Мигрант на границе

Ўзбекистон ва Қирғизистон фуқаролари Россияни 6 августда тарк этишлари мумкин бўлади

738
(Янгиланган 08:56 05.08.2020)
Чегарани кесиб ўтиш билан боғлиқ масалаларни ҳал қилиш Оренбург ҳукумати ваколатларига кирмасада, аммо ҳукумат вакиллари Қозоғистон билан чегарада "божхона йўлаги" ҳақидаги миш-мишлар туфайли адашган одамларга ёрдам бериш учун барча имкониятларни ишга солмоқда.

ТОШКЕНТ, 5 авг - Sputnik. Оренбург ва Самара вилоятлари чегарасида тўпланиб қолган 3,5 мингдан зиёд Қирғизистон ва Ўзбекистон фуқаролари ватанга қайтарила бошлади, дея хабар берди Оренбург ҳукумати.

Вилоят ҳокимияти тақдим этган маълумотларга кўра, Россия-Қозоғистон чегараси - Оренбургнинг Бузулук ва Самара вилояти ҳудудида 3 мингга яқин Қирғизистон фуқаролари ва 500 дан ортиқ Ўзбекистон фуқаролари тўпланган.

"Бузулук вилояти ва Самара вилояти ҳудудида бўлган Қирғизистон фуқаролари икки кун давомида Қозоғистон Республикаси билан чегара орқали ўтказилади ва ватанга йўл олади. Ўтказилаётган Қирғизистон фуқароларининг умумий сони 3 минг кишига яқин. Шунингдек, ватанга қайтиш имкониятини кутиб турган Ўзбекистоннинг 500 га яқин фуқароси, дастлабки келишувларга кўра, 6 август куни чегарани кесиб ўтишлари мумкин. Улар ўз ватанларига темир йўл транспорти орқали борадилар", - деб хабар қилади вилоят ҳукумати.

"Бизнинг вилоятимиз биринчи марта нотўғри маълумотлар туфайли адашган одамлар уйга қайтиш имкониятини кутаётган майдончага айланаётгани йўқ. Улар чарчаган, аммо буёғига оз қолди: улар яқин кунларда ўз уйларига қайтишлари мумкин", - дея иқтибос келтиради Оренбург вилояти губернатори Денис Паслердан ҳукумат матбуот хизмати.

Минтақа ҳукуматининг РИА Новостига маълум қилишича, мигрантлар вақтинча истиқомат қилаётган палаткалар шаҳарчасида кекса ёшдаги кишилар, ҳомиладорлар ва болалар сони жуда кўп. "Чегарани кесиб ўтиш билан боғлиқ масалаларни ҳал қилиш минтақавий ҳокимият ваколатларига кирмасада, вилоят ҳукумати Қозоғистон билан чегарада "божхона йўлаги" ҳақидаги миш-мишлар туфайли адашган одамларга ёрдам бериш учун барча имкониятларни ишга солмоқда. Биз уларни сув ва электр қуввати билан таъминлаяпмиз" - деди суҳбатдош.

738
Денежные купюры России

Россия МБ рекорд ҳажмдаги пул ўтказмалари ҳақида баёнот берди - пуллар МДҲга юборилган

294
Россия Марказий банки 2018 йилдан бошлаб чет элга рекорд даражадаги пул ўтказмалари ҳақида баёнот берди

ТОШКЕНТ, 18 сен — Sputnik. Россия Марказий банки 2018 йилнинг октябридан бошлаб ҳозирги пайтга қадар давлатдан четга амалга оширилган рекорд даражадаги пул ўтказмаларини қайд этди. Бу ҳақда "Ведомости" нашрига таяниб Sputnik Тожикистон хабар бермоқда.

Таъкидланишича, 2020-йилнинг июл ойида россияликлар чет элга 837 миллион доллар юборганлар. Шу билан бирга, маблағларнинг каттагина қисми, 686 миллион доллари МДҲ давлатларига йўналтирилган.

