Мужчина в наручниках

Тожикистон фуқароларини ўлдирган "ФСБ бандаси" аъзоларига суд ҳукми эълон қилинди

352
(Янгиланган 13:56 02.10.2019)
Босқинчилик уюшмаси аъзолари бир неча йил давомида бандитлик, товламачилик билан шуғулланишган ва Тожикистоннинг бир неча нафар фуқароларини ўлдиришган

ТОШКЕНТ, 2 окт — Sputnik. Россиянинг Тюмен вилоятида "ФСБ бандаси" аъзоларига суд ҳукми эълон қилинди, деб хабар бермоқда Sputnik Тожикистон нашри "Коммерсант"га таянган ҳолда.

Суд эшитуви Тюмен вилоят судида бўлиб ўтган. Евгений Гладких, Александр Кобылин ва Сергей Синяков етти инсоннинг ўлимида ҳамда маҳаллий тадбиркорларга ҳужум қилганликда айбдор деб топилди. Ўлдирилганлар орасида Тожикистон фуқаролари бўлган.

"ФСБ бандаси" Россия ҳудудида 8 йил давомида ўз кирдикорларини амалга оширган - 2008 йилдан то 2016 йилга қадар. Шу вақт давомида жиноятчилар ўғирлик ва товламачиликдан шафқатсиз қотиллик ва ўта йирик миқдордаги ўғирликлар содир этишгача борган. Турли нашрлар ахборотига кўра, жиноий гуруҳ ўғирлик, товламачилик ва қотилликларни ўз ичига олган 50та жиноятларни содир этишган.

Банда биринчи бўлиб тюменлик тадбиркор Дмитрий Клованичнинг уйига ҳужум қилган. Бандитларга эшикни бахтга қарши тожикистонлик ёлланма ишчи очган. Бандитлар уни дўппослаб, боғлаб кетишган, тадбиркорни эса ўрмонзорга олиб бориб отишган. Халқаро қидирувда бўлган тожик Россиядан экстрадация қилинган.

Жиноий уюшманинг кейинги қурбони тожикистонлик ишчи Касиров бўлди. Бандитлар бизнесмен Самодуровдан олинган пулларнинг ишлатиб юборилганлиги ҳолатини яшириш учун мигрантни ўлдиришган ва бор айбни унга ағдаришган.

Бандитларнинг яна бир қурбони - Тожикистон фуқароси Холмирзоев бўлди. Жиноий гуруҳ тюменлик бизнесмен Ибрагимовни шантаж қилиш мақсадида унга таҳдид битилган ва пул талаб қилинган СМС хабарларни юборишган. Бизнесмен жиноятчиларга мурожаат қилганда, улар бу товламачини топиш ваъдасини беришади. Бозорда мигрантни учратиб, унга иш ваъда қиладилар ва сўнгра ўлдирадилар.

Тўданинг кейинги қурбони тожикистонлик Зокиржон Халмадуров бўлди. Уни машинасига эгалик қилиш учун ўлдиришди. Зокиржон транспорт воситаси учун отиб ўлдирилган уч таксистдан бири бўлди.

Айнан шу қотилликдан сўнг махсус хизмат вакиллари Тюмен вилоятида ўз кирдикорларини амалга ошираётган жиноий гуруҳ ҳақидаги версия устида ишлай бошлайди.

Аммо қотилликларга бу билан нуқта қўйилмайди. Тожикистонлик Тоиров ва Сайфутдиновлар бандитларнинг навбатдаги ўлжасига айланди. Жиноятчилар уларда ўз қуролларини синаб кўрдилар.

Банда асосчиси - ФСБ собиқ капитани Владимир Гилев СИЗОда ўлик ҳолатда топилди. Яна бир жиноятчи - Сергей Зозуля - халқаро қидирувга берилди.

ФСБ собиқ ходими Евгений Гладких 25 йилга озодликдан маҳрум этилди, самбо бўйича собиқ мураббий Александр Кобылинга — 12 йил колония жазоси берилди, оддий фуқаро Сергей Синяков — 13 йилга қамалди.

Суд шунингдек, жабрдийдаларнинг пул компенсациялари бўйича талабномаларини қисман қондирган.

Суд ҳукми ҳозирча кучга кирмаган ва ҳукмдан норозилар тегишли тартибда шикоят аризасини киритишлари мумкин.

352
На месте столкновения грузовых автомобилей на трассе “Ташкент-Ош”

Намангандаги мудҳиш ЙТҲда уч юк машина ҳайдовчиси қурбон бўлди

278
ЙТҲга “Самс” машинасининг тормоз тизими ишламай қолиши сабаб бўлган. У иккита “Isuzu” машинасини уриб юборган ва ағдарилиб ёниб кетган.

ТОШКЕНТ, 4 июн — Sputnik. Наманган вилоятида учта юк машинаси иштирокида йирик йўл-транспорт ҳодисаси содир бўлди.

