Дорихона

Дорини қиммат сотган аптекалар 3 йилгача лицензия ололмайди

285
Соғлиқни сақлаш вазирлиги тартибни қўпол равишда бузган фармацевтларнинг ягона реестри шакллантирилиши ҳақида ахборот берди

TOШКЕНТ, 20 июл — Sputnik. Ўзбекистон президентининг "Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида"ги қарорида аҳолини зарур дори воситалари ва тиббиёт буюмлари билан таъминлаш жараёнига салбий таъсир кўрсатувчи бир қатор масалаларга ечим кўрсатилган.

Хусусан, Соғлиқни сақлаш вазирлиги томонидан қонун ҳужжатлари бузилиши, шунингдек, дори воситалари ва тиббиёт буюмларининг нархини шакллантириш тартиби қўпол бузилганлиги оқибатида лицензияси тугатилган дорихоналар манзиллари ва унга алоқадор ходимларнинг барча учун очиқ бўлган ягона реестрини шакллантириш белгиланган, деб хабар қилди Соғлиқни сақлаш вазирлиги матбуот-хизмати.

Соғлиқни сақлаш вазирлиги Дори воситалари ва тиббий техника сифатини назорат қилиш Бош бошқармаси бўлим бошлиғи Муҳаббат Ибрагимова қонунни бузган дорихоналар қандай жазоланиши ҳақида айтиб ўтди.

"Юридик шахслар томонидан дори-дармон воситалари ва тиббий буюмларга нарх белгилаш тартиби қўпол равишда бузилса, уларнинг лицензияси бекор қилинади ва 3 йил давомида мазкур дорихона мудири номига лицензия расмийлаштирилмайди. Нархни белгилаш тартибини бузиш деганда дори воситаларини қатъий белгиланган нархлардан юқори нархда сотиш ва белгиланганидан ортиқ савдо устамаларини (15/20 фоиз) қўйиш тушунилади. — Шунингдек, эндиликда тартиб-қоидани қўпол равишда бузган фармацевт ходимлар ҳам ягона реестрга киритилади ва улар ҳам 3 йил давомида дорихоналарда фармацевт ходим сифатида фаолият юритиш ҳуқуқидан маҳрум этилади", — деди Ибрагимова.

Ушбу реестр барча учун очиқ бўлгани боис, дорихона мудирлари ишга қабул қилишдан олдин бўлажак ходим мазкур рўйхатда бор ёки йўқлигини текшириб кўришлари тавсия қилинади.

Ушбу реестрни шакллантириш вазифаси Ўзбекистон Республикаси Ахборот технологиялари ва коммуникацияларини ривожлантириш вазирлиги Соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда Соғлиқни сақлаш вазирлиги томонидан бир ой муддатда амалга оширилиши белгиланган.

285
Кпп на границе

Ўзбекистон ҚР яхлитлигини бузмаган Ҳукумат Дейрес қишлоғи атрофидаги ҳолат ҳақида

10
(Янгиланган 12:42 04.12.2020)
Ҳукумат ҳузуридаги котибиятнинг таъкидлашича, Ўзбекистон томони Қирғизистон ҳудудининг яхлитлигини бузмасдан иш олиб бормоқда.

ТОШКЕНТ, 4 дек – Sputnik. Ҳукуматнинг чегара олди масалалари бўйича махсус вакили котибияти Жалолобод вилоятининг Дейрес қишлоғи яқинидаги вазият бўйича тушунтириш берди, деб хабар қилмоқда Sputnik Қирғизистон нашри.

Вазирлар Маҳкамаси матбуот хизматининг хабар беришича, чегарадош қишлоқ аҳолиси Ўзбекистон ҳарбийлари ушбу аҳоли пункти яқинида муҳандислик иншоотларини ўрнатишни бошлагани ҳақида хабар беришган.

 

Ҳукумат 2017 йилда ушбу участка делимитация жараёнидан ўтганини тушунтирган.

Вазирлар Маҳкамаси матбуот хизматининг хабар беришича, чегарадош қишлоқ аҳолиси Ўзбекистон ҳарбийлари ушбу аҳоли пункти яқинида муҳандислик иншоотларини ўрнатишни бошлагани ҳақида хабар беришган.

"Шу нуқтаи назардан, ушбу соҳада муҳандислик ишлари Қирғизистонга тегишли бўлган ҳудуднинг яхлитлигини бузиш эмас", - деди котибият.

Ўзбекистон томонидан режалаштирилган муҳандислик ишлари, келишувга биноан, қўшни мамлакат ҳудудида 10 метрдан 30 метргача амалга оширилади, дея тушунтирди Вазирлар Маҳкамаси.

Қайд этилишича, маҳаллий ҳокимият маҳаллий аҳолига вазиятни тушунтирган. Қишлоқда вазият барқарор, дея қўшимча қилинади ҳукумат хабарида.

10

Россия Саноат ва савдо вазири Ўзбекистонга "Cпутник V" вакциналарини шахсан олиб келди

124
(Янгиланган 11:42 04.12.2020)
Намуналар улар синовлардан ўтказилиши учун Ўзбекистон томонига топширилган. Шундан сўнг вакцина рўйхатдан ўтказилади ва Ўзбекистон ҳудудида ишлаб чиқарилиши йўлга қўйилади

ТОШКЕНТ, 4 дек - Sputnik. Россия саноат ва савдо вазири Денис Мантуров Ўзбекистон Республикасига шахсан COVID-19га қарши "Cпутник V" вакциналарини етказди. Қимматбаҳо юк Санитария эпидемиологик осойишталик ва жамоатчилик саломатлиги хизмати раҳбари ўринбосари Холмамат Норбоев томонидан қабул қилиб олинган.

Намуналар улар синовлардан ўтказилиши учун Ўзбекистон томонига топширилган. Шундан сўнг вакцина рўйхатдан ўтказилади ва Ўзбекистон ҳудудида ишлаб чиқарилиши йўлга қўйилади.

Айни вақтда ишлаб чиқарилаётган "Спутник V" вакцинаси ҳажми 2 млн дозага етади ва бу бизнинг аҳолимизни вакцинация қилиш учун имконият туғдиради, дейилади хабарда. Таъкидланишича, вакцинани ишлаб чиқариш ва фуқаролик оборотига киритиш ҳажмлари кундан-кунга ортиб бормоқда.

Россия вакцинасини ташқи бозорларда илгари суриш масаласи билан Россия саноат вазирлигининг фаол қўллаб-қувватлови ёрдамида РФПИ шуғулланмоқда.

Ҳозирда вакцина Беларус, Венесуэла, БАА, Ҳиндистонда клиник синовлардан ўтмоқда, шунингдек, Бразилия, Аргентина ва бошқа давлатлардаги регуляторлар билан ишлар олиб борилмоқда.

124
Мавзу:
COVID-19 умумжаҳон пандемияси