(1:57 / 12.04Mb / просмотров видео: 2155)

"Яшанг, аскарлар": Тошкентда 9 майга бағишланган тадбирлар бўлиб ўтди

1321
Ўзбекистон пойтахтида Хотира ва қадрлаш кунига бағишланган навбатдаги акция ўтказилди. Тадбир ҳақида хабар топган шаҳарликлар концерт дастурлари ўтказиладиган ҳудудларда тўпландилар. Фуқароларнинг кайфиятлари аъло эди. Улар оилавий аскарлар билан суратга тушдилар ва концерт давомида ҳарбийларни чапак чалиб олқишладилар

Ўзбекистон Мудофаа вазирлиги ва Ўзбекистон Ёшлар иттифоқи Марказий кенгаши ҳамкорлигида 9 май санасига бағишланган тадбир бўлиб ўтди. Бугун 2 май куни Иккинчи жаҳон уруши йилларидаги ҳарбий техникаларда ўша йилларнинг ҳарбий кийимини кийган ҳарбий оркестр ижодкорлари Тошкент кўчалари бўйлаб ҳаракатландилар.

Белгиланган жойларда концерт дастурлари уюштирилди.

Акция ва концерт дастурлари Дўмбиробод даҳаси, Усмон Носир кўчасидаги Шота Руставели ҳайкали, Темурийлар тарихи давлат музейи, Ўзбекистон Ёшлар иттифоқи Марказий кенгаши биноси ва "Юнусобод" бозори рўпарасидаги автобуслар бекати ёнидаги майдончаларда тўхтади.

1321
Мавзу:
9 май - Ғалаба байрами, Хотира ва қадрлаш куни (31)

Италияда йирик мафия устидан суд бошланди - видео

100
(Янгиланган 13:58 19.01.2021)
Сўнгги 30 йилда энг йирик суд мажлисида "Ндрангета" бандасининг 300дан ортиқ аъзолари иштирок этмоқда. Улар қотиллик, наркотик савдоси ва бошқа жиноятларда айбланмоқда.

Италиянинг Калабрия вилоятидаги Ламеция-Терме шаҳрида йирик мафия бандаси устидан суд жараёни бошланди. Айтишларича бу сўнгги 30 йил ичида кўриб чиқилган жиноят ишларнинг энг каттаси бўлиши мумкин. 

Айбланувчилар - 300 нафардан ортиқ "Ндрангета" мафия гуруҳи аъзолари. Улар 1990 йилларда содир этилган қотиллик, наркотиклар савдоси ва жиноий йўл билан топилган даромадларни ювиш каби жиноятларда айбланмоқда. 

Келиб чиқиш жойи Калабрия ўлган ушбу жиноий гуруҳ охирги вақтда бутун Италия ва дунёнинг бошқа нуқталарига ҳам тарқалишга улгурган.

Жиноят ишида кўплаб гувоҳлар ва 58 нафар суд билан ҳамкорлик қилишга келишган мафия аъзолари ҳам иштирок этмоқда. Хабарда айтилишига кўра, суд жараёни камида 3 йил вақт кетади. 

Батафсил видеолавҳамизда томоша қилинг. 

100

Хизмат итлари билан қандай машқ ўтказилади видео

58
Ҳуқуқни муҳофаза қилиш, божхона органлари, Фавқулодда вазиятлар вазирлиги хизмат итларидан фойдаланади. Тошкент ИИББ кинология хизматида итлари гиёҳванд моддаларни қидириш ва гумон қилинувчини ушлашга қандай қилиб ўргатилади - бу ҳақда видеомизда.

Мамлакат тинчлиги ва осойишталигини нафақат қуролли кучлар сафида хизмат қилаётган мард йигит ва қизлар, балки уларнинг “тўртоёқли ёрдамчилари” ҳам кўмак беради.

Чегарада, ИИВ, ФВВ ва бошқа тузилмаларда хизмат итларидан фойдаланилади. Айнан замонавий технологияларнинг кўплигига қарамай, жиноятчини тез ва аниқ топиш ва ушлаш, гиёҳванд моддалар ва портловчи моддаларнинг излашда уларнинг хизмати беқиёс.

58
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

116
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

116