Взрыв в Стамбуле

Туркиядаги Ўзбекистон фуқароларига паспортга оид муҳим эслатма билан мурожаат қилинди

393
(Янгиланган 11:08 20.06.2019)
Сўнгги вақтларда ижтимоий тармоқларда Ўзбекистон фуқароси томонидан эски биометрик паспортлар билан боғлиқ хабар тарқатилди.

ТОШКЕНТ, 20 июн – Sputnik. Ўзбекистоннинг Туркиядаги элчихонаси консуллик бўлими Ўзбекистон фуқароларига паспортга оид муҳим эслатма билан мурожаат қилди.

Маълум қилинишича, сўнгги вақтларда, жумладан, 2019 йил 18 июнь куни ижтимоий тармоқларда Ўзбекистон фуқароси томонидан эски биометрик паспортлар билан боғлиқ хабар тарқатилди. Унда билдирилишича, “Туркиянинг Миграция идораси (Göç İdaresi) эски биометрик (яшил рангли) паспортларга эга фуқаролар учун мазкур мамлакатда вақтинча туриш ҳужжатини 2019 йилнинг 1 ноябрь кунигача бўлган муддатга расмийлаштирмоқда ҳамда ундан кейинги муддатлар учун янги биометрик (қизил рангли) паспортлар талаб этилмоқда”.

“Шу муносабат билан, Элчихона маълум қиладики, Ўзбекистон Республикаси фуқаросининг 2011-йил намунасидаги биометрик паспорти (яшил рангли) Туркияда бўлиш ва ҳаракатланиш учун мазкур паспортнинг амал қилиш муддати тугагунига қадар ҳақиқий ҳисобланади. Бу ҳақида, Туркиянинг тегишли мутасадди ташкилотлари Ўзбекистоннинг Анқарадаги Элчихонаси томонидан Туркия Ташқи ишлар вазирлиги орқали расман хабардор қилинган”. – дейилади ТИВ расмий хабарида.

Таъкидланишича, мазкур масалада муаммо чиққан ҳолатларда, фуқароларнинг элчихона консуллик бўлимига мурожаатлари асосида консуллик бўлими Туркиянинг тегишли идоралари билан қўшимча тарзда алоқага кириши натижасида кўп ҳолларда масала ижобий ҳал этилган. Шунинг билан биргаликда, “Ўзбекистон Республикаси фуқаросининг 2011 йил намунасидаги биометрик паспорти (яшил рангли) Туркияда бўлиш ва ҳаракатланиш учун мазкур паспортнинг амал қилиш муддати тугагунига қадар ҳақиқий ҳисобланиши” тўғрисида Туркия Ташқи ишлар вазирлигига такроран расмий нота юборилган.

Хабарда “Ўзбекистоннинг Туркиядаги элчихонаси томонидан нотўғри нота юборилган”, “эски биометрик паспортлар муддати тугагунча амалда бўлиши турк томонига билдирилмаган”, “янги нота юбориш учун Рамазон таътилларининг ўтиши кутилган” каби иддаолар ҳақиқатга зид эканлиги қайд этилган.

Ўзбекистон ТИВ Ҳиндистондаги фуқароларга муҳим огоҳлантириш билан чиқди

Ҳозирда мамлакатнинг Туркиядаги элчихонаси ушбу масалага ойдинлик киритиш мақсадида Туркиянинг тегишли идоралари билан музокаралар олиб бормоқда.

Ўзбекистоннинг Анқара шаҳридаги элчихонаси консуллик бўлимига телефон орқали маслаҳатлар олиш учун (0312) 441-17-46 телефон рақамига қўнғироқ қилиш мумкин. Шошилинч ва фавқулодда вазиятларда дам олиш кунлари элчихона навбатчи (0312) 441-38-71 телефон рақамига қўнғироқ қилиш мумкин. Эл.почта манзили: uzconsul.ankara@gmail.com. Факс: +90 312 442 70 58.

Ўзбекистоннинг Истанбул шаҳридаги Бош консулхонасига телефон орқали маслаҳатлар олиш учун (+90212) 323-20-37 телефон рақамига қўнғироқ қилиш мумкин. Бош консулхона манзили: Levent Mah. Levent Cad. Lale Sok. No:8 Beşiktaş / İSTANBUL.Телефон: +90212 323 20 37. Факс: +90212 312 20 40. Эл.почта манзили: uzbekconsul@yahoo.com.

Фуқароларга қулайликни таъминлаш мақсадиди элчихона ва бош консулхонада навбатчилик йўлга қўйилган бўлиб, мурожаатлар доимий равишда, шу жумладан дам олиш кунлари ҳам ўз фаолиятини давом эттирмоқдадир.

Бу жараён давомида фойдаланиш учун Ўзбекистоннинг Туркиядаги элчихонаси томонидан Туркиянинг тегишли идораларига тақдим этиш мумкин бўлган расмий маълумотнома тайёрланиб қуйида илова қилинмоқда. Уни фуқаролар тегишли идораларда эркин қўллашлари мумкин.

393

Россиялик туристларни қабул қилишга тайёр мамлакатлар рўйхати очиқланди

66
(Янгиланган 17:33 14.07.2020)
Сал олдин Росавиация халқаро авиаташувларни босқичма-босқич тиклаш схемасини ишлаб чиққан эди. Унга кўра, парвозлар биринчи навбатда эпидемиологик шароити ижобий бўлган давлатлардан  тикланиши мумкин.

ТОШКЕНТ, 14 июл — Sputnik. Саккизта давлат россиялик туристларни маълум шартлар асосида қабул қилишга тайёрлигини эълон қилдилар, деб хабар қилди Россия туроператорлари ассоциацияси (АТОР) ижрочи директори Майя Ломидзе.

