Крыло самолета

Ўзбекистон "Груз-200" бўйича барча ҳаражатларни кўтаради

1161
(Янгиланган 22:03 18.06.2019)
Вазир шунингдек, Ўзбекистон ҳукумати Россия Федерациясининг исталган бурчагида жойлашган вақтинчалик сақлаш марказларидан ҳам ўз фуқароларини ўз ҳисобидан чиқариб кетишга тайёрлигини қўшимча қилди

ТОШКЕНТ, 18 июн - Sputnik. Ўзбекистон бандлик ва меҳнат муносабатлари вазири Шерзод Кудбиев "Груз-200" бўйича барча ҳаражатлар Ўзбекистон томонидан тўланишини маълум қилди.

Бу ҳақда Куддбиев Тошкентда кенгайтирилган тарзда ўтказилган матбуот анжуманида айтди, деб хабар қилмоқда Sputnik Ўзбекистон мухбири.

"Ўзбекистон фуқаролари учун "Груз-200" тўлов жараёнини анча енгиллаштириш қарорини қабул қилдик. Бу борада Россия Федерациясидаги вакилларимизга тегишли топшириқларни берганмиз. Агар аввал "Груз-200" тўловини амалга ошириш учун патент ва солиқ тўловлари квитанцияларини талаб қилган бўлсак, ҳозирда бу ҳужжатлар талаб этилмайди. Ўзбекистон давлати "Груз-200" бўйича ҳаражатларни тўлашни ўз зиммасигак олади. Фақат бир жиҳатни эътиборга олиш муҳим бу ерда, Россия катта давлат, ва агар ҳодиса мамлакатнинг олис нуқтасида содир бўлган бўлса, у ерга етиб бориш ва ҳужжатларни расмийлаштириш жараёни бир оз вақт талаб этиши мумкин", - деди Кудбиев.

Вазир шунингдек, Ўзбекистон ҳукумати Россия Федерациясининг исталган бурчагида жойлашган вақтинчалик сақлаш марказларидан ҳам ўз фуқароларини ўз ҳисобидан чиқариб кетишга тайёрлигини қўшимча қилди.

1161

Россия қатор давлатлар туристлари учун ўз чегарасини очишни режалаштирмоқда

586
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

586
Приемная комиссия филиала РГУ имени Губкина в Ташкенте

Губкин университети филиалида кечки бўлим очилиши мумкин

325
(Янгиланган 14:46 30.05.2020)
Губкин номидаги Россия давлат нефт ва газ университетининг Тошкент шаҳридаги филиали 2020/2021 ўқув йилида 345 нафар талабаларни қабул қилиши кутилмоқда.

ТОШКЕНТ, 30 май - Sputnik. Россия давлат нефт ва газ университетининг филиали кечки бўлим очишни кўзламоқда. Бу ҳақдаги Вазирлар Маҳкамасининг тегишли қарори ҚҲТБТ порталида жойлаштирилган.

И.М. Губкин номидаги Россия давлат нефт ва газ университетининг (МТУ) Тошкент шаҳридаги филиали 2020/2021 ўқув йилида 345 нафар талабаларни қабул қилиши кутилмоқда. Бу ўтган йилдагига нисбатан 85 нафар кўп. Бироқ ўʻтган йиллардан фарқли ўлароқ, умумий квота таълимнинг иккита шакли бўйича тақсимланган: кундузги ва кундузги-сиртқи (кечки).

Шу тариқа, агар лойиҳа ўзгартиришларсиз тасдиқланса, 225 нафар абитуриент кундузги, 120 нафари – сиртқига кириши мумкин. Илгаригидек, кундузги бўлим учун квота Қашқадарё вилоятидаги ҳудудий тайёрлов бўлинмаси (ҲТБ) битирувчилари учун ўринларни ўз ичига олади. Уларга келаётган ўқув йилида 25 та ўрин ажратилади.

325
Председатель Госсовета Корейской Народно-Демократической Республики Ким Чен Ын

Ким Чен Ин эрта ёшдаги интим алоқаларни давлатга хиёнатга тенглаштирди

340
КХДР етакчисига кўра, мактаб ўқувчилари таъқиқланган материаллар ёки кераксиз сайтларга киришмаётганини назорат қилиш учун уларнинг телефонлари ёки бошқа қурилмаларини текшириб бориш зарур

ТОШКЕНТ, 30 май - Sputnik. Шимолий Корея етакчиси Ким Чен Ин ўсмирлар ўртасидаги интим алоқалар туфайли "маънавиятсизлик тобора ўсиб бораётгани" ҳақида гапирди. Бу ҳақда argumenti.ru хабар берган.

Бундан ташқари, у, эрта содир бўладиган жинсий алоқаларни давлатга хиёнатга тенглаштирди. Ёш йигит-қизларнинг бу сингари ўзини тутиши "душманларга жамиятимизни пораканда қилишда қўл келмоқда", дейди КХДР етакчиси.

New York Post нашрида ёзилишича, Ким Чен Ин буларнинг барчасида капитализм ва порнография айбдорлигини, айнан шу туфайли ўсмирлар бузилиб кетганини қайд этган.

"Сўнгги вақтларда катта синф ўқувчилари ахлоқсиз сексуал оғишларда тобора кўпроқ иштирок этмоқда ва Корея ишчи партияси Марказий қўмитаси уларга қарши қатъий чоралар кўриш бўйича директива нашр этди", - деб баёнот қилган Шимолий Корея етакчиси.

Ҳужжатга кўра, ота-оналар ва мактаб раҳбарияти "тарбиясиз ёшлар учун" жавобгар бўладилар.

Ким Чен Ин "жинсий ахлоқсизлик" ўсишини тўхтатиш йўли ҳақида ҳам фикр билдирган. КХДР етакчисига кўра, мактаб ўқувчилари таъқиқланган материаллар ёки ножоиз сайтларга кирмаётганини назорат қилиш учун уларнинг телефонлари ёки бошқа қурилмаларини мунтазам текшириб бориш зарур.

340