Аренда велосипедов в Узбекистане

ИИВ масжиддан ўғирланган велосипед воқеасига аниқлик киритди

420
(Янгиланган 21:32 05.07.2019)
Андижондаги масжидларнинг биридан велосипед ўғирлаб кетилгани тасвирланган видео ўрганиб чиқилди.

ТОШКЕНТ, 5 июл – Sputnik. Жорий йилнинг 2-июль куни ижтимоий тармоқларда Андижондаги масжидларнинг биридан велосипед ўғирлаб кетилгани акс этган видео кенг тарқалди. Ушбу ҳолат Андижон вилояти ички ишлар бошқармаси томонидан ўрганиб чиқилди.

Маълум бўлдики, 24 июнь куни Андижон шаҳрида яшовчи М.О. ариза билан шаҳар ички ишлар органлари фаолиятини мувофиқлаштириш бошқармасига мурожаат қилган ва бир кун олдин "Холиқ берди бой" жомъе масжиди олдида у пешин намозини ўқиш билан банд бўлган бир вақтда, ўзига тегишли велосипедни нотаниш шахс олиб кетгани юзасидан шикоят қилган.

Олиб борилган суриштирув ишлари жараёнида М.О.га тегишли бўлган велосипед тез орада "Холиқ берди бой" жомъе масжидига ташлаб кетилгани аниқланган.

420
Разговор по телефону

Фарғонада учрашувга чиққан аёлни “йигити” тунаб кетди

215
27 ёшли фуқаро телефон орқали танишган аёлни ёлғон баҳона билан хилват жойга олиб борган. Сўнгра унга қўл кўтариб, сирғаларини ечиб олган.

ТОШКЕНТ, 3 июн — Sputnik. Фарғонада талончилик жинояти фош этилди.

ИИВ ҳузуридаги Тергов департаменти хабарига кўра, ҳодиса 31 май куни содир бўлган. 27 ёшли фуқаро А.А. телефон орқали ўзидан 10 ёш катта аёл З.Т. билан танишган. Кейин у билан учрашиш учун Яйпан шаҳар марказига келган. Учрашувда аёлга гўёки ўзининг яшаш уйини кўрсатишини айтиб, уни хилват жойга олиб борган. Хилват жойда уни урган ва 2,1 млн сўмлик сариқ металлдан ясалган сирғаларини ечиб олган. Ҳеч ким кўрмаслиги учун воқеа жойидан қочиб қолган.

Тезкор-қидирув давомида талончи ушланган ва З.Т.га тегишли 2 дона сирға мусодара қилинган.

Ҳолат юзасидан Жиноят кодексининг 166-моддаси  2-қисми “а” банди (Талончилик) билан жиноят иши очилган.

215

Яшнободдаги кўп қаватли уйдаги ёнғин туфайли 30 нафарга яқин фуқаро эвакуация қилинди

114
Ёнғин-қутқарувчилар томонидан ёнаётган хонадондан икки нафар, қўшни хонадондан бир нафар фуқаро қутқарилган.

ТОШКЕНТ, 3 июн — Sputnik. Тошкентнинг Яшнобод туманидаги кўп қаватли уйда ёнғин содир бўлди. Бу ҳақда Фавқулодда вазиятлар вазирлиги хабар қилди.

3 июнь куни соат 01:08 да Тошкент шаҳар ФВБ навбатчилик қисмига тумандаги “Тонг” маҳалласи, Тузел 2-даҳаси 22А-уйда (12 қаватли уйнинг 8- қаватида) ёнғин содир бўлаётганлиги тўғрисида хабар келиб тушган.

Воқеа жойига ёнғин ўчириш экипажлари соат 01.15 атрофида етиб бориб, соат 01-43 да ёнғин ўчирилган.

Ёнғин-қутқарувчилар томонидан ёнаётган хонадондан икки нафар,  қўшни хонадондан бир нафар фуқаро қутқарилган.

Шунингдек, ёнғиннинг бинодаги бошқа хонадонларга ўтиб кетиши ҳамда ундан ажралиб чиқаётган заҳарли тутундан юқори қаватларда яшовчи аҳоли заҳарланишининг олдини олиш мақсадида, уйдан 30 дан ортиқ фуқаро хавфсиз ҳудудга эвакуация қилинди.

Тан жароҳати олганлар ва ҳалок бўлганлар қайд этилмаган.

114
Папка с документами

Сўх тумани ҳокими ўзгарди

57
(Янгиланган 16:16 03.06.2020)
Сайидбаҳром Сайидмусаев Сўх тумани ҳокими этиб тайинланди. У 2019 йилдан буён туман ички ишлар бўлими бошлиғи вазифасида ишлаб келаётган эди.

ТОШКЕНТ, 3 июн — Sputnik. Бугун Фарғона вилояти Сўх туманида навбатдан ташқари сессия бўлиб ўтди. Унда ташкилий масала кўрилди.

Пресс-служба хокимията района Сух / Telegram

“2019 йилдан буён туман ички ишлар бўлими бошлиғи вазифасида ишлаб келаётган Сайидбаҳром Сайидмусаев Сўх тумани ҳокими этиб тайинланди”, - дейилади ЎзА хабарида.

У 1970 йилда Қўштепа туманида туғилган. Фарғона давлат университети, ИИВ академиясини тамомлаган. Қува, Бешариқ туман ҳамда Қўқон шаҳар ИИБ бошлиғи ҳамда вилоят ИИБ жиноят қидирув бошқармаси бошлиғининг биринчи ўринбосари вазифасида ишлаган.

57