Витрина с лекарственными препаратами. Архивное фото

Америка компанияси "Дори-Дармон" аптекалар тармоғини бошқариш ҳуқуқидан маҳрум этилди

413
АҚШ компанияси 3 ойдан сўнг Ўзбекистондаги йирик дорихона тармоғини ишончли бошқариш ҳуқуқидан маҳрум қилинди. Америкалик фармсаноат профессионаллари шу жумладан, республикада мутахассисларни ўқитишлари керак эди

ТОШКЕНТ, 28 фев - Sputnik. Дори-Дармон” АК кузатув кенгашининг тегишли қарори билан 2019 йилнинг 27 февралидан компания бошқаруви раиси раиси Азимов Равшан Рустамович ваколати муддатидан олдин тугатилган.

Кузатув кенгашининг мазкур қарори билан, шунингдек, Салиҳбоева Умида Саидовна "Дори-Дармон" АК бошқаруви раиси вазифасини вақтинча бажарувчи этиб тайинланган.

Шунингдек, илгари юборилган билдиришнома асосида Давлат активларини бошқариш маркази томонидан "Дори-Дармон" АК устав капиталидаги давлат улушини ишончли бошқарувга бериш тўғрисидаги битим бекор қилинган.

Эслатиб ўтамиз, ўтган йилнинг декабрь ойида United Investment Healthcare Group (АҚШ) компанияси шўъба тузилмаси билан ишончли бошқарув тўғрисидаги битим имзоланган эди.

413
Узбекские студенты сдают вступительные экзамены под открытым небом в Ташкенте

"Талабаликка тавсия этилдингиз": ДТМ мандат қачон эълон қилинишини айтди

678
Ҳозирда барча олий таълим муассасаларидан касбий (ижодий) имтиҳон натижалари ягона базага йиғилмоқда ва бу натижалар тест синовлари натижалари билан бирга ҳисобланмоқда.

ТОШКЕНТ, 24 сен - Sputnik. Давлат тест маркази томонидан барча абитуриентларнинг тест синовида тўплаган натижалари бўйича ишлар якунига етган. Бу ҳақда ДТМ матбуот-хизмати хабар бермоқда.

Хабарда имтиҳон натижалари нега кечиктирилгани сабаблари ҳам келтириб ўтилган.

"...жорий йилда кўплаб имтиёзлар (ҳарбий хизматчиларнинг фарзандлари, ИИВ органи ходимлари фарзандлари, ҳарбий қисм қўмондонлиги тавсияномаси, хотин-қизлар ва Сўх тумани учун ажратилган қўшимча қабул кўрсаткичлари ва бошқалар) ҳам тест синовлари орқали талабаликка қабул қилинадиган таълим йўналишларига, ҳам касбий (ижодий) имтиҳон орқали қабул қилинадиган таълим йўналишларига татбиқ этилаётганлиги ҳамда касбий (ижодий) имтиҳонлар 20 сентябрга қадар давом этганлиги сабабли, танлов натижаларини ҳисоблаш ишлари энди якунланмоқда", - дейилади изоҳда.

Қайд этилишича, ҳозирда барча олий таълим муассасаларидан касбий (ижодий) имтиҳон натижалари ягона базага йиғилмоқда ва бу натижалар тест синовлари натижалари билан бирга ҳисобланмоқда.

Мазкур жараён якунига етгач, абитуриентларнинг талабаликка тавсия этилгани ёки этилмагани бўйича белгиланган тартибда тасдиқланган танлов натижаси Давлат тест марказининг расмий веб-сайтида эълон қилинади.

678

Ўзбекистонлик мигрантларни Россиядан қайтариш мақсадида 15та автобус йўлга чиқди

523
(Янгиланган 21:19 23.09.2020)
Ўзбекистон фуқароларини Россиянинг турли ҳудудларидан қайтариш жараённи янада тезлаштириш мақсадида бугун 15 та автобусдан иборат илк карвон Россиянинг Самара вилоятига йўлга чиқди.

