Қозоғистонда ЙТҲда Ўзбекистон фуқароси қурбон бўлди

403
“Олма-ота – Екатеринбург” трассасидаги содир бўлган мудҳиш ЙТҲ жойида олинган фотосуратлар эълон қилинди.

ТОШКЕНТ, 14 июл – Sputnik. Қозоғистонда содир бўлган мудҳиш ЙТҲда бир нафар Ўзбекистон фуқароси ва икки нафар полициячи қурбон бўлди, ТИВ хабарига асосан.

Кеча 13 июл куни “Олма-ота – Екатеринбург” трассасининг 380-километрида SsangYong автомобили ағдарилиб кетиши оқибатида 3 киши вафот этган ва бир неча киши жароҳатланган эди.

Айни дамда автомобил ичида 6 нафар Ўзбекистон фуқкаролари бўлганлиги ва улардан бири қурбон бўлгани Ўзбекистон ТИВ томонидан ҳам тасдиқланди.

Маълум бўлишича автомобил ичида Жамбил вилояти Мойинкум тумани ИИБнинг икки нафар ходими ва 5 нафар Ўзбекистон фуқаролари бўлган. Қозоғистон ОАВлари хабарига кўра ушбу ЙТҲ миграция қонунчилигини бузган фуқароларини рамийлаштириш учун олиб кетилаётганда содир бўлган.

Айни дамда Қозоғистон ҳуқуқни сақлаш органлари томонидан ЖКнинг “Транспорт воситаларидан фойдаланиш қоидаларини бузиш”  банди бўйича текширув ўтказилмоқда.

ДТП в Жамбылской области
403

Портлаш содир бўлган Янги-Ангрен ИЭС цех раҳбари ўз жонига қасд қилди

105
Йигирманчи январь куни ИЭСда юз берган фавқулодда ҳолат натижасида уч киши ҳалок бўлган, яна бир нечтаси жабрланган. Цех раҳбари терговга жалб этилган эди

ТОШКЕНТ, 23 янв — Sputnik. 20 январ куни портлаш содир бўлган Янги-Ангрен ИЭС цех раҳбари Тошкент вилоятида, уйида ўз жонига қасд қилди. Эслатиб ўтамиз, ИЭСдаги фавқулодда ҳолат туфайли уч ишчи ҳалок бўлган ва бир нечтаси жабрланган эди.

Цех раҳбарининг суиъқасд содир этгани ҳақидаги хабарни Sputnik Ўзбекистон мухбирига Энергетика вазирлиги матбуот-хизмати тасдиқлади.

Сал аввал тергов тадбирлари давомида юз берган воқеа факти юзасидан ИЭС цех раҳбари ҳам суриштирув ишларига жалб этилгани, у терговга чақиртирилгани ҳақида хабар берилган эди.

Эслатиб ўтамиз, 20 январ Янги-Ангрен ИЭС қозон агрегатида кўмир-кукуни ҳаво аралашмасининг чақнаши натижасида “Востокэнерготеплоизоляция” АЖнинг 3 нафар ходими олинган жароҳатлар натижасида вафот этган.

Уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилган.

Шунингдек, 22 январь куни Янги-Ангрен ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.

105
Сотрудник Бюро принудительного исполнения заполняет документы

МИБга норозилик сифатида ўзига ўт қўймоқчи бўлган аёл қутқариб қолинди

243
(Янгиланган 20:04 21.01.2021)
Фарғона шаҳри, Машъал маҳалласида яшовчи Фотима Усмонова МИБ ходимларига норозилик сифатида ўзига ўт қўймоқчи бўлган пайти қутқариб қолинди.

ТОШКЕНТ, 21 янв — Sputnik. МИБга норозилик сифатида ўзига ўт қўймоқчи бўлган фарғоналик аёл қутқариб қолинди.

Ижтимоий тармоқларда "Уйи сотиб юборилган ёлғиз аёл фарзанди билан кўчага қувиляпти" деган видео-хабарлар тарқалди.

Аниқланишича, фуқаролик ишлари бўйича Фарғона туманлараро судининг 2015 йилдаги ижро ҳужжатига асосан қарздор Ф.Усмановадан ундирувчи АТБ "Турон банк” Фарғона филиали фойдасига 91.343.964 сўм кредит қарзи ва давлат фойдасига 18.268.792 сўм давлат божи ундириш, ундирувни Ф.Усмановага тегишли бўлган гаровга қўйилган Фарғона шаҳар, Машъал МФЙ, Фаробий кўчаси, 9/9-сонли уй, 9-хонадонга қаратиш белгиланган.

Мазкур ижро ҳужжати 20.12.2018 йилда Бюронинг Фарғона шаҳар бўлимига келиб тушган ва шу куни давлат ижрочиси Н.Расулов томонидан 4816-сонли ижро иши қўзғатилган.

