Сотрудники Домодедовской таможни обнаружили в багаже пассажира незадекларированные украшения с бриллиантами

Ўзингдан чиққан балога: қайнонасининг тақинчоқларини ўғирлаган келин қўлга тушди

664
(Янгиланган 18:32 12.10.2019)
Когон шаҳрида келин қайнонасига тегишли қарийб 30 миллион сўмлик 11 турдаги тилла тақинчоқларини яширин равишда ўғирлаб кетган.

ТОШКЕНТ, 12 окт — Sputnik. Бухоронинг Когон шаҳрида бир келиннинг кирдикорлари фош этилди.

Бухоро вилояти ИИБ хабарига кўра, 27 сентябрь куни номаълум шахс Когон шаҳар Махтумқули маҳалласида яшовчи нафақадаги фуқаро С.М.га тегишли жами 29 700 000 сўмлик 11 турдаги тилла-тақинчоқларини яширин равишда ўғирлаб кетган.

Олиб борилган тезкор суриштирув ҳаракатлари натижасида ушбу жиноятни шу манзилда яшовчи, фуқаро С.М.нинг келини А.С содир қилганлиги аниқланган. Ашёвий далиллар тегишли тартибда тўлиқ хужжатлаштириб олинган.

Мазкур ҳолат юзасидан А.С.га нисбатан ЖКнинг 169-моддаси 2-қисми тегишли бандлари билан қўзғатилган .

Ҳозирда жиноят иши бўйича дастлабки тергов ҳаракатлари олиб борилмоқда.

664
Преступник за решеткой

Хоразмлик қиз интим-шантажчи қурбонига айланди

348
(Янгиланган 10:11 04.07.2020)
Товламачи шахсий маълумотларни тарқатмаслик эвазига 15 миллион 860 минг сўм пул берилишини талаб қилган

ТОШКЕНТ, 4 июл - Sputnik. Хоразмда таниш аёлни унинг шахсий суратларини тарқатиб юбориш билан қўрқитиб, катта сумма талаб қилган товламачи қўлга олинди, деб хабар бермоқда Ўзбекистон ИИВ ҳузуридаги Тергов департаменти.

30 яшар товламачи Хоразм вилояти ИИБ ҳамда Бош прокуратура ҳузуридаги ИЖҚК департаменти вилоят бошқармаси ходимлари билан ҳамкорликда ўтказилган тадбир жараёнида қўлга олинган.

У ўзининг 22 ёшли танишини унинг шахсий ҳаётига оид маълумотларни, фотосурат ҳамда видео тасвирларни ошкор қилиш билан қўрқитган. Маълумотларни тарқатмаслик эвазига 15 миллион 860 минг сўм пул беришини талаб қилиб, пулларни қиз ва унинг онасидан олган вақтида тадбир иштирокчилари томонидан ашёвий далиллар билан қўлга олинган.

Мазкур ҳолат юзасидан Ш.Р., га нисбатан Ўзбекистон Республикаси Жиноят кодексининг 165-моддаси 1-қисми (товламачилик) билан жиноят иши қўзғатилган, жиноят иши бўйича дастлабки терговни Урганч шаҳри 2-сон ИИБ ҳузуридаги Тергов гуруҳи олиб бормоқда.

Ш.Р. ЖКнинг 165-моддаси 2-қисми "а" (такроран ёки хавфли рецидивист томонидан содир этилган товламачилик) банди билан гумон қилиниб, процессуал тартибда ушланган.

Дастлабки тергов жараёнида Ш.Р. айбланувчи тариқасида ишда жалб қилиниб, унга нисбатан "қамоққа олиш" тарзидаги эҳтиёт чораси қўлланилган. Ҳозирда дастлабки тергов ҳаракатлари давом этмоқда.

348

Москвада курьерлар ўртасида оммавий муштлашув юз берди видео

404
(Янгиланган 13:47 03.07.2020)
Куни кеча Москвада “Яндекс.Еда” ва Delivery Club курьерлари ўртасида оммавий муштлашув юз берди. Полиция ҳолат юзасидан текширув ўтказмоқда.

ТОШКЕНТ, 3 июл — Sputnik. Москвада 2 июль куни “Яндекс.Еда” ва Delivery Club курьерлари орасида оммавий муштлашув юз берди.

Москва ИИБ матбуот хизмати маълум қилишича, ушбу ҳолат юзасидан текширув ўтказилмоқда.

“Маршал Катуков 19 манзилида жанжал юз бергани ҳақида соат 14.30 да 02 хизматига хабар келди. Полиция ходимлари ушбу манзилга келган вақтда жамоат тартибини бузаётган шахслар воқеа жойида йўқлиги маълум бўлди”, - дейилган ИИБ хабарида.

