Танцовщицы

ИИББ Ўзбекистон эркакларини фоҳишалар хизматидан фойдаланмасликка чақирди

7740
Тунги капалакларга қарши операция Тошкентнинг барча туманларида ўтказилмоқда. Статистик маълумотларга кўра, йил давомида 65 нафар аёл рўйхатга қўйилган, яна 826 нафарига нисбатан Маъмурий жавобгарлик кодексининг 190-моддаси бўйича далолатнома расмийлаштирилган.

ТОШКЕНТ, 6 дек - Sputnik. Тошкент ИИББ "Чилонзор-18" даҳасида кўп қаватли уйлар олдида тўпланадиган "капалак"ларга нисбатан кўрилган чоралар тўғрисида маълум қилди.

Хабарда айтилишича, Чилонзор 18 даҳасида яшовчи фуқаролар ОАВларга мурожаат қилиб, уларни ташвишга солаётган ҳолат: деразалари остида ҳар оқшом автомобиллар тўпланиши ва шовқин-сурон қилиши ҳолатига барҳам беришда ёрдам сўрашади. Мурожаатга кўра, ўша автомобилларда энг қадимий касб тури билан шуғулланувчи аёллар қўним топишар экан.

Тошкент ИИББ ижтимоий тармоқ, оммабоп гуруҳлар ва ОАВ саҳифаларини мониторинг қилиб боришини, ИИББ ЙҲХБ ДПС хизмати ва 5-шаҳар милиция бўлимига мурожаат келиб тушгач, дарҳол кўрилгани ҳақида баён этган.

Хабарда айтилишича, 29 ноябр кунидан буён ИИББ ходимлари кўрсатилган йўл қисмида узлуксиз патрул хизматини амалга оширишмоқда, шу жумладан кечки вақтларда ҳам. Тунги осойишталик бузғунчилари кўп ҳолларда автомобиллар хизматидан фойдаланишлари туфайли, патрул ишларида профилактика инспекторлари билан бир қаторда ИИББ йўл ҳаракати хавфсизлиги бошқармаси ходимлари ҳам қатнашишмоқда.

Хусусан, 29 ноябр куни тўрт нафар аёл, 30 ноябр куни яна икки нафар аёл қўлга олинган.

Уларга нисбатан Ўзбекистон Республикаси маъмурий жавобгарлик кодексининг 190, 194 моддалари бўйича айбловлар эълон қилинган.

Шу тариқа, бугунги кунда фоҳишалик билан шуғулланувчи аёлларга нисбатан қўлланилиши мумкин бўлган максимал санкция бу бўйсунмаганлик учун маъмурий ҳибсга олиш.

Ҳуқуқбузарликларни олдини олиш бошқармаси ҳибсга олинганларга қонуний ишга жойлашишнинг бир неча вариантларини таклиф этишлари, аммо қарор қабул қилиш ҳуқуқбузар аёлларнинг шахсий иши эканлиги ҳам қўшимча қилинган.

Патрул қатнашчилари сўзларига кўра, юқорида кўрсатилган йўл қисмида ҳуқуқбузар аёллар билан мулоқотга киришиш осон кечмайди - улар маълум сабабларга кўра, аксарият ҳолларда ўзларини агрессив тутадилар, турли туман провокацияларга йўл қўядилар, баъзилари уларни шу ишга мажбур қилган ҳаётидаги қийинчиликлари ҳақида айтиб, уларни қўйиб юборишларини сўрайдилар. Қизларнинг айримлари ҳомиладор бўлиб чиқади, ва уларга нисбатан ҳибсга олиш қўлланилмайди.

"Мамлакат эркакларидан бундай турдаги хизматлардан фойдаланмасликка чақиришни хоҳлардик - чунки талаб бўлган жойда хизмат ҳам бўлади. Соғлом турмуш тарзи, хавфсизлик, самимий туйғулар, муҳаббат, ҳотиржамлик ва оилани танланг", - дейилади хабарда.

Тунги капалакларга қарши операция Тошкентнинг барча туманларида давом этмоқда, деб маълум қилади ИИББ, Айбдорларга нисбатан санкциялар қўлланилмоқда.

Статистик маълумотларга кўра, йил давомида 65 нафар аёл рўйхатга қўйилган, яна 826 нафарига нисбатан Маъмурий жавобгарлик кодексининг 190-моддаси бўйича далолатнома расмийлаштирилган.

7740
Пассажиры в аэропорту Домодедово имени М. В. Ломоносова

Uzbekistan Airways Қозоғистонга бораётганларга муҳим эслатма билан чиқди

399
ПЦР усули билан COVID-19га манфий натижали маълумотномани олиш учун, Ўзбекистонда парвоздан камида 4 кун олдин тиббиёт муассасасига мурожаат қилиниши тавсия этилади.

ТОШКЕНТ, 19 сен - Sputnik. Uzbekistan Airways Қозоғистонга боришни режалаштираётган фуқароларга муҳим эслатма билан чиқди.

