Пограничники на кыргызско-таджикском участке государственной границы

Тожикистон билан чегарада отишмалар туфайли қирғиз қишлоғи эвакуация қилинди

444
Қирғиз-тожик чегарасидаги нотинчлик тўфайли бир қишлоқ аҳолиси эвакуация қилинди, чегарачилар ўққа тутилди.

ТОШКЕНТ, 10 янв – Sputnik. Қирғизистоннинг қишлоғи аҳолиси Тожикистон билан чегарада можаро туфайли эвакуация қилинган, бу хақда Боткен вилояти маъмурияти матбуот хизматига асосланиб, РИА Новости хабар бермоқда.

"Тожикистон билан чегара яқинидаги Кўктош қишлоғи аҳолиси хавфсизлигини таъминлаш мақсадида вақтинча уйларидан мактаб биносига кўчирилди", - деди манба. Шунингдек, маъмурият вакилининг сўзларига кўра, чегара ҳудудида жойлашган Дахма тумани аҳолиси ҳам хавфсиз жойга эвакуация қилинган.

Қирғизистон Давлат чегара хизматининг маълум қилишича, жума кунига ўтар кечасида, номаълум шахслар бир нечта машиналарга ва қирғиз аҳолисининг уйлариига тош отганлар. Фавқулодда вазият жойига етиб келган чегарачилар кичик калибрли қуроллардан ўққа тутилди. Давлат чегара хизмати маълумотларига кўра, ўқ отиш Тожикистон ҳудудидан олиб борилган.

"Айни пайтда отишма тўхтатилди. Давлат чегарасининг қирғиз-тожик қисмида вазият нисбатан барқарор. Хусусан, Боткен вилоятида жойлашган чегара бўлинмалари хизматни кучайтирилган тартибда олиб бормоқда", - дейилади чегара хизмати хабарида.

Давлат чегарасининг қирғиз-тожик қисми вақти-вақти билан маҳаллий аҳоли ёки икки мамлакат чегарачилари ўртасидаги зиддиятлар ҳудудига айланди. Асосий сабаб - чегаралар қатъий делимитизация қилинмаганлиги боис иккала давлат чегаралари қаердан ўтаётганлигини аниқлаш имкони йўқлигида.

444

Бекободда маҳалла раиси кам таъминланганларга бериладиган пулларни талон-тарож қилди

216
Ўз вақтида олиб борилган ўрганишлар натижасида қарийб 70 миллион сўмлик бюджет маблағлари талон-торож қилинишининг олди олинди, деб хабар қилади Бош прокуратура матбуот-хизмати.

ТОШКЕНТ, 8 авг - Sputnik. Бекобод туманида кам таъминланган оилалар учун тўланадиган 69,9 млн сўм маблағларнинг ноқонуний сарфланишининг олди олинди.

Бош прокуратура ҳузуридаги Департаментнинг Бекобод туман бўлими томонидан ўтказилган терговга қадар текширувда, тумандаги маҳалла раисларидан бири Х.Ғ. талон-тарож ишларига қўл ургани аниқланди.

Маълум бўлишича, оқсоқол томонидан ҳужжатларга сохта маълумотлар киритилиб, у раислигидаги маҳаллада яшамайдиган ва нафақага муҳтожи бўлмаган 26 нафар фуқароларга жами 101,5 млн сўм нафақа пуллари тайинлангани ва шундан 31,6 млн сўми фуқароларга асоссиз тўлаб берилганлиги аниқланган.

Ўз вақтида олиб борилган ўрганишлар натижасида 69,9 млн сўмлик бюджет маблағлари талон-торож қилинишининг олди олинди, деб хабар қилади Бош прокуратура матбуот-хизмати.

Мазкур ҳолат юзасидан маҳалла раиси Х.Ғ.га нисбатан Жиноят кодексининг 167-моддаси (Ўзлаштириш ёки растрата йўли билан талон-торож қилиш) 2-қисми "г" банди ва 209-моддаси (Мансаб сохтакорлиги) 1-қисми билан жиноят иши қўзғатилиб, тергов ҳаракатлари ўтказилмоқда.

216
Искандарова Мехрибон Тухтасин кизи

Тошкентда бедарак йўқолган 26 ёшли аёл қидирилмоқда ИИББ

864
(Янгиланган 19:17 07.08.2020)
Тошкентда бедарак йўқолган Искандарова Мехрибону Тухтасин қизи қидирилмоқда, деб хабар қилди Тошкент шаҳар ИИББ матбуот хизмати.

ТОШКЕНТ, 7 авг — Sputnik. Тошкентда бедарак йўқолган 26 ёшли Искандарова Меҳрибону Тўхтасин қизи қидирилмоқда, деб хабар қилди Тошкент шаҳар ИИББ матбуот хизмати.

Хабарда айтилишича, Олмазор туманида яшаган, 1994 йилда туғилган Искандарова Меҳрибону Тўхтасин қизи, 2020 йилнинг 6 август куни тахминан соат 8.30 ларда уйидан чиқиб кетиб, қайтиб келмаган. Охирги маълумотга кўра, у Чилонзор тумани “Ц” мавзесидаги косметология салонида бўлган. Қиз соат 10.30 да салондан чиқиб, йўл тарафга кетганлиги ташқи кузатув камераларида қайд этилган. 

Белгилари: бўйи 160 см, кўзи қора, сочи узун ва тўқ жигарранг ранг.

Эгнидаги кийими: ҳаворанг рангли кўйлак ва жинси шим, қаймоқ рангли мокасина. 

"Ҳурматли Тошкент аҳолиси ва меҳмонлар! Агар Сиз Меҳрибону Искандаровани кўрган бўлсангиз, ёки унинг қаерда эканлиги ҳақида бирор маълумотга эга бўлсангиз: 71-278-58-40 (Чиланзор туман ИИО ФМБ), 71-230-50-85 (Олмазор тумани ОИИ ФМБ), +998-90-973-64-68 (қизнинг яқинлари), 71-232-30-40, 71-232-40-50 ёки 102 телефон рақамлари орқали хабар беришингизни сўраймиз", - дейилган хабарда.

Искандарова Мехрибону Тухтасин кизи
Искандарова Мехрибону Тухтасин кизи
864
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

20
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

20