Генерал-полковник Зокиржон Алматов

Генерал-полковник Зокиржон Алматов Бухоро вилоятига борди

462
(Янгиланган 09:29 26.04.2018)
Алматов бошчилигидаги ишчи гуруҳ Бухоро вилоятида жиноятчилик ва ҳуқуқбузарликларнинг олдини олиш, фуқаролар осойишталигини таъминлаш ва жамоат тартибини сақлаш йўналишида олиб борилаётган ишларни таҳлил қилган

ТОШКЕНТ, 26 апр — Sputnik. Ўзбекистон Ички ишлар вазири маслаҳатчиси, генерал-полковник Зокиржон Алматов бошчилигидаги ишчи гуруҳ вакиллари Бухоро вилоятига ташриф буюриб, ИИБ ходимлари ва кенг жамоатчилик вакиллари билан учрашди, деб хабар берди Бухоро вилояти ҳокимлиги матбуот-хизмати.

Эслатиб ўтамиз, 1991-2005 йилларда Ички ишлар вазири лавозимида ишлаб, бир қанча ходимларга устозлик қилиб, нафақага кузатилган генерал-полковник Зокиржон Алматов жорий йил Ўзбекистон президенти қарорига кўра, Ўзбекистон ИИВ раҳбари маслаҳатчиси лавозимига қайтарилган эди.

Таъкидланишича, Бухорода ўтган йиғилишда вилоят ҳокими Ўктам Барноев сўзга чиққан ва Ўзбекистон Республикасининг собиқ ички ишлар вазири генерал-полковник Зокиржон Алматовнинг меҳнат фаолияти жуда мураккаб даврларга тўғри келганига қарамай, ўз касбининг касбининг фидойиси бундай таҳликали даврда метиндек ирода, мардлик, жасурлик кўрсатиб Ўзбекистонни оғир даврдан олиб чиққани ҳамда бугунги тинчликнинг сабабчиларидан бири эканлигини алоҳида эътироф этган.

Шундан сўнг генерал-полковник Зокиржон Алматов ўзининг хотиралари ва Ўзбекистон президенти Шавкат Мирзиёев томонидан олиб борилаётган халқни рози қилиш сиёсатининг аҳамияти ҳақида алоҳида тўхталиб, вилоятдаги маҳалла оқсоқолларига бу эзгу сиёсатнинг мақсадини ҳар бир хонадонга етказиш, униб ўсаётган ҳар бир ёшни ватанга муҳаббат руҳида тарбиялаш лозимлигини таъкидлаган.

Алматов бошчилигидаги ишчи гуруҳ Бухоро вилоятида жиноятчилик ва ҳуқуқбузарликларнинг олдини олиш, фуқаролар осойишталигини таъминлаш ва жамоат тартибини сақлаш йўналишида олиб борилаётган ишларни таҳлил қилган.

462
Теглар:
Алматов, ИИВ, Бухоро
Вид на город Ташкент. Узбекистан

Тошкент шаҳар фидойиси” кўкрак нишони таъсис этилади

51
Кўкрак нишон билан Ўзбекистон Республикаси фуқароси бўлмаган шахслар ҳам тақдирланиши мумкинлиги кўзда тутилган.

ТОШКЕНТ, 5 мар - Sputnik. Халқ депутатлари Тошкент шаҳар Кенгашининг ўттиз бешинчи сессиясида Тошкент шаҳар ҳокимининг "Тошкент шаҳар фидойиси" кўкрак нишонини таъсис этиш масаласи кўриб чиқилди.

Депутатлар эътиборига кўкрак нишонининг бир неча намунаси ва Низоми тақдим этилди ва намуналар орасидан миллий хусусиятларимиз ва давлатчилигимиз тарихига мос бўлгани танланиб, бир овоздан маъқулланди.

Мазкур кўкрак нишони Мустақиллигимизнинг 30 йиллик тантанасига муносиб туҳфа сифатида, ҳар йили мустақиллик байрами арафасида Тошкент шаҳрининг ижтимоий-иқтисодий ривожига муносиб ҳисса қўшиб келаётган, Тошкент шаҳридаги мулкчилик шаклидан қатъи назар, корхона, ташкилот ва муассасаларда меҳнат қилаётган фуқароларни, кенг жамоатчилик вакилларини тақдирлаш мақсадида таъсис этилмоқда.

Шунингдек, кўкрак нишон билан Ўзбекистон Республикаси фуқароси бўлмаган шахслар ҳам тақдирланиши мумкинлиги кўзда тутилган.

