистоннинг Қара-Суу туманидан бўлган Сирожиддин Мухтаров Санкт-Петербург метросида уюштирилган теракт буюртмачисидир. Ҳозирда у сиртдан ҳибсга олинган. Шунингдек, ўзбекистонлик Бобиржон Маҳбубов ҳам теракт ташкилотчиларидан бири сифатида сиртдан ҳибсга олинган.

Мазкур жиноий иш юзасидан Сайфулла Ҳакимов, Шоҳиста Каримова (ушбу жиноий иш юзасидан қўлга олинган ягона аёл), Акрам Азимов и Маҳамадюсуф Мирзаалимов, Аброр Азимов, Дилмурод Муидинов, Содиқ Ортиқов, Азамжон Маҳмудов, Баҳром Эргашев, Ибрагим Эрматов и Муҳамадюсуф Эрматов айбланувчи сифати суд қилинади.

Санкт-Петербург метросида теракт уюштирганлар устидан суд мажлиси бошланади

Тергов Аброр Азимовни ҳам теракт ташкилотчиларидан бири деб ҳисоблайди. Дастлабки маълумотларга кўра, унинг укаси Акрам Туркияда теракт содир этиш учун халқаро террорчи гуруҳнинг фаол иштирокчисидан пул олган, сўнгра худкушга ўтказган.

260
В Ташкенте водитель автобуса насмерть сбил пенсионерку

Тошкентда автобус ҳайдовчиси 57 ёшли пиёданинг умрига зомин бўлди

89
Чилонзор туманида автобус ҳайдовчиси тартибга солинмаган пиёдалар ўтиш йўлагидан ўтаётган аёлни уриб юборган.

ТОШКЕНТ, 19 янв — Sputnik. Тошкент шаҳри Чилонзор туманида автобус уриб юборган аёл ҳалок бўлди. Бу ҳақда Тошкент шаҳар ИИББ матбуот хизмати хабар қилмоқда.

Йўл-транспорт ҳодисаси 19 январь куни тахминан соат 09.15 ларда Байналминал кўчасида рўй берган. “Midibus SAZ/NP-37” русумли микроавтобус ҳайдовчиси 36 ёшли А.Х. тартибга солинмаган пиёдалар ўтиш йўлагидан ўтаётган 57 ёшли М.Т.ни уриб юборган.
Натижада тан жароҳатлари олган пиёда ҳодиса жойида вафот этган.

Мазкур ҳолат юзасидан Ўзбекистон Жиноят кодексининг 266-моддаси 2-қисми билан жиноят иши қўзғатилган. ЙТҲ сабабларига аниқлик киритилмоқда.

89
Теглар:
ЙТҲ, Чилонзор тумани, Тошкент
СИЗО

Андижонда эркак сўкинган қўшнисини кетмон билан уриб ўлдирди

238
Мазкур ҳолат юзасидан Жиноят кодексининг 97-моддаси 1-қисми билан жиноят иши қўзғатилиб, фуқаро Д.Б ЖПКнинг 221-моддасига асосан процессуал тартибда ушланган.

ТОШКЕНТ, 19 янв - Sputnik. Андижонлик эркак қўшнисини сўкингани учун кетмон билан уриб ўлдирди. Бу ҳақда Андижон вилояти ИИБ Ахборот хизмати хабар бермоқда.

Хабарда айтилишича, 14 январь куни кечки вақт юз берган.

Соат 20:30ларда қўшниси Д.Б.ни баланд овозда ҳақоратли сўзлар билан сўкканлиги сабабли Д.Б ва И.Д ўзаро жанжаллашган. Жанжал  оқибатида кетмон билан И.Д.нинг жағ соҳасига бир марта уриб, уни қасддан ўлдирган.

Мазкур ҳолат юзасидан Жиноят кодексининг 97-моддаси 1-қисми билан жиноят иши қўзғатилиб, фуқаро Д.Б ЖПКнинг 221-моддасига асосан процессуал тартибда ушланган.

Ҳозирда ушбу ҳолат юзасидан тергов ҳаракатлари олиб борилмоқда.  

Содир этилган жиноятни Балиқчи туманида истиқомат қилувчи аҳоли вакилларига таъсирчан усулларда етказиш мақсадида муҳокама йиғилиши ўтказилди. Андижон вилояти ИИБ ташаббуси билан ўтказилган муҳокамада ушбу жиноятнинг келиб чиқиш сабаблари туб илдизигача таҳлил қилинди.

238
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

112
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

112