Мигрантлар қачон COVID-19’га қарши эмланади?

530
(Янгиланган 17:51 26.01.2021)
Роспотребнадзор раҳбари Анна Попова мамлакатда яшовчи мигрантлар COVID-19га қарши эмланиши юзасидан тўхталди.

ТОШКЕНТ, 26 янв — Sputnik. Россияда яшовчи чет элликлар коронавирусга қарши эмлашни ҳозирча режалаштирмаяпти. Бу ҳақда Роспотребнадзор раҳбари Анна Попова 26 январь куни бўлиб ўтган ялпи мажлисда маълум қилди.

Сурункали касалликларга чалинган ва кекса ёшдаги одамлар биринчи навбатда эмланади. Унинг сўзларига кўра, йирик саноат корхоналари ишчилари, бир қатор касб вакиллари ҳам биринчилардан бўлиб эмланади.

"Ҳар ҳолда эмлашда устуворлик бўлиши керак. Биз уни давлатда аниқлаб олдик ва унга амал қилмоқдамиз. Барчани, Россия Федерацияси фуқаролари бўлмаганларни эмлаш имконияти пайдо бўлиши биланоқ, бу амалга оширилади”, - деди Попова.

Россия ҳудудларида коронавирусга қарши оммавий эмлаш 18 январда бошланди. Фуқаролар мамлакатда рўйхатдан ўтган иккита вакцинадан бирини - "Спутник V " ёки "ЭпиВакКорона" танлашлари мумкин.

Бундан аввал, мигрантлар тиббий маълумотлари махсус реестрга киритилиши ҳақида хабар бергандик.

Роспотребнадзор мигрантларнинг меҳнат фаолияти, тиббий маълумотлари, шунингдек мамлакатнинг эпидемиологик хавфсизлигига таъсир кўрсатадиган бошқа маълумотларни олиш учун фойдаланилади.

530
Теглар:
Спутник V, коронавирус пандемияси, Москва, мигрантлар, Россия
Мавзу:
COVID-19 умумжаҳон пандемияси (1389)

Бош консул Москва вилоятидаги чет эл фуқароларини вақтинча сақлаш марказида бўлди

234
(Янгиланган 19:27 04.03.2021)
Валижон Ниёзхўжаев у ердаги 18 нафар Ўзбекистон фуқароси ҳолидан хабар олди. Уларнинг Ватанга қайтиш ва бошқа муҳим ҳужжатларни расмийлаштириш бўйича зарур чоралар кўрилишини билдирди.

ТОШКЕНТ, 4 мар — Sputnik. Ўзбекистон бош консули Валижон Ниёзхўжаев Россия ИИВ Москва шаҳар бош бошқармасининг Москва вилояти, Подольск шаҳрида жойлашган Чет эл фуқароларини вақтинча сақлаш марказида бўлди.

“Дунё” АА хабарига кўра, марказ раҳбари Алексей Лагода республика томонидан чет элда бўлиб турган ва оғир аҳволда қолган фуқаролар ҳуқуқларини ҳимоя қилиш бўйича олиб борилаётган ишларни юқори баҳолади.

У элчихонага Марказда бўлиб турган Ўзбекистон фуқаролари ҳақида маълумот тақдим қилиб туриш, уларнинг ҳуқуқлари бузилишининг олдини олиш ва мавжуд муаммоларга ўз вақтида жавоб топишга тайёрлигини билдирди.

Бош консул ушбу муассасада бўлиб турган 18 нафар Ўзбекистон фуқароси билан  суҳбатлашди.  Улар учун яратилган шароит (спорт зали ва футбол майдончаси, кутубхона), тиббий кўрик, озиқ-овқат билан ўз вақтида таъминланиш масалаларини ўрганди.

Ватандошлар билан учрашув якунида элчихона консуллик бўлими томонидан уларнинг Ватанга қайтиш, ҳуқуқ ва манфаатларини ҳимоя қилиш билан боғлиқ сертификат ва бошқа муҳим ҳужжатларни расмийлаштириш бўйича зарур чоралар кўрилишини билдирилди.

234
Теглар:
Россия, миграция, консуллик
Многофункциональный миграционный центр г. Москвы

Тошкентда Россия Миграция маркази март ойида очилиши мумкин

309
(Янгиланган 10:08 04.03.2021)
Ўзбекистонда "Москва кўпфункцияли миграция марказининг" ваколатхонаси март ойи ўрталарида очилиши мумкин - меҳнат вазирлиги.