51

Афғонистон армияси шимолда охирги истеҳкомни тарк этди: МО минтақасини нима кутмоқда

423
Тожикистон ва Афғонистон чегараси яна "олов олмоқда": Афғонистон Ислом Республикаси армияси мамлакат шимолидаги Бала Мурғоб шаҳрида охирги истеҳкомни тарк этди

ТОШКЕНТ, 5 мар — Sputnik. Афғонистон хавфсизлик кучлари батальони мамлакат шимолидаги Бадгис провинцияси Бала Мурғоб шаҳридаги базани тарк этди, деб хабар бермоқда Tolo News.

Афғонистон Мудофаа вазирлиги баёнотига кўра, Бала Мурғобда батальоннинг бўлиши унчалик катта аҳамиятга эга эмас, қолаверса, ҳарбий база ўтиб бўлмас йўллар ва ноқулай об-ҳаво шароитлари туфайли жойини ўзгартирган.

Батальон жами уч юзга яқин ҳарбий хизматчилар, полициячилар ва миллий хавфсизлик кучлари аскарларидан иборат бўлган.

"Афғонистондаги қўшинларнинг қайта дислокацияси минтақа учун жиддий оқибатларни келтириб чиқариши мумкин. Мамлакатнинг аксарият сиёсий арбоблари шу тариқа расмий Қобул провинцияни қарийб толиблар қўлига топширди", - дея хабар қилади Sputnik Тожикистон нашри.

Бундан ташқари, Tolo News хабарига кўра, толиблар Афғонистоннинг шимолий провинцияларида аскарлар кетиши билан саноқли соатлар ичида ҳудудларни эгаллаб олиб, ўз шахсий базалари ва блокпостларни яратишмоқда.

Сўнгги ойлар ичида мамлакатнинг қайси қисмида ҳарбий кучлар ўзларининг кичик ва йирик базаларини тарк этишгани ҳақида маълумотлар йўқ. Аммо ички ишлар вазирлиги баёнотига кўра, сўнгги бир йил ичида идора мамлакат бўйлаб полиция участкаларининг тенг ярмини қисқартирган.

Шу тариқа, деб ёзади "Военное обозрение" нашри, афғон армияси мамлакат шимолида сўнгги форпостни бой берди.

Бундан келиб чиқадики, Тожикистон билан чегарадош ҳудуд тўлиқ толиблар қўлида қолмоқда, бу эса чегарада шундоқ ҳам нотинч бўлган вазиятни янада зиддийлаштирмоқда. Шуни қайд этиш жоизки, Тожикистон, Россия ва ОДКБ ўз нигоҳларини аллақачон ағон билан чегарага қаратганлар.

423
Мавзу:
Афғонистон: 30 йил тинчлик илинжида
Казахстанская авиакомпания SCAT получила разрешение на выполнение полетов по маршруту Актау-Ургенч-Актау.

Қозоғистон авиакомпанияси Ўзбекистонга парвозларни бошлайди

41
(Янгиланган 14:52 05.03.2021)
Қозоғистон парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидлади.

ТОШКЕНТ, 5 мар — Sputnik. Қозоғистон Индустрия ва инфратузилмани ривожлантириш вазирлигининг фуқаролик авиацияси қўмитаси матбуот хизмати келаси душанба, 8 мартдан бошлаб маҳаллий SCAT авиакомпанияси самолётлари “Актау-Урганч” йўналишида ҳафтасига икки маротаба парвозларни йўлга қўйишини маълум қилди.

Рейслар душанба ва чоршанба кунлари Боинг-737 самолётларида амалга оширилади.

Шу билан бирга, парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидланди.

Эслатиб ўтамиз, ўтган ҳафтада Ўзбекистон Транспорт вазири – “Uzbekistan airways” АЖ бошқарув раиси Илхом Маҳкамов Қозоғистон Республикаси Индустрия ва инфратузилмаларни ривожлантриш вазири Бейбут Атамкулов билан телефон орқали мулоқот ўтказганди.

Унда эпидемиологик вазиятдан келиб чиқиб, Ўзбекистон ва Қозоғистон ўртасида йўловчи автобуслари қатновларини тезроқ тиклаш муҳимлиги қайд этилди. Шунингдек, икки мамлакат ўртасида мунтазам авиапарвозлар сонини ошириш, янги қатнов йўналишларини очиш масалалари муҳокама этилди. 

41
Мавзу:
COVID-19 умумжаҳон пандемияси