Сотрудники работают над предотвращением появления нового коронавируса на станции Сусео в Сеуле, Южная Корея

Жанубий Кореяга пандемия шароити яхшиланиши билан авиарейслар тикланади - ТММА

148
Музокаралар натижасига кўра, икки давлатда ҳам пандемия шароити яхшиланиши билан авиарейслар тикланиши, шундан сўнг таътилга ва иш жойини алмаштириб келган фуқароларимиз ўз иш жойларига тўғридан-тўғри кириб бориши маълум қилинди.

ТОШКЕНТ, 14 ноя - Sputnik. Ўзбекистон – Жанубий Корея: икки давлатда ҳам пандемия шароити яхшиланиши билан авиарейслар тикланади, деб хабар бермоқда Ташқи меҳнат миграцияси агентлиги.

Агентлик бошлиғи М.Маматхонов, Корея Республикасининг Ўзбекистондаги элчихонаси консулининг биринчи котиби Хо Ин Cу ва Корея Инсон ресурсларини ривожлантириш хизматининг Ўзбекистондаги "EPS" маркази директори Сонг Санг Жинг ўртасида учрашув ташкил этилган.

Учрашувда жорий йил январь ойидан бошлаб Корея Республикасидаги корхонасидан меҳнат таътили олиб, Ўзбекистонга келган фуқароларимизни ушбу давлатдаги иш жойига қайиб боришини таъминлашга доир масалалар юзасидан музокаралар олиб борилди.

Музокаралар натижасига кўра, икки давлатда ҳам пандемия шароити яхшиланиши билан авиарейслар тикланиши, шундан сўнг таътилга ва иш жойини алмаштириб келган фуқароларимиз ўз иш жойларига тўғридан-тўғри кириб бориши маълум қилинди.

Ҳозирги кунга қадар ишчи визасига эга фуқаролар транзит авиарейслар орқали мустақил равишда Корея Республикасига жўнаб кетиш учун уриниш ҳолатлари аниқланмоқда. Натижада ўзларига иқтисодий зарар етказмоқда.

Учрашувда ушбу ҳаракатлар сабабли уларнинг ўзи ҳам, бошқа фуқаролар ҳам Корея Республикасига кириб боришини янада кечиктириши ҳамда салбий оқибатларга олиб келиши ҳақида эслатиб ўтилди.

148
Мавзу:
COVID-19 умумжаҳон пандемияси (1288)
Иностранные граждане в очереди на дактилоскопическую регистрацию, архивное фото

Россияда чет элликлар ҳужжатлари муддати 2021 йилнинг ёзигача узайтирилиши мумкин

488
Маълум бўлишича, Россияда мигрантлар ҳужжатларини, ҳатто уларнинг муддатлари ўтган бўлса ҳам, яна ярим йилга узайтиришлари мумкин

ТОШКЕНТ, 27 ноя — Sputnik. Россияда чет эллик фуқароларнинг ҳужжатлари муддатини келгуси йилнинг ёз ойигача узайтиришлари мумкин, деб хабар қилмоқда "Парламентская газета" нашри.

Бу ҳақда Федерация кенгашида мигрантларнинг ижтимоий-маданий адаптацияси масалаларига бағишланган йиғилиш вақтида РФ ИИВ миграция масалалари бўйича бош бошқармаси раҳбари ўринбосари Кирилл Адзинов маълум қилди.

Маълум бўлишича, ҳозирда ҳужжат муддатини узайтириш устида иш кетмоқда.

"Биз президент администрацияси билан унинг кейинги узайтирилиши устида иш олиб бормоқдамиз. Кутилишича, ҳужжат келгуси йилнинг ёз ойларигача узайтирилиши мумкин", - дея аниқлик киритди Адзинов.

Эслатиб ўтамиз, чет эллик фуқароларнинг ҳужжатлари муддатини узайтириш қарори коронавирус пандемияси ва 18 апрел куни мамлакатлар ўртасида чегаралар ёпилиши муносабати билан эълон қилинган эди.