ТОШКЕНТ, 4 мар — Sputnik. Ўзбекистонда Россия Ички ишлар вазирлигининг паспорт-виза хизмати ҳамда Кўп функцияли миграция марказларининг ваколатхонаси март ойида очилиши мумкин. Бу ҳақида Ўзбекистон Меҳнат вазири ўринбосари Эркин Муҳитдинов РИА Новостига хабар қилди.

"Россия ИИВнинг паспорт-виза хизмати ходимлари аллақачон шу ерда. Ҳозир ушбу ваколатхона очишнинг айрим қонуний масалалари ҳал қилинмоқда. Бизнинг режамиз бўйича ушбу ишлар март ойида тугатилиши керак", - деди Муҳитдинов. 

Унинг сўзларига кўра, бунинг учун Россия томон паспорт-виза қонунчилигининг айрим ҳужжатларига ўзгартириш киритиши керак.  

Эслатиб ўтамиз, 2020 йилнинг декабр ойида Ташқи меҳнат миграцияси агентлиги Россия ИИВ ҳузуридаги "Паспорт-виза хизмати" Федерал давлат унитар корхонаси ҳамда "Москва кўпфункцияли миграция маркази" билан билан шартнома имзолаган эди. Ушбу шартнома Ўзбекистонда Россия миграция марказлари ваколатхоналари очишни назарда тутади. 

Айни дамда Ўзбекистонда Москва вилояти Сахарово қишлоғида жойлашган "Москва кўпфункцияли миграция маркази"нинг ваколатхонаси ишга тушишга тайёр. У ерда Ўзбекистон фуқаролари Москвада ишлаш учун патент олишлари мумкин.  

"Ушбу ваколатхонани расман очиш учун биз 16-18 март кунлари Москвадан делегация келишини кутмоқдамиз", - деди вазир ўринбосари. 

Маълумот учун, айни дамда Россия ИИВ меҳнат мигрантлари фаолиятига доир янги қонун ишлаб чиқмоқда. Унга кўра, Россияга меҳнат қилиш учун келаётган фуқаролар дактилоскопия ва тиббий кўрикни Россиянинг хориждаги дипломатик ваколатхоналарида ўтишлари мумкин бўлади. 

Эслатиб ўтамиз, ўзбекистонлик меҳнат мигрантлари учун Россия энг оммавий йўналиш бўлиб қолмоқда. Ташқи меҳнат миграциясида бўлган 1,6 миллион Ўзбекистон фуқароларининг 1,1 миллион Россияда меҳнат қилмоқда. 

309

Демократияни ўргатишади. АҚШ ишга аралашув усулларини белгилаб олди

14
Америкаликлар эндиликда демократия учун курашмоқчи эмас. Вақт кўрсатдики: интервенциялар ва авторитар етакчиларни тахтдан ағдариш самарасиз экан

ТОШКЕНТ, 5 мар — Sputnik, Софья Мельничук. Америкаликлар эндиликда демократия учун курашмоқчи эмас. Вақт кўрсатдики: интервенциялар ва авторитар етакчиларни тахтдан ағдариш самарасиз экан. Бундан сабоқ чиқарган Вашингтон дунёни (бу ишни ўзидан бошлаган ҳолда) ўзгартирмоқчи.

АҚШ эндиликда қандай ҳаракат қилмоқчи - РИА Новости материалида.

Янги давр - янги усуллар

АҚШ Давлат департаменти давлат котиби Энтони Блинкеннинг илк расмий чиқиши, гарчи бўш залда бўлиб ўтган бўлса-да, аммо жуда катта шов-шувларни келтириб чиқарди. Ярим соат ичида америка дипломатияси раҳбари тез орада миллий хавфсизлик стратегиясида бириктириб қўйиладиган ташқи сиёсатнинг асосий йўналишларини санаб ўтди.

Блинкен деярли ҳеч қандай янги гап айтган эмас: у ҳам, президент Жо Байден ҳам бу гапларни сўнгги ойларда бир неча мартадан такрорлашган. Аммо, шундай эса-да, айрим гаплар бўлдики, уларни эътибордан четда қолдириб бўлмасди.

"Бизнинг ёндашувимиз ўзгаради, — деб эълон қилди давлат котиби. — Биз демократияни қимматбаҳо ҳарбий интервенциялар ёки авторитар режимларни куч билан ағдаришга уринишлар ёрдамида илгари сурмаймиз". Бундай усуллар, гарчи, яхшиликларни кўзлаб қўлланилган бўлсада, аммо ҳеч қандай яхши оқибатларга олиб келмади, деб тан олди у.