ИИВ ҳузуридаги Тергов департаменти хабарига кўра, ҳодиса 4 июнь куни Поп тумани “Кўшминор” МФЙ ҳудудидан ўтувчи “Тошкент-Ош” автомобиль йўлининг 227 километрида содир бўлган. 63 ёшли “Самс” ҳайдовчиси йўлнинг четида тўхтаб турган 26 ёшли А.Ғ.нинг бошқарувида бўлган “Isuzu” юк автомашинага ва 26 ёшли Н.Р.нинг бошқарувида бўлган иккинчи “Isuzu” юк автомашинанинг орқа қисмига урилиб ағдарилган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Бунга тормоз тизими ишламай қолиши сабаб бўлган. Ағдарилган “Самс” юк автоавтомашинанинг кабина қисмида ёнғин юзага келган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Натижада “Самс” юк машина ҳайдовчиси А.Р. ва “Isuzu” юк автомашинадан бирининг ҳайдовчиси А.Ғ.лар ҳодиса жойида вафот этганлар, иккинчи “Isuzu” ҳайдовчиси Н.Р. шифохонага олиб кетилаётган вақтида вафот этган.

Мазкур ҳолат юзасидан Жиноят кодексининг 266-моддаси 3-қисми “а” банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

278
Подготовка школ к новому учебному году в Казани

Синфни таъмирлашда “қобилиятни” ишга солишга чорлаган директор ўринбосари ишдан кетди

249
(Янгиланган 16:34 04.06.2020)
Наманган вилоятида мактаб таъмири билан ҳолат ўрганилди. Натижада мактаб директори вазифасини вақтинча бажарувчиси - маънавий-маърифий ишлар бўйича директор ўринбосари ишдан ҳайдалди.

ТОШКЕНТ, 4 июн — Sputnik. Наманган вилояти Тўрақўрғон туманидаги мактаблардан бирининг таъмири билан боғлиқ ҳолат ўрганиб чиқилди ва тегишли ҳуқуқий баҳо берилди. Бу ҳақда вилоят халқ таълими бошқармаси ахборот хизмати хабар қилди.

Аввалроқ ижтимоий тармоқларда “Салом лаёқатли, қобилиятли синф раҳбарлари!” номли хабар ёритилган эди. Унда Тўрақўрғон туманида ўқув йили якунланиши муносабати билан умумтаълим мактаблари таъмири билан боғлиқ вазиятга оид эътироз ўз ифодасини топган. Хусусан, хабарда синф раҳбарлари ва фан ўқитувчиларига мурожаат қилингани ва синф хонаси таъмирини бошлашлари мумкинлиги айтилган.

Жумладан шундай дейилган интернетда тарқалган хабарда: “... Ўқувчидан ремонтга деб пул сўраманг, ҳомийни қаердан топаман, деб биздан ҳам сўраманг. Лаёқатингизни ва қобилиятингизни ишга солинг!”

Бу хабар вилоят халқ таълими бошқармаси ҳамда Тўрақўрғон тумани халқ таълими бўлими томонидан ишчи гуруҳ тузилиб, ўрганилди.

Ўтказилган суриштирув натижаларига кўра, ушбу хабарни тумандаги 36- умумий ўрта таълим мактаби директори вазифасини вақтинча бажарувчиси - маънавий-маърифий ишлар бўйича директор ўринбосари Б.Н. шахсий телефони орқали телеграм тармоғи орқали ўқитувчиларга етказганлиги аниқланди.

У муассасада ишловчи ходимларни таълим муассасасини таъмирлаш учун хомий топишга жалб қилган.

Ўрганиш натижасига кўра, Б.Н. вилоят халқ таълими бошқармаси бошлиғининг буйруғи билан эгаллаб турган лавозимидан озод этилган.

249
Виза в паспорте

Авиакомпаниялар Ўзбекистонга келувчи йўловчилар ҳақида ДХХга олдиндан хабар қилади

17
(Янгиланган 11:06 05.06.2020)
Ушбу йилнинг 1 июлидан бошлаб брча хорижий авиакомпаниялар йўловчилар паспорт маълумотларини ДХХ Чегара қўшинларига олдиндан хабар қилиш тартиби ўрнатилади.

ТОШКЕНТ, 5 июн - Sputnik. Ўзбекистонга учаётган хорижий мамлакатлар ҳаво кемалари ўз йўловчилари бўйича дастлабки маълумотни тақдим этиш тартиби белгиланди деб хабар қилмоқда Ўзбекистон Туризмни ривожлантириш қўмитаси.

Янги тартибга кўра, 1 июлдан бошлаб хорижий авиакомпаниялар йўловчилар тўғрисидаги дастлабки маълумотларни Ўзбекистон ДХХнинг Чегара қўшинларига тақдим этиши шарт. 

"2020 йилнинг 1 июль кунидан бошлаб Ўзбекистон Республикасига парвозларни амалга ошираётган хорижий мамлакатлар ҳаво кемаларининг барча эксплуатантлари томонидан йўловчилар тўғрисидаги дастлабки маълумотлар ИКАОнинг стандарт форматида Давлат хавфсизлик хизматининг Чегара қўшинларига тақдим этилади", - дейилган хабарда.

Ушбу тартибни жорий этиш Ўзбекистон Вазирлар Маҳкамасининг 2020 йил 19 майдаги “Ўзбекистон Республикаси Давлат хавфсизлик хизматининг Чегара қўшинлари бўлинмаларига хорижий мамлакатларнинг ҳаво кемалари эксплуатантлари томонидан йўловчилар бўйича дастлабки маълумот тақдим этилиши тартиби тўғрисидаги низомни тасдиқлаш ҳақида”ги 293-сонли Қарорида белгиланган.

Хабарда айтилишига кўра, мазкур тартибнинг жорий этилиши хорижий туристларнинг мамлакатга келишлари, бўлишлари ва республика ҳудудидан чиқиб кетишларида қўшимча қулайликлар яратишга хизмат қилади.

 

17