Председатель комиссии по миграции Совета по делам национальностей при правительстве Москвы Юрий Московский

Эксперт мигрантлар учун янги тизим ҳақида: РФ Ўзбекистоннинг ЕОИИга киришига ҳозирланмоқда

1199
Россия ҳукумати ЕОИИга аъзо мамлакатлардан бўлган мигрантларнинг биометрик маълумотларини топширишини мажбурий этиб белгилашни таклиф қилмоқда.

Россия ҳукумати Давлат думасига кўриш чиқиш учун янги қонун лойҳасини киритди, унга кўра Евроосиё иқтисодий иттифоқи давлатларидан мамлакатга 90 кундан зиёд муддатга кираётган чет элликлар биометрик маълумотларини топширишлари ва мажбурий тиббий кўрикдан ўтишлари шарт бўлади. Ҳужжатга мувофиқ дактилоскопия вояга етмаганлар ва кексалар учун шарт эмас.

Москва ҳукумати ҳузуридаги Миллатлар ишлари бўйича кенгашининг миграция комиссияси раиси Юрий Московский бу ҳақда фикр билдириб, ушбу чора “Ўзбекистоннинг ЕОИИ таркибига эҳтимолий кириши арафасида” кўрилаётганини тахмин қилди.

“Ҳозир Ўзбекистон фуқаролари Россияда патент асосида ишлашади. Агар республика ЕОИИга кирса, тартиб соддалашади”, - деди у.

Московский Ўзбекистон иттифоққа кирган тақдирда мамлакат фуқаролари Қирғизистон, Қозоғистон, Беларусь фуқаролари сингари ишлашга келишлари ва патент расмийлаштиришлари шарт бўлмаслигини қўшимча қилди.

“Мамлакат (Россия – таҳр.) Ўзбекистон ва Тожикистон Евроосиё иқтисодий иттифоқи таркибига киришига янада тайёрроқ бўлади, лекин шу билан бирга бизда (Россияда – таҳр.) ишлаётган бу республикалар фуқаролари солиққа тортилишдан ва тегишли хизмат назоратидан қочмасликлари керак”, - деди эксперт Sputnik Ўзбекистон билан суҳбатда.

Ҳозир Россияга киришда бармоқ изларини “патент ва виза олувчилар” топширишлари шарт, дея эслатди Московский. Шу билан бирга бугунги кунда Россияда меҳнат қилаётган чет элликларнинг аксарият қисмини ЕОИИга аъзо мамлакат фуқаролари ташкил этади.

“Биометрия маълумотларини ҳатто визисиз режимда ҳам олиш мумкин, бунинг устига бу Россияга узоқ муддатга келаётганларга тааллуқли. Бу ерда ҳам давлат, ҳам бу фуқароларнинг ўзларининг хавфсизлиги масаласи турибди”, - деди Московский.

Эслатиб ўтамиз, 2020 йил 11 декабрь куни Ўзбекистон ЕОИИда кузатувчи давлат мақомини олди.

Московский о биометрии для мигрантов: РФ готовится к вступлению Узбекистана в ЕАЭС
1199
Теглар:
мигрантлар, ЕОИИ, Ўзбекистон, Россия
За три дня 670 мигрантов из Узбекистана отправились на работу в РФ в рамках оргнабора

Уч кунда 670 нафар ўзбекистонлик ишлаш учун Россияга жўнаб кетди

265
Суҳбатлардан муваффақиятли ўтган ушбу фуқаролар белгиланган эпидемиологик талаблар ва карантин чекловларига риоя қилган ҳолда турли қурилиш объектларида иш бошлайди.

ТОШКЕНТ, 25 фев — Sputnik. Уч кунда Тошкент халқаро аэропортидан 670 нафар ўзбекистонлик ишлаш учун Россияга жўнаб кетди. Бу ҳақда Ташқи меҳнат миграцияси агентлиги матбуот хизмати хабар қилмоқда.

Қайд этилишича, Россиянинг кўплаб иш берувчи корхоналари вакиллари мамлакатнинг турли ҳудудларида бўлиб, фуқаролар билан суҳбат ўтказмоқда.

Суҳбатлардан муваффақиятли ўтган фуқаролардан 203 нафари 22 февралда, 246 нафари 23 февралда, 221 нафари 24 февралда Россиянинг “ПИК Индустрия” АЖ, “СтройКрафт”, “Техстрой” ва “СпецГрад” МЧЖларда ишлаш учун Тошкент халқаро аэропорти орқали учиб кетган.

Шунингдек, 25 февраль куни яна 200 нафардан ортиқ фуқароларни “ПИК Индустрия” АЖда ишлаш учун ташкиллаштирилган ҳолда жўнатиш режалаштирилган.

Россияда ишлаш учун кетаётган фуқароларга аэропортда тегишли тушунтиришлар берилиб, меҳнат мигрантлари ҳуқуқ ва манфаатларини ҳимоя қилиш юзасидан материаллар тарқатилган.

Улар белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.

Ўзбекистонликларни Россияда транспорт соҳасига ишга жалб қилиш муҳокама қилинди

Эслатиб ўтамиз, Ташқи меҳнат миграцияси агентлиги пандемия сабабли чет элга ишга кетолмаган фуқароларни турли хорижий давлатларга ишга жалб қилиш бўйича амалий чоралар кўрмоқда. Натижада россиялик иш берувчилар ва масъул ташкилотлар билан келишган ҳолда кўплаб фуқаролар Россияга вақтинча меҳнат фаолиятини амалга ошириш учун юборилмоқда.

265
Узбекистан и Россия обсудили вопросы трудовой миграции

Ўзбекистон ва Россия меҳнат миграцияси масалаларини муҳокама қилди

543
Россияда патент расмийлаштириш учун талаб этиладиган тиббий кўрик хизматларини Ўзбекистонда ташкил этиш ҳам муҳокама қилинди.

ТОШКЕНТ, 17 фев — Sputnik. Россияда вақтинча меҳнат фаолиятини амалга ошириш учун Ўзбекистон фуқароларини ташкиллаштирилган ҳолда танлаш ва жалб қилиш бўйича Ўзбекистон ва Россия Ҳукуматлари ўртасидаги келишувни амалга ошириш бўйича ишчи гуруҳининг йиғилиши ўтказилди. Бу ҳақда Бандлик ва меҳнат муносабатлари вазирлиги хабар қилмоқда.

Видеоконференцалоқа шаклида ўтказилган учрашувда Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти, Россия ва Ўзбекистоннинг Меҳнат вазирлиги, ИИВ, ССВ, Қурилиш вазирлиги, Россия Халқлар дўстлиги университетининг Ўзбекистондаги ваколатхонаси ва Ташқи меҳнат миграцияси агентлиги раҳбар ва масъул ходимлари иштирок этди.

Ишчи гуруҳи йиғилишида Ҳукуматлараро келишувнинг амалга ошириш жараёни, хусусан, пандемия шароитида Ўзбекистон фуқароларини ташкиллаштирилган ҳолда Россия иқтисодиётининг турли тармоқларига ишга жалб қилиш, фуқароларни рус тили, Россия тарихи ва қонунчилиги бўйича ўқитиш юзасидан фикр алмашилди.

Ўзбекистонликларни Россияда транспорт соҳасига ишга жалб қилиш муҳокама қилинди

Шунингдек, Россияда ишлаш ҳуқуқини берувчи патент расмийлаштириш учун талаб этиладиган тиббий кўрик хизматларини Ўзбекистонда ташкил этиш масалалари муҳокама қилинди.

543
Теглар:
мигрантлар, миграция, Ўзбекистон, Россия
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

105
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

105