Ўша вақтдан буён ҳужжат икки маротаба узайтирилди. Аввалига 15 сентябр, сўнгра 15 декабрга қадар.

Таъкидлаш жоизки, қабул қилинган ҳужжатга кўра, мигрантлар Россияда уларга мамлакатда яшаш ҳуқуқини берувчи ҳужжатлари муддати ўтиб кетган тақдирда ҳам қолишлари мумкин.

Регистрациялар, патентлар, яшаш ҳуқуқини берувчи ҳужжат (вид на жительство) ва бошқа ҳужжатлар муддати ўтган ҳисобланмайди, уларни бекор қилишмайди, шунингдек, бу асосда чет элликлар РФдан депортация ҳам қилинмайди.

488

Астрахан вилояти 10 минг нафар мигрантларни қабул қилишга тайёр

476
(Янгиланган 12:16 27.11.2020)
Ўзбекистонлик меҳнат мигрантлари Астрахан вилоятига қишлоқ хўжалиги, балиқ саноати ва қурилиш соҳаларига ташикллаштирилган тартибда ишга жалб қилиниши режалаштирилмоқда.

ТОШКЕНТ, 27 ноя — Sputnik. Астрахан вилояти 2021 йилда қишлоқ хўжалигида ишлаш учун 10 минг нафар меҳнат мигрантларини қабул қилишга тайёр. Бу ҳақида ҳудудий қишлоқ хўжалиги ва балиқ саноати вазири Руслана Пашаевнинг Қорақалпоғистон Министрлар кенгаши ҳамжа Хоразм вилояти ҳокимияти вакиллари билан бўлиб ўтган учрашувида маълум бўлди. 

Музокаралари якунида, меҳнат миграцияси соҳасида ҳамкорликни йўлга қўйиш режаси тузилди. Вилоят вакиллари ыишлоы хщжалигидан ташқари балиқ саноати ҳамда қурилиш соҳаларида ҳам ишчи кучига эҳтиёж борлигини хабар қилишди. Шунингдек мавсумий ишга жалб қилиш масалалари ҳам кўриб чиқилди. 

Астрахан вилоятида қонуний ишлайдиган меҳнат мигрантлари сони бўйича Ўзбекистон биринчи ўринда туради. 

Маълумот учун айни дамда, коронавирус пандемияси муносабати билан киритилган чекловларга кўра, Россия ҳудудига хорижий фуқаролар кириши чекланган. Ўзбекистонлик меҳнат мигрантлари фақат ташкиллаштирилган тартибда икки давлат расмий органлари келишувига мувофиқ кириб келишлари мумкин. 

 

476

Дунё COVID-19 устидан ғалабага эришилгани ҳақида қачон гапира бошлайди ССВ раҳбари фикри

0
Ўзбекистон соғлиқни сақлаш вазири Абдуҳаким Хаджибаев дунё коронавирус пандемияси устидан ғалаба қозонилгани ҳақида қачон гапиришни бошлаши борасида фикр билдирди.

Вазирнинг сўзларига кўра, ўтган яқин 30-40 йил ичида бундай кенг кўламли пандемия бўлмаганини ҳисобга олган ҳолда ўзини ҳурмат қилувчи ҳеч бир киши бу саволга аниқ жавоб беришни зиммасига олмайди.

Олимлар ва ЖССТ мутахассислари фикрига кўра, 2021 охирига қадар ҳар ҳолда коронавирус ҳолатлари аниқланиб туради. Лекин пандемия жараёни секинлашиб боришига умид қилинмоқда.

“Айтайлик, 2021 йилнинг биринчи чорагида оммавий эмлашни бошлайдиган мамлакатлар бор деб ўйламайман. Ҳойнаҳой бу 2021 йилнинг иккинчи ярмида бўлади. Оммавий эмлаш бошланиши билан эса биз дунё тиббиёт ходимлари босқичма-босқич бунинг устидан ғалабага эришамиз”, - деди ССВ раҳбари Sputnik мухбири билан суҳбатда.

0
Теглар:
Абдуҳаким Хаджибаев \\, коронавирус пандемияси