Гувоҳлар таъкидлашича, муштлашган кишилар полиция келиши билан қочиб кетишди. Жароҳатланганлар ҳақида маълумот келиб тушмади.

Курерлар уюшмаси Telegram-каналида жойлаштирилган хабарда айтилишича, жанжалнинг сабаби - компаниялар ўртасидаги қарама-қаршилик эмас, балки буюртма бериш пайтида ниқоб ва қўлқопда бўлиш масаласи бўлди.

404
Двери СИЗО

ДХХ жиҳодчилар фаолиятига чек қўйди

50
(Янгиланган 14:07 04.07.2020)
Гуруҳларнинг бири 2019 йилнинг май ойида ташкил этилиб, унга етакчилик қилган шахс ўтган йилнинг ноябрь ойида Сурия давлатидаги “Тавҳид ва жиҳод катибаси” халқаро террористик ташкилоти сафига бориб қўшилган.

ТОШКЕНЬ, 4 июл - Sputnik. Давлат хавфсизлик хизмати ходимларининг Ички ишлар вазирлиги билан биргаликда Тошкент шаҳри ва Тошкент вилояти ҳудудларида ўтказган тезкор тадбирлари натижасида жами аъзолари 25 нафар бўлган иккита яширин “жиҳодчилар” гуруҳи фаолиятига чек қўйилди.

Гуруҳларнинг бири 2019 йилнинг май ойида ташкил этилиб, унга етакчилик қилган шахс ўтган йилнинг ноябрь ойида Сурия давлатидаги “Тавҳид ва жиҳод катибаси” халқаро террористик ташкилоти сафига бориб қўшилган.

Иккинчи гуруҳ эса муқаддам экстремизм ва терроризм билан боғлиқ жиноятларни содир этганлиги учун жазо муддатини ўтаб чиққан фуқаро томонидан тузилган.

Дастлабки суриштирув жараёнларида маълум бўлишича, биринчи гуруҳ аъзоларининг аксарияти ҳозирда Суриядаги жангарилар сафида бўлган ўз етакчиси билан интернет орқали мунтазам равишда алоқа қилиб турган.

Ўзаро йиғинларда гуруҳлар аъзолари диний экстремистик ва террористик ташкилотлар ғоявий раҳнамоларининг, жумладан, “Абу Салоҳ”, “Абдуллоҳ Зуфар”, “Содиқ Самарқандий”ларнинг “ҳижрат” ва “жиҳод” қилиш тўғрисидаги аудио-видео маърузалари ҳамда даъватларини тинглаб, “Жиҳодчилар” оқими ғояларини ўз атрофидагиларга тарғиб қилиб келишган.

1968-2002 йиллар оралиғида туғилган мазкур шахсларнинг 3 нафари аввал экстремизм ва терроризм билан боғлиқ жиноятлар содир этганликлари учун жавобгарликка тортилган бўлсаларда, қилмишларидан тўғри хулоса чиқаришмаган.

Таъкидлаш лозимки, мазкур гуруҳлар аъзолари орасида хусусий нашриёт раҳбари, тиббиёт ходими, араб тили курси ўқитувчиси, умумий овқатланиш муассасалари ишчилари ва тижорат ишлари билан шуғулланувчи шахслар бор.

Ҳар икки гуруҳ аъзоларининг яшаш манзилларида ўтказилган тинтув тадбирлари давомида 200 дан ортиқ норасмий диний адабиётлар ва варақалар, шунингдек, компьютер, ноутбук, планшет, мобил телефон, флеш-карта ва DVD дисклар борлиги аниқланиб, уларда сақланаётган маълумотларни экспертизадан ўтказиш учун процессуал тарзда расмийлаштирилиб олинди.

Ҳозирда Жиноят Кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.

Шу ўринда эслатиб ўтиш лозимки, Ўзбекистон Республикаси Олий Судининг қарори ҳамда Вазирлар Маҳкамаси ҳузуридаги Дин ишлари бўйича қўмитанинг хулосаларига кўра “Абу Салоҳ”, “Абдуллоҳ Зуфар”, “Содиқ Самарқандий”ларнинг маърузалари ақидапарстлик ғоялари билан йўғрилганлиги ва мамлакатимиздаги конституцион тузумни қонунга хилоф тарзда ўзгартиришга қаратилганлиги боис, уларни республикамиз ҳудудига олиб кириш, сақлаш ва тарқатиш тақиқланади ҳамда Жиноят Кодексининг тегишли моддалари билан жиноий жавобгарликка сабаб бўлади.

50