"Бу Туркия, Куба, Доминикана, Мексика, Мальдив ороллари, Хорватия, Миср ва Араб Амирликлари. Бу давлатлар шубҳасиз туристик йўналишда бўлиб, уларга Россия бозорида талаб кучли", — деди у.

Шу билан бирга, Ломидзенинг таъкидлашича, барча жойда маълум чекловлар мавжуд. Аксарият ҳолларда гап чегарани кесиб ўтаётганлар COVID-19 йўқлигини тасдиқловчи маълумотнома бўлиши ҳақида бормоқда.

У, шунингдек, тез орада россияликлар учун чегараларини очишга тайёр бўлган давлатлар рўйхати тўлдирилишини қўшимча қилди.

"Ўн олтинчи июль куни Абхазия очилиш-очилмаслиги, икки кун ичида эса Италия давлатларнинг янгиланган рўйхатини тайёрлашга ваъда берган эди. Июль ойи охирига келиб Испания бўйича маълумот кутиляпти", - деди АТОР ижрочи директори.

Сал олдин Росавиация халқаро авиаташувларни босқичма-босқич тиклаш схемасини ишлаб чиққан эди. Унга кўра, парвозлар биринчи навбатда эпидемиологик шароити ижобий бўлган давлатларга  тикланиши мумкин.

66
Глава Агентства информации и массовых коммуникаций Комил Алламжонов

Комил Алламжонов COVID-19 билан беморланганини маълум қилди

529
(Янгиланган 15:16 11.07.2020)
Алламжонов коронавирус аломатларини сезган инсонларга зинҳор тушкунликка тушмасликни маслаҳат берган. Энг муҳими, ташхис тўғри қўйилмасдан турли дори воситаларини ичиш мумкин эмаслиги, бу организмга ўз салбий таъсирини кўрсатишини эслатиб ўтган

ТОШКЕНТ, 11 июл - Sputnik. Миллий масс-медиани қўллаб-қувватлаш ва ривожлантириш жамоат фонди васийлик кенгаши раиси Комил Алламжонов янги турдаги коронавирус - COVID-19 билан беморланганини маълум қилди. Алламжонов бу ҳақда ўзининг телеграмм саҳифасида эълон қилган видеомурожаатида сўзлаган.

Унинг айтишича, бундан бир неча кунлар олдин унда ҳарорат кўтарилиши ва ҳолсизлик сезилган, баданида, мушакларида турли оғриқлар пайдо бўлган. Тест топшириб кўрганида, унда коронавирус инфекцияси борлиги аниқланган. Шундан сўнг у ўз уйида, яқинларидан изоляцияда бўлган ҳолда ушбу касалликни бошдан кечирган.

Алламжоновнинг айтишича, у ҳозирда соғайган ва оила-аъзолари билан мулоқотга киришган.

Комил Алламжонов ушбу касаллик белгиларини ўзида сезган инсонларга зудлик билан шифокорга мурожаат қилишни маслаҳат берган.

"Ўз ҳолингизча бирон бир муолажаларни қилишдан тийилинг, чунки коронавирусга (қарши) деб кўплаб дориларни тавсия қилишаяпти интернетда, коронавирусга (қарши) деб турли протоколларни эълон қилишаяпти, мен бу нарсаларни қилмасликка чақирган бўлардим. Чунки саломатлигингизга зиён етказиб қўйишингиз мумкин. Ўзингизни эҳтиёт қилинг, муҳими тушкунликка тушманг, чунки бу касалликнинг давоси бор", - дея якунлаган мурожаатини Алламжонов.

Эслатиб ўтамиз, Ўзбекистонда коронавирус инфекцияси қайд этилганлар сони 11 июль ҳолатига кўра, 179 тага кўпайди ва 12206 нафарни ташкил этмоқда.

529
Денежные купюры

“Ҳар бир оила тадбиркор” дастури учун қўшимча 98 млн доллар ажратилди

10
Маблағ пандемия шароитида турмуш шароити оғирлашган оилаларнинг бандлигини таъминлаш орқали уларга даромад манбаини яратиш мақсадида ажратилган.

ТОШКЕНТ, 14 июл — Sputnik. “Ҳар бир оила – тадбиркор” дастурини ҳамда Наманган вилоятидаги кичик саноат зоналарини ривожлантиришни молиялаштиришга доир қўшимча чора-тадбирлар тўғрисида” президент қарори қабул қилинди.

Қарорга мувофиқ, коронавирус пандемияси шароитида ижтимоий аҳволи ва турмуш шароити оғирлашган оилаларнинг бандлигини таъминлаш орқали уларга даромад манбаини яратиш мақсадида Тикланиш ва тараққиёт жамғармасидан “Ҳар бир оила – тадбиркор” дастури учун қўшимча равишда 98 миллион АҚШ доллари:

- “Агробанк” АТБга – 40 миллион АҚШ доллари;

- АТ Халқ банкига – 30 миллион АҚШ доллари;

- “Микрокредитбанк” АТБга – 28 миллион АҚШ доллари эквивалентида маблағлар ажратилиши белгиланди.

Шунингдек, қарор билан микромолиявий хизматлар кўрсатувчи ташкилотлар ҳамда нодавлат нотижорат ташкилотларига ёшлар ва хотин-қизларни кичик тадбиркорликка жалб қилиш лойиҳаларини қўллаб-қувватлашга – 2 миллион АҚШ доллари;

Наманган вилоятидаги кичик саноат зоналари фаолиятини янада ривожлантириш учун Наманган вилояти ҳокимлигига – 50 миллион АҚШ доллари ажратилади.

10