Машина скорой помощи

Футбол, жанжал ва ўлим - вазирлик Қизириқ туманида содир бўлган ҳолат бўйича баёнот берди

462
Жисмоний тарбия ва спорт вазирлиги Сурхондарё вилояти Қизириқ туманида содир бўлган ҳолат юзасидан баёнот берди.

ТОШКЕНТ, 27 авг — Sputnik. Шу кунларда турли ижтимоий тармоқлар орқали Сурхондарё вилояти Қизириқ туманида жорий йил 23 август куни кечки соат 22:30ларда “Истиқлол” маҳалласида жойлашган сунъий қопламали футбол майдонида футбол ўйини пайтида юзага келган жанжал оқибатида 16 ёшли Ислом Хуррамовнинг воқеа жойида вафот этгани ҳақидаги хабарлар кенг тарқалди.

Жисмоний тарбия ва спорт вазирлиги ушбу ҳолатни ўрганиб чиқиб, қуйидагиларни маълум қилди:

“2020 йил 23 август куни кечки соат 22:30ларда Сурхондарё вилояти Қизириқ тумани “Истиқлол” маҳалласида жойлашган фуқаро Алиқулов Зафар Тошпўлатовичга тегишли сунъий қопламали кичик футбол майдонида футбол ўйнаб турган шу маҳаллада истиқомат қилувчи 2004 йилда туғилган, вояга етмаган Алиқулов Асрорбек Зафар ўғли рақиб жамоа сафида футбол ўйнаётган, шу маҳаллада яшовчи фуқаро Ғаниев Эркиннинг уйига меҳмон бўлиб келган Термиз тумани “Темирйўлчи” маҳалласида истиқомат қилувчи 2004 йилда туғилган, вояга етмаган Хуррамов Ислом Маъмур ўғли билан ўйин давомида тортишиб қолади. Улар ўйин вақтида майдонни тарк этиб, ўйингоҳ ён томонида жойлашган “Истиқлол” МФЙ идораси ёнида жанжални давом эттиришади. Натижада А.Алиқулов И.Хуррамовнинг олд кўкрак ўрта соҳасига уриб, тан жароҳати етказган. Ислом Хуррамовнинг кучли зарбдан соғлиги ёмонлашиб, воқеа жойида вафот этади.

Таъкидлаш керак, 2020 йил 23 август куни Қизириқ туман спорт бўлими ҳамда туман болалар-ўсмирлар спорт мактаби томонидан ҳеч қандай спорт тадбири ва мусобақа ўтказилмаган. Мазкур ҳолат ҳам спорт мусобақалари пайтида содир бўлмаганлигини маълум қиламиз.

Шуни ҳам қўшимча қилиш керак, Жисмоний тарбия ва спорт вазирлиги ҳамда унинг тасарруфидаги ташкилотлар томонидан ташкил этилаётган спорт тадбирлари карантин талаблари асосида санитария-эпидемиология қоидаларига амал қилинган ҳолда ўтказилмоқда”, - дейилган баёнотда.

462
Разговор по телефону

Қасоскор ошиқ: бухоролик йигит собиқ севгилисидан 1000 доллар талаб қилди

289
Муҳаббат қиссалари ўз ниҳоясига етгандан сўнг йигит қиздан унга сарфлаган харажатларини ундириш йўли билан қасос олишга аҳд қилган.

ТОШКЕНТ, 17 сен — Sputnik. Бухорода 4 сентябрь куни шахсий суратларини тарқатиб юбормаслик, қариндошларига кўрсатмаслик эвазига собиқ севгилисидан минг доллар талаб қилган шахс қўлга олинди. Бу ҳақда вилоят ИИБ ахборот хизмати хабар қилди.

Хабарга кўра, 1986 йилда Ғиждувонда туғилган Ў.К. 2018 йил ноябрь ойида Р.A. исмли қиз билан танишиб, яқин ишқий муносабатда бўлган. Улар 2020 йил август ойида тортишиб қолгач, йигит қиздан товламачилик йўли билан пул ишлаб олмоқчи бўлган.

