Строительные каски

Мигрантлар Амур вилоятидаги қурилишда тартибсизликлар уюштиришди

245
(Янгиланган 11:53 14.07.2020)
Иш ҳақи тўланмаслиги юзасидан келиб чиққан можарода 300 га яқин Ўрта Осиёлик меҳнат мигрантлари иштирок этишган.

ТОШКЕНТ, 14 июл - Sputnik. Ўрта Осиёлик ишчилар иш берувчи билан молиявий келишмовчиликлар туфайли Россиядаги газни қайта ишлаш заводида тартибсизликлар уюштирди, деб хабар беради Россия Тергов Қўмитаси Амур вилояти Тергов бошқармаси.

“13 июл куни Амур вилоятининг Свободненский туманида жойлашган Амур газни қайта ишлаш мажмуаси қурилиш майдонида мигрантлар - пудратчи ташкилот ишчилари ва унинг раҳбарияти ўртасида меҳнат фаолияти учун патентни тўлаш харажатларини қоплаш тартиби масаласида келишмовчиликлар туфайли кейинчалик тартибсизликларга айланган можаро келиб чиқди”, - дейилади хабарда.

Воқеа жойига Алоҳида муҳим ишлар тергови бўлими терговчилари ва тергов бошқармасининг терговчи-криминалистлари юборилди. Ҳозирда вазият ички ишлар идоралари назорати остида, қурилиш майдончаси ўраб олинган.

“Амур газни қайта ишлаш заводи объектларини қуришда иштирок этган пудратчи ташкилот ишчиларига иш ҳақи тўланмаганлиги ҳолатлари бўйича дастлабки тергов текшируви ташкил қилинди. Текширув мобайнида бухгалтерия ҳужжатлари қарздорлик мавжудлиги ҳолати бўйича текширилиб, процессуал қарор қабул қилинади”, - дея қўшимча қилди Тергов бошқармаси.

ОАВ маълумотларига кўра, пудратчининг 300 га яқин ходимлари можаро иштирокчилари бўлан. Ушбу ҳолат бўйича РФ Тергов қўмитасининг Амур вилоятидаги тергов идоралари Жиноят кодексининг 212-моддаси 2-қисмида (тартибсизликларда иштирок этиш) кўрсатилган жиноятлар аломатлари бўйича жиноий иш қўзғади.

Ушбу вазият Ўзбекистоннинг Россиядаги элчихонаси томонидан назорат остига олинган. Бош консули вазиятни ўрганиш мақсадида воқеа жойига етиб борган.  

245
Искандарова Мехрибон Тухтасин кизи

Тошкентда бедарак йўқолган 26 ёшли аёл қидирилмоқда ИИББ

198
(Янгиланган 19:17 07.08.2020)
Тошкентда бедарак йўқолган Искандарова Мехрибону Тухтасин қизи қидирилмоқда, деб хабар қилди Тошкент шаҳар ИИББ матбуот хизмати.

ТОШКЕНТ, 7 авг — Sputnik. Тошкентда бедарак йўқолган 26 ёшли Искандарова Меҳрибону Тўхтасин қизи қидирилмоқда, деб хабар қилди Тошкент шаҳар ИИББ матбуот хизмати.

Хабарда айтилишича, Олмазор туманида яшаган, 1994 йилда туғилган Искандарова Меҳрибону Тўхтасин қизи, 2020 йилнинг 6 август куни тахминан соат 8.30 ларда уйидан чиқиб кетиб, қайтиб келмаган. Охирги маълумотга кўра, у Чилонзор тумани “Ц” мавзесидаги косметология салонида бўлган. Қиз соат 10.30 да салондан чиқиб, йўл тарафга кетганлиги ташқи кузатув камераларида қайд этилган. 

Белгилари: бўйи 160 см, кўзи қора, сочи узун ва тўқ жигарранг ранг.

Эгнидаги кийими: ҳаворанг рангли кўйлак ва жинси шим, қаймоқ рангли мокасина. 

"Ҳурматли Тошкент аҳолиси ва меҳмонлар! Агар Сиз Меҳрибону Искандаровани кўрган бўлсангиз, ёки унинг қаерда эканлиги ҳақида бирор маълумотга эга бўлсангиз: 71-278-58-40 (Чиланзор туман ИИО ФМБ), 71-230-50-85 (Олмазор тумани ОИИ ФМБ), +998-90-973-64-68 (қизнинг яқинлари), 71-232-30-40, 71-232-40-50 ёки 102 телефон рақамлари орқали хабар беришингизни сўраймиз", - дейилган хабарда.

