Девушка во время дождя

Москвада қирғизистонлик аёлларни жазолашга даъват қилинди - ИИВ суриштирув бошлади

696
Россия ИИВ ваколатхонасида оммавий амалга ошириладиган ноқонуний чақириқлар учун жавобгарлик белгилаб қўйилганини эслатишди

ТОШКЕНТ, 22 июл — Sputnik. Россиядаги Қирғизистон ИИВ ваколатхонаси Москвадаги қирғизистонлик аёлларга нисбатан зўравонлик ҳаракатларига даъват қилиш акс этган мақолалар ҳолати юзасидан текширув ишларини бошлаб юборди.

Бу ҳақда вазирлик матбуот-хизматига таянган ҳолда Sputnik Қирғизистон хабар бермоқда.

ҚР ИИВ ваколатхонаси хабарига кўра, ижтимоий тармоқларда Россияда ишлаб турган бир гуруҳ ёш йигитларнинг видеомурожаати тарқалмоқда. Улар чет элликлар билан учрашаётган қирғизистонлик аёлларни жазолашга даъват қилмоқда.

ИИВ ваколатхонаси айбдорлар Россия қонунчилиги асосида жавобгарликка тортилиши мумкинлиги ҳақида эслатган ва ушбу ҳолат юзасидан текширув ишлари бошланганлигини маълум қилган.

Бундан ташқари, келажакда бу сингари чиқишлар тарқалишининг олдини олиш мақсадида қирғиз диаспораси билан учрашув режалаштирилган.

696

Самарада мигрантларнинг чегара олдида тўпланмаслигини ЙПХ назорат қилади

16
(Янгиланган 17:38 12.08.2020)
Россия-Қозоғистон чегарасида тўпланган меҳнат мигрантлар ватанига қайтарилди. Бироқ минтақа ҳукумати шунга ўхшаш ҳолат яна қайтарилмаслиги учун чора кўрмоқда.

ТОШКЕНТ, 12 авг — Sputnik. Россия чегаралари ва Самара вилоятидан 7 август ҳолатига кўра жами икки мингдан зиёд Ўзбекистон ҳамда юзга яқин Тожикистон фуқаролари олиб кетилди. Бу ҳақда Sputnik Тожикистон нашрига Самара вилояти Инсон ҳуқуқлари бўйича вакили Ольга Гальцова маълум қилди.

Чет эл фуқароларини олиб кетиш босқичма-босқич амалга оширилган. Шунингдек, улар учун барча зарурий шароитларга эга бўлган чодирли лагерь ташкил этилган.

Тожикистон фуқаролари Қозондан 28 июль куни самолётда, Ўзбекистон фуқароларининг сўнгги гуруҳи 7 август куни ватанига жўнатилган.

Лекин шундай эҳтимол борки, мигрантлар фирибгарлик тузоғига илиниб, яна Россия чегаралари яқинига келишга уринишади.

“Самара вилояти Большая Черниговка тумани ҳудудида чет эл фуқаролари тўпланишининг олдини олиш ҳамда уларнинг Оренбург вилояти ҳудудига ўтиш уринишини олдини олиш мақсадида ЙПХ (ДПС) қўйилган”, - дейилган хабарда.

Эслатиб ўтамиз, аввалроқ Россия-Қозоғистон чегарасида тўпланган жами 1850 нафар Ўзбекистон фуқаролари қайтарилган эди. Уларнинг 920 нафари Оренбург вилоятининг “Бузулук”, 930 нафари эса Самара вилоятининг “Кинел” станциясидан поездларда ватанга олиб келинди.

16
Граждане Узбекистана идут на посадку в терминале аэропорта Внуково

Терроризмда гумон қилинган 820 нафардан зиёд мигрант Россияга киритилмади

303
Миллий терроризмга қарши курашиш қўмитаси вакиллари йиғилиш ўтказиб, унда террорчиларнинг Россияга меҳнат мигрантлари сифатида кириб келишига қарши кураш чораларини муҳокама қилишди.

ТОШКЕНТ, 11 авг - Sputnik. Москвада Россия ФХХ директори А.В. Бортников бошчилигида Миллий терроризмга қарши курашиш қўмитаси йиғилиши бўлиб ўтди. Унда террорчиларнинг Россияга кириб келишига тўсқинлик қилиш масалалари муҳокама қилинди.

2019 йил бошидан бери террорчилик ва экстремистик фаолиятда гумон қилинган 820 дан ортиқ шахснинг Россияга кириб келишига йўл қўйилмаган.

Шунингдек, Бортников халқаро террорчилик ташкилотларнинг миграция оқимидан фойдаланишига йўл қўйилмаслик кераклигини таъкидлади.

Йиғилиш давомида томонлар радикал ҳаракат тарқалишининг олдини олиш учун миграция муҳитида профилактика тадбирларини кучайтириш чораларини муҳокама қилдилар.

Шунингдек, чет эл фуқаролари ўртасида терроризмнинг олдини олиш бўйича хизматлар ва идораларнинг самарадорлигини ошириш зарурлиги таъкидланди.

303