Маълум қилинишича, Ў.К. қизни фотосуратларини интернетга тарқатиш, қариндошларига кўрсатиш билан қўрқитиб, ундан минг доллар талаб қилган.

Бундан қўрққан жабрланувчи ҳолат юзасидан ҳуқуқ тарғибот идораларига мурожаат қилган. Бухоро шаҳрида Ў.К. 4 сентябрда Р.A.дан 500 доллар пулларни товламачилик йўли билан олаётган вақтида қўлга олинган.

Унга нисбатан Жиноят кодексининг 165-моддаси билан (Товламачилик) жиноят иши қўзғатилган. Ҳозирда тергов ҳаракатлари олиб борилмоқда.

289
Машина скорой помощи

Бош прокуратура Жиззахда дарс пайтида тўсатдан вафот этган ўқувчи ҳақида баёнот берди

497
(Янгиланган 14:22 17.09.2020)
Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

ТОШКЕНТ, 17 сен — Sputnik. Бош прокуратура Жиззахда дарс пайтида тўсатдан вафот этган ўқувчи ҳақида баёнот берди.

Таъкидланишича, ҳозирда мазкур ҳолат юзасидан Шароф Рашидов тумани прокуратураси томонидан терговга қадар текширув ҳаракатлари олиб борилмоқда.

Марҳуманинг ўлим сабабини аниқлаш мақсадида суд-тиббий экспертизаси тайинланган.

Дастлабки маълумотга кўра, марҳуманинг ўлимига ўткир нафас юрак-қон томир етишмовчилиги тез ва қисқа вақт ичида юзага келганлиги сабаб бўлган.

Текшириш ҳаракатлари давом этмоқда.

Эслатиб ўтамиз, аввалроқ Жиззах вилояти, Шароф Рашидов туманидаги 11-умумтаълим мактабида ўқув йилининг илк кунида 9-синф ўқувчиси дарс вақтида тўсатдан вафот этганлиги ҳақида хабар қилинган эди.

497
Защитные маски для медицинских работников

Яна бир гуруҳ москвалик шифокорлар Ўзбекистонга жўнаб кетишди

4
(Янгиланган 13:04 18.09.2020)
Москвалик 35 нафар турли мутахассис шифокорлари Ўзбекистонлик ҳамкасабаларига консултатив-методологик ва амалий ёрдам бериш учун юборилди.

ТОШКЕНТ, 18 сен - Sputnik. Москвадан 35 нафар шифокорлар COVID-19га қарши курашда Ўзбекистонлик ҳамкасабаларига ёрдам бериш мақсадида Тошкентга жўнаб кетишди, деб хабар қилмоқда Мосгорздав матбуот хизмати. 

Ёрдам бригадаси таркибида инфекцинистлар, анестезиологлар, рентгенологлар, лаборатория диагностлари, пульмонологлар, эпидемиологлар, болалар шифокорларива тиббий ҳамширалар бор. Шифокорлар иш бошлаш учун керакли бўлган индивидуал ҳимоя восталари билан таъминланган. 

Россиялик шифокорлар Ўзбекистонлик ҳамкасабаларига консультатив-диагностик ёрдам бериши, COVID-стационарларига ташриф буюриши, клиникаларни қайта профиллаштиришга ёрдам бериши, "қизил" ҳудудларда беморларни кўздан кечириши ҳамда турли мутахассисдаги шифокорлар учун семинарлар ташкил қилиши режалаштирилган. 

Турли мутахассислардан иборат тиббий бригадани Москва шаҳар 67-сонли клиник шифохона хирурги Константин Покровский бошчилик қилмоқда. Ушбу гуруҳ аъзолари шифокорлари олдин Кавказ ва Тыва республикаларида, Қозоғистонда бўлган эди. Эпидемия бошланганидан буён москвалик шифокорлар Ингушетия, Доғистон, Камчатка, Ханти-Мансийск, Ямал-Ненецк автоном округларида бўлиб, маҳаллий шифокорларга ёрдамга ююборилган эди. 

4