Искандарова Мехрибон Тухтасин кизи
ГУВД г. Ташкента
Искандарова Мехрибон Тухтасин кизи
198
Автомобиль правоохранительных органов Узбекистана на месте ДТП

Тошкентда Хитой фуқароси талончиларга дуч келди

243
(Янгиланган 15:08 07.08.2020)
Ғаразгўйлар хитойлик фуқарони саволлар билан чалғитиб, машинаси салонидан ичида паспорт, сўм ва АҚШ долларлари, банк карталари бўлган сумкани ўғирлаб кетишган.

ТОШКЕНТ, 7 авг - Sputnik. Ўзбекистон пойтахти ИИББ ходимлари Хитой фуқаросини талаганликда гумонланувчи шахсларни қўлга олди.

Ҳодиса 3 август куни юз берган. Яккасарой тумани ички ишлар органларига 24 ёшли Хитой фуқароси Я.Д. мурожаат қилиб, соат тахминан 22.40 да ўзининг "Ласетти" автомобилида икки нотаниш кимса томонидан талаб кетилганини хабар қилган.

Маълум бўлишича, ғаразгўйлар хитойлик фуқарони саволлар билан чалғитиб, салондан ичида паспорт, сўм, АҚШ долларлари, банк карталари бўлган сумкани ўғирлаб кетишган.

Кўрилган чоралар натижасида, сумка, паспорт ва карталар шаҳарнинг Боғтепа кўчасидаги дарахт остидан топилган.

Мазкур факт асосида Ўзбекистон Жиноят кодексининг 166 моддаси ("Талончилик") бўйича жиноийи ш қўзғатилган.

Тезкор-қидирув тадбирлари натижаларига кўра, шунингдек ташқи видеокузатув камералари ёзувлари асосида Яккасарой тумани ИИО ФМБ ходимлари талончиликда гумонланувчи шахслар сифатида 25 ёшли Азизхон М. ва 23 ёшли Мирзофил С.лар қўлга олинган. Тергов давомида ўғирланган нарсаларнинг бир қисми жабрланувчига қайтарилган.

Тергов давом этмоқда, дейилади хабарда.

243
Сотрудник лаборатории

Ўзбекистонда коронавирус: 7 август асосий хабарлари

43
(Янгиланган 20:08 07.08.2020)
Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

ТОШКЕНТ, 7 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

Янги касалланиш ҳолатларининг 197 нафари Тошкент шаҳрида, 23 нафари Тошкент вилоятида, 15 нафари Хоразм вилоятида ҳамда 13 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 472 нафар бемор тузалиб, ўз уйларига кузатилди. Республика бўйлаб жами соғайганлар сони 20 059 нафарга етди.

Айни пайтда 8 817 нафар беморга белгиланган стандартлар бўйича даво чоралари кўрилмоқда. Улардан 728 нафари оғир, 217 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор – Тошкент шаҳар  Олмазор туманида яшаган 39 ёшли Б.С. (эркак) ҳамда Учтепа туманида яшаган 68 ёшли Л.К. (аёл), Мирзо Улуғбек туманида яшаган 71 ёшли Н.И. (аёл), Қибрай туманида яшаган 69 ёшли С.Б. (эркак) вафот этди.

Ўзбекистонда жами 181 киши пандемия қурбони бўлди.

Фуқароларни олиб келиш

Россия-Қозоғистон чегарасида тўпланган 1850 нафар фуқаро қайтарилади.

6 август куни Оренбург вилоятининг “Бузулук” станциясидан 920 нафар фуқаро биринчи поезд Ўзбекистонга жўнаб кетди. Иккинчиси 7-август куни Самара вилоятининг “Кинел” станциясидан 930 нафар фуқаро билан жўнайди. Россия-Қозоғистон чегарасида тўпланган жами 1850 нафар Ўзбекистон фуқаролари қайтарилади.

7 август ҳолатига кўра Оренбург ва Самара вилоятларида Россия-Қозоғистон давлатлараро чегараси яқинида Ўзбекистон фуқароларининг тўпланиши кузатилмаяпти.

Кенияга саёҳат

Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Тест синовлари

ОТМларга кириш имтиҳонлари 2 сентябрдан бошлаб, 2 ҳафта давомида ўтказилади. Тест синовлари очиқ стадионларда, кунига 2 сменада ташкил этилади. Натижаларни эълон қилишда ўзгариш бўлмайди. Худди ҳар йилгидек тест синовлари ўтказилган кунининг эртасига абитуриентнинг шахсий саҳифасида эълон қилинади.

Тест синовлари учун 155 стадиондан 40 га яқин стадион жалб этилиши режалаштирилган. Стадионнинг соялик даражалари ва бошқа шароитларга эътибор қаратилган. Соябонлар қўйилиши маласига ҳам эътибор қаратилади. Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,1 миллиондан ошди, 715 минг киши вафот этди, 11,6 киши тузалди. Энг кўп ҳолатлар АҚШда (4,9 млн), Бразилияда (2,9 млн), Ҳиндистонда (2,0 млн).

 

43
Мавзу:
COVID-19 умумжаҳон пандемияси