ТОШКЕНТ, 23 сен - Sputnik. Ўзбекистон фуқароларини Россиянинг турли ҳудудларидан қайтариш жараённи янада тезлаштириш, биринчи навбатда оғир аҳволда қолган фуқароларни имкон қадар тезроқ Ўзбекистонга олиб келиш мақсадида Россия Федерациясининг тегишли вазирлик ва идоралари билан репатриацион чартер рейслари сонини бир неча маротабага кўпайтиришга эришилди. Бу ҳақда Транспорт вазирлиги хабар бермоқда.

"Республика махсус комиссияси, Транспорт вазирлиги, Ташқи ишлар вазирлиги, ДХХ Чегара қўшинлари, Ички ишлар вазирлиги, Ўзбекистоннинг Қозоғистон ва Россиядаги дипломатик ваколатхоналарининг саъйи-ҳаракатлари билан айни дамда Ўзбекистонга қайтиш истагида бўлган Россия Федерациясининг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилмоқда", - дейилади хабарда.

Мазкур автобус қатновлари Транспорт вазирлиги ҳузуридаги "Uzautotrans service" корхонаси томонидан амалга оширилади. Бугун 15 та автобусдан иборат илк карвон Россиянинг Самара вилоятига йўлга чиқди. Ушбу қатнов барча санитария қоидалари ва Қозоғистон ҳамда Россия Федерацияси томонидан қўйилган талабларга қатъий амал қилган ҳолда бажарилмоқда.

Қатновни бажаришга жалб этилган 40 нафар ҳайдовчиларнинг барчаси йўлга чиқишдан аввал коронавирусга тест топширишди. Лаборатория таҳлили натижаларидан сўнг уларга тегишли маълумотнома берилди. Шундан сўнг, ташувлар хавфсизлигини таъминлаш ва қатнов давомида нималарга эътибор бериш лозимлиги юзасидан йўриқнома ўтказилди.

Шу билан бирга мамлакатнинг турли ҳудудларига мунтазам равишда махсус темир йўл қатновлари ҳам ташкил этилмоқда.   

Қатнов олдидан ҳайдовчиларга махсус йўриқнома ўтказилди.

Режага мувофиқ автобуслар 25 сентябрь куни белгиланган манзилга етиб боришади. Шу куннинг ўзида автобуслар 700 дан ортиқ йўловчиларни олиб Ўзбекистон томон йўлга чиқади.   

Шу ўринда ҳозирда вазирлик Россиянинг турли ҳудудларидан Ўзбекистонга қайтиш истагида бўлиб турган фуқаролардан оммавий равишда Россиянинг Қозоғистон билан чегара олди ҳудудларига тўпланмасликларини сўраб қолган. Бу каби ҳолатлар ҳозирги қалтис эпидемиологик вазиятнинг янада мураккаблашувига, касаллик юқтириб олиш хавфининг ортиб кетишига ва энг ёмони юртдошларимизни ватанга олиб келиш мақсадида катта қийинчиликлар билан амалга оширилаётган саъйи-ҳаракатларнинг чекланишига сабаб бўлиши мумкин, дея огоҳлантиради вазирлик.

523

Фарғонага янги ҳоким тайинланди, Шуҳрат Ғаниев бошқа ишга ўтди

27
(Янгиланган 14:37 25.09.2020)
Наманган ҳокими Фарғонага ҳоким бўлди. Фарҳона ҳокими Шуҳрат Ғаниев эса Бош вазирнинг аграр ва озиқ-овқат соҳаларини ривожлантириш бўйича ўринбосари бўлди.

ТОШКЕНТ, 25 сен - Sputnik. Бугун Фарғона вилоятига янги ҳоким тайинланди, деб хабар қилмоқда маҳаллий ОАВлар. 

25 сентябрь куни, Фарғона шаҳрида Президент администрацияси раҳбари З.Низомиддинов бошчилигида бўлиб ўтган йиғилишда Наманган вилояти ҳокими вазифасида ишлаб келган Хайрулла Бозоров Фарғона вилояти ҳокими этиб тайинланди, - дейилган хабарда.

Фарғона вилояти ҳокими Шуҳрат Ғаниев эса бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тайинланди.

Эслатиб ўтамиз, бироз олдин Наманган вилоятига Хайрулла Бозоров ўрнига Ўзбекистон Экология қўмитаси раҳбари вазифасида ишлаб келган Шавкат Aбдураззоқов ҳоким вазифасини вақтинча бажарувчи этиб тайинланган эди.

 

27