Яна 152 миллион доллар Россия чегараларига яқин давлатларга йўналтирилган.

Статистикани шакллантиришда Марказий банк мутахассислари Western Union, "Золотая корона", "Юнистрим", Contact, Blizko (2020 йилнинг апрелигача бўлган давргача) ҳамда "Россия почтаси" орқали амалга оширилган ўтказмаларни ҳисобга олганлар.

Эслатиб ўтамиз, март ойидан бошлаб чет элга пул ўтказмалари ҳажми пасая бошлади ва 2020 йилнинг апрелида ўзининг минимумига етиб, 302 миллион долларгача пасайди.

Пул ўтказмаларининг камайиб кетишига жаҳондаги коронавирус пандемияси, чегаралар ёпилиши ва кўплаб корхоналарнинг ўз фаолиятини тўхтатиши таъсир кўрсатди.

Кўплаб мигрантлар бунинг оқибатида ишидан маҳрум бўлдилар.

294

Пандемия вақтида ўзбекистонликларни РФга ишга жалб қилиш бўйича келишувга эришилди

363
(Янгиланган 14:22 18.09.2020)
Ташқи меҳнат миграцияси агентлиги ваколатхонаси ва унинг Новосибирск, Екатеринбург, Самара, Уфа вилоятларида ташкил этилаётган филиаллари ва "Роструд" ўртасида ҳамкорликни йўлга қўйиш каби масалалар юзасидан дастлабки келишувларга эришилди.

ТОШКЕНТ, 18 сен - Sputnik. Россия Федерацияси ва Ўзбекистон ўртасида меҳнат миграцияси соҳасида бир қатор масалалар юзасидан музокаралар ўтказиш ва келишувларга эришиш мақсадида мутасадди идоралар вакилларидан иборат делегация аъзолари Россияга жўнаб кетишган эди.

Ташриф доирасида Россиянинг Меҳнат ва бандлик бўйича федерал хизматида Ўзбекистон Бош вазирининг маслаҳатчиси – Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти мудири Мехриддин Хайриддинов, Бандлик ва меҳнат муносабатлари вазирининг биринчи ўринбосари Э.Мухитдинов, Ўзбекистоннинг Россиядаги элчиси Ботиржон Асадов, "Роструд" раҳбари Михаил Иванков ва бошқалар иштирокида музокаралар бўлиб ўтди.

Учрашувда қайд этилишича, пандемия пайтида Россияда ишсизлар сони 3,5 миллионга етиб, ишсизлик даражаси 4,7 %ни ташкил этмоқда. Ишсизликни камайтириш мақсадида бандлик хизматлари фаолиятини "хизматлар кўрсатиш"дан "муаммоларни ҳал қилиш" усулига ўзгартириш, тегишли янги стандартлар ва меҳнат қоидаларини жорий этиш каби тадбирлар амалга оширилмоқда.

Музокараларда Ўзбекистон делегацияси томонидан пандемия шароитида Ўзбекистон фуқароларини Россияга ишлашга жалб қилиш учун Россия ҳукуматининг Махсус комиссиясидан (тезкор штаб) рухсат олиш, меҳнат мигрантлари ҳуқуқлари ҳимоясини таъминлаш бўйича юридик фирмалар билан ўзаро алоқалар ўртаниш, Ташқи меҳнат миграцияси агентлиги ваколатхонаси ва унинг Новосибирск, Екатеринбург, Самара, Уфа вилоятларида янги ташкил этилаётган филиаллари ва "Роструд" ўртасида ҳамкорликни йўлга қўйиш, меҳнат миграциясига оид икки давлат ўртасидаги бошқа масалалар юзасидан билдирилган таклифлар бўйича дастлабки келишувларга эришилди.

Ўзбекистон делегациясининг ташрифи давом этмоқда.

363
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

215
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

215