Бундан ташқари, "демократияни илгари суриш" сўзлари салбий маъно касб этди, ва ҳатто америкаликларнинг ўзлари ҳам бу гапларга ишонмай қўйган.

Дунё ўзгарди, ва янги шароитларда Вашингтон ўз эътиборини терроризм таҳдидидан рақиб-державалар билан курашга йўналтирмоқчи. Демократияни илгари суришни — бу эса аввалгидек АҚШ ташқи сиёсатининг қонунидир — ўз шахсий намунасида кўрсатиш лозим. "Акс ҳолда, биз Хитой ва Россия сингари рақибларга қўл келадиган ишларни қиляпмиз, улар бизнинг идеалларга собитлигимиз борасида гумонларни юзага келтириш учун дуч келган имкониятлардан фойдаланишмоқда. Уларга масалани енгиллаштириш керак эмас", - дея хулоса қилди дипломат.

Айтарли бўлмаган намуна

Ўтган йил мамлакатга синовларни олиб келди. Биргаликда ҳисоблаганда Биринчи, Иккинчи жаҳон урушлари ва Вьетнам урушидагиданда кўпроқ америкаликларнинг қурбон бўлишига сабаб бўлган коронавирус инфекцияси соғлиқни сақлаш тизимидаги нотенгликни кўрсатиб берди. Полициячиларнинг шафқатсизлиги ва қоратанлиларнинг ўлдирилиши туфайли юз берган ирқчилик туфайли қўзғолонлар жамиятдаги тизимли ирқчилик муаммосини очиб ташлади.

Президент сайловлари эса ўн йилликлардан буён юз берган энг жанжалли тадбирга айланди. Дональд Трамп ҳанузга қадар овоз бериш натижаларини ҳисоблашда қаллобликка йўл қўйилди, дея таъкидламоқда. Бу эса фундаментал қадриятларга нисбатан ҳақиқий ҳужумга олиб келди: олтинчи январь куни сайловчилар овози натижалари тасдиқланаётган вақтда оломон Капитолий биносига бостириб кирди.

Янги президент - Жо Байден олдида биринчи галда мамлакат ичидаги бирликни қайта тиклаш зарурати пайдо бўлди, у биринчи галда америкаликларнинг ўзига - АҚШ ҳамон - демократия машъаласи эканлигини исботламоғи даркор эди.

"Штатларда шахсий намуна кўрсатиш борасида катта муаммо мавжуд, — дейди РИА Новости билан суҳбатда АҚШ ва Канада институти катта илмий ходими Павел Кошкин. — Электоратни сафарбар этиш учун уларга риторик инструмент керак. Улар учун: биз мамлакатдаги ҳолатни тартибга сола оламиз, дея кўрсата олишлари муҳим".

Қайсидир маънода Блинкеннинг баёнотларини ичкарига йўналтирилган ҳисоблаш мумкин, дейди Кошкин. "Бошқа давлатларда тартиб ўрнатиш - ўзига яраша стимул: ҳаммасини ўздан бошлаш керак", — дея тушунтиради у.

Тараққиёт демократияга қарши

Байден маъмурияти мунтазам таъкидлаб келадики: бош стратегик рақиб — Хитой ва унинг ривожланиш моделидир. Вашингтон айнан шуни ўзгартиришга эришмоқчи.

Пекиннинг ўзи эса сиёсий тизимни ҳеч қаерга экспорт қилмоқчи эмас, бу ҳақда ХХР раиси Си Цзиньпин гапирган эди. "Биз дунё учун имкониятларни тараққиёт ёрдамида илгари сурамиз", дея тушунтирган эди у.

Айрим давлатларда чиндан ҳам хитойча давлат бошқарувининг алоҳида олинган элементлари импортига талаб мавжуд, дейди Москва Карнеги маркази маслаҳатчиси хитойшунос Темур Умаров. Бунга мисол — Марказий Осиё мамлакатларидир, у ерда АҚШ таъсири йилдан-йилга камайиб бормоқда.

"Минтақанинг барча автократиялари Хитой муваффақиятини қайтаришни истайди: улар демократик ислоҳотларсиз ривожланган давлатга айланишни исташади", — дея таъкидлайди Умаров. Шу билан бирга ҳар қандай автократия замонавий дунёда демократия бўлиб кўринишга мажбур. Бусиз глобал дунёда нормал мавжудликнинг имкони йўқ.