Таъкидланишича, Қозоғистон Республикасига кетаётган Ўзбекистон фуқароларига қўйилган янгиланган талаблар 19-сентябрдан киритилади.

Аэропортда парвозга рўйхатдан ўтиш вақтида баҳсли вазиятларнинг олдини олиш мақсадида, ПЦР усули билан COVID-19га манфий натижали маълумотномани олиш учун, Ўзбекистон Республикасининг тиббиёт муассасаларига вақтида (парвоздан камида 4 кун олдин) мурожаат қилиниши тавсия этилади.

Маълумотнома инглиз ёки рус тилларида бўлиши лозимлиги белгиланган.

Ақтау ва Урганч ўртасида парвозларни йўлга қўйиш муҳокама қилинди >>>

Эслатиб ўтамиз, Ўзбекистон ва Қозоғистон 11 сентябрдан мунтазам парвозларни расман қайта тиклаган эди.

399

Ўзбекистонда коронавирусдан соғайиш кўрсаткичи пастлади

677
(Янгиланган 10:41 19.09.2020)
Янги касалланиш ҳолатларининг 158 нафари Тошкент шаҳрида аниқланган. Қурбонлар сони 423 нафарга етди

ТОШКЕНТ, 19 сен - Sputnik. Ўзбекистонда соат 10.00 ҳолатига кўра коронавирус инфекцияси қайд этилганлар сони 50 634 нафарни ташкил қилмоқда, деб хабар қилди Соғлиқни сақлаш вазирлиги матбуот-хизмати.

Янги касалланиш ҳолатларининг 158 нафари Тошкент шаҳрида аниқланган.

Шунингдек, Андижон вилоятида -21, Хоразм вилоятида - 16, Жиззах вилоятида - 15, Тошкент вилоятида - 13, Самарқанд вилоятида -10, Қашқадарё вилоятида - 8, Сурхондарё вилоятида - 7, Қорақалпоғистон Республикасида - 5 ҳамда Фарғона вилоятида 3 нафар коронавирусга чалиниш ҳолатлари қайд этилган.

Ўртачирчиқ туманида 60 ёшли аёл ҳамда Юнусобод туманида 63 ёшли аёл коронавирус оқибатида вафот этишган. Қурбонлар сони 423 нафарга етди.

Айни пайтда Ўзбекистонда 46 645 (92 фоиз) коронавирус инфекциясига чалинган фуқаролар соғайган.

677

Путин Россия нега гипертовушли қурол яратишга мажбур бўлганини айтди

29
Россия президенти Владимир Путин Россиянинг гипертовушли қурол яратиш сабабларини маълум қилди. Бунга АҚШнинг ракетага қарши мудофаа бўйича шартномадан чиқиб кетиши туртки бўлган.

ТОШКЕНТ, 20 сен — Sputnik. Россия президенти Владимир Путин Россиянинг гипертовушли қурол яратиш сабабларини маълум қилди. Бу ҳақда у “ВПК “НПО машиностроения” ОАЖ фахрий бош қурувчиси, бош директори Герберт Ефремов билан видеоконференция вақтида маълум қилди.

Путиннинг сўзларига кўра, АҚШ ракетага қарши мудофаа бўйича шартномадан чиқиб кетганидан сўнг Москва ушбу қуролни яратишга мажбур бўлган.

“Америка Қўшма Штатларининг 2002 йилда Ракетага қарши мудофаа бўйича шартномадан чиқиши Россияни гипертовушли қурол ишлаб чиқаришга киришишга мажбур қилди. Келгусида бутун ядро потенциалимизни амалда йўқ қилиш хусусиятига эга бўлиши мумкин бўлган АҚШнинг Ракетага қарши мудофаа стратегик тизимини кенгайтиришига жавобан бу қуролни яратишимиз шарт эди”, - деди Путин.

Путин ҳозир Россия илк бор энг янги тарихда энг замонавий қурол турларига эга эканлигини таъкидлади. Ҳозирда бундай қурол ҳеч кимда йўқ.

Ракетный комплекс Авангард
Министерство обороны РФ
Ракетный комплекс "Авангард"

“Ўнлаб йиллар давомида биз доим қувувчи ролида бўлишимизга тўғри келди, сиз буни яхши биласиз. Бу атом, ядро қуроллари, сўнгра стратегик авиация, ундан кейин қитъалараро ракета техникаси соҳаларида. Мана энди, янги тарихимизда илк бор Россия энг замонавий қурол турларига эга, улар бугунги кунда мавжуд барча қуроллардан кучи, тезлиги, аниқлиги бўйича бир неча баравар устун, бундай қурол ҳеч кимда йўқ, ҳар ҳолда, ҳозирча йўқ", - деди у.

© Sputnik / Михаил Климентьев
Герберт Ефремов — почетный генеральный директор, почетный генеральный конструктор НПО Машиностроения, советник главы корпорации по науке

Россия етакчиси суҳбат давомида “Авангард” гипертовушли мажмуасини айнан Герберт Ефремов яратганини маълум қилди.

29