Иностранные рабочие возвращаются к работе после обеденного перерыва

Россия 2020 йилга меҳнат мигрантлари учун квоталар миқдорини эълон қилди

1333
Қонун лойиҳасига кўра, келгуси йилда Россия 105 минг нафар меҳнат мигрантларини жалб қилишни режалаштирган.

ТОШКЕНТ, 30 ноя - Sputnik. Россияда 2020 йилга меҳнат мигрантларини жалб қилиш учун белгиланадиган квоталар тўғрисидаги қонун маъқулланди, деб хабар қилмоқда Россия меҳнат вазирлиги. 

"Ижтимоий-меҳнат муносабатларини тартибга солиш бўйича учёқлама комиссия йиғилишида 2020 йилга меҳнат мигрантларини жалб қилиш учун квоталарни белгилаш бўйича қонун лойиҳаси маъқулланди", - дейилади вазирлик хабарида.

Ҳужжатда 2020 йилда Россия меҳнат бозорида чет эллик ишчи кучига бўлган талаб аниқлаштирилган. Келгуси йилда Россия 105 минг меҳнат мигрантларини жалб қилишни режалаштирмоқда.

Бу кўрсаткич эса 2019 йилги эҳтиёжга кўра 72,6%ни ташкил этади, дея аниқлик киритади Меҳнат вазирлиги.

1333
Выдача первых патентов в Едином миграционном центре Московской области

Россия ИИВ патент асосида ишлаш тартиби бўйича қўшимча изоҳ берди

869
Агар патентнинг амал қилиш муддати 2020 йил 15 мартдан 15 июнгача бўлган даврда тугаса, у автоматик равишда 93 кунга узайтирилади, дейилади Россия ИИВ хабарида

ТОШКЕНТ, 23 май - Sputnik. Россия ИИВ мигрантларнинг патент асосида меҳнат фаолиятини амалга ошириш тартибига қўшимча изоҳ берди.

Коронавирус инфекцияси кенг тарқалиши хавфи муносабати билан 2020 йил 18 апрелда қабул қилинган Россия Федерацияси Президентининг фармонига мувофиқ Россия Федерацияси ҳудудида чет эл фуқароларининг қонуний бўлиши ҳуқуқини берувчи барча ҳужжатлар, шу жумладан патентларнинг амал қилиш муддати 2020 йил 15 июнгача узайтирилган.

Агар патентнинг амал қилиш муддати 2020 йил 15 мартдан 15 июнгача бўлган даврда тугаса, у автоматик равишда 93 кунга узайтирилади.

Патентнинг амал қилиш муддатини узайтириш учун ҳеч қандай тўлов талаб қилинмайди. Иш берувчиларнинг хорижий фуқаролардан аванс тўловларини тўлашни талаб қилиши асоссиздир.

Патентга эга бўлмаган хорижий фуқаролар ушбу муддат давомида патент расмийлаштирмасдан меҳнат фаолиятини олиб боришлари мумкин.

869

Жириновский пандемиядан сўнг мигрантлар киришини чеклашни таклиф қилди

883
ЛДПР етакчиси Владимир Жириновский мигрантларнинг мамлакатга кириши чекланиши россияликлар учун иш ўринларини сақлаб қолишга ёрдам беради деб ҳисоблайди.

ТОШКЕНТ, 21 май — Sputnik. ЛДПР етакчиси Владимир Жириновский Марказий Осиё мамлакатлари мигрантлари учун Россияга киришни чеклашни таклиф қилди. Бу ҳақда “Москва” агентлиги хабар қилмоқда.

Унинг сўзларга кўра, ушбу чора россияликлар учун иш ўринларини сақлаб қолишга ёрдам беради.

“Кўп меҳнат мигрантлари кетиб қолди. Уларнинг киришини чеклаш лозим. Энди ўзимизникиларнинг кўпи ишсиз бўлади, фуқароларимиз учун иш жойлари бўлиши учун”, - деган Жириновский.

Шу билан бирга, ЛДПР етакчиси шу тариқа Россия Марказий Осиёга буюртмалар билан ёрдам бериши мумкин деб ҳисоблайди.

Жириновский кетган мигрантлар ватанида ишлаш ва маҳсулот ишлаб чиқаришни бошлаши, Россия эса у ерда ишлаб чиқарилган товарларни харид қилишини таъкидлаган.

Эслатиб ўтамиз, аввалроқ Россия ҳукумати раисининг ўринбосари Марат Хуснуллин Россия қурилишларига бошқа давлат ишчилари кераклигини маълум қилган эди.

883
Жасур Яхшибоев

Яхшибоев Беларусь чемпионатида яна пешқадамга айланди

99
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

99