Шу боис риторика даражасида Марказий Осиёда ҳамма ислоҳотлар ва инсон ҳуқуқлари ҳақида гапиришади, аммо амалда эса Ғарбни тақлид модели сифатида кўрмайдилар. Агар илгари, камида битта мамлакат — Қирғизистон, яъни Марказий Осиёдаги демократия оазиси, — кўпроқ америкапараст кайфиятда бўлган бўлса, ҳозирда у ҳам ўз фикридан қайтган ва бошқа йўлдан бормоқда.

Қўшма Штатлар минтақада ўз позициясини кучайтиришлари мумкин эди, қачонки Марказий Осиёга худди ҳозирда Пекин қилаётгани иқтисодий жиҳатдан фаолроқ жалб этилганларида. Бусиз, дейди Умаров, мафкуравий планда катта таъсирга эга бўлолмайди.

Унутилмаган эскилик

Янги маъмуриятнинг ушбу танлаган йўли — Барак Обама даврида бошланган йўлнинг давомидир. Обама доктринаси деб аталмиш бу йўл чет элда америка ҳарбийлари контингентининг қисқартирилишини кўзда тутарди. Ўша вақтдаёқ демократлар ҳарбий усуллар унчалик самарали эмас, демократияни интервенциялар, оккупация ва давлат қурилиши ҳисобига эмас, балки юмшоқ куч ёрдамида илгари суриш керак, деган хулосаларга келган эдилар.

Аммо 44-президент бу ишни унчалик уддалай олмади: 2011-йилда АҚШ ливия ҳукумат қўшинлари бўйлаб зарба берди. Обама сал вақт ўтиб, қарор, албатта, тўғри бўлганлигини, аммо унинг оқибатларига Вашингтон тайёргарлик кўрмаганини тан олган эди. Ливия тартибсизликлар уммонида қолди — Обама буни ўз президентлигининг энг қўрқинчли хатоси, дея атади.

Ҳозирги маъмурият унинг уринишларини давом эттиради ва бевосита ҳарбий интервенциядан ташқари барча усуллардан фойдаланади, деб ҳисоблайди "Иқтисодиёт олий мактаби" миллий тадқиқот университети Европа ва халқаро комплекс тадқиқотлар маркази директори ўринбосари Дмитрий Суслов.

"Чет элдан келадиган ва ННТлар ёрдами сиёсатига урғу берилмоқда, "тўқ сариқ ранг инқилоблар"ни янада фаолроқ қўллаб-қувватлайдилар, — дейди у, Сурияда АҚШ Башар Асад режимига қарши бевосита кураш олиб бормаганини, балки мухолифат кучларга ёрдам берганини эслатган ҳолда. — Бу йўл қўйилиши мумкин бўлган инструментлигича қолмоқда".

Ҳозирда Вашингтон Россия, Беларус, Венесуэлада мухолифат вакилларига ён босмоқда. Сал олдин Штатлар Алексей Навальний иши учун айрим россиялик амалдорларга қарши санкциялар киритган эди. Светлана Тихановская америка элчиси билан Беларус президенти Александр Лукашенкога қарши чеклов чоралари борасида муҳокамалар ўтказди. Куни кеча Блинкен Хуан Гайдо, Венесуэладаги мухолифат етакчиси билан қўнғироқлашди. Хитой ва Эронда АҚШ ғарбпараст ННТ ва диссидентларга ёрдам бериб келади.

Аниқ ҳаракатлар мамлакатга боғлиқ, дейди Суслов. Қаердадир бу томонларнинг бирини фуқаролик урушида қўллаб-қувватлаш бўлиши мумкин, қаердадир эса - сиёсий инқироз фитнаси кўринишида.

Ахборот сиёсати, ташвиқот, халқ дипломатияси. Санкциялар — демократияни кенг тарқатишнинг муҳим инструментларидан бири: улар йўқ қилиниши лозим бўлган элиталарга зарба беради. Аммо янги Ироқ ва Ливияларга келадиган бўлсак - бундай операциялар бўлмайди.

Тарих шуни кўрсатадики: фақатгина шахсий намуна билан демократияни тиқиштириш муаммоли иш — бу чет эл лойиҳалари учун маблағ ажратишдан-да мушкулроқ. Шундай экан, афтидан, дўстона кучларни молиявий қўллаб-қувватлаш, Давлат департаментининг асосий инструментига айланса керак.

14