Мажбурий ижро ҳаракатлари давомида қарздор Ф.Усманова бир неча бор огоҳлантиришларга қарамасдан кредит қарзи ва давлат божини тўламасдан келганлиги сабабли ундирув Фаробий кўчаси, 9/9-сонли уй, 9-хонадонга қаратилиб, 30.03.2019 йилда "E-IJRO AUKSION" савдосига чиқарилган.

09.08.2019 йилда ўтказилган аукцион савдосида №ОА-000063-сонли ғолиблик баённомасига фуқаро М.Арсланов томонидан 138.001.028 сўмга ютиб олган ва бу ҳақда қарздор Ф.Усманова ва унинг турмуш ўртоғи У.Кариевлар огоҳлантирилган.

Мажбурий ижро бюросининг Фарғона шаҳар бўлими депозит ҳисоб рақамига 136.621.017 сўм пул маблағи келиб тушган бўлиб, шундан 33.247.884 сўми банк фойдасига, 18.268.792 сўми давлат божи, 1.096.127 сўми ижро йиғими учун ўтказилган.

06.11.2020 йилда қарздор Ф.Усманованинг аризасига асосан 14.000.000 сўм пул маблағи синглиси Н.Мўминованинг қарздорлиги учун “Барака лизинг” МЧЖ ҳисоб рақамига ва 463.000 сўм давлат божи учун ўтказиб берилган.

Депозитда қолдиқда қолган 69.545.214 сўм пул маблағини қарздор Ф.Усманова қайтариш ҳақида унга бир неча бор таклиф этилганида пул маблағларини олишни рад қилган, шунингдек омонат ҳисоб рақамларини тақдим этишдан бош тортиб келган.

Фуқаролик ишлари бўйича Фарғона туманлараро судининг 21.02.2020 йилдаги 2-1501-1921/26900-сонли ижро ҳужжатига асосан, қарздор Фотима Усмоновани Фарғона шаҳар, Машъал МФЙ, Фаробий кўчаси 9/9-уй 9-хонадонидан кўчириб, даъвогар М.Арслановни ушбу хонадонга киритиб қўйиш тўғрисидаги ижро хужжати Мажбурий ижро бюроси Фарғона шаҳар бўлими иш юритувига 24.03.2020 йилда келиб тушган ва мажбурий ижрога қаратилган.

ФИБ Фарғона туманлараро судининг 25.05.2020 йилдаги ажримига асосан қарздор Ф.Усмонованинг берган кассация шикояти мазмунан ҳал қилингунига қадар ижро ҳаракатлари тўхтатилган.
ФИБ Фарғона вилоят суди кассация инстанциясининг 08.10.2020 йилдаги ажримига асосан ФИБ Фарғона туманлараро судининг 21.02.2020 йилдаги ҳал қилув қарори ўзгаришсиз, кассация шикояти қаноатлантирилмасдан қолдирилган.

Шунга кўра, ФИБ Фарғона туманлараро судининг алоқа хатига асосан ижро ҳаракатлари давом эттирилиб, 28.10.2020 йил ҳамда 15.01.2021 йилда Ф.Усмоновани Форобий кўчаси 9/9-уйнинг 9-хонадондан кўчириш юзасидан мажбурий ижро ҳаракатлари олиб борилган, бироқ Ф.Усмонованинг провокацион хатти-ҳаракатлари сабабли ижрони амалга ошириш имкони бўлмаган.

15 январь куни Фарғона шаҳри, Машъал маҳалласида яшовчи Фотима Усмонова МИБ ходимларига норозилик сифатида ўзига ўт қўймоқчи бўлган пайти қутқариб қолинди.

42 яшар Усмоновага кўра, у йўқлигида МИБ ходимлари уйининг эшигини бузиб, ичкарига кирган ва нарсаларини кўчага чиқариб ташлаган.

Воқеа устига келган Усмонова мибчилар фаолиятига норозилик сифатида устига бензин сепиб, гугурт чақмоқчи бўлган пайти қўшнилари уни тўхтатиб қолган.

3,5 ой аввал МИБ ходимлари уйидан мажбурлаб чиқармоқчи бўлган наманганлик аёл ўзига ўт қўйиб, ҳалок бўлганди.

Воқеа 15 январь куни Фарғона шаҳри, Машъал МФЙ, Форобий кўчаси, 9/9-уй, 9-хонадонда содир бўлган.

Уй бекаси Фотима Усмонова Тошкентга даволанишга кетган пайти МИБ ходимлари келиб, унинг уйига эшикни бузиб, киришган ва уйдаги нарсаларни кўчага чиқариб ташлаган.

15.01.2021 йилда ўтказилган мажбурий ижро ҳаракатлари жараёнида ҳам Ф.Усмонова ўткир ҳидли бензинга ўхшаш суюқликни уй ичига ва ижро ҳаракатини ўтказишда иштирок этаётган ходимларга сепишга уринган ва уйни ёқиб юборишини маълум қилган. 

243