Тошкентда тиббиёт ходимларини дўппослаганларга қарши жиноий иш очилди

256
(Янгиланган 13:16 22.02.2021)
Фуқаро шифокорлар ўз ишига совуққонлик билан ёндашганлиги сабабли онаси Д.Н. ўлган деган фикрда бўлган. Марҳума касалхонага клиник ўлим ҳолатида олиб келинган.

ТОШКЕНТ, 22 фев — Sputnik. Тошкент шаҳрида тиббиёт ходимларига тан жароҳати етказганларга нисбатан жиноят иши қўзғатилди. Бу ҳақда пойтахт ИИББ матбуот хизмати хабар қилмоқда.

Идора келтирган тафсилотларга кўра, 2021 йил 18 февраль куни тахминан соат 23:50 ларда Яккасарой туманидаги И.Иргашев номидаги 4-сонли шаҳар клиник шифохонасида 28 ёшли Ф.М. икки таниши билан 31 ёшли шифокор Д.У. ва 20 ёшли фельдшер А. А.га тан жароҳати етказган.

Аниқланишича, Ф.М. шифокорлар ўз ишига совуққонлик билан ёндашганлиги сабабли онаси Д.Н. ўлган деган фикрда бўлган. Марҳума касалхонага тез тиббий ёрдам машинасида клиник ўлим ҳолатида олиб келинган.

Воқеа натижасида иккала тиббиёт ходимлари турли даражадаги тан жароҳатлари олишган. 

Мазкур ҳолат юзасидан Ўзбекистон Жиноят кодексининг 277-моддаси (“Безорилик”) аломатлари билан жиноят иши қўзғатилган.

Ҳозирда тергов давом этмоқда.

Эслатиб ўтамиз, аввалроқ Тошкентда икки нафар тиббиёт ходимига марҳумнинг яқинлари тан жароҳати етказгани ва Соғлиқни сақлаш вазирлиги ҳолат бўйича ҳуқуқни муҳофаза қилувчи органларга мурожаат қилгани хабар қилинган эди.

256
Тушение пожара

Самарқанд вилоятидаги ресторанлардан бирида ёнғин юз берди

266
Бинонинг тахминан 200 кв.м. майдони ёнғиндан зарарланган. Ёнғиндан жабрланган ва қурбонлар йўқлиги айтилмоқда.

ТОШКЕНТ, 7 мар — Sputnik. Самарқанд вилояти Каттақўрғон туманидаги “Омонбой” маҳалласида жойлашган ресторанда ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар қилмоқда.

Хабар қилинишича, ёнғин, бугун, 7 март куни тахминан соат 11:00 ларда содир бўлган.

ФВВ вилоят бошқармасининг ёнғин-қутқарув гуруҳи воқеа жойига етиб келган. Бирламчи маълумотларга кўра, ҳодиса оқибатида бинонинг тахминан 200 кв.м. майдони ёнғиндан зарарланган.

Қутқарувчиларнинг тезкор ҳаракатлари натижасида ёнғин қисқа вақт ичида тўлиқ бартараф этилган.

Содир бўлган ҳолатда жабрланган ва қурбонлар йўқ.

Эслатиб ўтамиз, аввалроқ Тошкент шаҳри Чилонзор туманидаги “Шовотландия” кафесига қасддан ўт қўйган шахс қўлга олингани хабар қилинган эди. Ёнғин натижасида мазкур кафеда ишлаган ва яшаган беш киши ҳалок бўлган.

266
Теглар:
ФВВ, ёнғин, Самарқанд вилояти

Қорақалпоғистонда беш киши ис газидан заҳарланиб ўлди

155
Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб вафот этди. Улар орасида вояга етмаганлар ҳам бор.

ТОШКЕНТ, 7 мар — Sputnik. Қорақалпоғистоннинг Тўрткўл тумнида бир оиланинг 4 аъзоси ва меҳмон ис газидан заҳарланиб, ҳаётдан кўз юмди. Бу ҳақда республика прокуратураси матбуот хизмати хабар қилмоқда.

Ҳодиса ҳақидаги хабар 2021 йил 6 март куни соат 11:30 ларда туман ИИБга келиб тушган. “Янгиобод” МФЙда яшовчи фуқаро И.У.(эркак) ва унинг қизлари Р.С. (2003 йилда туғилган), Р.А. (2010 йилда туғилган) ва ўғли Р.М. (2005 йилда туғилган) ҳамда ушбу хонадонга меҳмонга келган А.Ш. хонадонда ўрнатилган иситиш печидан сизиб чиққан ис газидан заҳарланиб, вафот этган.

Ушбу ҳолат юзасидан Тўрткўл туман прокуратураси томонидан Жиноят кодексининг 259-моддаси 2-қисми “а, б” бандлари (Одам ўлишига, бошқа оғир оқибатлар келиб чиқишига сабаб бўлган ёнғин хавфсизлиги қоидаларини бузиш) билан жиноят иши қўзғатилган.

Туман ИИБ дастлабки тергов ҳаракатларини олиб бормоқда.

Эслатиб ўтамиз, аввалроқ Хоразм вилоятининг Шовот туманидаги чойхонада уч киши ис газидан заҳарланиб вафот этгани хабар қилинган эди.

155
Купол мечети

Шайх Абдулазиз Мансурнинг ўғли вафот этди

198
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

198